| Library / Tipiṭaka / ਤਿਪਿਟਕ • Tipiṭaka / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā |
ਕਪ੍ਪਿਯਭੂਮਿਅਨੁਜਾਨਨਕਥਾવਣ੍ਣਨਾ
Kappiyabhūmianujānanakathāvaṇṇanā
੨੯੫. ਅਭਿਲਾਪਮਤ੍ਤਨ੍ਤਿ ਦੇਸਨਾਮਤ੍ਤਂ। ਆਮਿਸਖਾਦਨਤ੍ਥਾਯਾਤਿ ਤਤ੍ਥ ਤਤ੍ਥ ਛਡ੍ਡਿਤਸ੍ਸ ਆਮਿਸਸ੍ਸ ਖਾਦਨਤ੍ਥਾਯ। ਅਨੁਪ੍ਪਗੇਯੇવਾਤਿ ਪਾਤੋਯੇવ। ਓਰવਸਦ੍ਦਨ੍ਤਿ ਮਹਾਸਦ੍ਦਂ। ਤਂ ਪਨ ਅવਤ੍વਾਪੀਤਿ ਅਨ੍ਧਕਟ੍ਠਕਥਾਯਂવੁਤ੍ਤਨਯੇਨ ਅવਤ੍વਾਪਿ। ਪਿ-ਸਦ੍ਦੇਨ ਤਥਾ વਚਨਮ੍ਪਿ ਅਨੁਜਾਨਾਤਿ। ਅਟ੍ਠਕਥਾਸੁ વੁਤ੍ਤਨਯੇਨਾਤਿ ਸੇਸਅਟ੍ਠਕਥਾਸੁ વੁਤ੍ਤਨਯੇਨ। ‘‘ਕਪ੍ਪਿਯਕੁਟਿਂ ਕਰੋਮਾ’ਤਿ વਾ, ‘ਕਪ੍ਪਿਯਕੁਟੀ’ਤਿ વਾ વੁਤ੍ਤੇ ਸਾਧਾਰਣਲਕ੍ਖਣ’’ਨ੍ਤਿ ਸਬ੍ਬਅਟ੍ਠਕਥਾਸੁ વੁਤ੍ਤਉਸ੍ਸਾવਨਨ੍ਤਿਕਾਕੁਟਿਕਰਣਲਕ੍ਖਣਂ। ਚਯਨ੍ਤਿ ਅਧਿਟ੍ਠਾਨਂ। ਯਤੋ ਪਟ੍ਠਾਯਾਤਿ ਯਤੋ ਇਟ੍ਠਕਤੋ ਸਿਲਤੋ ਮਤ੍ਤਿਕਾਪਿਣ੍ਡਤੋ વਾ ਪਟ੍ਠਾਯ। ਪਠਮਿਟ੍ਠਕਾਦੀਨਂ ਹੇਟ੍ਠਾ ਨ વਟ੍ਟਨ੍ਤੀਤਿ ਭਿਤ੍ਤਿਯਾ ਪਠਮਿਟ੍ਠਕਾਦੀਨਂ ਹੇਟ੍ਠਾ ਭੂਮਿਯਂ ਪਤਿਟ੍ਠਾਪਿਯਮਾਨਾ ਇਟ੍ਠਕਾਦਯੋ ਭੂਮਿਗਤਿਕਤ੍ਤਾ ‘‘ਕਪ੍ਪਿਯਕੁਟਿਂ ਕਰੋਮਾ’’ਤਿ વਤ੍વਾ ਪਤਿਟ੍ਠਾਪੇਤੁਂ ਨ વਟ੍ਟਨ੍ਤਿ। ਯਦਿ ਏવਂ ਭੂਮਿਯਂ ਨਿਖਣਿਤ੍વਾ ਪਤਿਟ੍ਠਾਪਿਯਮਾਨਾ ਥਮ੍ਭਾ ਕਸ੍ਮਾ ਤਥਾ વਤ੍વਾ ਪਤਿਟ੍ਠਾਪੇਤੁਂ વਟ੍ਟਨ੍ਤੀਤਿ ਆਹ ‘‘ਥਮ੍ਭਾ ਪਨ…ਪੇ॰… વਟ੍ਟਨ੍ਤੀ’’ਤਿ। ਸਙ੍ਘਸਨ੍ਤਕਮੇવਾਤਿ વਾਸਤ੍ਥਾਯ ਕਤਂ ਸਙ੍ਘਿਕਸੇਨਾਸਨਂ ਸਨ੍ਧਾਯ વਦਤਿ। ਭਿਕ੍ਖੁਸਨ੍ਤਕਨ੍ਤਿ વਾਸਤ੍ਥਾਯ ਏવ ਕਤਂ ਭਿਕ੍ਖੁਸ੍ਸ ਪੁਗ੍ਗਲਿਕਸੇਨਾਸਨਂ। ਮੁਖਸਨ੍ਨਿਧੀਤਿ ਇਮਿਨਾ ਅਨ੍ਤੋવੁਤ੍ਥਦੁਕ੍ਕਟਮੇવ ਦੀਪਿਤਂ।
295.Abhilāpamattanti desanāmattaṃ. Āmisakhādanatthāyāti tattha tattha chaḍḍitassa āmisassa khādanatthāya. Anuppageyevāti pātoyeva. Oravasaddanti mahāsaddaṃ. Taṃ pana avatvāpīti andhakaṭṭhakathāyaṃvuttanayena avatvāpi. Pi-saddena tathā vacanampi anujānāti. Aṭṭhakathāsu vuttanayenāti sesaaṭṭhakathāsu vuttanayena. ‘‘Kappiyakuṭiṃ karomā’ti vā, ‘kappiyakuṭī’ti vā vutte sādhāraṇalakkhaṇa’’nti sabbaaṭṭhakathāsu vuttaussāvanantikākuṭikaraṇalakkhaṇaṃ. Cayanti adhiṭṭhānaṃ. Yato paṭṭhāyāti yato iṭṭhakato silato mattikāpiṇḍato vā paṭṭhāya. Paṭhamiṭṭhakādīnaṃ heṭṭhā na vaṭṭantīti bhittiyā paṭhamiṭṭhakādīnaṃ heṭṭhā bhūmiyaṃ patiṭṭhāpiyamānā iṭṭhakādayo bhūmigatikattā ‘‘kappiyakuṭiṃ karomā’’ti vatvā patiṭṭhāpetuṃ na vaṭṭanti. Yadi evaṃ bhūmiyaṃ nikhaṇitvā patiṭṭhāpiyamānā thambhā kasmā tathā vatvā patiṭṭhāpetuṃ vaṭṭantīti āha ‘‘thambhā pana…pe… vaṭṭantī’’ti. Saṅghasantakamevāti vāsatthāya kataṃ saṅghikasenāsanaṃ sandhāya vadati. Bhikkhusantakanti vāsatthāya eva kataṃ bhikkhussa puggalikasenāsanaṃ. Mukhasannidhīti iminā antovutthadukkaṭameva dīpitaṃ.
ਕਪ੍ਪਿਯਭੂਮਿਅਨੁਜਾਨਨਕਥਾવਣ੍ਣਨਾ ਨਿਟ੍ਠਿਤਾ।
Kappiyabhūmianujānanakathāvaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੧੭੯. ਕਪ੍ਪਿਯਭੂਮਿਅਨੁਜਾਨਨਾ • 179. Kappiyabhūmianujānanā
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਕਪ੍ਪਿਯਭੂਮਿਅਨੁਜਾਨਨਕਥਾ • Kappiyabhūmianujānanakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਕਪ੍ਪਿਯਭੂਮਿਅਨੁਜਾਨਨਕਥਾવਣ੍ਣਨਾ • Kappiyabhūmianujānanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਕਪ੍ਪਿਯਭੂਮਿਅਨੁਜਾਨਨਕਥਾવਣ੍ਣਨਾ • Kappiyabhūmianujānanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧੭੯. ਕਪ੍ਪਿਯਭੂਮਿਅਨੁਜਾਨਨਕਥਾ • 179. Kappiyabhūmianujānanakathā
