| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੯. ਕਰਜਕਾਯਸੁਤ੍ਤਂ
9. Karajakāyasuttaṃ
੨੧੯. ‘‘ਨਾਹਂ, ਭਿਕ੍ਖવੇ, ਸਞ੍ਚੇਤਨਿਕਾਨਂ ਕਮ੍ਮਾਨਂ ਕਤਾਨਂ ਉਪਚਿਤਾਨਂ ਅਪ੍ਪਟਿਸਂવੇਦਿਤ੍વਾ ਬ੍ਯਨ੍ਤੀਭਾવਂ વਦਾਮਿ, ਤਞ੍ਚ ਖੋ ਦਿਟ੍ਠੇવ ਧਮ੍ਮੇ ਉਪਪਜ੍ਜੇ વਾ ਅਪਰੇ વਾ ਪਰਿਯਾਯੇ। ਨ ਤ੍વੇવਾਹਂ, ਭਿਕ੍ਖવੇ, ਸਞ੍ਚੇਤਨਿਕਾਨਂ ਕਮ੍ਮਾਨਂ ਕਤਾਨਂ ਉਪਚਿਤਾਨਂ ਅਪ੍ਪਟਿਸਂવੇਦਿਤ੍વਾ ਦੁਕ੍ਖਸ੍ਸਨ੍ਤਕਿਰਿਯਂ વਦਾਮਿ।
219. ‘‘Nāhaṃ, bhikkhave, sañcetanikānaṃ kammānaṃ katānaṃ upacitānaṃ appaṭisaṃveditvā byantībhāvaṃ vadāmi, tañca kho diṭṭheva dhamme upapajje vā apare vā pariyāye. Na tvevāhaṃ, bhikkhave, sañcetanikānaṃ kammānaṃ katānaṃ upacitānaṃ appaṭisaṃveditvā dukkhassantakiriyaṃ vadāmi.
‘‘ਸ ਖੋ ਸੋ, ਭਿਕ੍ਖવੇ, ਅਰਿਯਸਾવਕੋ ਏવਂ વਿਗਤਾਭਿਜ੍ਝੋ વਿਗਤਬ੍ਯਾਪਾਦੋ ਅਸਮ੍ਮੂਲ਼੍ਹੋ ਸਮ੍ਪਜਾਨੋ ਪਟਿਸ੍ਸਤੋ ਮੇਤ੍ਤਾਸਹਗਤੇਨ ਚੇਤਸਾ ਏਕਂ ਦਿਸਂ ਫਰਿਤ੍વਾ વਿਹਰਤਿ ਤਥਾ ਦੁਤਿਯਂ ਤਥਾ ਤਤਿਯਂ ਤਥਾ ਚਤੁਤ੍ਥਂ 1। ਇਤਿ ਉਦ੍ਧਮਧੋ ਤਿਰਿਯਂ ਸਬ੍ਬਧਿ ਸਬ੍ਬਤ੍ਤਤਾਯ ਸਬ੍ਬਾવਨ੍ਤਂ ਲੋਕਂ ਮੇਤ੍ਤਾਸਹਗਤੇਨ ਚੇਤਸਾ વਿਪੁਲੇਨ ਮਹਗ੍ਗਤੇਨ ਅਪ੍ਪਮਾਣੇਨ ਅવੇਰੇਨ ਅਬ੍ਯਾਪਜ੍ਜੇਨ ਫਰਿਤ੍વਾ વਿਹਰਤਿ।
‘‘Sa kho so, bhikkhave, ariyasāvako evaṃ vigatābhijjho vigatabyāpādo asammūḷho sampajāno paṭissato mettāsahagatena cetasā ekaṃ disaṃ pharitvā viharati tathā dutiyaṃ tathā tatiyaṃ tathā catutthaṃ 2. Iti uddhamadho tiriyaṃ sabbadhi sabbattatāya sabbāvantaṃ lokaṃ mettāsahagatena cetasā vipulena mahaggatena appamāṇena averena abyāpajjena pharitvā viharati.
‘‘ਸੋ ਏવਂ ਪਜਾਨਾਤਿ – ‘ਪੁਬ੍ਬੇ ਖੋ ਮੇ ਇਦਂ ਚਿਤ੍ਤਂ ਪਰਿਤ੍ਤਂ ਅਹੋਸਿ ਅਭਾવਿਤਂ, ਏਤਰਹਿ ਪਨ ਮੇ ਇਦਂ ਚਿਤ੍ਤਂ ਅਪ੍ਪਮਾਣਂ ਸੁਭਾવਿਤਂ। ਯਂ ਖੋ ਪਨ ਕਿਞ੍ਚਿ ਪਮਾਣਕਤਂ ਕਮ੍ਮਂ, ਨ ਤਂ ਤਤ੍ਰਾવਸਿਸ੍ਸਤਿ ਨ ਤਂ ਤਤ੍ਰਾવਤਿਟ੍ਠਤੀ’ਤਿ ।
‘‘So evaṃ pajānāti – ‘pubbe kho me idaṃ cittaṃ parittaṃ ahosi abhāvitaṃ, etarahi pana me idaṃ cittaṃ appamāṇaṃ subhāvitaṃ. Yaṃ kho pana kiñci pamāṇakataṃ kammaṃ, na taṃ tatrāvasissati na taṃ tatrāvatiṭṭhatī’ti .
‘‘ਅਕਰੋਨ੍ਤਂ ਖੋ ਪਨ ਪਾਪਕਮ੍ਮਂ ਅਪਿ ਨੁ ਖੋ ਦੁਕ੍ਖਂ ਫੁਸੇਯ੍ਯਾ’’ਤਿ? ‘‘ਨੋ ਹੇਤਂ, ਭਨ੍ਤੇ। ਅਕਰੋਨ੍ਤਞ੍ਹਿ, ਭਨ੍ਤੇ, ਪਾਪਕਮ੍ਮਂ ਕੁਤੋ ਦੁਕ੍ਖਂ ਫੁਸਿਸ੍ਸਤੀ’’ਤਿ!
‘‘Akarontaṃ kho pana pāpakammaṃ api nu kho dukkhaṃ phuseyyā’’ti? ‘‘No hetaṃ, bhante. Akarontañhi, bhante, pāpakammaṃ kuto dukkhaṃ phusissatī’’ti!
‘‘ਭਾવੇਤਬ੍ਬਾ ਖੋ ਪਨਾਯਂ, ਭਿਕ੍ਖવੇ, ਮੇਤ੍ਤਾਚੇਤੋવਿਮੁਤ੍ਤਿ ਇਤ੍ਥਿਯਾ વਾ ਪੁਰਿਸੇਨ વਾ। ਇਤ੍ਥਿਯਾ વਾ, ਭਿਕ੍ਖવੇ, ਪੁਰਿਸਸ੍ਸ વਾ ਨਾਯਂ ਕਾਯੋ ਆਦਾਯ ਗਮਨੀਯੋ। ਚਿਤ੍ਤਨ੍ਤਰੋ ਅਯਂ, ਭਿਕ੍ਖવੇ , ਮਚ੍ਚੋ। ਸੋ ਏવਂ ਪਜਾਨਾਤਿ – ‘ਯਂ ਖੋ ਮੇ ਇਦਂ ਕਿਞ੍ਚਿ ਪੁਬ੍ਬੇ ਇਮਿਨਾ ਕਰਜਕਾਯੇਨ ਪਾਪਕਮ੍ਮਂ ਕਤਂ, ਸਬ੍ਬਂ ਤਂ ਇਧ વੇਦਨੀਯਂ; ਨ ਤਂ ਅਨੁਗਂ ਭવਿਸ੍ਸਤੀ’ਤਿ। ਏવਂ ਭਾવਿਤਾ ਖੋ, ਭਿਕ੍ਖવੇ, ਮੇਤ੍ਤਾ ਚੇਤੋવਿਮੁਤ੍ਤਿ ਅਨਾਗਾਮਿਤਾਯ ਸਂવਤ੍ਤਤਿ, ਇਧ ਪਞ੍ਞਸ੍ਸ ਭਿਕ੍ਖੁਨੋ ਉਤ੍ਤਰਿ 7 વਿਮੁਤ੍ਤਿਂ ਅਪ੍ਪਟਿવਿਜ੍ਝਤੋ।
‘‘Bhāvetabbā kho panāyaṃ, bhikkhave, mettācetovimutti itthiyā vā purisena vā. Itthiyā vā, bhikkhave, purisassa vā nāyaṃ kāyo ādāya gamanīyo. Cittantaro ayaṃ, bhikkhave , macco. So evaṃ pajānāti – ‘yaṃ kho me idaṃ kiñci pubbe iminā karajakāyena pāpakammaṃ kataṃ, sabbaṃ taṃ idha vedanīyaṃ; na taṃ anugaṃ bhavissatī’ti. Evaṃ bhāvitā kho, bhikkhave, mettā cetovimutti anāgāmitāya saṃvattati, idha paññassa bhikkhuno uttari 8 vimuttiṃ appaṭivijjhato.
‘‘ਕਰੁਣਾਸਹਗਤੇਨ ਚੇਤਸਾ… ਮੁਦਿਤਾਸਹਗਤੇਨ ਚੇਤਸਾ… ਉਪੇਕ੍ਖਾਸਹਗਤੇਨ ਚੇਤਸਾ ਏਕਂ ਦਿਸਂ ਫਰਿਤ੍વਾ વਿਹਰਤਿ ਤਥਾ ਦੁਤਿਯਂ ਤਥਾ ਤਤਿਯਂ ਤਥਾ ਚਤੁਤ੍ਥਂ। ਇਤਿ ਉਦ੍ਧਮਧੋ ਤਿਰਿਯਂ ਸਬ੍ਬਧਿ ਸਬ੍ਬਤ੍ਤਤਾਯ ਸਬ੍ਬਾવਨ੍ਤਂ ਲੋਕਂ ਉਪੇਕ੍ਖਾਸਹਗਤੇਨ ਚੇਤਸਾ વਿਪੁਲੇਨ ਮਹਗ੍ਗਤੇਨ ਅਪ੍ਪਮਾਣੇਨ ਅવੇਰੇਨ ਅਬ੍ਯਾਪਜ੍ਜੇਨ ਫਰਿਤ੍વਾ વਿਹਰਤਿ।
‘‘Karuṇāsahagatena cetasā… muditāsahagatena cetasā… upekkhāsahagatena cetasā ekaṃ disaṃ pharitvā viharati tathā dutiyaṃ tathā tatiyaṃ tathā catutthaṃ. Iti uddhamadho tiriyaṃ sabbadhi sabbattatāya sabbāvantaṃ lokaṃ upekkhāsahagatena cetasā vipulena mahaggatena appamāṇena averena abyāpajjena pharitvā viharati.
‘‘ਸੋ ਏવਂ ਪਜਾਨਾਤਿ – ‘ਪੁਬ੍ਬੇ ਖੋ ਮੇ ਇਦਂ ਚਿਤ੍ਤਂ ਪਰਿਤ੍ਤਂ ਅਹੋਸਿ ਅਭਾવਿਤਂ, ਏਤਰਹਿ ਪਨ ਮੇ ਇਦਂ ਚਿਤ੍ਤਂ ਅਪ੍ਪਮਾਣਂ ਸੁਭਾવਿਤਂ। ਯਂ ਖੋ ਪਨ ਕਿਞ੍ਚਿ ਪਮਾਣਕਤਂ ਕਮ੍ਮਂ , ਨ ਤਂ ਤਤ੍ਰਾવਸਿਸ੍ਸਤਿ ਨ ਤਂ ਤਤ੍ਰਾવਤਿਟ੍ਠਤੀ’ਤਿ।
‘‘So evaṃ pajānāti – ‘pubbe kho me idaṃ cittaṃ parittaṃ ahosi abhāvitaṃ, etarahi pana me idaṃ cittaṃ appamāṇaṃ subhāvitaṃ. Yaṃ kho pana kiñci pamāṇakataṃ kammaṃ , na taṃ tatrāvasissati na taṃ tatrāvatiṭṭhatī’ti.
‘‘ਤਂ ਕਿਂ ਮਞ੍ਞਥ, ਭਿਕ੍ਖવੇ, ਦਹਰਤਗ੍ਗੇ ਚੇ ਸੋ ਅਯਂ ਕੁਮਾਰੋ ਉਪੇਕ੍ਖਂ ਚੇਤੋવਿਮੁਤ੍ਤਿਂ ਭਾવੇਯ੍ਯ, ਅਪਿ ਨੁ ਖੋ ਪਾਪਕਮ੍ਮਂ ਕਰੇਯ੍ਯਾ’’ਤਿ? ‘‘ਨੋ ਹੇਤਂ, ਭਨ੍ਤੇ’’।
‘‘Taṃ kiṃ maññatha, bhikkhave, daharatagge ce so ayaṃ kumāro upekkhaṃ cetovimuttiṃ bhāveyya, api nu kho pāpakammaṃ kareyyā’’ti? ‘‘No hetaṃ, bhante’’.
‘‘ਅਕਰੋਨ੍ਤਂ ਖੋ ਪਨ ਪਾਪਕਮ੍ਮਂ ਅਪਿ ਨੁ ਖੋ ਦੁਕ੍ਖਂ ਫੁਸੇਯ੍ਯਾ’’ਤਿ? ‘‘ਨੋ ਹੇਤਂ, ਭਨ੍ਤੇ। ਅਕਰੋਨ੍ਤਞ੍ਹਿ, ਭਨ੍ਤੇ, ਪਾਪਕਮ੍ਮਂ ਕੁਤੋ ਦੁਕ੍ਖਂ ਫੁਸਿਸ੍ਸਤੀ’’ਤਿ!
‘‘Akarontaṃ kho pana pāpakammaṃ api nu kho dukkhaṃ phuseyyā’’ti? ‘‘No hetaṃ, bhante. Akarontañhi, bhante, pāpakammaṃ kuto dukkhaṃ phusissatī’’ti!
‘‘ਭਾવੇਤਬ੍ਬਾ ਖੋ ਪਨਾਯਂ, ਭਿਕ੍ਖવੇ, ਉਪੇਕ੍ਖਾ ਚੇਤੋવਿਮੁਤ੍ਤਿ ਇਤ੍ਥਿਯਾ વਾ ਪੁਰਿਸੇਨ વਾ। ਇਤ੍ਥਿਯਾ વਾ, ਭਿਕ੍ਖવੇ, ਪੁਰਿਸਸ੍ਸ વਾ ਨਾਯਂ ਕਾਯੋ ਆਦਾਯ ਗਮਨੀਯੋ। ਚਿਤ੍ਤਨ੍ਤਰੋ ਅਯਂ, ਭਿਕ੍ਖવੇ, ਮਚ੍ਚੋ। ਸੋ ਏવਂ ਪਜਾਨਾਤਿ – ‘ਯਂ ਖੋ ਮੇ ਇਦਂ ਕਿਞ੍ਚਿ ਪੁਬ੍ਬੇ ਇਮਿਨਾ ਕਰਜਕਾਯੇਨ ਪਾਪਕਮ੍ਮਂ ਕਤਂ, ਸਬ੍ਬਂ ਤਂ ਇਧ વੇਦਨੀਯਂ; ਨ ਤਂ ਅਨੁਗਂ ਭવਿਸ੍ਸਤੀ’ਤਿ। ਏવਂ ਭਾવਿਤਾ ਖੋ, ਭਿਕ੍ਖવੇ, ਉਪੇਕ੍ਖਾ ਚੇਤੋવਿਮੁਤ੍ਤਿ ਅਨਾਗਾਮਿਤਾਯ ਸਂવਤ੍ਤਤਿ, ਇਧ ਪਞ੍ਞਸ੍ਸ ਭਿਕ੍ਖੁਨੋ ਉਤ੍ਤਰਿ વਿਮੁਤ੍ਤਿਂ ਅਪ੍ਪਟਿવਿਜ੍ਝਤੋ’’ਤਿ। ਨવਮਂ।
‘‘Bhāvetabbā kho panāyaṃ, bhikkhave, upekkhā cetovimutti itthiyā vā purisena vā. Itthiyā vā, bhikkhave, purisassa vā nāyaṃ kāyo ādāya gamanīyo. Cittantaro ayaṃ, bhikkhave, macco. So evaṃ pajānāti – ‘yaṃ kho me idaṃ kiñci pubbe iminā karajakāyena pāpakammaṃ kataṃ, sabbaṃ taṃ idha vedanīyaṃ; na taṃ anugaṃ bhavissatī’ti. Evaṃ bhāvitā kho, bhikkhave, upekkhā cetovimutti anāgāmitāya saṃvattati, idha paññassa bhikkhuno uttari vimuttiṃ appaṭivijjhato’’ti. Navamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੯. ਕਰਜਕਾਯਸੁਤ੍ਤવਣ੍ਣਨਾ • 9. Karajakāyasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧-੫੩੬. ਪਠਮਨਿਰਯਸਗ੍ਗਸੁਤ੍ਤਾਦਿવਣ੍ਣਨਾ • 1-536. Paṭhamanirayasaggasuttādivaṇṇanā
