| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
габбияабхуумиануж̇аананагат̇аа
Kappiyabhūmianujānanakathā
295. сагадабаривадданд̇и сагадзхи баригкзбам̣ вияа гад̇ваа ажчанд̇и. бажжанд̇иманд̇и абхилаабамад̇д̇амзд̇ам̣ ‘‘яам̣ сан̇гхо ааган̇кад̇ий’’д̇и вуд̇д̇ад̇д̇аа бана д̇хуравихаароби самманнид̇ум̣ ваддад̇и, гаммаваажам̣ авад̇ваа абалоганзнааби ваддад̇иязва. гаагоравасад̣̇д̣̇анд̇и д̇ад̇т̇а д̇ад̇т̇а бавидтаанам̣ аамисакаад̣̇анад̇т̇ааяа ануббаг̇зязва саннибад̇ид̇аанам̣ гаагаанам̣ оравасад̣̇д̣̇ам̣. яасож̇о наама габиласуд̇д̇абарияосаанз баб̣б̣аж̇ид̇аанам̣ бан̃жаннам̣ сад̇аанам̣ аг̇г̇абурисо.
295.Sakaṭaparivaṭṭanti sakaṭehi parikkhepaṃ viya katvā acchanti. Paccantimanti abhilāpamattametaṃ ‘‘yaṃ saṅgho ākaṅkhatī’’ti vuttattā pana dhuravihāropi sammannituṃ vaṭṭati, kammavācaṃ avatvā apalokanenāpi vaṭṭatiyeva. Kākoravasaddanti tattha tattha paviṭṭhānaṃ āmisakhādanatthāya anuppageyeva sannipatitānaṃ kākānaṃ oravasaddaṃ. Yasojo nāma kapilasuttapariyosāne pabbajitānaṃ pañcannaṃ satānaṃ aggapuriso.
уссаавананд̇иганд̇иаад̣̇ийсу уссаавананд̇игаа д̇аава звам̣ гад̇д̇аб̣б̣аа. яо т̇амбхаанам̣ ваа убари бхид̇д̇ибаад̣̇з ваа никанид̇ваа вихааро гарияад̇и, д̇асса хздтаа т̇амбхабадижчагаа баасаан̣аа бхуумиг̇ад̇игаа зва. батамат̇амбхам̣ бана батамабхид̇д̇ибаад̣̇ам̣ ваа бад̇идтаабзнд̇зхи б̣ахуухи самбариваарзд̇ваа ‘‘габбияагудим̣ гарома, габбияагудим̣ гаромаа’’д̇и ваажам̣ нижчаарзнд̇зхи мануссзсу угкибид̇ваа бад̇идтаабзнд̇зсу аамасид̇ваа ваа саяам̣ угкибид̇ваа ваа т̇амбхз ваа бхид̇д̇ибаад̣̇о ваа бад̇идтаабзд̇аб̣б̣о. гурунд̣̇имахаабажжарийсу бана ‘‘габбияагуди габбияагудий’’д̇и вад̇ваа бад̇идтаабзд̇аб̣б̣анд̇и вуд̇д̇ам̣. анд̇хагадтагат̇ааяам̣ ‘‘сан̇гхасса габбияагудим̣ ад̇хидтаамий’’д̇и вуд̇д̇ам̣. д̇ам̣ бана авад̇вааби адтагат̇аасу вуд̇д̇анаязна вуд̇д̇з д̣̇осо над̇т̇и. ид̣̇ам̣ банзд̇т̇а саад̇хааран̣алагкан̣ам̣, т̇амбхабад̇идтаанан̃жа важанабарияосаанан̃жа самагаалам̣ ваддад̇и. сажз хи анидтид̇з важанз т̇амбхо бад̇идтаад̇и, аббад̇идтид̇з ваа д̇асмим̣ важанам̣ нидтаад̇и, агад̇аа ход̇и габбияагуди. д̇знзва махаабажжарияам̣ вуд̇д̇ам̣ – ‘‘б̣ахуухи самбариваарзд̇ваа вад̇д̇аб̣б̣ам̣, авассан̃хи зд̇т̇а згассаби важананидтаанан̃жа т̇амбхабад̇идтаанан̃жа згад̇о бхависсад̇ий’’д̇и.
Ussāvanantikantiādīsu ussāvanantikā tāva evaṃ kattabbā. Yo thambhānaṃ vā upari bhittipāde vā nikhanitvā vihāro kariyati, tassa heṭṭhā thambhapaṭicchakā pāsāṇā bhūmigatikā eva. Paṭhamathambhaṃ pana paṭhamabhittipādaṃ vā patiṭṭhāpentehi bahūhi samparivāretvā ‘‘kappiyakuṭiṃ karoma, kappiyakuṭiṃ karomā’’ti vācaṃ nicchārentehi manussesu ukkhipitvā patiṭṭhāpentesu āmasitvā vā sayaṃ ukkhipitvā vā thambhe vā bhittipādo vā patiṭṭhāpetabbo. Kurundimahāpaccarīsu pana ‘‘kappiyakuṭi kappiyakuṭī’’ti vatvā patiṭṭhāpetabbanti vuttaṃ. Andhakaṭṭhakathāyaṃ ‘‘saṅghassa kappiyakuṭiṃ adhiṭṭhāmī’’ti vuttaṃ. Taṃ pana avatvāpi aṭṭhakathāsu vuttanayena vutte doso natthi. Idaṃ panettha sādhāraṇalakkhaṇaṃ, thambhapatiṭṭhānañca vacanapariyosānañca samakālaṃ vaṭṭati. Sace hi aniṭṭhite vacane thambho patiṭṭhāti, appatiṭṭhite vā tasmiṃ vacanaṃ niṭṭhāti, akatā hoti kappiyakuṭi. Teneva mahāpaccariyaṃ vuttaṃ – ‘‘bahūhi samparivāretvā vattabbaṃ, avassañhi ettha ekassapi vacananiṭṭhānañca thambhapatiṭṭhānañca ekato bhavissatī’’ti.
идтагасилаамад̇д̇игаагуддигаасу бана гудийсу хздтаа жаяам̣ б̣анд̇хид̇ваа ваа аб̣анд̇хид̇ваа ваа гаронд̇у, яад̇о бадтааяа бхид̇д̇им̣ удтаабзд̇угаамаа хонд̇и, д̇ам̣ саб̣б̣абатамам̣ идтагам̣ ваа силам̣ ваа мад̇д̇игаабин̣д̣ам̣ ваа г̇ахзд̇ваа вуд̇д̇анаязнзва габбияагуди гаад̇аб̣б̣аа. идтагаад̣̇аяо хи бхид̇д̇ияаа батамидтагаад̣̇ийнам̣ хздтаа на вадданд̇и, т̇амбхаа бана убари уг̇г̇ажчанд̇и, д̇асмаа вадданд̇и. анд̇хагадтагат̇ааяам̣ ‘‘т̇амбхзхи гарияамаанз жад̇уусу гон̣зсу жад̇д̇ааро т̇амбхаа идтагаад̣̇игуддз жад̇уусу гон̣зсу д̣̇вз д̇иссо идтагаа ад̇хидтаад̇аб̣б̣аа’’д̇и вуд̇д̇ам̣. д̇ат̇аа бана агад̇ааяаби д̣̇осо над̇т̇и, адтагат̇аасу хи вуд̇д̇амзва бамаан̣ам̣.
Iṭṭhakasilāmattikākuṭṭikāsu pana kuṭīsu heṭṭhā cayaṃ bandhitvā vā abandhitvā vā karontu, yato paṭṭhāya bhittiṃ uṭṭhāpetukāmā honti, taṃ sabbapaṭhamaṃ iṭṭhakaṃ vā silaṃ vā mattikāpiṇḍaṃ vā gahetvā vuttanayeneva kappiyakuṭi kātabbā. Iṭṭhakādayo hi bhittiyā paṭhamiṭṭhakādīnaṃ heṭṭhā na vaṭṭanti, thambhā pana upari uggacchanti, tasmā vaṭṭanti. Andhakaṭṭhakathāyaṃ ‘‘thambhehi kariyamāne catūsu koṇesu cattāro thambhā iṭṭhakādikuṭṭe catūsu koṇesu dve tisso iṭṭhakā adhiṭṭhātabbā’’ti vuttaṃ. Tathā pana akatāyapi doso natthi, aṭṭhakathāsu hi vuttameva pamāṇaṃ.
г̇онисаад̣̇игаа д̣̇увид̇хаа – аараамаг̇онисаад̣̇игаа, вихаараг̇онисаад̣̇игаад̇и. д̇аасу яад̇т̇а нзва аараамо на сзнаасанаани баригкид̇д̇аани хонд̇и, аяам̣ ‘‘аараамаг̇онисаад̣̇игаа’’ наама. яад̇т̇а сзнаасанаани саб̣б̣аани ваа згажжаани ваа баригкид̇д̇аани, аараамо абаригкид̇д̇о, аяам̣ ‘‘вихаараг̇онисаад̣̇игаа’’ наама. ид̇и убхаяад̇рааби аараамасса абаригкид̇д̇абхаавоязва бамаан̣ам̣. аараамо бана убад̣дхабаригкид̇д̇оби б̣ахуд̇арам̣ баригкид̇д̇оби баригкид̇д̇оязва наамаад̇и гурунд̣̇имахааабажжарияаад̣̇ийсу вуд̇д̇ам̣. зд̇т̇а габбияагудим̣ лад̣̇д̇хум̣ ваддад̇и.
Gonisādikā duvidhā – ārāmagonisādikā, vihāragonisādikāti. Tāsu yattha neva ārāmo na senāsanāni parikkhittāni honti, ayaṃ ‘‘ārāmagonisādikā’’ nāma. Yattha senāsanāni sabbāni vā ekaccāni vā parikkhittāni, ārāmo aparikkhitto, ayaṃ ‘‘vihāragonisādikā’’ nāma. Iti ubhayatrāpi ārāmassa aparikkhittabhāvoyeva pamāṇaṃ. Ārāmo pana upaḍḍhaparikkhittopi bahutaraṃ parikkhittopi parikkhittoyeva nāmāti kurundimahaāpaccariyādīsu vuttaṃ. Ettha kappiyakuṭiṃ laddhuṃ vaṭṭati.
г̇ахабад̇ийд̇и мануссаа ааваасам̣ гад̇ваа ‘‘габбияагудим̣ д̣̇зма, барибхун̃ж̇ат̇аа’’д̇и вад̣̇анд̇и, зсаа г̇ахабад̇и наама. ‘‘габбияагудим̣ гаад̇ум̣ д̣̇змаа’’д̇и вуд̇д̇зби ваддад̇иязва. анд̇хагадтагат̇ааяам̣ бана ‘‘яасмаа бхигкум̣ табзд̇ваа сзсасахад̇хаммигаанам̣ саб̣б̣зсан̃жа д̣̇звамануссаанам̣ хад̇т̇ад̇о бадиг̇г̇ахо жа саннид̇хи жа анд̇овуд̇т̇ан̃жа д̇зсам̣ санд̇агам̣ бхигкусса ваддад̇и, д̇асмаа д̇зсам̣ г̇зхаани ваа д̇зхи д̣̇иннаа габбияагуди ваа г̇ахабад̇ийд̇и вужжад̇ий’’д̇и вуд̇д̇ам̣. бунаби вуд̇д̇ам̣ – ‘‘бхигкусан̇гхасса вихаарам̣ табзд̇ваа бхигкунубассаяо ваа аараамигаанам̣ ваа д̇ид̇т̇ияаанам̣ ваа д̣̇звад̇аанам̣ ваа нааг̇аанам̣ ваа аби б̣рахмаанам̣ вимаанам̣ габбияагуди ход̇ий’’д̇и, д̇ам̣ сувуд̇д̇ам̣; сан̇гхасанд̇агамзва хи бхигкусанд̇агам̣ ваа г̇зхам̣ г̇ахабад̇игудигаа на ход̇и. саммуд̇игаа наама гаммаваажам̣ саавзд̇ваа гад̇аад̇и.
Gahapatīti manussā āvāsaṃ katvā ‘‘kappiyakuṭiṃ dema, paribhuñjathā’’ti vadanti, esā gahapati nāma. ‘‘Kappiyakuṭiṃ kātuṃ demā’’ti vuttepi vaṭṭatiyeva. Andhakaṭṭhakathāyaṃ pana ‘‘yasmā bhikkhuṃ ṭhapetvā sesasahadhammikānaṃ sabbesañca devamanussānaṃ hatthato paṭiggaho ca sannidhi ca antovutthañca tesaṃ santakaṃ bhikkhussa vaṭṭati, tasmā tesaṃ gehāni vā tehi dinnā kappiyakuṭi vā gahapatīti vuccatī’’ti vuttaṃ. Punapi vuttaṃ – ‘‘bhikkhusaṅghassa vihāraṃ ṭhapetvā bhikkhunupassayo vā ārāmikānaṃ vā titthiyānaṃ vā devatānaṃ vā nāgānaṃ vā api brahmānaṃ vimānaṃ kappiyakuṭi hotī’’ti, taṃ suvuttaṃ; saṅghasantakameva hi bhikkhusantakaṃ vā gehaṃ gahapatikuṭikā na hoti. Sammutikā nāma kammavācaṃ sāvetvā katāti.
яам̣ имаасу жад̇уусу габбияабхуумийсу вуд̇т̇ам̣ аамисам̣, д̇ам̣ саб̣б̣ам̣ анд̇овуд̇т̇асан̇кяам̣ на г̇ажчад̇и. бхигкуунан̃жа бхигкунийнан̃жа анд̇овуд̇т̇аанд̇обаггаможанад̇т̇ан̃хи габбияагудияо анун̃н̃аад̇аа. яам̣ бана агаббияабхуумияам̣ сахасзяяаббахонагз г̇зхз вуд̇т̇ам̣ сан̇гхигам̣ ваа буг̇г̇алигам̣ ваа бхигкусса бхигкунияаа ваа санд̇агам̣ згарад̇д̇амби табид̇ам̣, д̇ам̣ анд̇овуд̇т̇ам̣; д̇ад̇т̇а багган̃жа анд̇обаггам̣ наама ход̇и, зд̇ам̣ на габбад̇и. сад̇д̇аахагаалигам̣ бана яааваж̇ийвиган̃жа ваддад̇и.
Yaṃ imāsu catūsu kappiyabhūmīsu vutthaṃ āmisaṃ, taṃ sabbaṃ antovutthasaṅkhyaṃ na gacchati. Bhikkhūnañca bhikkhunīnañca antovutthaantopakkamocanatthañhi kappiyakuṭiyo anuññātā. Yaṃ pana akappiyabhūmiyaṃ sahaseyyappahonake gehe vutthaṃ saṅghikaṃ vā puggalikaṃ vā bhikkhussa bhikkhuniyā vā santakaṃ ekarattampi ṭhapitaṃ, taṃ antovutthaṃ; tattha pakkañca antopakkaṃ nāma hoti, etaṃ na kappati. Sattāhakālikaṃ pana yāvajīvikañca vaṭṭati.
д̇ад̇рааяам̣ винижчаяо – сааман̣зро бхигкусса д̇ан̣д̣улаад̣̇игам̣ аамисам̣ аахарид̇ваа габбияагудияам̣ нигкибид̇ваа бунад̣̇ивасз бажид̇ваа д̣̇зд̇и, анд̇овуд̇т̇ам̣ на ход̇и. д̇ад̇т̇а агаббияагудияам̣ нигкид̇д̇асаббиаад̣̇ийсу яам̣гин̃жи багкибид̇ваа д̣̇зд̇и, мукасаннид̇хи наама ход̇и. махаабажжарияам̣ бана ‘‘анд̇овуд̇т̇ам̣ ход̇ий’’д̇и вуд̇д̇ам̣. д̇ад̇т̇а наамамад̇д̇амзва наанаагаран̣ам̣. бхигку агаббияагудияам̣ табид̇асаббин̃жа яааваж̇ийвигабан̣н̣ан̃жа згад̇о бажид̇ваа барибхун̃ж̇ад̇и, сад̇д̇аахам̣ нираамисам̣ ваддад̇и. сажз аамисасам̣садтам̣ гад̇ваа барибхун̃ж̇ад̇и, анд̇овуд̇т̇ан̃жзва саамам̣бааган̃жа ход̇и. зд̇знубааязна саб̣б̣асам̣саг̇г̇аа взд̣̇ид̇аб̣б̣аа.
Tatrāyaṃ vinicchayo – sāmaṇero bhikkhussa taṇḍulādikaṃ āmisaṃ āharitvā kappiyakuṭiyaṃ nikkhipitvā punadivase pacitvā deti, antovutthaṃ na hoti. Tattha akappiyakuṭiyaṃ nikkhittasappiādīsu yaṃkiñci pakkhipitvā deti, mukhasannidhi nāma hoti. Mahāpaccariyaṃ pana ‘‘antovutthaṃ hotī’’ti vuttaṃ. Tattha nāmamattameva nānākaraṇaṃ. Bhikkhu akappiyakuṭiyaṃ ṭhapitasappiñca yāvajīvikapaṇṇañca ekato pacitvā paribhuñjati, sattāhaṃ nirāmisaṃ vaṭṭati. Sace āmisasaṃsaṭṭhaṃ katvā paribhuñjati, antovutthañceva sāmaṃpākañca hoti. Etenupāyena sabbasaṃsaggā veditabbā.
имаа бана габбияагудияо гад̣̇аа ж̇ахид̇авад̇т̇угаа хонд̇и? уссаавананд̇игаа д̇аава яаа т̇амбхаанам̣ убари бхид̇д̇ибаад̣̇з ваа никан̣ид̇ваа гад̇аа, саа саб̣б̣зсу т̇амбхзсу жа бхид̇д̇ибаад̣̇зсу жа абанийд̇зсу ж̇ахид̇авад̇т̇угаа ход̇и. сажз бана т̇амбхз ваа бхид̇д̇ибаад̣̇з ваа баривад̇д̇знд̇и, яо яо тид̇о д̇ад̇т̇а д̇ад̇т̇а бад̇идтаад̇и, саб̣б̣зсуби баривад̇д̇ид̇зсу аж̇ахид̇авад̇т̇угаава ход̇и. идтагаад̣̇ийхи гад̇аа жаяасса убари бхид̇д̇иад̇т̇ааяа табид̇ам̣ идтагам̣ ваа силам̣ ваа мад̇д̇игаабин̣д̣ам̣ ваа аад̣̇им̣гад̇ваа винаасид̇агаалз ж̇ахид̇авад̇т̇угаа ход̇и. язхи бана идтагаад̣̇ийхи ад̇хидтид̇аа, д̇зсу абанийд̇зсуби д̇ад̣̇ан̃н̃аасу бад̇идтид̇аасу аж̇ахид̇авад̇т̇угаава ход̇и.
Imā pana kappiyakuṭiyo kadā jahitavatthukā honti? Ussāvanantikā tāva yā thambhānaṃ upari bhittipāde vā nikhaṇitvā katā, sā sabbesu thambhesu ca bhittipādesu ca apanītesu jahitavatthukā hoti. Sace pana thambhe vā bhittipāde vā parivattenti, yo yo ṭhito tattha tattha patiṭṭhāti, sabbesupi parivattitesu ajahitavatthukāva hoti. Iṭṭhakādīhi katā cayassa upari bhittiatthāya ṭhapitaṃ iṭṭhakaṃ vā silaṃ vā mattikāpiṇḍaṃ vā ādiṃkatvā vināsitakāle jahitavatthukā hoti. Yehi pana iṭṭhakādīhi adhiṭṭhitā, tesu apanītesupi tadaññāsu patiṭṭhitāsu ajahitavatthukāva hoti.
г̇онисаад̣̇игаа баагаараад̣̇ийхи баригкзбз гад̇з ж̇ахид̇авад̇т̇угаа ход̇и. буна д̇асмим̣ аараамз габбияагуди лад̣̇д̇хум̣ ваддад̇и. сажз бана бунаби баагаараад̣̇аяо д̇ад̇т̇а д̇ад̇т̇а кан̣д̣аа хонд̇и, д̇ад̇о д̇ад̇о г̇ааво бависанд̇и, буна габбияагуди ход̇и. ид̇араа бана д̣̇вз г̇обаанасиймад̇д̇ам̣ табзд̇ваа саб̣б̣асмим̣ чад̣̇анз винадтз ж̇ахид̇авад̇т̇угаа хонд̇и. сажз г̇обаанасийнам̣ убари згамби багкабаасагаман̣д̣алам̣ ад̇т̇и, рагкад̇и.
Gonisādikā pākārādīhi parikkhepe kate jahitavatthukā hoti. Puna tasmiṃ ārāme kappiyakuṭi laddhuṃ vaṭṭati. Sace pana punapi pākārādayo tattha tattha khaṇḍā honti, tato tato gāvo pavisanti, puna kappiyakuṭi hoti. Itarā pana dve gopānasīmattaṃ ṭhapetvā sabbasmiṃ chadane vinaṭṭhe jahitavatthukā honti. Sace gopānasīnaṃ upari ekampi pakkhapāsakamaṇḍalaṃ atthi, rakkhati.
яад̇ра банимаа жад̇ассоби габбияабхуумияо над̇т̇и, д̇ад̇т̇а гим̣ гаад̇аб̣б̣ам̣? анубасамбаннасса д̣̇ад̇ваа д̇асса санд̇агам̣ гад̇ваа барибхун̃ж̇ид̇аб̣б̣ам̣. д̇ад̇рид̣̇ам̣ вад̇т̇у – гаравигад̇иссад̇т̇зро гира винаяад̇харабаамогко махаасийвад̇т̇зрасса санд̇игам̣ аг̇амааси. со д̣̇ийбаалогзна саббигумбхам̣ бассид̇ваа ‘‘бханд̇з гимзд̇а’’нд̇и бужчи. т̇зро ‘‘аавусо г̇аамад̇о саббигумбхо аабхад̇о, луукад̣̇ивасз саббинаа бхун̃ж̇анад̇т̇ааяаа’’д̇и ааха. д̇ад̇о нам̣ д̇иссад̇т̇зро ‘‘на ваддад̇и бханд̇з’’д̇и ааха. т̇зро бунад̣̇ивасз бамукз нигкибаабзси. д̇иссад̇т̇зро буна згад̣̇ивасз ааг̇ад̇о д̇ам̣ д̣̇исваа д̇ат̇зва бужчид̇ваа ‘‘бханд̇з сахасзяяаббахонагадтаанз табзд̇ум̣ на ваддад̇ий’’д̇и ааха. т̇зро бунад̣̇ивасз б̣ахи нийхараабзд̇ваа нигкибаабзси, д̇ам̣ жораа харим̣су. со буна згад̣̇ивасам̣ ааг̇ад̇ам̣ д̇иссад̇т̇зрам̣ ааха – ‘‘аавусо д̇аяаа ‘на ваддад̇ий’д̇и вуд̇д̇о со гумбхо б̣ахи нигкид̇д̇о жорзхи авахад̇о’’д̇и. д̇ад̇о нам̣ д̇иссад̇т̇зро ааха – ‘‘нану бханд̇з анубасамбаннасса д̣̇аад̇аб̣б̣о асса, анубасамбаннасса хи д̣̇ад̇ваа д̇асса санд̇агам̣ гад̇ваа барибхун̃ж̇ид̇ум̣ ваддад̇ий’’д̇и.
Yatra panimā catassopi kappiyabhūmiyo natthi, tattha kiṃ kātabbaṃ? Anupasampannassa datvā tassa santakaṃ katvā paribhuñjitabbaṃ. Tatridaṃ vatthu – karavikatissatthero kira vinayadharapāmokkho mahāsīvattherassa santikaṃ agamāsi. So dīpālokena sappikumbhaṃ passitvā ‘‘bhante kimeta’’nti pucchi. Thero ‘‘āvuso gāmato sappikumbho ābhato, lūkhadivase sappinā bhuñjanatthāyā’’ti āha. Tato naṃ tissatthero ‘‘na vaṭṭati bhante’’ti āha. Thero punadivase pamukhe nikkhipāpesi. Tissatthero puna ekadivase āgato taṃ disvā tatheva pucchitvā ‘‘bhante sahaseyyappahonakaṭṭhāne ṭhapetuṃ na vaṭṭatī’’ti āha. Thero punadivase bahi nīharāpetvā nikkhipāpesi, taṃ corā hariṃsu. So puna ekadivasaṃ āgataṃ tissattheraṃ āha – ‘‘āvuso tayā ‘na vaṭṭatī’ti vutto so kumbho bahi nikkhitto corehi avahato’’ti. Tato naṃ tissatthero āha – ‘‘nanu bhante anupasampannassa dātabbo assa, anupasampannassa hi datvā tassa santakaṃ katvā paribhuñjituṃ vaṭṭatī’’ti.
296-9. мзн̣д̣агавад̇т̇у уд̇д̇аанамзва. аби жзд̇т̇а ануж̇аанаами бхигкавз бан̃жа г̇орасзд̇и имз бан̃жа г̇орасз висум̣ барибхог̇зна барибхун̃ж̇ид̇умби ануж̇аанаамийд̇и ад̇т̇о. баат̇зяяам̣ бариязсид̇унд̇и зд̇т̇а сажз гзжи саяамзва н̃ад̇ваа д̣̇знд̇и, ижжзд̇ам̣ гусалам̣; но жз д̣̇знд̇и, н̃аад̇ибаваарид̇адтаанад̇о ваа бхигкаажааравад̇д̇зна ваа бариязсид̇аб̣б̣ам̣. д̇ат̇аа алабханд̇зна ан̃н̃аад̇игаабаваарид̇адтаанад̇о яаажид̇вааби г̇ахзд̇аб̣б̣ам̣. згад̣̇ивасзна г̇аманийяз маг̇г̇з згабхад̇д̇ад̇т̇ааяа бариязсид̇аб̣б̣ам̣. д̣̇ийгхз ад̣̇д̇хаанз яад̇д̇агзна ганд̇аарам̣ нид̇т̇арад̇и, д̇ад̇д̇агам̣ бариязсид̇аб̣б̣ам̣.
296-9. Meṇḍakavatthu uttānameva. Api cettha anujānāmi bhikkhave pañca goraseti ime pañca gorase visuṃ paribhogena paribhuñjitumpi anujānāmīti attho. Pātheyyaṃ pariyesitunti ettha sace keci sayameva ñatvā denti, iccetaṃ kusalaṃ; no ce denti, ñātipavāritaṭṭhānato vā bhikkhācāravattena vā pariyesitabbaṃ. Tathā alabhantena aññātikaapavāritaṭṭhānato yācitvāpi gahetabbaṃ. Ekadivasena gamanīye magge ekabhattatthāya pariyesitabbaṃ. Dīghe addhāne yattakena kantāraṃ nittharati, tattakaṃ pariyesitabbaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
179. габбияабхуумиануж̇аананаа • 179. Kappiyabhūmianujānanā
180. мзн̣д̣агаг̇ахабад̇ивад̇т̇у • 180. Meṇḍakagahapativatthu
181. бан̃жаг̇орасаад̣̇иануж̇аананаа • 181. Pañcagorasādianujānanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / габбияабхуумиануж̇аананагат̇ааван̣н̣анаа • Kappiyabhūmianujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / габбияабхуумиануж̇аананагат̇ааван̣н̣анаа • Kappiyabhūmianujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / габбияабхуумиануж̇аананагат̇ааван̣н̣анаа • Kappiyabhūmianujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi
179. габбияабхуумиануж̇аананагат̇аа • 179. Kappiyabhūmianujānanakathā
180. мзн̣д̣агаг̇ахабад̇ивад̇т̇угат̇аа • 180. Meṇḍakagahapativatthukathā
