| Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
ਕਪ੍ਪਿਯਭੂਮਿਅਨੁਜਾਨਨਕਥਾવਣ੍ਣਨਾ
Kappiyabhūmianujānanakathāvaṇṇanā
੨੯੫. ਅਨੁਪ੍ਪਗੇ ਏવਾਤਿ ਪਾਤੋવ। ਓਰવਸਦ੍ਦਨ੍ਤਿ ਮਹਾਸਦ੍ਦਂ। ਤਂ ਪਨ ਅવਤ੍વਾਪੀਤਿ ਪਿ-ਸਦ੍ਦੇਨ ਤਥਾવਚਨਮ੍ਪਿ ਅਨੁਜਾਨਾਤਿ। ਅਟ੍ਠਕਥਾਸੂਤਿ ਅਨ੍ਧਕਟ੍ਠਕਥਾવਿਰਹਿਤਾਸੁ ਸੇਸਟ੍ਠਕਥਾਸੁ। ਸਾਧਾਰਣਲਕ੍ਖਣਨ੍ਤਿ ਅਨ੍ਧਕਟ੍ਠਕਥਾਯ ਸਹ ਸਬ੍ਬਟ੍ਠਕਥਾਨਂ ਸਮਾਨਂ।
295.Anuppage evāti pātova. Oravasaddanti mahāsaddaṃ. Taṃ pana avatvāpīti pi-saddena tathāvacanampi anujānāti. Aṭṭhakathāsūti andhakaṭṭhakathāvirahitāsu sesaṭṭhakathāsu. Sādhāraṇalakkhaṇanti andhakaṭṭhakathāya saha sabbaṭṭhakathānaṃ samānaṃ.
ਚਯਨ੍ਤਿ ਅਧਿਟ੍ਠਾਨਉਚ੍ਚવਤ੍ਥੁਂ। ਯਤੋ ਪਟ੍ਠਾਯਾਤਿ ਯਤੋ ਇਟ੍ਠਕਾਦਿਤੋ ਪਟ੍ਠਾਯ, ਯਂ ਆਦਿਂ ਕਤ੍વਾ ਭਿਤ੍ਤਿਂ ਉਟ੍ਠਾਪੇਤੁਕਾਮਾਤਿ ਅਤ੍ਥੋ। ‘‘ਥਮ੍ਭਾ ਪਨ ਉਪਰਿ ਉਗ੍ਗਚ੍ਛਨ੍ਤਿ, ਤਸ੍ਮਾ વਟ੍ਟਨ੍ਤੀ’’ਤਿ ਏਤੇਨ ਇਟ੍ਠਕਪਾਸਾਣਾ ਹੇਟ੍ਠਾ ਪਤਿਟ੍ਠਾਪਿਤਾਪਿ ਯਦਿ ਚਯਤੋ, ਭੂਮਿਤੋ વਾ ਏਕਙ੍ਗੁਲਮਤ੍ਤਮ੍ਪਿ ਉਗ੍ਗਤਾ ਤਿਟ੍ਠਨ੍ਤਿ, વਟ੍ਟਨ੍ਤੀਤਿ ਸਿਦ੍ਧਂ ਹੋਤਿ।
Cayanti adhiṭṭhānauccavatthuṃ. Yato paṭṭhāyāti yato iṭṭhakādito paṭṭhāya, yaṃ ādiṃ katvā bhittiṃ uṭṭhāpetukāmāti attho. ‘‘Thambhā pana upari uggacchanti, tasmā vaṭṭantī’’ti etena iṭṭhakapāsāṇā heṭṭhā patiṭṭhāpitāpi yadi cayato, bhūmito vā ekaṅgulamattampi uggatā tiṭṭhanti, vaṭṭantīti siddhaṃ hoti.
ਆਰਾਮੋਤਿ ਉਪਚਾਰਸੀਮਾਪਰਿਚ੍ਛਿਨ੍ਨੋ ਸਕਲੋ વਿਹਾਰੋ। ਸੇਨਾਸਨਾਨੀਤਿ વਿਹਾਰਸ੍ਸ ਅਨ੍ਤੋ ਤਿਣਕੁਟਿਆਦਿਕਾਨਿ ਸਙ੍ਘਸ੍ਸ ਨਿવਾਸਗੇਹਾਨਿ। વਿਹਾਰਗੋਨਿਸਾਦਿਕਾ ਨਾਮਾਤਿ ਸੇਨਾਸਨਗੋਨਿਸਾਦਿਕਾ। ਸੇਨਾਸਨਾਨਿ ਹਿ ਸਯਂ ਪਰਿਕ੍ਖਿਤ੍ਤਾਨਿਪਿ ਆਰਾਮਪਰਿਕ੍ਖੇਪਾਭਾવੇਨ ‘‘ਗੋਨਿਸਾਦਿਕਾਨੀ’’ਤਿ વੁਤ੍ਤਾਨਿ। ‘‘ਉਪਡ੍ਢਪਰਿਕ੍ਖਿਤ੍ਤੋਪੀ’’ਤਿ ਇਮਿਨਾ ਤਤੋ ਊਨਪਰਿਕ੍ਖਿਤ੍ਤੋ ਯੇਭੁਯ੍ਯੇਨ ਅਪਰਿਕ੍ਖਿਤ੍ਤੋ ਨਾਮ, ਤਸ੍ਮਾ ਅਪਰਿਕ੍ਖਿਤ੍ਤਸਙ੍ਖ੍ਯਮੇવ ਗਚ੍ਛਤੀਤਿ ਦਸ੍ਸੇਤਿ। ਏਤ੍ਥਾਤਿ ਉਪਡ੍ਢਾਦਿਪਰਿਕ੍ਖਿਤ੍ਤੇ। ਕਪ੍ਪਿਯਕੁਟਿਂ ਲਦ੍ਧੁਂ વਟ੍ਟਤੀਤਿ ਗੋਨਿਸਾਦਿਯਾ ਅਭਾવੇਨ ਸੇਸਕਪ੍ਪਿਯਕੁਟੀਸੁ ਤੀਸੁ ਯਾ ਕਾਚਿ ਕਪ੍ਪਿਯਕੁਟਿ ਕਾਤਬ੍ਬਾਤਿ ਅਤ੍ਥੋ।
Ārāmoti upacārasīmāparicchinno sakalo vihāro. Senāsanānīti vihārassa anto tiṇakuṭiādikāni saṅghassa nivāsagehāni. Vihāragonisādikā nāmāti senāsanagonisādikā. Senāsanāni hi sayaṃ parikkhittānipi ārāmaparikkhepābhāvena ‘‘gonisādikānī’’ti vuttāni. ‘‘Upaḍḍhaparikkhittopī’’ti iminā tato ūnaparikkhitto yebhuyyena aparikkhitto nāma, tasmā aparikkhittasaṅkhyameva gacchatīti dasseti. Etthāti upaḍḍhādiparikkhitte. Kappiyakuṭiṃ laddhuṃ vaṭṭatīti gonisādiyā abhāvena sesakappiyakuṭīsu tīsu yā kāci kappiyakuṭi kātabbāti attho.
ਤੇਸਂ ਗੇਹਾਨੀਤਿ ਏਤ੍ਥ ਭਿਕ੍ਖੂਨਂ વਾਸਤ੍ਥਾਯ ਕਤਮ੍ਪਿ ਯਾવ ਨ ਦੇਨ੍ਤਿ, ਤਾવ ਤੇਸਂ ਸਨ੍ਤਕਂਯੇવ ਭવਿਸ੍ਸਤੀਤਿ ਦਟ੍ਠਬ੍ਬਂ। વਿਹਾਰਂ ਠਪੇਤ੍વਾਤਿ ਉਪਸਮ੍ਪਨ੍ਨਾਨਂ વਾਸਤ੍ਥਾਯ ਕਤਗੇਹਂ ਠਪੇਤ੍વਾਤਿ ਅਤ੍ਥੋ। ਗੇਹਨ੍ਤਿ ਨਿવਾਸਗੇਹਂ, ਤਦਞ੍ਞਂ ਪਨ ਉਪੋਸਥਾਗਾਰਾਦਿ ਸਬ੍ਬਂ ਅਨਿવਾਸਗੇਹਂ ਚਤੁਕਪ੍ਪਿਯਭੂਮਿવਿਮੁਤ੍ਤਾ ਪਞ੍ਚਮੀ ਕਪ੍ਪਿਯਭੂਮਿ। ਸਙ੍ਘਸਨ੍ਤਕੇਪਿ ਹਿ ਏਤਾਦਿਸੇ ਗੇਹੇ ਸੁਟ੍ਠੁ ਪਰਿਕ੍ਖਿਤ੍ਤਾਰਾਮਤ੍ਤੇਪਿ ਅਬ੍ਭੋਕਾਸੇ વਿਯ ਅਨ੍ਤੋવੁਤ੍ਥਾਦਿਦੋਸੋ ਨਤ੍ਥਿ। ਯੇਨ ਕੇਨਚਿ ਛਨ੍ਨੇ, ਪਰਿਚ੍ਛਨ੍ਨੇ ਚ ਸਹਸੇਯ੍ਯਪ੍ਪਹੋਨਕੇ ਭਿਕ੍ਖੁਸਙ੍ਘਸ੍ਸ ਨਿવਾਸਗੇਹੇ ਅਨ੍ਤੋવੁਤ੍ਥਾਦਿਦੋਸੋ, ਨ ਅਞ੍ਞਤ੍ਥ। ਤੇਨਾਹ ‘‘ਯਂ ਪਨਾ’’ਤਿਆਦਿ। ਤਤ੍ਥ ‘‘ਸਙ੍ਘਿਕਂ વਾ ਪੁਗ੍ਗਲਿਕਂ વਾ’’ਤਿ ਇਦਂ ਕਿਞ੍ਚਾਪਿ ਭਿਕ੍ਖੁਨੀਨਂ ਸਾਮਞ੍ਞਤੋ વੁਤ੍ਤਂ, ਭਿਕ੍ਖੂਨਂ ਪਨ ਸਙ੍ਘਿਕਂ ਪੁਗ੍ਗਲਿਕਞ੍ਚ ਭਿਕ੍ਖੁਨੀਨਂ, ਤਾਸਂ ਸਙ੍ਘਿਕਂ ਪੁਗ੍ਗਲਿਕਞ੍ਚ ਭਿਕ੍ਖੂਨਂ ਗਿਹਿਸਨ੍ਤਕਟ੍ਠਾਨੇ ਤਿਟ੍ਠਤੀਤਿ વੇਦਿਤਬ੍ਬਂ।
Tesaṃ gehānīti ettha bhikkhūnaṃ vāsatthāya katampi yāva na denti, tāva tesaṃ santakaṃyeva bhavissatīti daṭṭhabbaṃ. Vihāraṃ ṭhapetvāti upasampannānaṃ vāsatthāya katagehaṃ ṭhapetvāti attho. Gehanti nivāsagehaṃ, tadaññaṃ pana uposathāgārādi sabbaṃ anivāsagehaṃ catukappiyabhūmivimuttā pañcamī kappiyabhūmi. Saṅghasantakepi hi etādise gehe suṭṭhu parikkhittārāmattepi abbhokāse viya antovutthādidoso natthi. Yena kenaci channe, paricchanne ca sahaseyyappahonake bhikkhusaṅghassa nivāsagehe antovutthādidoso, na aññattha. Tenāha ‘‘yaṃ panā’’tiādi. Tattha ‘‘saṅghikaṃ vā puggalikaṃ vā’’ti idaṃ kiñcāpi bhikkhunīnaṃ sāmaññato vuttaṃ, bhikkhūnaṃ pana saṅghikaṃ puggalikañca bhikkhunīnaṃ, tāsaṃ saṅghikaṃ puggalikañca bhikkhūnaṃ gihisantakaṭṭhāne tiṭṭhatīti veditabbaṃ.
ਮੁਖਸਨ੍ਨਿਧੀਤਿ ਅਨ੍ਤੋਸਨ੍ਨਿਹਿਤਦੋਸੋ ਹਿ ਮੁਖਪ੍ਪવੇਸਨਨਿਮਿਤ੍ਤਂ ਆਪਤ੍ਤਿਂ ਕਰੋਤਿ, ਨਾਞ੍ਞਥਾ। ਤਸ੍ਮਾ ‘‘ਮੁਖਸਨ੍ਨਿਧੀ’’ਤਿ વੁਤ੍ਤੋ।
Mukhasannidhīti antosannihitadoso hi mukhappavesananimittaṃ āpattiṃ karoti, nāññathā. Tasmā ‘‘mukhasannidhī’’ti vutto.
ਤਤ੍ਥ ਤਤ੍ਥ ਖਣ੍ਡਾ ਹੋਨ੍ਤੀਤਿ ਉਪਡ੍ਢਤੋ ਅਧਿਕਂ ਖਣ੍ਡਾ ਹੋਨ੍ਤਿ। ਸਬ੍ਬਸ੍ਮਿਂ ਛਦਨੇ વਿਨਟ੍ਠੇਤਿ ਤਿਣਪਣ੍ਣਾਦਿવਸ੍ਸਪਰਿਤ੍ਤਾਯਕੇ ਛਦਨੇ વਿਨਟ੍ਠੇ। ਗੋਪਾਨਸੀਨਂ ਪਨ ਉਪਰਿ વਲ੍ਲੀਹਿ ਬਦ੍ਧਦਣ੍ਡੇਸੁ ਠਿਤੇਸੁਪਿ ਜਹਿਤવਤ੍ਥੁਕਾ ਹੋਨ੍ਤਿ ਏવ। ਪਕ੍ਖਪਾਸਕਮਣ੍ਡਲਨ੍ਤਿ ਏਕਸ੍ਮਿਂ ਪਸ੍ਸੇ ਤਿਣ੍ਣਂ ਗੋਪਾਨਸੀਨਂ ਉਪਰਿ ਠਿਤਤਿਣਪਣ੍ਣਾਦਿਚ੍ਛਦਨਂ વੁਚ੍ਚਤਿ।
Tattha tattha khaṇḍā hontīti upaḍḍhato adhikaṃ khaṇḍā honti. Sabbasmiṃ chadane vinaṭṭheti tiṇapaṇṇādivassaparittāyake chadane vinaṭṭhe. Gopānasīnaṃ pana upari vallīhi baddhadaṇḍesu ṭhitesupi jahitavatthukā honti eva. Pakkhapāsakamaṇḍalanti ekasmiṃ passe tiṇṇaṃ gopānasīnaṃ upari ṭhitatiṇapaṇṇādicchadanaṃ vuccati.
ਅਨੁਪਸਮ੍ਪਨ੍ਨਸ੍ਸ ਦਾਤਬ੍ਬੋ ਅਸ੍ਸਾਤਿਆਦਿਨਾ ਅਕਪ੍ਪਿਯਕੁਟਿਯਂ વੁਤ੍ਥਮ੍ਪਿ ਅਨੁਪਸਮ੍ਪਨ੍ਨਸ੍ਸ ਦਿਨ੍ਨੇ ਕਪ੍ਪਿਯਂ ਹੋਤਿ, ਸਾਪੇਕ੍ਖਦਾਨਞ੍ਚੇਤ੍ਥ વਟ੍ਟਤਿ, ਪਟਿਗ੍ਗਹਣਂ વਿਯ ਨ ਹੋਤੀਤਿ ਦਸ੍ਸੇਤਿ।
Anupasampannassa dātabbo assātiādinā akappiyakuṭiyaṃ vutthampi anupasampannassa dinne kappiyaṃ hoti, sāpekkhadānañcettha vaṭṭati, paṭiggahaṇaṃ viya na hotīti dasseti.
੨੯੯. ਪਾਲ਼ਿਯਂ ਕਨ੍ਤਾਰੇ ਸਮ੍ਭਾવੇਸੀਤਿ ਅਪ੍ਪਭਕ੍ਖਕਨ੍ਤਾਰੇ ਸਮ੍ਪਾਪੁਣਿ।
299. Pāḷiyaṃ kantāre sambhāvesīti appabhakkhakantāre sampāpuṇi.
ਕਪ੍ਪਿਯਭੂਮਿਅਨੁਜਾਨਨਕਥਾવਣ੍ਣਨਾ ਨਿਟ੍ਠਿਤਾ।
Kappiyabhūmianujānanakathāvaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi
੧੭੯. ਕਪ੍ਪਿਯਭੂਮਿਅਨੁਜਾਨਨਾ • 179. Kappiyabhūmianujānanā
੧੮੧. ਪਞ੍ਚਗੋਰਸਾਦਿਅਨੁਜਾਨਨਾ • 181. Pañcagorasādianujānanā
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਕਪ੍ਪਿਯਭੂਮਿਅਨੁਜਾਨਨਕਥਾ • Kappiyabhūmianujānanakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਕਪ੍ਪਿਯਭੂਮਿਅਨੁਜਾਨਨਕਥਾવਣ੍ਣਨਾ • Kappiyabhūmianujānanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਕਪ੍ਪਿਯਭੂਮਿਅਨੁਜਾਨਨਕਥਾવਣ੍ਣਨਾ • Kappiyabhūmianujānanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧੭੯. ਕਪ੍ਪਿਯਭੂਮਿਅਨੁਜਾਨਨਕਥਾ • 179. Kappiyabhūmianujānanakathā
