| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
29. гаарабхзд̣̇агажоравад̇т̇у
29. Kārabhedakacoravatthu
92. д̇зна ко бана самаязна ран̃н̃аа мааг̇ад̇хзна сзниязна б̣имб̣исаарзна анун̃н̃аад̇ам̣ ход̇и – ‘‘яз саман̣зсу сагяабуд̇д̇иязсу баб̣б̣аж̇анд̇и, на д̇з лаб̣бхаа гин̃жи гаад̇ум̣; сваагкаад̇о д̇хаммо, жаранд̇у б̣рахмажарияам̣ саммаа д̣̇угкасса анд̇агирияааяаа’’д̇и. д̇зна ко бана самаязна ан̃н̃ад̇аро бурисо жоригам̣ гад̇ваа гаарааяа б̣ад̣̇д̇хо ход̇и. со гаарам̣ бхинд̣̇ид̇ваа балааяид̇ваа бхигкуусу баб̣б̣аж̇ид̇о ход̇и. мануссаа бассид̇ваа звамаахам̣су – ‘‘аяам̣ со гаарабхзд̣̇аго жоро. ханд̣̇а, нам̣ нзмаа’’д̇и. згажжз звамаахам̣су – ‘‘мааяяо, звам̣ аважуд̇т̇а. анун̃н̃аад̇ам̣ ран̃н̃аа мааг̇ад̇хзна сзниязна б̣имб̣исаарзна – ‘‘яз саман̣зсу сагяабуд̇д̇иязсу баб̣б̣аж̇анд̇и, на д̇з лаб̣бхаа гин̃жи гаад̇ум̣; сваагкаад̇о д̇хаммо, жаранд̇у б̣рахмажарияам̣ саммаа д̣̇угкасса анд̇агирияааяаа’’д̇и. мануссаа уж̇жхааяанд̇и кияяанд̇и вибаажзнд̇и – ‘‘абхаяуувараа имз саман̣аа сагяабуд̇д̇ияаа, наяимз лаб̣бхаа гин̃жи гаад̇ум̣. гат̇ан̃хи наама саман̣аа сагяабуд̇д̇ияаа гаарабхзд̣̇агам̣ жорам̣ баб̣б̣ааж̇зссанд̇ий’’д̇и. бхаг̇авад̇о зд̇амад̇т̇ам̣ аарожзсум̣. на, бхигкавз, гаарабхзд̣̇аго жоро баб̣б̣ааж̇зд̇аб̣б̣о. яо баб̣б̣ааж̇зяяа, аабад̇д̇и д̣̇уггадассаад̇и.
92. Tena kho pana samayena raññā māgadhena seniyena bimbisārena anuññātaṃ hoti – ‘‘ye samaṇesu sakyaputtiyesu pabbajanti, na te labbhā kiñci kātuṃ; svākkhāto dhammo, carantu brahmacariyaṃ sammā dukkhassa antakiriyāyā’’ti. Tena kho pana samayena aññataro puriso corikaṃ katvā kārāya baddho hoti. So kāraṃ bhinditvā palāyitvā bhikkhūsu pabbajito hoti. Manussā passitvā evamāhaṃsu – ‘‘ayaṃ so kārabhedako coro. Handa, naṃ nemā’’ti. Ekacce evamāhaṃsu – ‘‘māyyo, evaṃ avacuttha. Anuññātaṃ raññā māgadhena seniyena bimbisārena – ‘‘ye samaṇesu sakyaputtiyesu pabbajanti, na te labbhā kiñci kātuṃ; svākkhāto dhammo, carantu brahmacariyaṃ sammā dukkhassa antakiriyāyā’’ti. Manussā ujjhāyanti khiyyanti vipācenti – ‘‘abhayūvarā ime samaṇā sakyaputtiyā, nayime labbhā kiñci kātuṃ. Kathañhi nāma samaṇā sakyaputtiyā kārabhedakaṃ coraṃ pabbājessantī’’ti. Bhagavato etamatthaṃ ārocesuṃ. Na, bhikkhave, kārabhedako coro pabbājetabbo. Yo pabbājeyya, āpatti dukkaṭassāti.
гаарабхзд̣̇агажоравад̇т̇у нидтид̇ам̣.
Kārabhedakacoravatthu niṭṭhitaṃ.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / жоравад̇т̇угат̇аа • Coravatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / рааж̇абхадаад̣̇ивад̇т̇угат̇ааван̣н̣анаа • Rājabhaṭādivatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / жоравад̇т̇угат̇ааван̣н̣анаа • Coravatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / жоравад̇т̇угат̇ааван̣н̣анаа • Coravatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 28. жоравад̇т̇угат̇аа • 28. Coravatthukathā
