| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੧੩. ਤੇਰਸਮવਗ੍ਗੋ
13. Terasamavaggo
(੧੨੬) ੧. ਕਪ੍ਪਟ੍ਠਕਥਾ
(126) 1. Kappaṭṭhakathā
੬੫੪. ਕਪ੍ਪਟ੍ਠੋ ਕਪ੍ਪਂ ਤਿਟ੍ਠੇਯ੍ਯਾਤਿ? ਆਮਨ੍ਤਾ। ਕਪ੍ਪੋ ਚ ਸਣ੍ਠਾਤਿ ਬੁਦ੍ਧੋ ਚ ਲੋਕੇ ਉਪ੍ਪਜ੍ਜਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…। ਕਪ੍ਪਟ੍ਠੋ ਕਪ੍ਪਂ ਤਿਟ੍ਠੇਯ੍ਯਾਤਿ? ਆਮਨ੍ਤਾ। ਕਪ੍ਪੋ ਚ ਸਣ੍ਠਾਤਿ ਸਙ੍ਘੋ ਚ ਭਿਜ੍ਜਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਕਪ੍ਪਟ੍ਠੋ ਕਪ੍ਪਂ ਤਿਟ੍ਠੇਯ੍ਯਾਤਿ? ਆਮਨ੍ਤਾ। ਕਪ੍ਪੋ ਚ ਸਣ੍ਠਾਤਿ ਕਪ੍ਪਟ੍ਠੋ ਚ ਕਪ੍ਪਟ੍ਠਿਯਂ ਕਮ੍ਮਂ ਕਰੋਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਕਪ੍ਪਟ੍ਠੋ ਕਪ੍ਪਂ ਤਿਟ੍ਠੇਯ੍ਯਾਤਿ? ਆਮਨ੍ਤਾ। ਕਪ੍ਪੋ ਚ ਸਣ੍ਠਾਤਿ ਕਪ੍ਪਟ੍ਠੋ ਚ ਪੁਗ੍ਗਲੋ ਕਾਲਂ ਕਰੋਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
654. Kappaṭṭho kappaṃ tiṭṭheyyāti? Āmantā. Kappo ca saṇṭhāti buddho ca loke uppajjatīti? Na hevaṃ vattabbe…pe…. Kappaṭṭho kappaṃ tiṭṭheyyāti? Āmantā. Kappo ca saṇṭhāti saṅgho ca bhijjatīti? Na hevaṃ vattabbe…pe… kappaṭṭho kappaṃ tiṭṭheyyāti? Āmantā. Kappo ca saṇṭhāti kappaṭṭho ca kappaṭṭhiyaṃ kammaṃ karotīti? Na hevaṃ vattabbe…pe… kappaṭṭho kappaṃ tiṭṭheyyāti? Āmantā. Kappo ca saṇṭhāti kappaṭṭho ca puggalo kālaṃ karotīti? Na hevaṃ vattabbe…pe….
੬੫੫. ਕਪ੍ਪਟ੍ਠੋ ਕਪ੍ਪਂ ਤਿਟ੍ਠੇਯ੍ਯਾਤਿ? ਆਮਨ੍ਤਾ। ਅਤੀਤਂ ਕਪ੍ਪਂ ਤਿਟ੍ਠੇਯ੍ਯ, ਅਨਾਗਤਂ ਕਪ੍ਪਂ ਤਿਟ੍ਠੇਯ੍ਯਾਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਕਪ੍ਪਟ੍ਠੋ ਕਪ੍ਪਂ ਤਿਟ੍ਠੇਯ੍ਯਾਤਿ? ਆਮਨ੍ਤਾ। ਦ੍વੇ ਕਪ੍ਪੇ ਤਿਟ੍ਠੇਯ੍ਯ… ਤਯੋ ਕਪ੍ਪੇ ਤਿਟ੍ਠੇਯ੍ਯ… ਚਤ੍ਤਾਰੋ ਕਪ੍ਪੇ ਤਿਟ੍ਠੇਯ੍ਯਾਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
655. Kappaṭṭho kappaṃ tiṭṭheyyāti? Āmantā. Atītaṃ kappaṃ tiṭṭheyya, anāgataṃ kappaṃ tiṭṭheyyāti? Na hevaṃ vattabbe…pe… kappaṭṭho kappaṃ tiṭṭheyyāti? Āmantā. Dve kappe tiṭṭheyya… tayo kappe tiṭṭheyya… cattāro kappe tiṭṭheyyāti? Na hevaṃ vattabbe…pe….
੬੫੬. ਕਪ੍ਪਟ੍ਠੋ ਕਪ੍ਪਂ ਤਿਟ੍ਠੇਯ੍ਯਾਤਿ? ਆਮਨ੍ਤਾ। ਕਪ੍ਪਟ੍ਠੋ ਕਪ੍ਪੇ ਡਯ੍ਹਨ੍ਤੇ ਕਤ੍ਥ ਗਚ੍ਛਤੀਤਿ? ਅਞ੍ਞਂ ਲੋਕਧਾਤੁਂ ਗਚ੍ਛਤੀਤਿ। ਮਤੋ ਗਚ੍ਛਤਿ, વੇਹਾਸਂ ਗਚ੍ਛਤੀਤਿ? ਮਤੋ ਗਚ੍ਛਤੀਤਿ। ਕਪ੍ਪਟ੍ਠਿਯਂ ਕਮ੍ਮਂ ਅਪਰਾਪਰਿਯવੇਪਕ੍ਕਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰… 1 વੇਹਾਸਂ ਗਚ੍ਛਤੀਤਿ? ਆਮਨ੍ਤਾ 2। ਕਪ੍ਪਟ੍ਠੋ ਇਦ੍ਧਿਮਾਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਕਪ੍ਪਟ੍ਠੋ ਇਦ੍ਧਿਮਾਤਿ? ਆਮਨ੍ਤਾ। ਕਪ੍ਪਟ੍ਠੇਨ ਛਨ੍ਦਿਦ੍ਧਿਪਾਦੋ ਭਾવਿਤੋ વੀਰਿਯਿਦ੍ਧਿਪਾਦੋ ਭਾવਿਤੋ ਚਿਤ੍ਤਿਦ੍ਧਿਪਾਦੋ ਭਾવਿਤੋ વੀਮਂਸਿਦ੍ਧਿਪਾਦੋ ਭਾવਿਤੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
656. Kappaṭṭho kappaṃ tiṭṭheyyāti? Āmantā. Kappaṭṭho kappe ḍayhante kattha gacchatīti? Aññaṃ lokadhātuṃ gacchatīti. Mato gacchati, vehāsaṃ gacchatīti? Mato gacchatīti. Kappaṭṭhiyaṃ kammaṃ aparāpariyavepakkanti? Na hevaṃ vattabbe…pe… 3 vehāsaṃ gacchatīti? Āmantā 4. Kappaṭṭho iddhimāti? Na hevaṃ vattabbe…pe… kappaṭṭho iddhimāti? Āmantā. Kappaṭṭhena chandiddhipādo bhāvito vīriyiddhipādo bhāvito cittiddhipādo bhāvito vīmaṃsiddhipādo bhāvitoti? Na hevaṃ vattabbe…pe….
੬੫੭. ਨ વਤ੍ਤਬ੍ਬਂ – ‘‘ਕਪ੍ਪਟ੍ਠੋ ਕਪ੍ਪਂ ਤਿਟ੍ਠੇਯ੍ਯਾ’’ਤਿ? ਆਮਨ੍ਤਾ। ਨਨੁ વੁਤ੍ਤਂ ਭਗવਤਾ –
657. Na vattabbaṃ – ‘‘kappaṭṭho kappaṃ tiṭṭheyyā’’ti? Āmantā. Nanu vuttaṃ bhagavatā –
‘‘ਆਪਾਯਿਕੋ ਨੇਰਯਿਕੋ, ਕਪ੍ਪਟ੍ਠੋ ਸਙ੍ਘਭੇਦਕੋ।
‘‘Āpāyiko nerayiko, kappaṭṭho saṅghabhedako;
વਗ੍ਗਰਤੋ ਅਧਮ੍ਮਟ੍ਠੋ, ਯੋਗਕ੍ਖੇਮਾ ਪਧਂਸਤਿ।
Vaggarato adhammaṭṭho, yogakkhemā padhaṃsati;
ਅਤ੍ਥੇવ ਸੁਤ੍ਤਨ੍ਤੋਤਿ? ਆਮਨ੍ਤਾ। ਤੇਨ ਹਿ ਕਪ੍ਪਟ੍ਠੋ ਕਪ੍ਪਂ ਤਿਟ੍ਠੇਯ੍ਯਾਤਿ।
Attheva suttantoti? Āmantā. Tena hi kappaṭṭho kappaṃ tiṭṭheyyāti.
ਕਪ੍ਪਟ੍ਠਕਥਾ ਨਿਟ੍ਠਿਤਾ।
Kappaṭṭhakathā niṭṭhitā.
Footnotes:
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੧. ਕਪ੍ਪਟ੍ਠਕਥਾવਣ੍ਣਨਾ • 1. Kappaṭṭhakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੧. ਕਪ੍ਪਟ੍ਠਕਥਾવਣ੍ਣਨਾ • 1. Kappaṭṭhakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੧. ਕਪ੍ਪਟ੍ਠਕਥਾવਣ੍ਣਨਾ • 1. Kappaṭṭhakathāvaṇṇanā
