| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
5. габбад̇т̇зраг̇аат̇ааван̣н̣анаа
5. Kappattheragāthāvaṇṇanā
наанаагуламаласамбун̣н̣од̇иаад̣̇игаа ааяасмад̇о габбад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани убажинанд̇о сид̣̇д̇хад̇т̇асса бхаг̇авад̇о гаалз вибхавасамбаннз гулз ниб̣б̣ад̇д̇ид̇ваа бид̇у ажжаязна вин̃н̃уд̇ам̣ бад̇д̇о наанаавирааг̇аван̣н̣авижид̇д̇зхи вад̇т̇зхи анзгавид̇хзхи аабхаран̣зхи наанаавид̇хзхи ман̣ирад̇анзхи б̣ахувид̇хзхи бубпад̣̇аамамаалаад̣̇ийхи жа габбаругкам̣ наама алан̇гарид̇ваа д̇зна сад̇т̇у т̇уубам̣ бууж̇зси. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з маг̇ад̇харадтз ман̣д̣алигарааж̇агулз ниб̣б̣ад̇д̇ид̇ваа бид̇у ажжаязна раж̇ж̇з бад̇идтид̇о гаамзсу ад̇ивияа рад̇д̇о г̇ид̣̇д̇хо худ̇ваа вихарад̇и. д̇ам̣ сад̇т̇аа махаагарун̣аасамаабад̇д̇ид̇о вудтааяа логам̣ вологзнд̇о н̃аан̣аж̇аалз бан̃н̃ааяамаанам̣ д̣̇исваа, ‘‘гим̣ ну ко бхависсад̇ий’’д̇и ааваж̇ж̇знд̇о, ‘‘зса мама санд̇игз асубхагат̇ам̣ суд̇ваа гаамзсу вирад̇д̇ажид̇д̇о худ̇ваа баб̣б̣аж̇ид̇ваа арахад̇д̇ам̣ баабун̣иссад̇ий’’д̇и н̃ад̇ваа аагаасзна д̇ад̇т̇а г̇анд̇ваа –
Nānākulamalasampuṇṇotiādikā āyasmato kappattherassa gāthā. Kā uppatti? Ayampi purimabuddhesu katādhikāro tattha tattha bhave puññāni upacinanto siddhatthassa bhagavato kāle vibhavasampanne kule nibbattitvā pitu accayena viññutaṃ patto nānāvirāgavaṇṇavicittehi vatthehi anekavidhehi ābharaṇehi nānāvidhehi maṇiratanehi bahuvidhehi pupphadāmamālādīhi ca kapparukkhaṃ nāma alaṅkaritvā tena satthu thūpaṃ pūjesi. So tena puññakammena devamanussesu saṃsaranto imasmiṃ buddhuppāde magadharaṭṭhe maṇḍalikarājakule nibbattitvā pitu accayena rajje patiṭṭhito kāmesu ativiya ratto giddho hutvā viharati. Taṃ satthā mahākaruṇāsamāpattito vuṭṭhāya lokaṃ volokento ñāṇajāle paññāyamānaṃ disvā, ‘‘kiṃ nu kho bhavissatī’’ti āvajjento, ‘‘esa mama santike asubhakathaṃ sutvā kāmesu virattacitto hutvā pabbajitvā arahattaṃ pāpuṇissatī’’ti ñatvā ākāsena tattha gantvā –
567.
567.
‘‘наанаагуламаласамбун̣н̣о , махаауггаарасамбхаво;
‘‘Nānākulamalasampuṇṇo , mahāukkārasambhavo;
жанд̣̇анигам̣ва барибаггам̣, махааг̇ан̣д̣о махааван̣о.
Candanikaṃva paripakkaṃ, mahāgaṇḍo mahāvaṇo.
568.
568.
‘‘буб̣б̣арухирасамбун̣н̣о, г̇уут̇агуубзна г̇аал̣хид̇о;
‘‘Pubbaruhirasampuṇṇo, gūthakūpena gāḷhito;
аабобаг̇гхаран̣о гааяо, сад̣̇аа санд̣̇ад̇и бууд̇игам̣.
Āpopaggharaṇo kāyo, sadā sandati pūtikaṃ.
569.
569.
‘‘садтиган̣д̣арасамб̣анд̇хо, мам̣салзбаналзбид̇о;
‘‘Saṭṭhikaṇḍarasambandho, maṃsalepanalepito;
жаммаган̃жугасаннад̣̇д̇хо, бууд̇игааяо нирад̇т̇аго.
Cammakañcukasannaddho, pūtikāyo niratthako.
570.
570.
‘‘адтисан̇гхаад̇агхадид̇о, нхаарусуд̇д̇аниб̣анд̇хано;
‘‘Aṭṭhisaṅghātaghaṭito, nhārusuttanibandhano;
нзгзсам̣ сам̣г̇ад̇ийбхааваа, габбзд̇и ирияаабат̇ам̣.
Nekesaṃ saṃgatībhāvā, kappeti iriyāpathaṃ.
571.
571.
‘‘д̇хуваббаяаад̇о маран̣ааяа, мажжурааж̇асса санд̇игз;
‘‘Dhuvappayāto maraṇāya, maccurājassa santike;
ид̇хзва чад̣д̣аяид̇ваана, язнагааман̇г̇амо наро.
Idheva chaḍḍayitvāna, yenakāmaṅgamo naro.
572.
572.
‘‘авиж̇ж̇ааяа нивуд̇о гааяо, жад̇уг̇ант̇зна г̇ант̇ид̇о;
‘‘Avijjāya nivuto kāyo, catuganthena ganthito;
огхасам̣сийд̣̇ано гааяо, анусаяааж̇ааламод̇т̇ад̇о.
Oghasaṃsīdano kāyo, anusayājālamotthato.
573.
573.
‘‘бан̃жанийваран̣з яуд̇д̇о, вид̇аггзна самаббид̇о;
‘‘Pañcanīvaraṇe yutto, vitakkena samappito;
д̇ан̣хаамуулзнаануг̇ад̇о, мохажчаад̣̇аначаад̣̇ид̇о.
Taṇhāmūlenānugato, mohacchādanachādito.
574.
574.
‘‘звааяам̣ вад̇д̇ад̇з гааяо, гаммаяанд̇зна яанд̇ид̇о;
‘‘Evāyaṃ vattate kāyo, kammayantena yantito;
самбад̇д̇и жа вибад̇яанд̇аа, наанаабхааво вибаж̇ж̇ад̇и.
Sampatti ca vipatyantā, nānābhāvo vipajjati.
575.
575.
‘‘язмам̣ гааяам̣ мамааяанд̇и, анд̇хаб̣аалаа бут̇уж̇ж̇анаа;
‘‘Yemaṃ kāyaṃ mamāyanti, andhabālā puthujjanā;
вад̣дхзнд̇и гадасим̣ гхорам̣, аад̣̇ияанд̇и бунаб̣бхавам̣.
Vaḍḍhenti kaṭasiṃ ghoraṃ, ādiyanti punabbhavaṃ.
576.
576.
‘‘язмам̣ гааяам̣ виваж̇ж̇знд̇и, г̇уут̇алид̇д̇ам̣ва баннаг̇ам̣;
‘‘Yemaṃ kāyaṃ vivajjenti, gūthalittaṃva pannagaṃ;
бхавамуулам̣ вамид̇ваана, бариниб̣б̣иссанд̇инаасаваа’’д̇и. –
Bhavamūlaṃ vamitvāna, parinibbissantināsavā’’ti. –
имаахи г̇аат̇аахи д̇асса асубхагат̇ам̣ гат̇зси. со сад̇т̇у саммукаа анзгаагааравогаарам̣ яаат̇аавад̇о сарийрасабхаававибхааванам̣ асубхагат̇ам̣ суд̇ваа сагзна гааязна аддийяамаано харааяамаано ж̇иг̇ужчамаано сам̣виг̇г̇ахад̣̇аяо сад̇т̇аарам̣ ванд̣̇ид̇ваа, ‘‘лабхзяяаахам̣, бханд̇з, бхаг̇авад̇о санд̇игз баб̣б̣аж̇ж̇а’’нд̇и баб̣б̣аж̇ж̇ам̣ яаажи. сад̇т̇аа самийбз тид̇аман̃н̃ад̇арам̣ бхигкум̣ аан̣аабзси – ‘‘г̇ажча, бхигку, имам̣ баб̣б̣ааж̇зд̇ваа убасамбаад̣̇зд̇ваа аанзхий’’д̇и. со д̇ам̣ д̇ажабан̃жагагаммадтаанам̣ д̣̇ад̇ваа баб̣б̣ааж̇зси. со кураг̇г̇зязва саха бадисамбхид̣̇аахи арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. д̇зра 1.4.102-107) –
Imāhi gāthāhi tassa asubhakathaṃ kathesi. So satthu sammukhā anekākāravokāraṃ yāthāvato sarīrasabhāvavibhāvanaṃ asubhakathaṃ sutvā sakena kāyena aṭṭīyamāno harāyamāno jigucchamāno saṃviggahadayo satthāraṃ vanditvā, ‘‘labheyyāhaṃ, bhante, bhagavato santike pabbajja’’nti pabbajjaṃ yāci. Satthā samīpe ṭhitamaññataraṃ bhikkhuṃ āṇāpesi – ‘‘gaccha, bhikkhu, imaṃ pabbājetvā upasampādetvā ānehī’’ti. So taṃ tacapañcakakammaṭṭhānaṃ datvā pabbājesi. So khuraggeyeva saha paṭisambhidāhi arahattaṃ pāpuṇi. Tena vuttaṃ apadāne (apa. tera 1.4.102-107) –
‘‘сид̣̇д̇хад̇т̇асса бхаг̇авад̇о, т̇уубасздтасса саммукаа;
‘‘Siddhatthassa bhagavato, thūpaseṭṭhassa sammukhā;
вижид̇д̇ад̣̇уссз лаг̇зд̇ваа, габбаругкам̣ табзсахам̣.
Vicittadusse lagetvā, kapparukkhaṃ ṭhapesahaṃ.
‘‘яам̣ яам̣ яонубабаж̇ж̇аами, д̣̇звад̇д̇ам̣ ат̇а маанусам̣;
‘‘Yaṃ yaṃ yonupapajjāmi, devattaṃ atha mānusaṃ;
собхаяанд̇о мама д̣̇ваарам̣, габбаругко бад̇идтад̇и.
Sobhayanto mama dvāraṃ, kapparukkho patiṭṭhati.
‘‘ахан̃жа барисаа жзва, яз гзжи мамавассид̇аа;
‘‘Ahañca parisā ceva, ye keci mamavassitā;
д̇амхаа д̣̇уссам̣ г̇ахзд̇ваана, ниваасзма маяам̣ сад̣̇аа.
Tamhā dussaṃ gahetvāna, nivāsema mayaṃ sadā.
‘‘жад̇уннавуд̇ид̇о габбз, яам̣ ругкам̣ табаяим̣ ахам̣;
‘‘Catunnavutito kappe, yaṃ rukkhaṃ ṭhapayiṃ ahaṃ;
д̣̇уг̇г̇ад̇им̣ наабхиж̇аанаами, габбаругкассид̣̇ам̣ палам̣.
Duggatiṃ nābhijānāmi, kapparukkhassidaṃ phalaṃ.
‘‘ид̇о жа сад̇д̇амз габбз, сужзл̣аа адта кад̇д̇ияаа;
‘‘Ito ca sattame kappe, suceḷā aṭṭha khattiyā;
сад̇д̇арад̇анасамбаннаа, жаггавад̇д̇ий махаб̣б̣алаа.
Sattaratanasampannā, cakkavattī mahabbalā.
‘‘бадисамбхид̣̇аа жад̇ассо…бз… гад̇ам̣ б̣уд̣̇д̇хасса саасана’’нд̇и.
‘‘Paṭisambhidā catasso…pe… kataṃ buddhassa sāsana’’nti.
арахад̇д̇ам̣ бана бад̇ваа лад̣̇д̇хуубасамбад̣̇о сад̇т̇аарам̣ убасан̇гамид̇ваа ванд̣̇ид̇ваа згаманд̇ам̣ нисинно ан̃н̃ам̣ б̣яаагаронд̇о д̇аа зва г̇аат̇аа абхааси. д̇знзва д̇аа т̇зраг̇аат̇аа наама ж̇аад̇аа.
Arahattaṃ pana patvā laddhūpasampado satthāraṃ upasaṅkamitvā vanditvā ekamantaṃ nisinno aññaṃ byākaronto tā eva gāthā abhāsi. Teneva tā theragāthā nāma jātā.
д̇ад̇т̇а наанаагуламаласамбун̣н̣од̇и, наанаагулзхи наанаабхааг̇зхи малзхи самбун̣н̣о, гзсаломаад̣̇инаанаавид̇хаасужигодтаасабхарид̇од̇и ад̇т̇о. махаауггаарасамбхавод̇и, уггааро вужжад̇и важжагуубам̣. яад̇д̇агаваяаа маад̇аа, д̇ад̇д̇агам̣ гаалам̣ гаарабарисзд̣̇ид̇аважжагуубасад̣̇исад̇ааяа маад̇у гужчи ид̇ха ‘‘махаауггааро’’д̇и ад̇хиббзд̇о. со гужчи самбхаво уббад̇д̇идтаанам̣ зд̇ассаад̇и махаауггаарасамбхаво. жанд̣̇анигам̣ваад̇и жанд̣̇анигам̣ наама ужчидтод̣̇агаг̇аб̣бхамалаад̣̇ийнам̣ чад̣д̣анадтаанам̣, яам̣ ж̇ан̣н̣умад̇д̇ам̣ асужибхарид̇амби ход̇и, д̇аад̣̇исанд̇и ад̇т̇о. барибагганд̇и, барин̣ад̇ам̣ бураан̣ам̣. д̇зна яат̇аа жан̣д̣аалаг̇аамад̣̇ваарз нид̣̇аагхасамаяз т̇уллапусид̇агз д̣̇звз вассанд̇з уд̣̇агзна самубаб̣яуул̣хамуд̇д̇агарийсаадтижамманхаарукан̣д̣акзл̣асин̇гхаан̣игаад̣̇инаанаагун̣абабхарид̇ам̣ гад̣̇д̣̇амод̣̇агаалул̣ид̇ам̣ гад̇ибаяад̣̇ивасаад̇иггамзна сам̣ж̇аад̇а гимигулаагулам̣ суурияаад̇абасанд̇аабагут̇ид̇ам̣ убари пзн̣абуб̣б̣ул̣агаани мун̃жанд̇ам̣ абхинийлаван̣н̣ам̣ барамад̣̇уг̇г̇анд̇хам̣ ж̇зг̇ужчам̣ жанд̣̇анигааваадам̣ нзва убаг̇анд̇ум̣, на д̣̇адтум̣ арахаруубам̣ худ̇ваа д̇идтад̇и, д̇ат̇ааруубояам̣ гааяод̇и д̣̇ассзд̇и. сад̣̇аа д̣̇угкад̇аамуулаяог̇ад̇о асужибаг̇гхаран̣ад̇о уббаад̣̇аж̇араамаран̣зхи уд̣̇д̇хумааяанабарибажжанабхиж̇ж̇анасабхаавад̇д̇аа жа маханд̇о г̇ан̣д̣о вияаад̇и махааг̇ан̣д̣о. саб̣б̣ад̇т̇агамзва д̣̇угкавзд̣̇анаануб̣ад̣̇д̇хад̇д̇аа г̇ан̣д̣аанам̣ саханад̇о асуживиссанд̣̇анад̇о жа маханд̇о ван̣о вияаад̇и махааван̣о г̇уут̇агуубзна г̇аал̣ид̇од̇и, важжагуубзна важжзнзва ваа бхарид̇о. ‘‘г̇уут̇агуубаниг̇аал̣хид̇о’’д̇иби баал̣и, важжагуубад̇о нигканд̇од̇и ад̇т̇о. аабобаг̇гхаран̣о гааяо, сад̣̇аа санд̣̇ад̇и бууд̇иганд̇и, аяам̣ гааяо аабод̇хаад̇уяаа сад̣̇аа баг̇гхаран̣асийло, д̇ан̃жа ко бид̇д̇асзмхасзд̣̇амуд̇д̇аад̣̇игам̣ бууд̇игам̣ асужим̣язва санд̣̇ад̇и, на гад̣̇аажи сужинд̇и ад̇т̇о.
Tattha nānākulamalasampuṇṇoti, nānākulehi nānābhāgehi malehi sampuṇṇo, kesalomādinānāvidhaasucikoṭṭhāsabharitoti attho. Mahāukkārasambhavoti, ukkāro vuccati vaccakūpaṃ. Yattakavayā mātā, tattakaṃ kālaṃ kārapariseditavaccakūpasadisatāya mātu kucchi idha ‘‘mahāukkāro’’ti adhippeto. So kucchi sambhavo uppattiṭṭhānaṃ etassāti mahāukkārasambhavo. Candanikaṃvāti candanikaṃ nāma ucchiṭṭhodakagabbhamalādīnaṃ chaḍḍanaṭṭhānaṃ, yaṃ jaṇṇumattaṃ asucibharitampi hoti, tādisanti attho. Paripakkanti, pariṇataṃ purāṇaṃ. Tena yathā caṇḍālagāmadvāre nidāghasamaye thullaphusitake deve vassante udakena samupabyūḷhamuttakarīsaaṭṭhicammanhārukhaṇḍakheḷasiṅghāṇikādinānākuṇapabharitaṃ kaddamodakāluḷitaṃ katipayadivasātikkamena saṃjāta kimikulākulaṃ sūriyātapasantāpakuthitaṃ upari pheṇapubbuḷakāni muñcantaṃ abhinīlavaṇṇaṃ paramaduggandhaṃ jegucchaṃ candanikāvāṭaṃ neva upagantuṃ, na daṭṭhuṃ araharūpaṃ hutvā tiṭṭhati, tathārūpoyaṃ kāyoti dasseti. Sadā dukkhatāmūlayogato asucipaggharaṇato uppādajarāmaraṇehi uddhumāyanaparipaccanabhijjanasabhāvattā ca mahanto gaṇḍo viyāti mahāgaṇḍo. Sabbatthakameva dukkhavedanānubaddhattā gaṇḍānaṃ sahanato asucivissandanato ca mahanto vaṇo viyāti mahāvaṇo gūthakūpena gāḷitoti, vaccakūpena vacceneva vā bharito. ‘‘Gūthakūpanigāḷhito’’tipi pāḷi, vaccakūpato nikkhantoti attho. Āpopaggharaṇo kāyo, sadā sandati pūtikanti, ayaṃ kāyo āpodhātuyā sadā paggharaṇasīlo, tañca kho pittasemhasedamuttādikaṃ pūtikaṃ asuciṃyeva sandati, na kadāci sucinti attho.
садтиган̣д̣арасамб̣анд̇ход̇и , г̇ийвааяа убаримабхааг̇ад̇о бадтааяа сарийрам̣ винад̣̇д̇хамаанаа сарийрасса буримабажчимад̣̇агкин̣аваамабассзсу бажжзгам̣ бан̃жа бан̃жа гад̇ваа вийсад̇и, хад̇т̇абаад̣̇з винад̣̇д̇хамаанаа д̇зсам̣ буримабажчимабассзсу бан̃жа бан̃жа гад̇ваа жад̇д̇аалийсаад̇и садтияаа ган̣д̣арзхи махаанхааруухи саб̣б̣асо б̣ад̣̇д̇хо винад̣̇д̇ход̇и садтиган̣д̣арасамб̣анд̇хо. мам̣салзбаналзбид̇од̇и, мам̣сасан̇каад̇зна лзбанзна лид̇д̇о, навамам̣сабзсисад̇аанулид̇д̇од̇и ад̇т̇о. жаммаган̃жугасаннад̣̇д̇ход̇и, жаммасан̇каад̇зна ган̃жугзна саб̣б̣асо онад̣̇д̇хо барияонад̣̇д̇хо барижчинно. бууд̇игааяод̇и, саб̣б̣асо бууд̇иг̇анд̇хиго гааяо. нирад̇т̇агод̇и, ниббаяож̇ано. ан̃н̃зсан̃хи баан̣ийнам̣ гааяо жаммаад̣̇ивинияог̇зна сияаа саббаяож̇ано, на д̇ат̇аа мануссагааяод̇и. адтисан̇гхаад̇агхадид̇од̇и, ад̇ирзгад̇исад̇аанам̣ адтийнам̣ сан̇гхаад̇зна гхадид̇о самб̣анд̇хо. нхаарусуд̇д̇аниб̣анд̇ханод̇и, суд̇д̇асад̣̇исзхи навахи нхаарусад̇зхи ниб̣анд̇хид̇о. нзгзсам̣ сам̣г̇ад̇ийбхааваад̇и, жад̇умахаабхууд̇аж̇ийвид̇инд̣̇рияаассаасабассаасавин̃н̃аан̣аад̣̇ийнам̣ самавааяасамб̣анд̇хзна суд̇д̇амзрагасамавааязна яанд̇ам̣ вияа таанаад̣̇иирияаабат̇ам̣ габбзд̇и.
Saṭṭhikaṇḍarasambandhoti , gīvāya uparimabhāgato paṭṭhāya sarīraṃ vinaddhamānā sarīrassa purimapacchimadakkhiṇavāmapassesu paccekaṃ pañca pañca katvā vīsati, hatthapāde vinaddhamānā tesaṃ purimapacchimapassesu pañca pañca katvā cattālīsāti saṭṭhiyā kaṇḍarehi mahānhārūhi sabbaso baddho vinaddhoti saṭṭhikaṇḍarasambandho. Maṃsalepanalepitoti, maṃsasaṅkhātena lepanena litto, navamaṃsapesisatānulittoti attho. Cammakañcukasannaddhoti, cammasaṅkhātena kañcukena sabbaso onaddho pariyonaddho paricchinno. Pūtikāyoti, sabbaso pūtigandhiko kāyo. Niratthakoti, nippayojano. Aññesañhi pāṇīnaṃ kāyo cammādiviniyogena siyā sappayojano, na tathā manussakāyoti. Aṭṭhisaṅghātaghaṭitoti, atirekatisatānaṃ aṭṭhīnaṃ saṅghātena ghaṭito sambandho. Nhārusuttanibandhanoti, suttasadisehi navahi nhārusatehi nibandhito. Nekesaṃ saṃgatībhāvāti, catumahābhūtajīvitindriyaassāsapassāsaviññāṇādīnaṃ samavāyasambandhena suttamerakasamavāyena yantaṃ viya ṭhānādiiriyāpathaṃ kappeti.
д̇хуваббаяаад̇о маран̣ааяаад̇и, маран̣асса ад̇т̇ааяа зганд̇аг̇амано, ниб̣б̣ад̇д̇ид̇о бадтааяа маран̣ам̣ бад̇и бавад̇д̇о. д̇ад̇о зва мажжурааж̇асса маран̣асса санд̇игз тид̇о. ид̇хзва чад̣д̣аяид̇ваанаад̇и, имасмим̣язва логз гааяам̣ чад̣д̣зд̇ваа, яат̇ааружид̇адтаанаг̇аамий аяам̣ сад̇д̇о, д̇асмаа ‘‘бахааяа г̇аманийяо аяам̣ гааяо’’д̇и звамби сан̇г̇о на гаад̇аб̣б̣од̇и д̣̇ассзд̇и.
Dhuvappayāto maraṇāyāti, maraṇassa atthāya ekantagamano, nibbattito paṭṭhāya maraṇaṃ pati pavatto. Tato eva maccurājassa maraṇassa santike ṭhito. Idheva chaḍḍayitvānāti, imasmiṃyeva loke kāyaṃ chaḍḍetvā, yathārucitaṭṭhānagāmī ayaṃ satto, tasmā ‘‘pahāya gamanīyo ayaṃ kāyo’’ti evampi saṅgo na kātabboti dasseti.
авиж̇ж̇ааяа нивуд̇од̇и, авиж̇ж̇аанийваран̣зна нивуд̇о бадижчаад̣̇ид̇аад̣̇ийнаво, ан̃н̃ат̇аа го зд̇т̇а сан̇г̇ам̣ ж̇анзяяаад̇и ад̇хиббааяо. жад̇уг̇ант̇знаад̇и, абхиж̇жхаагааяаг̇ант̇аад̣̇инаа жад̇уб̣б̣ид̇хзна г̇ант̇зна г̇ант̇ид̇о, г̇ант̇анияабхаавзна винад̣̇д̇хид̇о. огхасам̣сийд̣̇анод̇и, огханияабхаавзна гаамогхаад̣̇ийсу жад̇уусу огхзсу сам̣сийд̣̇анаго. аббахийнабхаавзна санд̇аанз ану ану сзнд̇ийд̇и анусаяаа, гаамарааг̇аад̣̇аяо анусаяаа. д̇зсам̣ ж̇аалзна од̇т̇ад̇о абхибхууд̇од̇и анусаяааж̇ааламод̇т̇ад̇о. магааро бад̣̇асанд̇хигаро, г̇аат̇аасукад̇т̇ам̣ д̣̇ийгхам̣ гад̇ваа вуд̇д̇ам̣. гаамажчанд̣̇аад̣̇инаа бан̃жавид̇хзна нийваран̣зна яуд̇д̇о ад̇химуд̇д̇од̇и бан̃жанийваран̣з яуд̇д̇о, гаран̣ад̇т̇з бхуммаважанам̣.
Avijjāya nivutoti, avijjānīvaraṇena nivuto paṭicchāditādīnavo, aññathā ko ettha saṅgaṃ janeyyāti adhippāyo. Catuganthenāti, abhijjhākāyaganthādinā catubbidhena ganthena ganthito, ganthaniyabhāvena vinaddhito. Oghasaṃsīdanoti, oghaniyabhāvena kāmoghādīsu catūsu oghesu saṃsīdanako. Appahīnabhāvena santāne anu anu sentīti anusayā, kāmarāgādayo anusayā. Tesaṃ jālena otthato abhibhūtoti anusayājālamotthato. Makāro padasandhikaro, gāthāsukhatthaṃ dīghaṃ katvā vuttaṃ. Kāmacchandādinā pañcavidhena nīvaraṇena yutto adhimuttoti pañcanīvaraṇe yutto, karaṇatthe bhummavacanaṃ.
гаамавид̇аггаад̣̇инаа мижчаавид̇аггзна самаббид̇о самассид̇од̇и вид̇аггзна самаббид̇о. д̇ан̣хаамуулзнаануг̇ад̇од̇и, д̇ан̣хаасан̇каад̇зна бхавамуулзна ануб̣ад̣̇д̇хо. мохажчаад̣̇аначаад̣̇ид̇од̇и, саммохасан̇каад̇зна ааваран̣зна балиг̇ун̣тид̇о. саб̣б̣амзд̇ам̣ савин̃н̃аан̣агам̣ гараж̇агааяам̣ санд̇хааяа вад̣̇ад̇и. савин̃н̃аан̣аго хи ад̇д̇абхааво ‘‘ужчиннабхаванзд̇д̇иго, бхигкавз, д̇ат̇ааг̇ад̇асса гааяо д̇идтад̇и, аяан̃жзва гааяо б̣ахид̣̇д̇хаа жа наамарууба’’нд̇иаад̣̇ийсу (д̣̇ий. ни. 1.1.147) гааяод̇и вужжад̇и, звааяам̣ вад̇д̇ад̇з гааяод̇и звам̣ ‘‘наанаагуламаласамбун̣н̣о’’д̇иаад̣̇инаа ‘‘авиж̇ж̇ааяа нивуд̇о’’д̇иаад̣̇инаа жа вуд̇д̇аббагаарзна аяам̣ гааяо вад̇д̇ад̇и, вад̇д̇анд̇о жа гаммаяанд̇зна сугад̇ад̣̇уггадзна гаммасан̇каад̇зна яанд̇зна яанд̇ид̇о сан̇гхадид̇о. яат̇аа ваа кзманд̇ам̣ г̇анд̇ум̣ на саггод̇и, д̇ат̇аа сан̇кобхид̇о суг̇ад̇ид̣̇уг̇г̇ад̇ийсу вад̇д̇ад̇и бариб̣бхамад̇и. самбад̇д̇и жа вибад̇яанд̇аад̇и яаа зд̇т̇а самбад̇д̇и, саа вибад̇д̇ибарияосаанаа. саб̣б̣ан̃хи яоб̣б̣анам̣ ж̇араабарияосаанам̣, саб̣б̣ам̣ аарог̇яам̣ б̣яаад̇хибарияосаанам̣, саб̣б̣ам̣ ж̇ийвид̇ам̣ маран̣абарияосаанам̣, саб̣б̣о самааг̇амо вияог̇абарияосаано. д̇знааха ‘‘наанаабхааво вибаж̇ж̇ад̇ий’’д̇и. наанаабхаавод̇и, винаабхааво виббаяог̇о, со гад̣̇аажи виббаяун̃ж̇агасса васзна, гад̣̇аажи виббаяун̃ж̇ид̇аб̣б̣асса васзнаад̇и вивид̇хам̣ баж̇ж̇ад̇и баабун̣ийяад̇и.
Kāmavitakkādinā micchāvitakkena samappito samassitoti vitakkena samappito. Taṇhāmūlenānugatoti, taṇhāsaṅkhātena bhavamūlena anubaddho. Mohacchādanachāditoti, sammohasaṅkhātena āvaraṇena paliguṇṭhito. Sabbametaṃ saviññāṇakaṃ karajakāyaṃ sandhāya vadati. Saviññāṇako hi attabhāvo ‘‘ucchinnabhavanettiko, bhikkhave, tathāgatassa kāyo tiṭṭhati, ayañceva kāyo bahiddhā ca nāmarūpa’’ntiādīsu (dī. ni. 1.1.147) kāyoti vuccati, evāyaṃ vattate kāyoti evaṃ ‘‘nānākulamalasampuṇṇo’’tiādinā ‘‘avijjāya nivuto’’tiādinā ca vuttappakārena ayaṃ kāyo vattati, vattanto ca kammayantena sukatadukkaṭena kammasaṅkhātena yantena yantito saṅghaṭito. Yathā vā khemantaṃ gantuṃ na sakkoti, tathā saṅkhobhito sugatiduggatīsu vattati paribbhamati. Sampatti ca vipatyantāti yā ettha sampatti, sā vipattipariyosānā. Sabbañhi yobbanaṃ jarāpariyosānaṃ, sabbaṃ ārogyaṃ byādhipariyosānaṃ, sabbaṃ jīvitaṃ maraṇapariyosānaṃ, sabbo samāgamo viyogapariyosāno. Tenāha ‘‘nānābhāvo vipajjatī’’ti. Nānābhāvoti, vinābhāvo vippayogo, so kadāci vippayuñjakassa vasena, kadāci vippayuñjitabbassa vasenāti vividhaṃ pajjati pāpuṇīyati.
язмам̣ гааяам̣ мамааяанд̇ийд̇и яз анд̇хаб̣аалаа бут̇уж̇ж̇анаа звам̣ асубхам̣ анижжам̣ ад̇хувам̣ д̣̇угкам̣ асаарам̣ имам̣ гааяам̣ ‘‘мама ид̣̇а’’нд̇и г̇ан̣ханд̇аа мамааяанд̇и чанд̣̇арааг̇ам̣ уббаад̣̇знд̇и, д̇з ж̇аад̇иаад̣̇ийхи нираяаад̣̇ийхи жа гхорам̣ бхаяаанагам̣ абан̣д̣ид̇зхи абхирамид̇аб̣б̣ад̇о гадасисан̇каад̇ам̣ сам̣саарам̣ бунаббунам̣ ж̇ананамаран̣аад̣̇ийхи вад̣дхзнд̇и, д̇знааха ‘‘аад̣̇ияанд̇и бунаб̣бхава’’нд̇и.
Yemaṃ kāyaṃ mamāyantīti ye andhabālā puthujjanā evaṃ asubhaṃ aniccaṃ adhuvaṃ dukkhaṃ asāraṃ imaṃ kāyaṃ ‘‘mama ida’’nti gaṇhantā mamāyanti chandarāgaṃ uppādenti, te jātiādīhi nirayādīhi ca ghoraṃ bhayānakaṃ apaṇḍitehi abhiramitabbato kaṭasisaṅkhātaṃ saṃsāraṃ punappunaṃ jananamaraṇādīhi vaḍḍhenti, tenāha ‘‘ādiyanti punabbhava’’nti.
язмам̣ гааяам̣ виваж̇ж̇знд̇и, г̇уут̇алид̇д̇ам̣ва баннаг̇анд̇и яат̇аа наама бурисо сукагаамо ж̇ийвид̇угаамо г̇уут̇аг̇ад̇ам̣ аасийвисам̣ д̣̇исваа ж̇иг̇ужчанияад̇ааяа ваа саббадибхаяад̇ааяа ваа виваж̇ж̇зд̇и на аллийяад̇и, звамзвам̣ яз бан̣д̣ид̇аа гулабуд̇д̇аа асужибхаавзна ж̇зг̇ужчам̣ анижжаад̣̇ибхаавзна саббадибхаяам̣ имам̣ гааяам̣ виваж̇ж̇знд̇и чанд̣̇арааг̇аббахаанзна баж̇аханд̇и. д̇з бхавамуулам̣ авиж̇ж̇ам̣ бхавад̇ан̣хан̃жа вамид̇ваа чад̣д̣зд̇ваа ажжанд̇амзва бахааяа д̇ад̇о зва саб̣б̣асо анаасаваа саубаад̣̇исзсааяа анубаад̣̇исзсааяа жа ниб̣б̣аанад̇хаад̇уяаа бариниб̣б̣ааяиссанд̇ийд̇и.
Yemaṃ kāyaṃ vivajjenti, gūthalittaṃva pannaganti yathā nāma puriso sukhakāmo jīvitukāmo gūthagataṃ āsīvisaṃ disvā jigucchaniyatāya vā sappaṭibhayatāya vā vivajjeti na allīyati, evamevaṃ ye paṇḍitā kulaputtā asucibhāvena jegucchaṃ aniccādibhāvena sappaṭibhayaṃ imaṃ kāyaṃ vivajjenti chandarāgappahānena pajahanti. Te bhavamūlaṃ avijjaṃ bhavataṇhañca vamitvā chaḍḍetvā accantameva pahāya tato eva sabbaso anāsavā saupādisesāya anupādisesāya ca nibbānadhātuyā parinibbāyissantīti.
габбад̇т̇зраг̇аат̇ааван̣н̣анаа нидтид̇аа.
Kappattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 5. габбад̇т̇зраг̇аат̇аа • 5. Kappattheragāthā
