| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੧੭੯. ਕਪ੍ਪਿਯਭੂਮਿਅਨੁਜਾਨਨਕਥਾ
179. Kappiyabhūmianujānanakathā
੨੯੫. ਬਹਾਰਾਮਕੋਟ੍ਠਕੇਤਿ ਏਤ੍ਥ ਸਮੀਪਤ੍ਥੇ ਭੁਮ੍ਮવਚਨਨ੍ਤਿ ਆਹ ‘‘ਬਹਾਰਾਮਕੋਟ੍ਠਕਸਮੀਪੇਤਿ ਆਰਾਮਕੋਟ੍ਠਕਸ੍ਸ ਬਹਿ ਸਮੀਪੇਤਿ ਅਤ੍ਥੋ’’ਤਿ। ਅਚ੍ਛਨ੍ਤੀਤਿ વਸਨ੍ਤਿ। ਏਤਨ੍ਤਿ ‘‘ਪਚ੍ਚਨ੍ਤਿਮ’’ਨ੍ਤਿ ਏਤਂ વਚਨਂ। ਧੁਰવਿਹਾਰੋਪੀਤਿ ਪਧਾਨવਿਹਾਰੋਪਿ। ਤਤ੍ਥ ਤਤ੍ਥਾਤਿ ਤਸ੍ਮਿਂ ਤਸ੍ਮਿਂ ਠਾਨੇ। ਅਨੁਪਗੇਯੇવਾਤਿ ਪਾਤੋਯੇવ। ਓਰવਸਦ੍ਦਨ੍ਤਿ ਉਚ੍ਚਰવਸਙ੍ਖਾਤਂ ਸਦ੍ਦਂ। ਕਪਿਲਸੁਤ੍ਤਪਰਿਯੋਸਾਨੇਤਿ ਸੁਤ੍ਤਨਿਪਾਤੇ (ਸੁ॰ ਨਿ॰ ਅਟ੍ਠ॰ ੨.ਕਪਿਲਸੁਤ੍ਤવਣ੍ਣਨਾ) ਸਙ੍ਗਹਿਤਸ੍ਸ ਕਪਿਲਸੁਤ੍ਤਸ੍ਸ ਪਰਿਯੋਸਾਨੇ। ਪਞ੍ਚਸਤਾਨਂ ਕੇવਟ੍ਟਪੁਰਿਸਾਨਨ੍ਤਿ ਸਮ੍ਬਨ੍ਧੋ।
295.Bahārāmakoṭṭhaketi ettha samīpatthe bhummavacananti āha ‘‘bahārāmakoṭṭhakasamīpeti ārāmakoṭṭhakassa bahi samīpeti attho’’ti. Acchantīti vasanti. Etanti ‘‘paccantima’’nti etaṃ vacanaṃ. Dhuravihāropīti padhānavihāropi. Tattha tatthāti tasmiṃ tasmiṃ ṭhāne. Anupageyevāti pātoyeva. Oravasaddanti uccaravasaṅkhātaṃ saddaṃ. Kapilasuttapariyosāneti suttanipāte (su. ni. aṭṭha. 2.kapilasuttavaṇṇanā) saṅgahitassa kapilasuttassa pariyosāne. Pañcasatānaṃ kevaṭṭapurisānanti sambandho.
ਉਸ੍ਸਾવਨਨ੍ਤਿਕਾਦੀਸੁ ਏવਂ વਿਨਿਚ੍ਛਯੋ વੇਦਿਤਬ੍ਬੋਤਿ ਯੋਜਨਾ। ਯੋ વਿਹਾਰੋ ਕਰਿਯਤੀਤਿ ਸਮ੍ਬਨ੍ਧੋ। ਭੂਮਿਯਾ ਗਤਿ વਿਯ ਗਤਿ ਏਤੇਸਨ੍ਤਿ ਭੂਮਿਗਤਿਕਾ। ਪਤਿਟ੍ਠਾਪੇਨ੍ਤੇਹਿ ਬਹੂਹਿ ਭਿਕ੍ਖੂਹਿ ਪਤਿਟ੍ਠਾਪੇਤਬ੍ਬੋਤਿ ਸਮ੍ਬਨ੍ਧੋ। ਨਿਚ੍ਛਾਰੇਨ੍ਤੇਹਿ ਭਿਕ੍ਖੂਹੀਤਿ ਯੋਜਨਾ। ਸਯਨ੍ਤਿ ਭਿਕ੍ਖੁ। ਤਂ ਪਨਾਤਿ ‘‘ਸਙ੍ਘਸ੍ਸ ਕਪ੍ਪਿਯਕੁਟਿਂ ਅਧਿਟ੍ਠਾਮੀ’’ਤਿ વਚਨਂ ਪਨ। ਅવਤ੍વਾਪੀਤਿ ਪਿਸਦ੍ਦੋ ਤਥਾ ‘‘વਤ੍વਾਪੀ’’ਤਿ ਅਤ੍ਥਂ ਸਮ੍ਪਿਣ੍ਡੇਤਿ। ਅਟ੍ਠਕਥਾਸੂਤਿ ਮਹਾਅਟ੍ਠਕਥਾਦੀਸੁ ਤੀਸੁ ਅਟ੍ਠਕਥਾਸੁ। ਏਤ੍ਥਾਤਿ ਉਸ੍ਸਾવਨਨ੍ਤਿਕਕੁਟਿਯਂ। ‘‘ਸਮਕਾਲਂ વਟ੍ਟਤੀ’’ਤਿ વਚਨਂ ਦਲ਼੍ਹੀਕਰੋਨ੍ਤੋ ਆਹ ‘‘ਸਚੇ ਹੀ’’ਤਿਆਦਿ। વਚਨੇਤਿ ‘‘ਕਪ੍ਪਿਯਕੁਟਿਂ ਕਰੋਮਾ’’ਤਿ વਚਨੇ। ਤਸ੍ਮਿਨ੍ਤਿ ਥਮ੍ਭੇ। ਤੇਨੇવਾਤਿ ਅਕਤਭਾવੇਨੇવ। ਹੀਤਿ ਸਚ੍ਚਂ। ਏਤ੍ਥਾਤਿ ਬਹੂਸੁ।
Ussāvanantikādīsu evaṃ vinicchayo veditabboti yojanā. Yo vihāro kariyatīti sambandho. Bhūmiyā gati viya gati etesanti bhūmigatikā. Patiṭṭhāpentehi bahūhi bhikkhūhi patiṭṭhāpetabboti sambandho. Nicchārentehi bhikkhūhīti yojanā. Sayanti bhikkhu. Taṃ panāti ‘‘saṅghassa kappiyakuṭiṃ adhiṭṭhāmī’’ti vacanaṃ pana. Avatvāpīti pisaddo tathā ‘‘vatvāpī’’ti atthaṃ sampiṇḍeti. Aṭṭhakathāsūti mahāaṭṭhakathādīsu tīsu aṭṭhakathāsu. Etthāti ussāvanantikakuṭiyaṃ. ‘‘Samakālaṃ vaṭṭatī’’ti vacanaṃ daḷhīkaronto āha ‘‘sace hī’’tiādi. Vacaneti ‘‘kappiyakuṭiṃ karomā’’ti vacane. Tasminti thambhe. Tenevāti akatabhāveneva. Hīti saccaṃ. Etthāti bahūsu.
ਯਤੋਤਿ ਇਟ੍ਠਕਸਿਲਾਮਤ੍ਤਿਕਾਪਿਣ੍ਡਤੋ। વੁਤ੍ਤਨਯੇਨੇવਾਤਿ ‘‘ਬਹੂਹਿ ਸਮ੍ਪਰਿવਾਰੇਤ੍વਾ ਕਪ੍ਪਿਯਕੁਟਿਂ ਕਰੋਮਾ’’ਤਿ વੁਤ੍ਤਨਯੇਨੇવ। ਇਟ੍ਠਕਾਦਯੋਤਿ ‘‘ਕਪ੍ਪਿਯਕੁਟਿਂ ਕਰੋਮਾ’’ਤਿ ਅਧਿਟ੍ਠਾਤਬ੍ਬਇਟ੍ਠਕਾਦਯੋ। ਅਨ੍ਧਕਟ੍ਠਕਥਾਯਂ વੁਤ੍ਤਨ੍ਤਿ ਸਮ੍ਬਨ੍ਧੋ। ਤਥਾਤਿ ਯਥਾ ਅਨ੍ਧਕਟ੍ਠਕਥਾਯਂ વੁਤ੍ਤਂ, ਤਥਾ। ਥਮ੍ਭਾਦੀਨਿ ਉਕ੍ਖਿਪਿਤ੍વਾ ਪਤਿਟ੍ਠਾਪਨਞ੍ਚ ‘‘ਕਪ੍ਪਿਯਕੁਟਿਂ ਕਰੋਮਾ’’ਤਿ ਸਾવਨਞ੍ਚ ਅਨ੍ਤਂ ਪਰਿਯੋਸਾਨਮੇਤਿਸ੍ਸਾਤਿ ਉਸ੍ਸਾવਨਨ੍ਤਿਕਾ।
Yatoti iṭṭhakasilāmattikāpiṇḍato. Vuttanayenevāti ‘‘bahūhi samparivāretvā kappiyakuṭiṃ karomā’’ti vuttanayeneva. Iṭṭhakādayoti ‘‘kappiyakuṭiṃ karomā’’ti adhiṭṭhātabbaiṭṭhakādayo. Andhakaṭṭhakathāyaṃ vuttanti sambandho. Tathāti yathā andhakaṭṭhakathāyaṃ vuttaṃ, tathā. Thambhādīni ukkhipitvā patiṭṭhāpanañca ‘‘kappiyakuṭiṃ karomā’’ti sāvanañca antaṃ pariyosānametissāti ussāvanantikā.
ਤਾਸੂਤਿ ਦ੍વੀਸੁ ਗੋਨਿਸਾਦਿਕਾਸੁ। ਯਤ੍ਥਾਤਿ ਕੁਟਿਯਂ। ਨੇવ ਆਰਾਮੋ ਪਰਿਕ੍ਖਿਤ੍ਤੋ ਹੋਤੀਤਿ ਸਮ੍ਬਨ੍ਧੋ। ਪੁਨ ਯਤ੍ਥਾਤਿ ਕੁਟਿਯਂ। ਅਯਨ੍ਤਿ ਕੁਟਿ। ਉਭਯਤ੍ਥਾਪੀਤਿ ਆਰਾਮવਿਹਾਰਗੋਨਿਸਾਦਿਕਾਸੁ ਦ੍વੀਸੁਪਿ। ਬਹੁਤਰਂ ਪਰਿਕ੍ਖਿਤ੍ਤੋਪਿ ਪਰਿਕ੍ਖਿਤ੍ਤੋਯੇવ ਨਾਮਾਤਿ ਯੋਜਨਾ। ਏਤ੍ਥਾਤਿ ਉਪਡ੍ਢਪਰਿਕ੍ਖਿਤ੍ਤਬਹੁਤਰਪਰਿਕ੍ਖਿਤ੍ਤਆਰਾਮੇ। ਗਾવੋ ਪવਿਸਿਤ੍વਾ ਯਥਾਸੁਖਂ ਨਿਸੀਦਨ੍ਤਿ ਏਤ੍ਥਾਤਿ ਗੋਨਿਸਾਦਾ ਗੋਸਾਲਾ। ਗੋਨਿਸਾਦਾ વਿਯਾਤਿ ਗੋਨਿਸਾਦਿਕਾ ਕੁਟਿ।
Tāsūti dvīsu gonisādikāsu. Yatthāti kuṭiyaṃ. Neva ārāmo parikkhitto hotīti sambandho. Puna yatthāti kuṭiyaṃ. Ayanti kuṭi. Ubhayatthāpīti ārāmavihāragonisādikāsu dvīsupi. Bahutaraṃ parikkhittopi parikkhittoyeva nāmāti yojanā. Etthāti upaḍḍhaparikkhittabahutaraparikkhittaārāme. Gāvo pavisitvā yathāsukhaṃ nisīdanti etthāti gonisādā gosālā. Gonisādā viyāti gonisādikā kuṭi.
ਮਨੁਸ੍ਸਾ વਦਨ੍ਤੀਤਿ ਸਮ੍ਬਨ੍ਧੋ। ਏਸਾਤਿ ਕੁਟਿ। વੁਤ੍ਤੇਪੀਤਿ ਪਿਸਦ੍ਦੇ, ‘‘ਕਪ੍ਪਿਯਕੁਟਿਂ ਦੇਮਾ’’ਤਿ વਾਕ੍ਯਂ ਅਪੇਕ੍ਖਤਿ। ਅਨ੍ਧਕਟ੍ਠਕਥਾਯਂ વੁਤ੍ਤਨ੍ਤਿ ਸਮ੍ਬਨ੍ਧੋ। ਯਸ੍ਮਾ વਟ੍ਟਤਿ, ਤਸ੍ਮਾਤਿ ਯੋਜਨਾ। ਤੇਸਨ੍ਤਿ ਸੇਸਸਹਧਮ੍ਮਿਕਦੇવਮਨੁਸ੍ਸਾਨਂ। ਤੇਹੀਤਿ ਸੇਸਸਹਧਮ੍ਮਿਕਦੇવਮਨੁਸ੍ਸੇਹਿ। ਪੁਨਪਿ વੁਤ੍ਤਂ, ਕਿਂ વੁਤ੍ਤਨ੍ਤਿ ਆਹ ‘‘ਭਿਕ੍ਖੁਸ੍ਸ…ਪੇ॰… ਹੋਤੀ’’ਤਿ। ਅਪੀਤਿ ਤਦਞ੍ਞੇਸਂ। ਤਨ੍ਤਿ વਚਨਂ। ਹੀਤਿ ਸਚ੍ਚਂ, ਯਸ੍ਮਾ વਾ। ਸਙ੍ਘਸ੍ਸ ਸਨ੍ਤਕਮੇવ વਾ ਭਿਕ੍ਖੁਸ੍ਸ ਸਨ੍ਤਕਮੇવ વਾਤਿ ਯੋਜਨਾ। ਇਤਿ ਤਸ੍ਮਾ ਸੁવੁਤ੍ਤਨ੍ਤਿ ਸਮ੍ਬਨ੍ਧੋ। ਗਹਪਤੀਨਂ ਸਨ੍ਤਕਂ ਗਹਪਤਿ ਕੁਟਿ। ‘‘ਕਮ੍ਮવਾਚਂ ਸਾવੇਤ੍વਾ’’ਤਿ ਇਦਂ ਉਪਲਕ੍ਖਣਮਤ੍ਤਂ ਕਮ੍ਮવਾਚਮવਤ੍વਾ ਅਪਲੋਕਨੇਨਪਿ ਕਪ੍ਪਿਯਤ੍ਤਾ। ਕਮ੍ਮવਾਚਾਯ વਾ ਅਪਲੋਕਨੇਨ વਾ ਸਮ੍ਮਨਿਤਬ੍ਬਾਤਿ ਸਮ੍ਮੁਤਿ ਕੁਟਿ। ਇਤਿਸਦ੍ਦੋ ਪਰਿਸਮਾਪਨਤ੍ਥੋ।
Manussā vadantīti sambandho. Esāti kuṭi. Vuttepīti pisadde, ‘‘kappiyakuṭiṃ demā’’ti vākyaṃ apekkhati. Andhakaṭṭhakathāyaṃ vuttanti sambandho. Yasmā vaṭṭati, tasmāti yojanā. Tesanti sesasahadhammikadevamanussānaṃ. Tehīti sesasahadhammikadevamanussehi. Punapi vuttaṃ, kiṃ vuttanti āha ‘‘bhikkhussa…pe… hotī’’ti. Apīti tadaññesaṃ. Tanti vacanaṃ. Hīti saccaṃ, yasmā vā. Saṅghassa santakameva vā bhikkhussa santakameva vāti yojanā. Iti tasmā suvuttanti sambandho. Gahapatīnaṃ santakaṃ gahapati kuṭi. ‘‘Kammavācaṃ sāvetvā’’ti idaṃ upalakkhaṇamattaṃ kammavācamavatvā apalokanenapi kappiyattā. Kammavācāya vā apalokanena vā sammanitabbāti sammuti kuṭi. Itisaddo parisamāpanattho.
ਯਂ ਆਮਿਸਂ વੁਤ੍ਥਂ, ਸਬ੍ਬਂ ਤਂ ਆਮਿਸਨ੍ਤਿਯੋਜਨਾ। ਅਕਪ੍ਪਿਯਭੂਮਿਯਂ ਸਹਸੇਯ੍ਯਪਹੋਨਕੇ ਗੇਹੇ વੁਤ੍ਥਂ ਠਪਿਤਨ੍ਤਿ ਸਮ੍ਬਨ੍ਧੋ। ਯਂ ਪਨ ਸਙ੍ਘਿਕਂ વਾ ਪੁਗ੍ਗਲਿਕਂ વਾ ਅਤ੍ਥੀਤਿ ਯੋਜਨਾ। ਤੇਸਂਯੇવਾਤਿ ਭਿਕ੍ਖੁਭਿਕ੍ਖੁਨੀਨਮੇવ । ਏਕਰਤ੍ਤਮ੍ਪਿ ਠਪਿਤਂ ਯਂ ਸਨ੍ਤਕਂ ਅਤ੍ਥੀਤਿ ਯੋਜਨਾ। ਤਨ੍ਤਿ ਸਙ੍ਘਿਕਾਦਿ। ਤਤ੍ਥਾਤਿ ਅਕਪ੍ਪਿਯਭੂਮਿਯਂ ਸਹਸੇਯ੍ਯਪਹੋਨਕਗੇਹੇ। ਏਤਨ੍ਤਿ ਅਨ੍ਤੋવੁਤ੍ਥਅਨ੍ਤੋਪਕ੍ਕਸਙ੍ਖਾਤਂ ਯਾવਯਾਮਕਾਲਿਕਂ, ‘‘ਨ ਕਪ੍ਪਤੀ’’ਤਿ ਬ੍ਯਤਿਰੇਕਸ੍ਸ ਅਨ੍વਯਂ ਦਸ੍ਸੇਨ੍ਤੋ ਆਹ ‘‘ਸਤ੍ਤਾਹਕਾਲਿਕਂ ਪਨਾ’’ਤਿਆਦਿ।
Yaṃ āmisaṃ vutthaṃ, sabbaṃ taṃ āmisantiyojanā. Akappiyabhūmiyaṃ sahaseyyapahonake gehe vutthaṃ ṭhapitanti sambandho. Yaṃ pana saṅghikaṃ vā puggalikaṃ vā atthīti yojanā. Tesaṃyevāti bhikkhubhikkhunīnameva . Ekarattampi ṭhapitaṃ yaṃ santakaṃ atthīti yojanā. Tanti saṅghikādi. Tatthāti akappiyabhūmiyaṃ sahaseyyapahonakagehe. Etanti antovutthaantopakkasaṅkhātaṃ yāvayāmakālikaṃ, ‘‘na kappatī’’ti byatirekassa anvayaṃ dassento āha ‘‘sattāhakālikaṃ panā’’tiādi.
ਤਤ੍ਰਾਤਿ ਪੁਰਿਮવਚਨਾਪੇਕ੍ਖਂ। ਤਤ੍ਰ વਚਨੇਤਿ ਹਿ ਅਤ੍ਥੋ। ਸਾਮਣੇਰੋ ਦੇਤੀਤਿ ਸਮ੍ਬਨ੍ਧੋ। ਯਂਕਿਞ੍ਚਿ ਤਣ੍ਡੁਲਾਦਿਕਂ ਆਮਿਸਨ੍ਤਿ ਯੋਜਨਾ। ਮੁਖਸਨ੍ਨਿਧਿ ਨਾਮਾਤਿ ਆਪਤ੍ਤਿਯਾ ਮੁਖੋ ਉਪਾਯੋ ਸਨ੍ਨਿਧਿ ਨਾਮਾਤਿ ਅਤ੍ਥੋ। ਤਤ੍ਥਾਤਿ ਮਹਾਪਚ੍ਚਰਿਯਂ, ਮੁਖਸਨ੍ਨਿਧਿਅਨ੍ਤੋવੁਤ੍ਥੇਸੁ વਾ। ਭਿਕ੍ਖੁ ਪਚਿਤ੍વਾ ਪਰਿਭੁਞ੍ਜਤੀਤਿ ਸਮ੍ਬਨ੍ਧੋ। ਆਮਿਸਸਂਸਟ੍ਠਨ੍ਤਿ ਆਮਿਸੇਨ ਸਂਸਗ੍ਗਂ।
Tatrāti purimavacanāpekkhaṃ. Tatra vacaneti hi attho. Sāmaṇero detīti sambandho. Yaṃkiñci taṇḍulādikaṃ āmisanti yojanā. Mukhasannidhi nāmāti āpattiyā mukho upāyo sannidhi nāmāti attho. Tatthāti mahāpaccariyaṃ, mukhasannidhiantovutthesu vā. Bhikkhu pacitvā paribhuñjatīti sambandho. Āmisasaṃsaṭṭhanti āmisena saṃsaggaṃ.
ਜਹਿਤવਤ੍ਥੁਕਾਤਿ ਜਹਿਤਂ વਤ੍ਥੁ ਏਤਾਸਨ੍ਤਿ ਜਹਿਤવਤ੍ਥੁਕਾ। ਉਸ੍ਸਾવਨਨ੍ਤਿਕਾ ਕਤਾਤਿ ਸਮ੍ਬਨ੍ਧੋ। ਸਾਤਿ ਉਸ੍ਸਾવਨਨ੍ਤਿਕਾ। ਯੋ ਯੋਤਿ ਥਮ੍ਭੋ વਾ ਭਿਤ੍ਤਿਪਾਦੋ વਾ। ਇਟ੍ਠਕਾਦੀਹਿ ਕਤਾ ਉਸ੍ਸਾવਨਨ੍ਤਿਕਾਤਿ ਯੋਜਨਾ। ਚਯਸ੍ਸਾਤਿ ਅਧਿਟ੍ਠਾਨਸ੍ਸ। ਯੇਹਿ ਪਨ ਇਟ੍ਠਕਾਦੀਹੀਤਿਆਦਿਸਦ੍ਦੇਨ ਥਮ੍ਭਸਿਲਾਮਤ੍ਤਿਕਾਯੋ ਸਙ੍ਗਣ੍ਹਾਤਿ। ਤਦਞ੍ਞੇਸੂਤਿ ਤੇਹਿ ਅਧਿਟ੍ਠਿਤਇਟ੍ਠਕਾਦੀਹਿ ਅਞ੍ਞੇਸੁ।
Jahitavatthukāti jahitaṃ vatthu etāsanti jahitavatthukā. Ussāvanantikā katāti sambandho. Sāti ussāvanantikā. Yo yoti thambho vā bhittipādo vā. Iṭṭhakādīhi katā ussāvanantikāti yojanā. Cayassāti adhiṭṭhānassa. Yehi pana iṭṭhakādīhītiādisaddena thambhasilāmattikāyo saṅgaṇhāti. Tadaññesūti tehi adhiṭṭhitaiṭṭhakādīhi aññesu.
ਪਾਕਾਰਾਦਿਪਰਿਕ੍ਖੇਪੇਤਿ ਉਪਚਾਰਸੀਮਾਪਰਿਚ੍ਛਿਨ੍ਨਸ੍ਸ ਆਰਾਮਸ੍ਸ ਪਾਕਾਰਾਦਿਨਾ ਪਰਿਕ੍ਖੇਪੇ ਕਤੇ। ਪਾਕਾਰਾਦੀਤਿ ਆਦਿਸਦ੍ਦੇਨ વਤਿਂ ਸਙ੍ਗਣ੍ਹਾਤਿ। ਕਪ੍ਪਿਯਕੁਟਿਂ ਲਦ੍ਧੁਂ વਟ੍ਟਤੀਤਿ ਗੋਨਿਸਾਦਿਕਾਯ ਅਭਾવੇਨ ਸੇਸਾਸੁ ਤੀਸੁ ਕਪ੍ਪਿਯਕੁਟੀਸੁ ਯਂਕਿਞ੍ਚਿ ਕਪ੍ਪਿਯਕੁਟਿਂ ਲਦ੍ਧੁਂ વਟ੍ਟਤੀਤਿ ਅਤ੍ਥੋ। ਤਤ੍ਥ ਤਤ੍ਥਾਤਿ ਤਸ੍ਮਿਂ ਤਸ੍ਮਿਂ ਠਾਨੇ। ਇਤਰਾ ਪਨਾਤਿ ਉਸ੍ਸਾવਨਨ੍ਤਿਕਗੋਨਿਸਾਦਿਕਾਹਿ ਅਞ੍ਞਾ। ਦ੍વੇਤਿ ਉਭੋ ਗਹਪਤਿਸਮ੍ਮੁਤਿਯੋ, ਜਹਿਤવਤ੍ਥੁਕਾવ ਹੋਨ੍ਤੀਤਿ ਸਮ੍ਬਨ੍ਧੋ। ਪਕ੍ਖਪਾਸਕਮਣ੍ਡਲਨ੍ਤਿ ਦ੍વੇ ਪਕ੍ਖੇ ਅਪਤਨਤ੍ਥਾਯ ਪਸਤਿ ਬਨ੍ਧਤੀਤਿ ਪਕ੍ਖਪਾਸਕੋ, ਮਣ੍ਡਲਨ੍ਤਿ ਛਦਨਕੋਟਿਗੋਪਾਨਸੀਨਂ ਉਪਰਿ ਠਪਿਤਕਟ੍ਠવਿਸੇਸੋ, ਪਕ੍ਖਪਾਸਕੋ ਚ ਮਣ੍ਡਲਞ੍ਚ ਪਕ੍ਖਪਾਸਕਮਣ੍ਡਲਂ।
Pākārādiparikkhepeti upacārasīmāparicchinnassa ārāmassa pākārādinā parikkhepe kate. Pākārādīti ādisaddena vatiṃ saṅgaṇhāti. Kappiyakuṭiṃ laddhuṃ vaṭṭatīti gonisādikāya abhāvena sesāsu tīsu kappiyakuṭīsu yaṃkiñci kappiyakuṭiṃ laddhuṃ vaṭṭatīti attho. Tattha tatthāti tasmiṃ tasmiṃ ṭhāne. Itarā panāti ussāvanantikagonisādikāhi aññā. Dveti ubho gahapatisammutiyo, jahitavatthukāva hontīti sambandho. Pakkhapāsakamaṇḍalanti dve pakkhe apatanatthāya pasati bandhatīti pakkhapāsako, maṇḍalanti chadanakoṭigopānasīnaṃ upari ṭhapitakaṭṭhaviseso, pakkhapāsako ca maṇḍalañca pakkhapāsakamaṇḍalaṃ.
ਯਤ੍ਰਾਤਿ ਯਸ੍ਮਿਂ ਠਾਨੇ। ਅਨੁਪਸਮ੍ਪਨ੍ਨਸ੍ਸ ਦਤ੍વਾਤਿ ਅਨਪੇਕ੍ਖવਿਸ੍ਸਜ੍ਜਨੇਨ ਅਨੁਪਸਮ੍ਪਨ੍ਨਸ੍ਸ ਦਤ੍વਾ। ਚੀવਰવਿਕਪ੍ਪਨਂ વਿਯ ਸਾਪੇਕ੍ਖવਿਸ੍ਸਜ੍ਜਨਮ੍ਪਿ વਟ੍ਟਤੀਤਿ વਦਨ੍ਤਿ। ਤਤ੍ਰਾਤਿ ਪੁਰਿਮવਚਨਾਪੇਕ੍ਖਂ। ਸੋਤਿ ਕਰવੀਕਤਿਸ੍ਸਤ੍ਥੇਰੋ, ਪਸ੍ਸਿਤ੍વਾ ਪੁਚ੍ਛੀਤਿ ਸਮ੍ਬਨ੍ਧੋ। ਥੇਰੋਤਿ ਮਹਾਸਿવਤ੍ਥੇਰੋ। ਲੂਖਦਿવਸੇਤਿ ਅਸਿਨਿਦ੍ਧਦਿવਸੇ। ਤਤੋਤਿ ਬ੍ਰવਨਤੋ, ਪਰਨ੍ਤਿ ਸਮ੍ਬਨ੍ਧੋ। ਨਨ੍ਤਿ ਮਹਾਸਿવਤ੍ਥੇਰਂ। ਪਮੁਖੇਤਿ ਗਬ੍ਭਸ੍ਸ ਪਮੁਖੇ। ਤਨ੍ਤਿ ਸਬ੍ਬਿਕੁਮ੍ਭਿਂ। ਬਹੀਤਿ વਿਹਾਰਸ੍ਸ ਬਹਿ। ਸੋਤਿ ਮਹਾਸਿવਤ੍ਥੇਰੋ।
Yatrāti yasmiṃ ṭhāne. Anupasampannassa datvāti anapekkhavissajjanena anupasampannassa datvā. Cīvaravikappanaṃ viya sāpekkhavissajjanampi vaṭṭatīti vadanti. Tatrāti purimavacanāpekkhaṃ. Soti karavīkatissatthero, passitvā pucchīti sambandho. Theroti mahāsivatthero. Lūkhadivaseti asiniddhadivase. Tatoti bravanato, paranti sambandho. Nanti mahāsivattheraṃ. Pamukheti gabbhassa pamukhe. Tanti sabbikumbhiṃ. Bahīti vihārassa bahi. Soti mahāsivatthero.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੧੭੯. ਕਪ੍ਪਿਯਭੂਮਿਅਨੁਜਾਨਨਾ • 179. Kappiyabhūmianujānanā
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਕਪ੍ਪਿਯਭੂਮਿਅਨੁਜਾਨਨਕਥਾ • Kappiyabhūmianujānanakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਕਪ੍ਪਿਯਭੂਮਿਅਨੁਜਾਨਨਕਥਾવਣ੍ਣਨਾ • Kappiyabhūmianujānanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਕਪ੍ਪਿਯਭੂਮਿਅਨੁਜਾਨਨਕਥਾવਣ੍ਣਨਾ • Kappiyabhūmianujānanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਕਪ੍ਪਿਯਭੂਮਿਅਨੁਜਾਨਨਕਥਾવਣ੍ਣਨਾ • Kappiyabhūmianujānanakathāvaṇṇanā
