Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya

4. гааран̣абаалийсуд̇д̇ам̣

4. Kāraṇapālīsuttaṃ

194. згам̣ самаяам̣ бхаг̇аваа взсаалияам̣ вихарад̇и махааванз гуудааг̇аарасаалааяам̣. д̇зна ко бана самаязна гааран̣абаалий ¹ б̣раахман̣о лижчавийнам̣ гамманд̇ам̣ гаарзд̇и. ад̣̇д̣̇асаа ко гааран̣абаалий б̣раахман̣о бин̇г̇ияааним̣ б̣раахман̣ам̣ д̣̇уурад̇ова ааг̇ажчанд̇ам̣; д̣̇исваа бин̇г̇ияааним̣ б̣раахман̣ам̣ зд̇ад̣̇авожа –

194. Ekaṃ samayaṃ bhagavā vesāliyaṃ viharati mahāvane kūṭāgārasālāyaṃ. Tena kho pana samayena kāraṇapālī ² brāhmaṇo licchavīnaṃ kammantaṃ kāreti. Addasā kho kāraṇapālī brāhmaṇo piṅgiyāniṃ brāhmaṇaṃ dūratova āgacchantaṃ; disvā piṅgiyāniṃ brāhmaṇaṃ etadavoca –

‘‘ханд̣̇а, гуд̇о ну бхавам̣ бин̇г̇ияааний ааг̇ажчад̇и д̣̇иваа д̣̇ивассаа’’д̇и? ‘‘ид̇охам̣ ³, бхо, ааг̇ажчаами саман̣асса г̇од̇амасса санд̇игаа’’д̇и. ‘‘д̇ам̣ гим̣ ман̃н̃ад̇и бхавам̣, бин̇г̇ияааний, саман̣асса г̇од̇амасса бан̃н̃аавзяяад̇д̇ияам̣? бан̣д̣ид̇о ман̃н̃з’’д̇и? ‘‘го жаахам̣, бхо, го жа саман̣асса г̇од̇амасса бан̃н̃аавзяяад̇д̇ияам̣ ж̇ааниссаами! соби нуунасса д̇аад̣̇исова яо саман̣асса г̇од̇амасса бан̃н̃аавзяяад̇д̇ияам̣ ж̇аанзяяаа’’д̇и! ‘‘ул̣аарааяа калу бхавам̣, бин̇г̇ияааний, саман̣ам̣ г̇од̇амам̣ басам̣сааяа басам̣сад̇ий’’д̇и. ‘‘го жаахам̣, бхо, го жа саман̣ам̣ г̇од̇амам̣ басам̣сиссаами! басад̇т̇аббасад̇т̇ова ⁴ со бхавам̣ г̇од̇амо сздто д̣̇звамануссаана’’нд̇и. ‘‘гим̣ бана бхавам̣, бин̇г̇ияааний, ад̇т̇авасам̣ самбассамаано саман̣з г̇од̇амз звам̣ абхиббасанно’’д̇и?

‘‘Handa, kuto nu bhavaṃ piṅgiyānī āgacchati divā divassā’’ti? ‘‘Itohaṃ ⁵, bho, āgacchāmi samaṇassa gotamassa santikā’’ti. ‘‘Taṃ kiṃ maññati bhavaṃ, piṅgiyānī, samaṇassa gotamassa paññāveyyattiyaṃ? Paṇḍito maññe’’ti? ‘‘Ko cāhaṃ, bho, ko ca samaṇassa gotamassa paññāveyyattiyaṃ jānissāmi! Sopi nūnassa tādisova yo samaṇassa gotamassa paññāveyyattiyaṃ jāneyyā’’ti! ‘‘Uḷārāya khalu bhavaṃ, piṅgiyānī, samaṇaṃ gotamaṃ pasaṃsāya pasaṃsatī’’ti. ‘‘Ko cāhaṃ, bho, ko ca samaṇaṃ gotamaṃ pasaṃsissāmi! Pasatthappasatthova ⁶ so bhavaṃ gotamo seṭṭho devamanussāna’’nti. ‘‘Kiṃ pana bhavaṃ, piṅgiyānī, atthavasaṃ sampassamāno samaṇe gotame evaṃ abhippasanno’’ti?

‘‘сзяяат̇ааби, бхо, бурисо аг̇г̇арасабарид̇ид̇д̇о на ан̃н̃зсам̣ хийнаанам̣ расаанам̣ бихзд̇и; звамзвам̣ ко, бхо, яад̇о яад̇о д̇асса бход̇о г̇од̇амасса д̇хаммам̣ сун̣аад̇и – яад̣̇и суд̇д̇асо, яад̣̇и г̇зяяасо, яад̣̇и взяяаагаран̣асо, яад̣̇и аб̣бхуд̇ад̇хаммасо – д̇ад̇о д̇ад̇о на ан̃н̃зсам̣ бут̇усаман̣аб̣раахман̣аббаваад̣̇аанам̣ бихзд̇и.

‘‘Seyyathāpi, bho, puriso aggarasaparititto na aññesaṃ hīnānaṃ rasānaṃ piheti; evamevaṃ kho, bho, yato yato tassa bhoto gotamassa dhammaṃ suṇāti – yadi suttaso, yadi geyyaso, yadi veyyākaraṇaso, yadi abbhutadhammaso – tato tato na aññesaṃ puthusamaṇabrāhmaṇappavādānaṃ piheti.

‘‘сзяяат̇ааби, бхо, бурисо ж̇игхажчаад̣̇уб̣б̣аляабарзд̇о мад̇хубин̣д̣игам̣ ад̇хиг̇ажчзяяа. со яад̇о яад̇о сааязт̇а, лабхад̇зва ⁷ саад̣̇урасам̣ асзжанагам̣; звамзвам̣ ко, бхо, яад̇о яад̇о д̇асса бход̇о г̇од̇амасса д̇хаммам̣ сун̣аад̇и – яад̣̇и суд̇д̇асо, яад̣̇и г̇зяяасо, яад̣̇и взяяаагаран̣асо, яад̣̇и аб̣бхуд̇ад̇хаммасо – д̇ад̇о д̇ад̇о лабхад̇зва ад̇д̇аманад̇ам̣, лабхад̇и жзд̇асо басаад̣̇ам̣.

‘‘Seyyathāpi, bho, puriso jighacchādubbalyapareto madhupiṇḍikaṃ adhigaccheyya. So yato yato sāyetha, labhateva ⁸ sādurasaṃ asecanakaṃ; evamevaṃ kho, bho, yato yato tassa bhoto gotamassa dhammaṃ suṇāti – yadi suttaso, yadi geyyaso, yadi veyyākaraṇaso, yadi abbhutadhammaso – tato tato labhateva attamanataṃ, labhati cetaso pasādaṃ.

‘‘сзяяат̇ааби, бхо, бурисо жанд̣̇анагхадигам̣ ад̇хиг̇ажчзяяа – харижанд̣̇анасса ваа лохид̇ажанд̣̇анасса ваа. со яад̇о яад̇о гхааязт̇а – яад̣̇и муулад̇о, яад̣̇и маж̇жхад̇о, яад̣̇и аг̇г̇ад̇о – ад̇хиг̇ажчад̇зва ⁹ сурабхиг̇анд̇хам̣ асзжанагам̣; звамзвам̣ ко, бхо, яад̇о яад̇о д̇асса бход̇о г̇од̇амасса д̇хаммам̣ сун̣аад̇и – яад̣̇и суд̇д̇асо, яад̣̇и г̇зяяасо, яад̣̇и взяяаагаран̣асо, яад̣̇и аб̣бхуд̇ад̇хаммасо – д̇ад̇о д̇ад̇о ад̇хиг̇ажчад̇и баамож̇ж̇ам̣ ад̇хиг̇ажчад̇и соманассам̣.

‘‘Seyyathāpi, bho, puriso candanaghaṭikaṃ adhigaccheyya – haricandanassa vā lohitacandanassa vā. So yato yato ghāyetha – yadi mūlato, yadi majjhato, yadi aggato – adhigacchateva ¹⁰ surabhigandhaṃ asecanakaṃ; evamevaṃ kho, bho, yato yato tassa bhoto gotamassa dhammaṃ suṇāti – yadi suttaso, yadi geyyaso, yadi veyyākaraṇaso, yadi abbhutadhammaso – tato tato adhigacchati pāmojjaṃ adhigacchati somanassaṃ.

‘‘сзяяат̇ааби, бхо, бурисо ааб̣аад̇хиго д̣̇угкид̇о б̣аал̣хаг̇илаано. д̇асса гусало бхисагго таанасо ааб̣аад̇хам̣ нийхарзяяа; звамзвам̣ ко, бхо, яад̇о яад̇о д̇асса бход̇о г̇од̇амасса д̇хаммам̣ сун̣аад̇и – яад̣̇и суд̇д̇асо, яад̣̇и г̇зяяасо, яад̣̇и взяяаагаран̣асо, яад̣̇и аб̣бхуд̇ад̇хаммасо – д̇ад̇о д̇ад̇о согабарид̣̇звад̣̇угкад̣̇оманассубааяаасаа аб̣бхад̇т̇ам̣ г̇ажчанд̇и.

‘‘Seyyathāpi, bho, puriso ābādhiko dukkhito bāḷhagilāno. Tassa kusalo bhisakko ṭhānaso ābādhaṃ nīhareyya; evamevaṃ kho, bho, yato yato tassa bhoto gotamassa dhammaṃ suṇāti – yadi suttaso, yadi geyyaso, yadi veyyākaraṇaso, yadi abbhutadhammaso – tato tato sokaparidevadukkhadomanassupāyāsā abbhatthaṃ gacchanti.

‘‘сзяяат̇ааби , бхо, богкаран̣ий ажчод̣̇агаа саад̇од̣̇агаа сийд̇од̣̇агаа сзд̇агаа субад̇ид̇т̇аа раман̣ийяаа. ат̇а бурисо ааг̇ажчзяяа гхаммаабхид̇ад̇д̇о гхаммабарзд̇о гиланд̇о д̇асид̇о бибаасид̇о . со д̇ам̣ богкаран̣им̣ ог̇аахзд̇ваа нхаад̇ваа жа бивид̇ваа жа саб̣б̣ад̣̇арат̇агиламат̇абарил̣аахам̣ бадиббассамбхзяяа. звамзвам̣ ко, бхо, яад̇о яад̇о д̇асса бход̇о г̇од̇амасса д̇хаммам̣ сун̣аад̇и – яад̣̇и суд̇д̇асо, яад̣̇и г̇зяяасо, яад̣̇и взяяаагаран̣асо, яад̣̇и аб̣бхуд̇ад̇хаммасо – д̇ад̇о д̇ад̇о саб̣б̣ад̣̇арат̇агиламат̇абарил̣аахаа бадиббассамбханд̇ий’’д̇и.

‘‘Seyyathāpi , bho, pokkharaṇī acchodakā sātodakā sītodakā setakā supatitthā ramaṇīyā. Atha puriso āgaccheyya ghammābhitatto ghammapareto kilanto tasito pipāsito . So taṃ pokkharaṇiṃ ogāhetvā nhātvā ca pivitvā ca sabbadarathakilamathapariḷāhaṃ paṭippassambheyya. Evamevaṃ kho, bho, yato yato tassa bhoto gotamassa dhammaṃ suṇāti – yadi suttaso, yadi geyyaso, yadi veyyākaraṇaso, yadi abbhutadhammaso – tato tato sabbadarathakilamathapariḷāhā paṭippassambhantī’’ti.

звам̣ вуд̇д̇з гааран̣абаалий б̣раахман̣о удтааяаасанаа згам̣сам̣ уд̇д̇араасан̇г̇ам̣ гарид̇ваа д̣̇агкин̣ам̣ ж̇аан̣уман̣д̣алам̣ бат̇авияам̣ ниханд̇ваа язна бхаг̇аваа д̇знан̃ж̇алим̣ бан̣аамзд̇ваа д̇игкад̇д̇ум̣ уд̣̇аанам̣ уд̣̇аанзси –

Evaṃ vutte kāraṇapālī brāhmaṇo uṭṭhāyāsanā ekaṃsaṃ uttarāsaṅgaṃ karitvā dakkhiṇaṃ jāṇumaṇḍalaṃ pathaviyaṃ nihantvā yena bhagavā tenañjaliṃ paṇāmetvā tikkhattuṃ udānaṃ udānesi –

‘‘намо д̇асса бхаг̇авад̇о арахад̇о саммаасамб̣уд̣̇д̇хасса;

‘‘Namo tassa bhagavato arahato sammāsambuddhassa;

намо д̇асса бхаг̇авад̇о арахад̇о саммаасамб̣уд̣̇д̇хасса;

Namo tassa bhagavato arahato sammāsambuddhassa;

намо д̇асса бхаг̇авад̇о арахад̇о саммаасамб̣уд̣̇д̇хассаа’’д̇и.

Namo tassa bhagavato arahato sammāsambuddhassā’’ti.

‘‘абхигганд̇ам̣, бхо бин̇г̇ияаани, абхигганд̇ам̣, бхо бин̇г̇ияаани! сзяяат̇ааби, бхо бин̇г̇ияаани, ниггуж̇ж̇ид̇ам̣ ¹¹ ваа уггуж̇ж̇зяяа бадижчаннам̣ ваа виварзяяа, муул̣хасса ваа маг̇г̇ам̣ аажигкзяяа анд̇хагаарз ваа д̇злабаж̇ж̇од̇ам̣ д̇хаарзяяа – жагкуманд̇о руубаани д̣̇агканд̇ийд̇и; звамзвам̣ бход̇аа бин̇г̇ияаанинаа анзгабарияааязна д̇хаммо багаасид̇о. зсаахам̣, бхо бин̇г̇ияаани, д̇ам̣ бхаванд̇ам̣ г̇од̇амам̣ саран̣ам̣ г̇ажчаами д̇хамман̃жа бхигкусан̇гхан̃жа. убаасагам̣ мам̣ бхавам̣ бин̇г̇ияааний д̇хаарзд̇у, аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и. жад̇уд̇т̇ам̣.

‘‘Abhikkantaṃ, bho piṅgiyāni, abhikkantaṃ, bho piṅgiyāni! Seyyathāpi, bho piṅgiyāni, nikkujjitaṃ ¹² vā ukkujjeyya paṭicchannaṃ vā vivareyya, mūḷhassa vā maggaṃ ācikkheyya andhakāre vā telapajjotaṃ dhāreyya – cakkhumanto rūpāni dakkhantīti; evamevaṃ bhotā piṅgiyāninā anekapariyāyena dhammo pakāsito. Esāhaṃ, bho piṅgiyāni, taṃ bhavantaṃ gotamaṃ saraṇaṃ gacchāmi dhammañca bhikkhusaṅghañca. Upāsakaṃ maṃ bhavaṃ piṅgiyānī dhāretu, ajjatagge pāṇupetaṃ saraṇaṃ gata’’nti. Catutthaṃ.

Next: 5. бин̇г̇ияаанийсуд̇д̇ам̣ • 5. Piṅgiyānīsuttaṃ

Footnotes:

1. гаран̣абаалий (га.)

2. karaṇapālī (ka.)

3. ид̇хаахам̣ (сяаа. гам̣.), ид̇о хи ко ахам̣ (ма. ни. 1.288)

4. басадтабасадто жа (сяаа. гам̣. га.)

5. idhāhaṃ (syā. kaṃ.), ito hi kho ahaṃ (ma. ni. 1.288)

6. pasaṭṭhapasaṭṭho ca (syā. kaṃ. ka.)

7. сааязяяа, лабхзт̇зва (ма. ни. 1.205)

8. sāyeyya, labhetheva (ma. ni. 1.205)

9. ад̇хиг̇ажчзт̇зва (?)

10. adhigacchetheva (?)

11. нигуж̇ж̇ид̇ам̣ (га.)

12. nikujjitaṃ (ka.)

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 4. гааран̣абаалийсуд̇д̇аван̣н̣анаа • 4. Kāraṇapālīsuttavaṇṇanā

дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 4. гааран̣абаалийсуд̇д̇аван̣н̣анаа • 4. Kāraṇapālīsuttavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact