| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
габбияабхуумиануж̇аананагат̇ааван̣н̣анаа
Kappiyabhūmianujānanakathāvaṇṇanā
295. ануббаг̇з зваад̇и баад̇ова. оравасад̣̇д̣̇анд̇и махаасад̣̇д̣̇ам̣. д̇ам̣ бана авад̇ваабийд̇и би-сад̣̇д̣̇зна д̇ат̇ааважанамби ануж̇аанаад̇и. адтагат̇аасууд̇и анд̇хагадтагат̇аавирахид̇аасу сзсадтагат̇аасу. саад̇хааран̣алагкан̣анд̇и анд̇хагадтагат̇ааяа саха саб̣б̣адтагат̇аанам̣ самаанам̣.
295.Anuppage evāti pātova. Oravasaddanti mahāsaddaṃ. Taṃ pana avatvāpīti pi-saddena tathāvacanampi anujānāti. Aṭṭhakathāsūti andhakaṭṭhakathāvirahitāsu sesaṭṭhakathāsu. Sādhāraṇalakkhaṇanti andhakaṭṭhakathāya saha sabbaṭṭhakathānaṃ samānaṃ.
жаяанд̇и ад̇хидтаанаужжавад̇т̇ум̣. яад̇о бадтааяаад̇и яад̇о идтагаад̣̇ид̇о бадтааяа, яам̣ аад̣̇им̣ гад̇ваа бхид̇д̇им̣ удтаабзд̇угаамаад̇и ад̇т̇о. ‘‘т̇амбхаа бана убари уг̇г̇ажчанд̇и, д̇асмаа вадданд̇ий’’д̇и зд̇зна идтагабаасаан̣аа хздтаа бад̇идтаабид̇ааби яад̣̇и жаяад̇о, бхуумид̇о ваа зган̇г̇уламад̇д̇амби уг̇г̇ад̇аа д̇идтанд̇и, вадданд̇ийд̇и сид̣̇д̇хам̣ ход̇и.
Cayanti adhiṭṭhānauccavatthuṃ. Yato paṭṭhāyāti yato iṭṭhakādito paṭṭhāya, yaṃ ādiṃ katvā bhittiṃ uṭṭhāpetukāmāti attho. ‘‘Thambhā pana upari uggacchanti, tasmā vaṭṭantī’’ti etena iṭṭhakapāsāṇā heṭṭhā patiṭṭhāpitāpi yadi cayato, bhūmito vā ekaṅgulamattampi uggatā tiṭṭhanti, vaṭṭantīti siddhaṃ hoti.
аараамод̇и убажаарасиймаабарижчинно сагало вихааро. сзнаасанаанийд̇и вихаарасса анд̇о д̇ин̣агудиаад̣̇игаани сан̇гхасса ниваасаг̇зхаани. вихаараг̇онисаад̣̇игаа наамаад̇и сзнаасанаг̇онисаад̣̇игаа. сзнаасанаани хи саяам̣ баригкид̇д̇ааниби аараамабаригкзбаабхаавзна ‘‘г̇онисаад̣̇игааний’’д̇и вуд̇д̇аани. ‘‘убад̣дхабаригкид̇д̇обий’’д̇и иминаа д̇ад̇о уунабаригкид̇д̇о язбхуяязна абаригкид̇д̇о наама, д̇асмаа абаригкид̇д̇асан̇кяамзва г̇ажчад̇ийд̇и д̣̇ассзд̇и. зд̇т̇аад̇и убад̣дхаад̣̇ибаригкид̇д̇з. габбияагудим̣ лад̣̇д̇хум̣ ваддад̇ийд̇и г̇онисаад̣̇ияаа абхаавзна сзсагаббияагудийсу д̇ийсу яаа гаажи габбияагуди гаад̇аб̣б̣аад̇и ад̇т̇о.
Ārāmoti upacārasīmāparicchinno sakalo vihāro. Senāsanānīti vihārassa anto tiṇakuṭiādikāni saṅghassa nivāsagehāni. Vihāragonisādikā nāmāti senāsanagonisādikā. Senāsanāni hi sayaṃ parikkhittānipi ārāmaparikkhepābhāvena ‘‘gonisādikānī’’ti vuttāni. ‘‘Upaḍḍhaparikkhittopī’’ti iminā tato ūnaparikkhitto yebhuyyena aparikkhitto nāma, tasmā aparikkhittasaṅkhyameva gacchatīti dasseti. Etthāti upaḍḍhādiparikkhitte. Kappiyakuṭiṃ laddhuṃ vaṭṭatīti gonisādiyā abhāvena sesakappiyakuṭīsu tīsu yā kāci kappiyakuṭi kātabbāti attho.
д̇зсам̣ г̇зхаанийд̇и зд̇т̇а бхигкуунам̣ ваасад̇т̇ааяа гад̇амби яаава на д̣̇знд̇и, д̇аава д̇зсам̣ санд̇агам̣язва бхависсад̇ийд̇и д̣̇адтаб̣б̣ам̣. вихаарам̣ табзд̇ваад̇и убасамбаннаанам̣ ваасад̇т̇ааяа гад̇аг̇зхам̣ табзд̇ваад̇и ад̇т̇о. г̇зханд̇и ниваасаг̇зхам̣, д̇ад̣̇ан̃н̃ам̣ бана убосат̇ааг̇аараад̣̇и саб̣б̣ам̣ аниваасаг̇зхам̣ жад̇угаббияабхуумивимуд̇д̇аа бан̃жамий габбияабхууми. сан̇гхасанд̇агзби хи зд̇аад̣̇исз г̇зхз судту баригкид̇д̇аараамад̇д̇зби аб̣бхогаасз вияа анд̇овуд̇т̇аад̣̇ид̣̇осо над̇т̇и. язна гзнажи чаннз, барижчаннз жа сахасзяяаббахонагз бхигкусан̇гхасса ниваасаг̇зхз анд̇овуд̇т̇аад̣̇ид̣̇осо, на ан̃н̃ад̇т̇а. д̇знааха ‘‘яам̣ банаа’’д̇иаад̣̇и. д̇ад̇т̇а ‘‘сан̇гхигам̣ ваа буг̇г̇алигам̣ ваа’’д̇и ид̣̇ам̣ гин̃жааби бхигкунийнам̣ сааман̃н̃ад̇о вуд̇д̇ам̣, бхигкуунам̣ бана сан̇гхигам̣ буг̇г̇алиган̃жа бхигкунийнам̣, д̇аасам̣ сан̇гхигам̣ буг̇г̇алиган̃жа бхигкуунам̣ г̇ихисанд̇агадтаанз д̇идтад̇ийд̇и взд̣̇ид̇аб̣б̣ам̣.
Tesaṃ gehānīti ettha bhikkhūnaṃ vāsatthāya katampi yāva na denti, tāva tesaṃ santakaṃyeva bhavissatīti daṭṭhabbaṃ. Vihāraṃ ṭhapetvāti upasampannānaṃ vāsatthāya katagehaṃ ṭhapetvāti attho. Gehanti nivāsagehaṃ, tadaññaṃ pana uposathāgārādi sabbaṃ anivāsagehaṃ catukappiyabhūmivimuttā pañcamī kappiyabhūmi. Saṅghasantakepi hi etādise gehe suṭṭhu parikkhittārāmattepi abbhokāse viya antovutthādidoso natthi. Yena kenaci channe, paricchanne ca sahaseyyappahonake bhikkhusaṅghassa nivāsagehe antovutthādidoso, na aññattha. Tenāha ‘‘yaṃ panā’’tiādi. Tattha ‘‘saṅghikaṃ vā puggalikaṃ vā’’ti idaṃ kiñcāpi bhikkhunīnaṃ sāmaññato vuttaṃ, bhikkhūnaṃ pana saṅghikaṃ puggalikañca bhikkhunīnaṃ, tāsaṃ saṅghikaṃ puggalikañca bhikkhūnaṃ gihisantakaṭṭhāne tiṭṭhatīti veditabbaṃ.
мукасаннид̇хийд̇и анд̇осаннихид̇ад̣̇осо хи мукаббавзсананимид̇д̇ам̣ аабад̇д̇им̣ гарод̇и, наан̃н̃ат̇аа. д̇асмаа ‘‘мукасаннид̇хий’’д̇и вуд̇д̇о.
Mukhasannidhīti antosannihitadoso hi mukhappavesananimittaṃ āpattiṃ karoti, nāññathā. Tasmā ‘‘mukhasannidhī’’ti vutto.
д̇ад̇т̇а д̇ад̇т̇а кан̣д̣аа хонд̇ийд̇и убад̣дхад̇о ад̇хигам̣ кан̣д̣аа хонд̇и. саб̣б̣асмим̣ чад̣̇анз винадтзд̇и д̇ин̣абан̣н̣аад̣̇ивассабарид̇д̇ааяагз чад̣̇анз винадтз. г̇обаанасийнам̣ бана убари валлийхи б̣ад̣̇д̇хад̣̇ан̣д̣зсу тид̇зсуби ж̇ахид̇авад̇т̇угаа хонд̇и зва. багкабаасагаман̣д̣аланд̇и згасмим̣ бассз д̇ин̣н̣ам̣ г̇обаанасийнам̣ убари тид̇ад̇ин̣абан̣н̣аад̣̇ижчад̣̇анам̣ вужжад̇и.
Tattha tattha khaṇḍā hontīti upaḍḍhato adhikaṃ khaṇḍā honti. Sabbasmiṃ chadane vinaṭṭheti tiṇapaṇṇādivassaparittāyake chadane vinaṭṭhe. Gopānasīnaṃ pana upari vallīhi baddhadaṇḍesu ṭhitesupi jahitavatthukā honti eva. Pakkhapāsakamaṇḍalanti ekasmiṃ passe tiṇṇaṃ gopānasīnaṃ upari ṭhitatiṇapaṇṇādicchadanaṃ vuccati.
анубасамбаннасса д̣̇аад̇аб̣б̣о ассаад̇иаад̣̇инаа агаббияагудияам̣ вуд̇т̇амби анубасамбаннасса д̣̇иннз габбияам̣ ход̇и, саабзгкад̣̇аанан̃жзд̇т̇а ваддад̇и, бадиг̇г̇ахан̣ам̣ вияа на ход̇ийд̇и д̣̇ассзд̇и.
Anupasampannassa dātabbo assātiādinā akappiyakuṭiyaṃ vutthampi anupasampannassa dinne kappiyaṃ hoti, sāpekkhadānañcettha vaṭṭati, paṭiggahaṇaṃ viya na hotīti dasseti.
299. баал̣ияам̣ ганд̇аарз самбхаавзсийд̇и аббабхагкаганд̇аарз самбаабун̣и.
299. Pāḷiyaṃ kantāre sambhāvesīti appabhakkhakantāre sampāpuṇi.
габбияабхуумиануж̇аананагат̇ааван̣н̣анаа нидтид̇аа.
Kappiyabhūmianujānanakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
179. габбияабхуумиануж̇аананаа • 179. Kappiyabhūmianujānanā
181. бан̃жаг̇орасаад̣̇иануж̇аананаа • 181. Pañcagorasādianujānanā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / габбияабхуумиануж̇аананагат̇аа • Kappiyabhūmianujānanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / габбияабхуумиануж̇аананагат̇ааван̣н̣анаа • Kappiyabhūmianujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / габбияабхуумиануж̇аананагат̇ааван̣н̣анаа • Kappiyabhūmianujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 179. габбияабхуумиануж̇аананагат̇аа • 179. Kappiyabhūmianujānanakathā
