| Library / Tipiṭaka / д̇ибидага • Tipiṭaka / винаяаалан̇гаара-дийгаа • Vinayālaṅkāra-ṭīkā |
19. габбияабхуумивинижчаяагат̇аа
19. Kappiyabhūmivinicchayakathā
101. звам̣ жад̇угаалигавинижчаяам̣ гат̇зд̇ваа ид̣̇аани габбияагудивинижчаяам̣ гат̇зд̇ум̣ ‘‘габбияаа жад̇убхуумияо’’д̇иаад̣̇имааха. д̇ад̇т̇а габбанд̇ийд̇и габбияаа, габба саамад̇т̇иязд̇и д̇хаад̇у. бхаванд̇и зд̇аасу анд̇овуд̇т̇аанд̇обаггаанийд̇и бхуумияо, жад̇ассо бхуумияо жад̇убхуумияо, жад̇ассо габбияагудияод̇и ад̇т̇о. гад̇амаа д̇аад̇и ааха ‘‘уссаавананд̇игаа…бз… взд̣̇ид̇аб̣б̣аа’’д̇и. гат̇ам̣ вин̃н̃ааяад̇ижжааха ‘‘ануж̇аанаами…бз… важанад̇о’’д̇и. ид̣̇ам̣ бхзсаж̇ж̇агканд̇хагабаал̣им̣ (махаава. 295) санд̇хааяааха. д̇ад̇т̇а уд̣̇д̇хам̣ сааванаа уссааванаа, уссааванаа анд̇о яассаа габбияабхуумияаад̇и уссаавананд̇игаа. г̇ааво нисийд̣̇анд̇и зд̇т̇аад̇и г̇онисаад̣̇игаа, г̇о-сад̣̇д̣̇уубабад̣̇а ни-буб̣б̣асад̣̇а висаран̣аг̇ад̇яаавасаанзсууд̇и д̇хаад̇у. г̇ахабад̇ийхи д̣̇иннаад̇и г̇ахабад̇и, уд̇д̇арабад̣̇алобад̇ад̇ияаад̇аббурисояам̣. гаммаваажааяа самманнид̇аб̣б̣аад̇и саммуд̇ийд̇и звамимаасам̣ виг̇г̇ахо гаад̇аб̣б̣о. д̇ад̇т̇аад̇и габбияагудивинижчаяз. д̇ам̣ бана авад̇ваабийд̇и анд̇хагадтагат̇ааяам̣ вуд̇д̇анаяам̣ авад̇вааби. би-сад̣̇д̣̇зна д̇ат̇ааважанамби ануж̇аанаад̇и. адтагат̇аасу вуд̇д̇анаязна вуд̇д̇зд̇и сзсаадтагат̇аасу вуд̇д̇анаязна ‘‘габбияагудим̣ гаромаа’’д̇и ваа ‘‘габбияагудий’’д̇и ваа вуд̇д̇з. саад̇хааран̣алагкан̣анд̇и саб̣б̣аадтагат̇аанам̣ саад̇хааран̣ам̣ уссаавананд̇игагудигаран̣алагкан̣ам̣. жаяанд̇и ад̇хидтаанам̣ ужжавад̇т̇ум̣. яад̇о бадтааяаад̇и яад̇о идтагад̇о силад̇о мад̇д̇игаабин̣д̣ад̇о ваа бадтааяа. батамидтагаад̣̇ийнам̣ хздтаа на вадданд̇ийд̇и батамидтагаад̣̇ийнам̣ хздтаабхуумияам̣ бад̇идтаабияамаанаа идтагаад̣̇аяо бхуумиг̇ад̇игад̇д̇аа ‘‘габбияагудим̣ гаромаа’’д̇и вад̇ваа бад̇идтаабзд̇ум̣ на вадданд̇и. яад̣̇и звам̣ бхуумияам̣ никан̣ид̇ваа табияамаанаа т̇амбхаа гасмаа д̇ат̇аа вад̇ваа бад̇идтаабзд̇ум̣ вадданд̇ийд̇и ааха ‘‘т̇амбхаа бана…бз… вадданд̇ий’’д̇и.
101. Evaṃ catukālikavinicchayaṃ kathetvā idāni kappiyakuṭivinicchayaṃ kathetuṃ ‘‘kappiyā catubhūmiyo’’tiādimāha. Tattha kappantīti kappiyā, kappa sāmatthiyeti dhātu. Bhavanti etāsu antovutthaantopakkānīti bhūmiyo, catasso bhūmiyo catubhūmiyo, catasso kappiyakuṭiyoti attho. Katamā tāti āha ‘‘ussāvanantikā…pe… veditabbā’’ti. Kathaṃ viññāyaticcāha ‘‘anujānāmi…pe… vacanato’’ti. Idaṃ bhesajjakkhandhakapāḷiṃ (mahāva. 295) sandhāyāha. Tattha uddhaṃ sāvanā ussāvanā, ussāvanā anto yassā kappiyabhūmiyāti ussāvanantikā. Gāvo nisīdanti etthāti gonisādikā, go-saddūpapada ni-pubbasada visaraṇagatyāvasānesūti dhātu. Gahapatīhi dinnāti gahapati, uttarapadalopatatiyātappurisoyaṃ. Kammavācāya sammannitabbāti sammutīti evamimāsaṃ viggaho kātabbo. Tatthāti kappiyakuṭivinicchaye. Taṃ pana avatvāpīti andhakaṭṭhakathāyaṃ vuttanayaṃ avatvāpi. Pi-saddena tathāvacanampi anujānāti. Aṭṭhakathāsu vuttanayena vutteti sesaaṭṭhakathāsu vuttanayena ‘‘kappiyakuṭiṃ karomā’’ti vā ‘‘kappiyakuṭī’’ti vā vutte. Sādhāraṇalakkhaṇanti sabbaaṭṭhakathānaṃ sādhāraṇaṃ ussāvanantikakuṭikaraṇalakkhaṇaṃ. Cayanti adhiṭṭhānaṃ uccavatthuṃ. Yato paṭṭhāyāti yato iṭṭhakato silato mattikāpiṇḍato vā paṭṭhāya. Paṭhamiṭṭhakādīnaṃ heṭṭhā na vaṭṭantīti paṭhamiṭṭhakādīnaṃ heṭṭhābhūmiyaṃ patiṭṭhāpiyamānā iṭṭhakādayo bhūmigatikattā ‘‘kappiyakuṭiṃ karomā’’ti vatvā patiṭṭhāpetuṃ na vaṭṭanti. Yadi evaṃ bhūmiyaṃ nikhaṇitvā ṭhapiyamānā thambhā kasmā tathā vatvā patiṭṭhāpetuṃ vaṭṭantīti āha ‘‘thambhā pana…pe… vaṭṭantī’’ti.
сан̇гхасанд̇агамзваад̇и ваасад̇т̇ааяа гад̇ам̣ сан̇гхигасзнаасанам̣ санд̇хааяа вад̣̇ад̇и. бхигкусанд̇аганд̇и ваасад̇т̇ааяа зва гад̇ам̣ бхигкусса буг̇г̇алигасзнаасанам̣.
Saṅghasantakamevāti vāsatthāya kataṃ saṅghikasenāsanaṃ sandhāya vadati. Bhikkhusantakanti vāsatthāya eva kataṃ bhikkhussa puggalikasenāsanaṃ.
102. мукасаннид̇хийд̇и иминаа анд̇овуд̇т̇ад̣̇уггадамзва д̣̇ийбзд̇и.
102.Mukhasannidhīti iminā antovutthadukkaṭameva dīpeti.
вимад̇ивинод̣̇анияам̣ (ви. ви. дий. махааваг̇г̇а 2.295) бана звам̣ вуд̇д̇ам̣ – д̇ам̣ бана авад̇ваабийд̇и би-сад̣̇д̣̇зна д̇ат̇ааважанамби ануж̇аанаад̇и. адтагат̇аасууд̇и анд̇хагадтагат̇аавирахид̇аасу сзсадтагат̇аасу. саад̇хааран̣алагкан̣анд̇и анд̇хагадтагат̇ааяа саха саб̣б̣адтагат̇аанам̣ самаанам̣. жаяанд̇и ад̇хидтаанам̣ ужжавад̇т̇ум̣. яад̇о бадтааяаад̇и яад̇о идтагаад̣̇ид̇о бадтааяа жаяам̣ аад̣̇им̣ гад̇ваа бхид̇д̇им̣ удтаабзд̇угаамаад̇и ад̇т̇о. ‘‘т̇амбхаа бана убари уг̇г̇ажчанд̇и, д̇асмаа вадданд̇ий’’д̇и зд̇зна идтагабаасаан̣аа хздтаа бад̇идтаабияамаанааби яад̣̇и жаяад̇о, бхуумид̇о ваа зган̇г̇уламад̇д̇амби уг̇г̇ад̇аа д̇идтанд̇и, вадданд̇ийд̇и сид̣̇д̇хам̣ ход̇и.
Vimativinodaniyaṃ (vi. vi. ṭī. mahāvagga 2.295) pana evaṃ vuttaṃ – taṃ pana avatvāpīti pi-saddena tathāvacanampi anujānāti. Aṭṭhakathāsūti andhakaṭṭhakathāvirahitāsu sesaṭṭhakathāsu. Sādhāraṇalakkhaṇanti andhakaṭṭhakathāya saha sabbaṭṭhakathānaṃ samānaṃ. Cayanti adhiṭṭhānaṃ uccavatthuṃ. Yato paṭṭhāyāti yato iṭṭhakādito paṭṭhāya cayaṃ ādiṃ katvā bhittiṃ uṭṭhāpetukāmāti attho. ‘‘Thambhā pana upari uggacchanti, tasmā vaṭṭantī’’ti etena iṭṭhakapāsāṇā heṭṭhā patiṭṭhāpiyamānāpi yadi cayato, bhūmito vā ekaṅgulamattampi uggatā tiṭṭhanti, vaṭṭantīti siddhaṃ hoti.
аараамод̇и убажаарасиймаабарижчинно сагало вихааро. сзнаасанаанийд̇и вихаарасса анд̇о д̇ин̣агудиаад̣̇игаани сан̇гхасса ниваасаг̇зхаани. вихаараг̇онисаад̣̇игаа наамаад̇и сзнаасанаг̇онисаад̣̇игаа наама. сзнаасанаани хи саяам̣ баригкид̇д̇ааниби аараамабаригкзбаабхаавзна ‘‘г̇онисаад̣̇игаа’’д̇и вуд̇д̇аа. ‘‘убад̣дхабаригкид̇д̇обий’’д̇и иминаа д̇ад̇о уунабаригкид̇д̇о язбхуяязна абаригкид̇д̇о наама, д̇асмаа абаригкид̇д̇асан̇камзва г̇ажчад̇ийд̇и д̣̇ассзд̇и. зд̇т̇аад̇и убад̣дхаад̣̇ибаригкид̇д̇з. габбияагуди лад̣̇д̇хум̣ ваддад̇ийд̇и г̇онисаад̣̇игааяа абхаавзна сзсагаббияагудийсу д̇ийсу яаа гаажи габбияагуди гаад̇аб̣б̣аад̇и ад̇т̇о.
Ārāmoti upacārasīmāparicchinno sakalo vihāro. Senāsanānīti vihārassa anto tiṇakuṭiādikāni saṅghassa nivāsagehāni. Vihāragonisādikā nāmāti senāsanagonisādikā nāma. Senāsanāni hi sayaṃ parikkhittānipi ārāmaparikkhepābhāvena ‘‘gonisādikā’’ti vuttā. ‘‘Upaḍḍhaparikkhittopī’’ti iminā tato ūnaparikkhitto yebhuyyena aparikkhitto nāma, tasmā aparikkhittasaṅkhameva gacchatīti dasseti. Etthāti upaḍḍhādiparikkhitte. Kappiyakuṭi laddhuṃ vaṭṭatīti gonisādikāya abhāvena sesakappiyakuṭīsu tīsu yā kāci kappiyakuṭi kātabbāti attho.
д̇зсам̣ г̇зхаанийд̇и зд̇т̇а бхигкуунам̣ ваасад̇т̇ааяа гад̇амби яаава на д̣̇знд̇и, д̇аава д̇зсам̣ санд̇агам̣язва бхависсад̇ийд̇и д̣̇адтаб̣б̣ам̣. вихаарам̣ табзд̇ваад̇и убасамбаннаанам̣ ваасад̇т̇ааяа гад̇ам̣ г̇зхам̣ табзд̇ваад̇и ад̇т̇о. г̇зханд̇и ниваасаг̇зхам̣. д̇ад̣̇ан̃н̃ам̣ бана убосат̇ааг̇аараад̣̇и саб̣б̣ам̣ аниваасаг̇зхам̣ жад̇угаббияабхуумивимуд̇д̇аа бан̃жамий габбияабхууми. сан̇гхасанд̇агзби хи зд̇аад̣̇исз г̇зхз судту баригкид̇д̇аараамадтзби аб̣бхогаасз вияа анд̇овуд̇т̇аад̣̇ид̣̇осо над̇т̇и. язна гзнажи чаннз барижчаннз жа сахасзяяаббахонагз бхигкусса, сан̇гхасса ваа ниваасаг̇зхз анд̇овуд̇т̇аад̣̇ид̣̇осо, на ан̃н̃ад̇т̇а. д̇знааха ‘‘яам̣ банаа’’д̇иаад̣̇и. д̇ад̇т̇а ‘‘сан̇гхигам̣ ваа буг̇г̇алигам̣ ваа’’д̇и ид̣̇ам̣ гин̃жааби бхигкубхигкунийнам̣ сааман̃н̃ад̇о вуд̇д̇ам̣ бхигкуунам̣ бана сан̇гхигам̣ буг̇г̇алиган̃жа бхигкунийнам̣, д̇аасам̣ сан̇гхигам̣ буг̇г̇алиган̃жа бхигкуунам̣ г̇ихисанд̇агадтаанз д̇идтад̇ийд̇и взд̣̇ид̇аб̣б̣ам̣.
Tesaṃ gehānīti ettha bhikkhūnaṃ vāsatthāya katampi yāva na denti, tāva tesaṃ santakaṃyeva bhavissatīti daṭṭhabbaṃ. Vihāraṃṭhapetvāti upasampannānaṃ vāsatthāya kataṃ gehaṃ ṭhapetvāti attho. Gehanti nivāsagehaṃ. Tadaññaṃ pana uposathāgārādi sabbaṃ anivāsagehaṃ catukappiyabhūmivimuttā pañcamī kappiyabhūmi. Saṅghasantakepi hi etādise gehe suṭṭhu parikkhittārāmaṭṭhepi abbhokāse viya antovutthādidoso natthi. Yena kenaci channe paricchanne ca sahaseyyappahonake bhikkhussa, saṅghassa vā nivāsagehe antovutthādidoso, na aññattha. Tenāha ‘‘yaṃ panā’’tiādi. Tattha ‘‘saṅghikaṃ vā puggalikaṃ vā’’ti idaṃ kiñcāpi bhikkhubhikkhunīnaṃ sāmaññato vuttaṃ bhikkhūnaṃ pana saṅghikaṃ puggalikañca bhikkhunīnaṃ, tāsaṃ saṅghikaṃ puggalikañca bhikkhūnaṃ gihisantakaṭṭhāne tiṭṭhatīti veditabbaṃ.
мукасаннид̇хийд̇и анд̇осаннихид̇ад̣̇осо хи мукаббавзсананимид̇д̇ам̣ аабад̇д̇им̣ гарод̇и, наан̃н̃ат̇аа, д̇асмаа ‘‘мукасаннид̇хий’’д̇и (ви. ви. дий. махааваг̇г̇а 2.295) вуд̇д̇од̇и.
Mukhasannidhīti antosannihitadoso hi mukhappavesananimittaṃ āpattiṃ karoti, nāññathā, tasmā ‘‘mukhasannidhī’’ti (vi. vi. ṭī. mahāvagga 2.295) vuttoti.
д̇ад̇т̇а д̇ад̇т̇а кан̣д̣аа хонд̇ийд̇и убад̣дхад̇о ад̇хигам̣ кан̣д̣аа хонд̇и. саб̣б̣асмим̣ чад̣̇анз винадтзд̇и д̇ин̣абан̣н̣аад̣̇ивассабарид̇д̇ааяагз чад̣̇анз винадтз. г̇обаанасийнам̣ бана убари валлийхи б̣ад̣̇д̇хад̣̇ан̣д̣зсу тид̇зсуби ж̇ахид̇авад̇т̇угаа хонд̇и зва. багкабаасагаман̣д̣аланд̇и згасмим̣ бассз д̇ин̣н̣ам̣ г̇обаанасийнам̣ убари тид̇ад̇ин̣абан̣н̣аад̣̇ичад̣̇анам̣ вужжад̇и.
Tattha tattha khaṇḍā hontīti upaḍḍhato adhikaṃ khaṇḍā honti. Sabbasmiṃ chadane vinaṭṭheti tiṇapaṇṇādivassaparittāyake chadane vinaṭṭhe. Gopānasīnaṃ pana upari vallīhi baddhadaṇḍesu ṭhitesupi jahitavatthukā honti eva. Pakkhapāsakamaṇḍalanti ekasmiṃ passe tiṇṇaṃ gopānasīnaṃ upari ṭhitatiṇapaṇṇādichadanaṃ vuccati.
103. ‘‘анубасамбаннасса д̣̇ад̇ваа д̇ассаа’’д̇иаад̣̇инаа агаббияагудияам̣ вуд̇т̇амби анубасамбаннасса д̣̇иннз габбияам̣ ход̇и, саабзгкад̣̇аанан̃жзд̇т̇а ваддад̇и, бадиг̇г̇ахан̣ам̣ вияа на ход̇ийд̇и д̣̇ассзд̇и. анд̇обаггасаамам̣баггзсу бана ‘‘на, бхигкавз, анд̇овуд̇т̇ам̣ анд̇обаггам̣ саамам̣баггам̣ барибхун̃ж̇ид̇аб̣б̣ам̣, яо барибхун̃ж̇зяяа, аабад̇д̇и д̣̇уггадасса. анд̇о жз, бхигкавз, вуд̇т̇ам̣ анд̇обаггам̣ саамам̣баггам̣, д̇ан̃жз барибхун̃ж̇зяяа, аабад̇д̇и д̇ин̣н̣ам̣ д̣̇уггадаанам̣. анд̇о жз, бхигкавз, вуд̇т̇ам̣ анд̇обаггам̣ ан̃н̃зхи баггам̣, д̇ан̃жз барибхун̃ж̇зяяа, аабад̇д̇и д̣̇виннам̣ д̣̇уггадаанам̣. анд̇о жз, бхигкавз, вуд̇т̇ам̣ б̣ахибаггам̣ саамам̣баггам̣, д̇ан̃жз барибхун̃ж̇зяяа, аабад̇д̇и д̣̇виннам̣ д̣̇уггадаанам̣. б̣ахи жз, бхигкавз, вуд̇т̇ам̣ анд̇обаггам̣ саамам̣баггам̣, д̇ан̃жз барибхун̃ж̇зяяа, аабад̇д̇и д̣̇виннам̣ д̣̇уггадаанам̣. анд̇о жз, бхигкавз, вуд̇т̇ам̣ б̣ахибаггам̣ ан̃н̃зхи баггам̣, д̇ан̃жз барибхун̃ж̇зяяа, аабад̇д̇и д̣̇уггадасса. б̣ахи жз, бхигкавз, вуд̇т̇ам̣ анд̇обаггам̣ ан̃н̃зхи баггам̣, д̇ан̃жз барибхун̃ж̇зяяа, аабад̇д̇и д̣̇уггадасса. б̣ахи жз, бхигкавз, вуд̇т̇ам̣ б̣ахибаггам̣ саамам̣баггам̣, д̇ан̃жз барибхун̃ж̇зяяа, аабад̇д̇и д̣̇уггадасса. б̣ахи жз, бхигкавз, вуд̇т̇ам̣ б̣ахибаггам̣ ан̃н̃зхи баггам̣, д̇ан̃жз барибхун̃ж̇зяяа, анаабад̇д̇ий’’д̇и (махаава. 274) важанад̇о згам̣ д̇ираабад̇д̇игам̣, д̇ийн̣и д̣̇ураабад̇д̇игаани, д̇ийн̣и згаабад̇д̇игаани, згам̣ анаабад̇д̇иганд̇и адта хонд̇и. д̇ад̇т̇а анд̇овуд̇т̇анд̇и агаббияагудияам̣ вуд̇т̇ам̣. анд̇обаггзби зсзва наяо. саамам̣багганд̇и яам̣ гин̃жи аамисам̣ бхигкусса бажид̇ум̣ на ваддад̇и. д̇ад̇т̇а яам̣ вад̇д̇аб̣б̣ам̣, д̇ам̣ адтагат̇ааяам̣ вуд̇д̇амзва.
103.‘‘Anupasampannassa datvā tassā’’tiādinā akappiyakuṭiyaṃ vutthampi anupasampannassa dinne kappiyaṃ hoti, sāpekkhadānañcettha vaṭṭati, paṭiggahaṇaṃ viya na hotīti dasseti. Antopakkasāmaṃpakkesu pana ‘‘na, bhikkhave, antovutthaṃ antopakkaṃ sāmaṃpakkaṃ paribhuñjitabbaṃ, yo paribhuñjeyya, āpatti dukkaṭassa. Anto ce, bhikkhave, vutthaṃ antopakkaṃ sāmaṃpakkaṃ, tañce paribhuñjeyya, āpatti tiṇṇaṃ dukkaṭānaṃ. Anto ce, bhikkhave, vutthaṃ antopakkaṃ aññehi pakkaṃ, tañce paribhuñjeyya, āpatti dvinnaṃ dukkaṭānaṃ. Anto ce, bhikkhave, vutthaṃ bahipakkaṃ sāmaṃpakkaṃ, tañce paribhuñjeyya, āpatti dvinnaṃ dukkaṭānaṃ. Bahi ce, bhikkhave, vutthaṃ antopakkaṃ sāmaṃpakkaṃ, tañce paribhuñjeyya, āpatti dvinnaṃ dukkaṭānaṃ. Anto ce, bhikkhave, vutthaṃ bahipakkaṃ aññehi pakkaṃ, tañce paribhuñjeyya, āpatti dukkaṭassa. Bahi ce, bhikkhave, vutthaṃ antopakkaṃ aññehi pakkaṃ, tañce paribhuñjeyya, āpatti dukkaṭassa. Bahi ce, bhikkhave, vutthaṃ bahipakkaṃ sāmaṃpakkaṃ, tañce paribhuñjeyya, āpatti dukkaṭassa. Bahi ce, bhikkhave, vutthaṃ bahipakkaṃ aññehi pakkaṃ, tañce paribhuñjeyya, anāpattī’’ti (mahāva. 274) vacanato ekaṃ tirāpattikaṃ, tīṇi durāpattikāni, tīṇi ekāpattikāni, ekaṃ anāpattikanti aṭṭha honti. Tattha antovutthanti akappiyakuṭiyaṃ vutthaṃ. Antopakkepi eseva nayo. Sāmaṃpakkanti yaṃ kiñci āmisaṃ bhikkhussa pacituṃ na vaṭṭati. Tattha yaṃ vattabbaṃ, taṃ aṭṭhakathāyaṃ vuttameva.
ид̇и винаяасан̇г̇ахасам̣ван̣н̣анаабхууд̇з винаяаалан̇гаарз
Iti vinayasaṅgahasaṃvaṇṇanābhūte vinayālaṅkāre
габбияабхуумивинижчаяагат̇аалан̇гааро наама
Kappiyabhūmivinicchayakathālaṅkāro nāma
згуунавийсад̇имо барижчзд̣̇о.
Ekūnavīsatimo paricchedo.
