| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
габбияабхуумиануж̇аананагат̇ааван̣н̣анаа
Kappiyabhūmianujānanakathāvaṇṇanā
295. оравасад̣̇д̣̇анд̇и махаасад̣̇д̣̇ам̣. б̣ахуухи самбариваарзд̇ваад̇и зд̇т̇а згзнааби ваддад̇и. ‘‘б̣ахуусу згассаби важанзна саха сияаад̇и вуд̇д̇а’’нд̇и вад̣̇анд̇и. ‘‘аамасид̇ваа’’д̇и вуд̇д̇ад̇д̇аа анаамасид̇з на ваддад̇и. ‘‘д̣̇осо над̇т̇ий’’д̇и важанзна сзсааби анун̃н̃аад̇аа. ‘‘бхид̇д̇ин̃жз убасанд̇з бажчаа д̇ам̣ буурзнд̇и, д̇ад̇т̇а гаад̇ум̣ на ваддад̇и, багад̇ибхуумияам̣язва гаад̇ум̣ ваддад̇ий’’д̇и вад̣̇анд̇и. д̇ам̣ убари адтагат̇ааяам̣ ‘‘идтагаад̣̇ийхи гад̇аажаяассаа’’д̇иаад̣̇инаа вируж̇жхад̇и вияа. мад̇д̇игаабин̣д̣ам̣ ваад̇и зд̇т̇а ‘‘асад̇ияаа анад̇хидтид̇ааяа сарид̇адтаанад̇о бадтааяа жз убари ад̇хидтид̇аа, хздтаа тид̇ам̣ бхан̣д̣ам̣ агаббияам̣, убаридтид̇амзва габбияам̣, аяамзд̇т̇а висзсо’’д̇и вуд̇д̇ам̣. зд̇т̇а габбияагуди лад̣̇д̇хум̣ ваддад̇ийд̇и звам̣вид̇хз буна гаад̇аб̣б̣аад̇и ад̇т̇о. габбияагудим̣ гаад̇ум̣ д̣̇змаад̇и зд̇т̇а габбияагудигижжам̣ гаад̇унд̇и ад̇хиббааяо. бхож̇анасаалаа бана сзнаасанамзва, д̇асмаа д̇ад̇т̇а гаад̇аб̣б̣анд̇и абарз. ‘‘агад̇зби ваддад̇ий’’д̇и вуд̇д̇ам̣.
295.Oravasaddanti mahāsaddaṃ. Bahūhi samparivāretvāti ettha ekenāpi vaṭṭati. ‘‘Bahūsu ekassapi vacanena saha siyāti vutta’’nti vadanti. ‘‘Āmasitvā’’ti vuttattā anāmasite na vaṭṭati. ‘‘Doso natthī’’ti vacanena sesāpi anuññātā. ‘‘Bhittiñce upasante pacchā taṃ pūrenti, tattha kātuṃ na vaṭṭati, pakatibhūmiyaṃyeva kātuṃ vaṭṭatī’’ti vadanti. Taṃ upari aṭṭhakathāyaṃ ‘‘iṭṭhakādīhi katācayassā’’tiādinā virujjhati viya. Mattikāpiṇḍaṃ vāti ettha ‘‘asatiyā anadhiṭṭhitāya saritaṭṭhānato paṭṭhāya ce upari adhiṭṭhitā, heṭṭhā ṭhitaṃ bhaṇḍaṃ akappiyaṃ, upariṭṭhitameva kappiyaṃ, ayamettha viseso’’ti vuttaṃ. Ettha kappiyakuṭi laddhuṃ vaṭṭatīti evaṃvidhe puna kātabbāti attho. Kappiyakuṭiṃ kātuṃ demāti ettha kappiyakuṭikiccaṃ kātunti adhippāyo. Bhojanasālā pana senāsanameva, tasmā tattha kātabbanti apare. ‘‘Akatepi vaṭṭatī’’ti vuttaṃ.
‘‘мукасаннид̇хи наама бхож̇анагаалз саннид̇хий’’д̇и ликид̇ам̣. мукасаннид̇хийд̇и д̇асса наамам̣. ‘‘яад̣̇и саннид̇хи ход̇и, баажид̇д̇ияам̣ бхавзяяа, мукасаннид̇хи бана д̣̇уггадам̣, д̇асмаа саннид̇хи анад̇хиббзд̇аа’’д̇и вуд̇д̇ам̣. ‘‘д̇асса санд̇агам̣ гад̇ваа’’д̇и вуд̇д̇ад̇д̇аа анабзгкависсаж̇ж̇анам̣ наад̇хиббзд̇ам̣. жийваравигаббанз вияа габбияамад̇д̇ам̣ н̃аад̇аб̣б̣анд̇и гзжи.
‘‘Mukhasannidhi nāma bhojanakāle sannidhī’’ti likhitaṃ. Mukhasannidhīti tassa nāmaṃ. ‘‘Yadi sannidhi hoti, pācittiyaṃ bhaveyya, mukhasannidhi pana dukkaṭaṃ, tasmā sannidhi anadhippetā’’ti vuttaṃ. ‘‘Tassa santakaṃ katvā’’ti vuttattā anapekkhavissajjanaṃ nādhippetaṃ. Cīvaravikappane viya kappiyamattaṃ ñātabbanti keci.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 179. габбияабхуумиануж̇аананаа • 179. Kappiyabhūmianujānanā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / габбияабхуумиануж̇аананагат̇аа • Kappiyabhūmianujānanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / габбияабхуумиануж̇аананагат̇ааван̣н̣анаа • Kappiyabhūmianujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / габбияабхуумиануж̇аананагат̇ааван̣н̣анаа • Kappiyabhūmianujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 179. габбияабхуумиануж̇аананагат̇аа • 179. Kappiyabhūmianujānanakathā
