| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
габбияабхуумиануж̇аананагат̇ааван̣н̣анаа
Kappiyabhūmianujānanakathāvaṇṇanā
295. абхилаабамад̇д̇анд̇и д̣̇зсанаамад̇д̇ам̣. аамисакаад̣̇анад̇т̇ааяаад̇и д̇ад̇т̇а д̇ад̇т̇а чад̣д̣ид̇асса аамисасса каад̣̇анад̇т̇ааяа. ануббаг̇зязваад̇и баад̇оязва. оравасад̣̇д̣̇анд̇и махаасад̣̇д̣̇ам̣. д̇ам̣ бана авад̇ваабийд̇и анд̇хагадтагат̇ааяам̣вуд̇д̇анаязна авад̇вааби. би-сад̣̇д̣̇зна д̇ат̇аа важанамби ануж̇аанаад̇и. адтагат̇аасу вуд̇д̇анаязнаад̇и сзсаадтагат̇аасу вуд̇д̇анаязна. ‘‘габбияагудим̣ гаромаа’д̇и ваа, ‘габбияагудий’д̇и ваа вуд̇д̇з саад̇хааран̣алагкан̣а’’нд̇и саб̣б̣аадтагат̇аасу вуд̇д̇ауссаавананд̇игаагудигаран̣алагкан̣ам̣. жаяанд̇и ад̇хидтаанам̣. яад̇о бадтааяаад̇и яад̇о идтагад̇о силад̇о мад̇д̇игаабин̣д̣ад̇о ваа бадтааяа. батамидтагаад̣̇ийнам̣ хздтаа на вадданд̇ийд̇и бхид̇д̇ияаа батамидтагаад̣̇ийнам̣ хздтаа бхуумияам̣ бад̇идтаабияамаанаа идтагаад̣̇аяо бхуумиг̇ад̇игад̇д̇аа ‘‘габбияагудим̣ гаромаа’’д̇и вад̇ваа бад̇идтаабзд̇ум̣ на вадданд̇и. яад̣̇и звам̣ бхуумияам̣ никан̣ид̇ваа бад̇идтаабияамаанаа т̇амбхаа гасмаа д̇ат̇аа вад̇ваа бад̇идтаабзд̇ум̣ вадданд̇ийд̇и ааха ‘‘т̇амбхаа бана…бз… вадданд̇ий’’д̇и. сан̇гхасанд̇агамзваад̇и ваасад̇т̇ааяа гад̇ам̣ сан̇гхигасзнаасанам̣ санд̇хааяа вад̣̇ад̇и. бхигкусанд̇аганд̇и ваасад̇т̇ааяа зва гад̇ам̣ бхигкусса буг̇г̇алигасзнаасанам̣. мукасаннид̇хийд̇и иминаа анд̇овуд̇т̇ад̣̇уггадамзва д̣̇ийбид̇ам̣.
295.Abhilāpamattanti desanāmattaṃ. Āmisakhādanatthāyāti tattha tattha chaḍḍitassa āmisassa khādanatthāya. Anuppageyevāti pātoyeva. Oravasaddanti mahāsaddaṃ. Taṃ pana avatvāpīti andhakaṭṭhakathāyaṃvuttanayena avatvāpi. Pi-saddena tathā vacanampi anujānāti. Aṭṭhakathāsu vuttanayenāti sesaaṭṭhakathāsu vuttanayena. ‘‘Kappiyakuṭiṃ karomā’ti vā, ‘kappiyakuṭī’ti vā vutte sādhāraṇalakkhaṇa’’nti sabbaaṭṭhakathāsu vuttaussāvanantikākuṭikaraṇalakkhaṇaṃ. Cayanti adhiṭṭhānaṃ. Yato paṭṭhāyāti yato iṭṭhakato silato mattikāpiṇḍato vā paṭṭhāya. Paṭhamiṭṭhakādīnaṃ heṭṭhā na vaṭṭantīti bhittiyā paṭhamiṭṭhakādīnaṃ heṭṭhā bhūmiyaṃ patiṭṭhāpiyamānā iṭṭhakādayo bhūmigatikattā ‘‘kappiyakuṭiṃ karomā’’ti vatvā patiṭṭhāpetuṃ na vaṭṭanti. Yadi evaṃ bhūmiyaṃ nikhaṇitvā patiṭṭhāpiyamānā thambhā kasmā tathā vatvā patiṭṭhāpetuṃ vaṭṭantīti āha ‘‘thambhā pana…pe… vaṭṭantī’’ti. Saṅghasantakamevāti vāsatthāya kataṃ saṅghikasenāsanaṃ sandhāya vadati. Bhikkhusantakanti vāsatthāya eva kataṃ bhikkhussa puggalikasenāsanaṃ. Mukhasannidhīti iminā antovutthadukkaṭameva dīpitaṃ.
габбияабхуумиануж̇аананагат̇ааван̣н̣анаа нидтид̇аа.
Kappiyabhūmianujānanakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 179. габбияабхуумиануж̇аананаа • 179. Kappiyabhūmianujānanā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / габбияабхуумиануж̇аананагат̇аа • Kappiyabhūmianujānanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / габбияабхуумиануж̇аананагат̇ааван̣н̣анаа • Kappiyabhūmianujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / габбияабхуумиануж̇аананагат̇ааван̣н̣анаа • Kappiyabhūmianujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 179. габбияабхуумиануж̇аананагат̇аа • 179. Kappiyabhūmianujānanakathā
