| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
9. гараж̇агааяасуд̇д̇аван̣н̣анаа
9. Karajakāyasuttavaṇṇanā
219. навамз д̣̇угкассаад̇и вибаагад̣̇угкасса, ваддад̣̇угкассзва ваа. имасмим̣ суд̇д̇з ман̣иобаммам̣ над̇т̇и. звам̣ виг̇ад̇аабхиж̇жход̇и званд̇и нибаад̇амад̇д̇ам̣. яат̇аа ваа мзд̇д̇ам̣ бхаавзнд̇аа виг̇ад̇аабхиж̇жхаа бхаванд̇и, звам̣ виг̇ад̇аабхиж̇жхо. звамасса виг̇ад̇аабхиж̇жхад̇аад̣̇ийхи нийваран̣авигкамбханам̣ д̣̇ассзд̇ваа ид̣̇аани агусаланиссаран̣аани гат̇знд̇о мзд̇д̇аасахаг̇ад̇знаад̇иаад̣̇имааха. аббамаан̣анд̇и аббамаан̣асад̇д̇аарамман̣ад̇ааяа жин̣н̣авасид̇ааяа ваа аббамаан̣ам̣. бамаан̣агад̇ам̣ гаммам̣ наама гаамааважарагаммам̣. на д̇ам̣ д̇ад̇раавад̇идтад̇ийд̇и д̇ам̣ махогхо барид̇д̇ам̣ уд̣̇агам̣ вияа ад̇д̇ано огаасам̣ г̇ахзд̇ваа таад̇ум̣ на саггод̇и, ат̇а ко нам̣ огхз барид̇д̇ам̣ уд̣̇агам̣ вияа ид̣̇амзва аббамаан̣ам̣ гаммам̣ аж̇жход̇т̇арид̇ваа ад̇д̇ано вибаагам̣ ниб̣б̣ад̇д̇зд̇и. д̣̇ахарад̇аг̇г̇зд̇и д̣̇ахарагаалад̇о бадтааяа.
219. Navame dukkhassāti vipākadukkhassa, vaṭṭadukkhasseva vā. Imasmiṃ sutte maṇiopammaṃ natthi. Evaṃ vigatābhijjhoti evanti nipātamattaṃ. Yathā vā mettaṃ bhāventā vigatābhijjhā bhavanti, evaṃ vigatābhijjho. Evamassa vigatābhijjhatādīhi nīvaraṇavikkhambhanaṃ dassetvā idāni akusalanissaraṇāni kathento mettāsahagatenātiādimāha. Appamāṇanti appamāṇasattārammaṇatāya ciṇṇavasitāya vā appamāṇaṃ. Pamāṇakataṃ kammaṃ nāma kāmāvacarakammaṃ. Na taṃ tatrāvatiṭṭhatīti taṃ mahogho parittaṃ udakaṃ viya attano okāsaṃ gahetvā ṭhātuṃ na sakkoti, atha kho naṃ oghe parittaṃ udakaṃ viya idameva appamāṇaṃ kammaṃ ajjhottharitvā attano vipākaṃ nibbatteti. Daharataggeti daharakālato paṭṭhāya.
нааяам̣ гааяо аад̣̇ааяаг̇аманияод̇и имам̣ гааяам̣ г̇ахзд̇ваа баралогам̣ г̇анд̇ум̣ наама на саггаад̇и ад̇т̇о . жид̇д̇анд̇арод̇и жид̇д̇агааран̣о, ат̇а ваа жид̇д̇знзва анд̇ариго. згассзва хи жуд̇ижид̇д̇асса ананд̇араа д̣̇уд̇ияз бадисанд̇хижид̇д̇з д̣̇зво наама ход̇и, нзраяиго наама ход̇и, д̇иражчаанаг̇ад̇о наама ход̇и. буриманаязби жид̇д̇зна гааран̣абхууд̇зна д̣̇зво нзраяиго ваа ход̇ийд̇и ад̇т̇о. саб̣б̣ам̣ д̇ам̣ ид̇ха взд̣̇анийяанд̇и д̣̇идтад̇хаммавзд̣̇анийяагодтаасаванзд̇ам̣ вуд̇д̇ам̣. на д̇ам̣ ануг̇ам̣ бхависсад̇ийд̇и мзд̇д̇ааяа убабаж̇ж̇авзд̣̇анийяабхаавасса убажчиннад̇д̇аа убабаж̇ж̇авзд̣̇анийяавасзна на ануг̇ад̇ам̣ бхависсад̇и. ид̣̇ам̣ сод̇аабаннасагад̣̇ааг̇аамиарияабуг̇г̇алаанам̣ бажжавзгкан̣ам̣ взд̣̇ид̇аб̣б̣ам̣. анааг̇аамид̇ааяаад̇и жхаанаанааг̇аамид̇ааяа. ид̇хабан̃н̃ассаад̇и имасмим̣ саасанз бан̃н̃аа ид̇хабан̃н̃аа наама, саасанажарид̇ааяа арияабан̃н̃ааяа тид̇асса арияасаавагассаад̇и ад̇т̇о. уд̇д̇аривимуд̇д̇инд̇и арахад̇д̇ам̣. д̣̇асамам̣ уд̇д̇аанад̇т̇амзваад̇и.
Nāyaṃ kāyo ādāyagamaniyoti imaṃ kāyaṃ gahetvā paralokaṃ gantuṃ nāma na sakkāti attho . Cittantaroti cittakāraṇo, atha vā citteneva antariko. Ekasseva hi cuticittassa anantarā dutiye paṭisandhicitte devo nāma hoti, nerayiko nāma hoti, tiracchānagato nāma hoti. Purimanayepi cittena kāraṇabhūtena devo nerayiko vā hotīti attho. Sabbaṃ taṃ idha vedanīyanti diṭṭhadhammavedanīyakoṭṭhāsavanetaṃ vuttaṃ. Na taṃ anugaṃ bhavissatīti mettāya upapajjavedanīyabhāvassa upacchinnattā upapajjavedanīyavasena na anugataṃ bhavissati. Idaṃ sotāpannasakadāgāmiariyapuggalānaṃ paccavekkhaṇaṃ veditabbaṃ. Anāgāmitāyāti jhānānāgāmitāya. Idhapaññassāti imasmiṃ sāsane paññā idhapaññā nāma, sāsanacaritāya ariyapaññāya ṭhitassa ariyasāvakassāti attho. Uttarivimuttinti arahattaṃ. Dasamaṃ uttānatthamevāti.
гараж̇агааяаваг̇г̇о батамо.
Karajakāyavaggo paṭhamo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 9. гараж̇агааяасуд̇д̇ам̣ • 9. Karajakāyasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-536. батаманираяасаг̇г̇асуд̇д̇аад̣̇иван̣н̣анаа • 1-536. Paṭhamanirayasaggasuttādivaṇṇanā
