| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੪. ਕਾਰਣਪਾਲੀਸੁਤ੍ਤવਣ੍ਣਨਾ
4. Kāraṇapālīsuttavaṇṇanā
੧੯੪. ਚਤੁਤ੍ਥੇ ਕਾਰਣਪਾਲੀਤਿ ਪਾਲੋਤਿ ਤਸ੍ਸ ਨਾਮਂ, ਰਾਜਕੁਲਾਨਂ ਪਨ ਕਮ੍ਮਨ੍ਤੇ ਕਾਰੇਤੀਤਿ ਕਾਰਣਪਾਲੀ ਨਾਮ ਜਾਤੋ। ਕਮ੍ਮਨ੍ਤਂ ਕਾਰੇਤੀਤਿ ਪਾਤੋવ ਉਟ੍ਠਾਯ ਦ੍વਾਰਟ੍ਟਾਲਕਪਾਕਾਰੇ ਅਕਤੇ ਕਾਰੇਤਿ, ਜਿਣ੍ਣੇ ਪਟਿਜਗ੍ਗਾਪੇਤਿ। ਪਿਙ੍ਗਿਯਾਨਿਂ ਬ੍ਰਾਹ੍ਮਣਨ੍ਤਿ ਏવਂਨਾਮਕਂ ਅਨਾਗਾਮਿਫਲੇ ਪਤਿਟ੍ਠਿਤਂ ਅਰਿਯਸਾવਕਂ ਬ੍ਰਾਹ੍ਮਣਂ। ਸੋ ਕਿਰ ਪਾਤੋવ ਉਟ੍ਠਾਯ ਗਨ੍ਧਮਾਲਾਦੀਨਿ ਗਾਹਾਪੇਤ੍વਾ ਸਤ੍ਥੁ ਸਨ੍ਤਿਕਂ ਗਨ੍ਤ੍વਾ વਨ੍ਦਿਤ੍વਾ ਗਨ੍ਧਮਾਲਾਦੀਹਿ ਪੂਜੇਤ੍વਾ ਨਗਰਂ ਆਗਚ੍ਛਤਿ, ਇਦਂ ਬ੍ਰਾਹ੍ਮਣਸ੍ਸ ਦੇવਸਿਕਂ વਤ੍ਤਨ੍ਤਿ। ਤਂ ਸੋ ਏવਂ વਤ੍ਤਂ ਕਤ੍વਾ ਆਗਚ੍ਛਨ੍ਤਂ ਅਦ੍ਦਸ। ਏਤਦવੋਚਾਤਿ ‘‘ਅਯਂ ਬ੍ਰਾਹ੍ਮਣੋ ਪਞ੍ਞવਾ ਞਾਣੁਤ੍ਤਰੋ, ਕਹਂ ਨੁ ਖੋ ਪਾਤੋવ ਗਨ੍ਤ੍વਾ ਆਗਚ੍ਛਤੀ’’ਤਿ ਚਿਨ੍ਤੇਤ੍વਾ ਅਨੁਕ੍ਕਮੇਨ ਸਨ੍ਤਿਕਂ ਆਗਤਂ ਸਞ੍ਜਾਨਿਤ੍વਾ ‘‘ਹਨ੍ਦ ਕੁਤੋ ਨੂ’’ਤਿਆਦਿવਚਨਂ ਅવੋਚ।
194. Catutthe kāraṇapālīti pāloti tassa nāmaṃ, rājakulānaṃ pana kammante kāretīti kāraṇapālī nāma jāto. Kammantaṃkāretīti pātova uṭṭhāya dvāraṭṭālakapākāre akate kāreti, jiṇṇe paṭijaggāpeti. Piṅgiyāniṃ brāhmaṇanti evaṃnāmakaṃ anāgāmiphale patiṭṭhitaṃ ariyasāvakaṃ brāhmaṇaṃ. So kira pātova uṭṭhāya gandhamālādīni gāhāpetvā satthu santikaṃ gantvā vanditvā gandhamālādīhi pūjetvā nagaraṃ āgacchati, idaṃ brāhmaṇassa devasikaṃ vattanti. Taṃ so evaṃ vattaṃ katvā āgacchantaṃ addasa. Etadavocāti ‘‘ayaṃ brāhmaṇo paññavā ñāṇuttaro, kahaṃ nu kho pātova gantvā āgacchatī’’ti cintetvā anukkamena santikaṃ āgataṃ sañjānitvā ‘‘handa kuto nū’’tiādivacanaṃ avoca.
ਤਤ੍ਥ ਦਿવਾ ਦਿવਸ੍ਸਾਤਿ ਦਿવਸਸ੍ਸਾਪਿ ਦਿવਾ, ਮਜ੍ਝਨ੍ਹਿਕਕਾਲੇਤਿ ਅਤ੍ਥੋ। ਪਣ੍ਡਿਤੋ ਮਞ੍ਞੇਤਿ ਭવਂ ਪਿਙ੍ਗਿਯਾਨੀ ਸਮਣਂ ਗੋਤਮਂ ਪਣ੍ਡਿਤੋਤਿ ਮਞ੍ਞਤਿ, ਉਦਾਹੁ ਨੋਤਿ ਅਯਮੇਤ੍ਥ ਅਤ੍ਥੋ। ਕੋ ਚਾਹਂ, ਭੋਤਿ, ਭੋ, ਸਮਣਸ੍ਸ ਗੋਤਮਸ੍ਸ ਪਞ੍ਞਾવੇਯ੍ਯਤ੍ਤਿਯਜਾਨਨੇ ਅਹਂ ਕੋ ਨਾਮ? ਕੋ ਚ ਸਮਣਸ੍ਸ ਗੋਤਮਸ੍ਸ ਪਞ੍ਞਾવੇਯ੍ਯਤ੍ਤਿਯਂ ਜਾਨਿਸ੍ਸਾਮੀਤਿ ਕੁਤੋ ਚਾਹਂ ਸਮਣਸ੍ਸ ਗੋਤਮਸ੍ਸ ਪਞ੍ਞਾવੇਯ੍ਯਤ੍ਤਿਯਂ ਜਾਨਿਸ੍ਸਾਮਿ, ਕੇਨ ਨਾਮ ਕਾਰਣੇਨ ਜਾਨਿਸ੍ਸਾਮੀਤਿ ਏવਂ ਸਬ੍ਬਥਾਪਿ ਅਤ੍ਤਨੋ ਅਜਾਨਨਭਾવਂ ਦੀਪੇਤਿ। ਸੋਪਿ ਨੂਨਸ੍ਸ ਤਾਦਿਸੋવਾਤਿ ਯੋ ਸਮਣਸ੍ਸ ਗੋਤਮਸ੍ਸ ਪਞ੍ਞਾવੇਯ੍ਯਤ੍ਤਿਯਂ ਜਾਨੇਯ੍ਯ, ਸੋਪਿ ਨੂਨ ਦਸ ਪਾਰਮਿਯੋ ਪੂਰੇਤ੍વਾ ਸਬ੍ਬਞ੍ਞੁਤਂ ਪਤ੍ਤੋ ਤਾਦਿਸੋ ਬੁਦ੍ਧੋਯੇવ ਭવੇਯ੍ਯ। ਸਿਨੇਰੁਂ વਾ ਹਿ ਪਥવਿਂ વਾ ਆਕਾਸਂ વਾ ਪਮੇਤੁਕਾਮੇਨ ਤਪ੍ਪਮਾਣੋ ਦਣ੍ਡੋ વਾ ਰਜ੍ਜੁ વਾ ਲਦ੍ਧੁਂ વਟ੍ਟਤਿ, ਸਮਣਸ੍ਸ ਗੋਤਮਸ੍ਸ ਪਞ੍ਞਂ ਜਾਨਨ੍ਤੇਨਪਿ ਤਸ੍ਸ ਞਾਣਸਦਿਸਮੇવ ਸਬ੍ਬਞ੍ਞੁਤਞ੍ਞਾਣਂ ਲਦ੍ਧੁਂ વਟ੍ਟਤੀਤਿ ਦੀਪੇਤਿ। ਆਦਰવਸੇਨ ਪਨੇਤ੍ਥ ਆਮੇਡਿਤਂ ਕਤਂ। ਉਲ਼ਾਰਾਯਾਤਿ ਉਤ੍ਤਮਾਯ ਸੇਟ੍ਠਾਯ। ਕੋ ਚਾਹਂ, ਭੋਤਿ, ਭੋ, ਅਹਂ ਸਮਣਸ੍ਸ ਗੋਤਮਸ੍ਸ ਪਸਂਸਨੇ ਕੋ ਨਾਮ। ਕੋ ਚ ਸਮਣਂ ਗੋਤਮਂ ਪਸਂਸਿਸ੍ਸਾਮੀਤਿ ਕੇਨ ਕਾਰਣੇਨ ਪਸਂਸਿਸ੍ਸਾਮਿ।
Tattha divā divassāti divasassāpi divā, majjhanhikakāleti attho. Paṇḍito maññeti bhavaṃ piṅgiyānī samaṇaṃ gotamaṃ paṇḍitoti maññati, udāhu noti ayamettha attho. Ko cāhaṃ, bhoti, bho, samaṇassa gotamassa paññāveyyattiyajānane ahaṃ ko nāma? Ko ca samaṇassa gotamassa paññāveyyattiyaṃ jānissāmīti kuto cāhaṃ samaṇassa gotamassa paññāveyyattiyaṃ jānissāmi, kena nāma kāraṇena jānissāmīti evaṃ sabbathāpi attano ajānanabhāvaṃ dīpeti. Sopi nūnassa tādisovāti yo samaṇassa gotamassa paññāveyyattiyaṃ jāneyya, sopi nūna dasa pāramiyo pūretvā sabbaññutaṃ patto tādiso buddhoyeva bhaveyya. Sineruṃ vā hi pathaviṃ vā ākāsaṃ vā pametukāmena tappamāṇo daṇḍo vā rajju vā laddhuṃ vaṭṭati, samaṇassa gotamassa paññaṃ jānantenapi tassa ñāṇasadisameva sabbaññutaññāṇaṃ laddhuṃ vaṭṭatīti dīpeti. Ādaravasena panettha āmeḍitaṃ kataṃ. Uḷārāyāti uttamāya seṭṭhāya. Ko cāhaṃ, bhoti, bho, ahaṃ samaṇassa gotamassa pasaṃsane ko nāma. Ko ca samaṇaṃ gotamaṃ pasaṃsissāmīti kena kāraṇena pasaṃsissāmi.
ਪਸਤ੍ਥਪ੍ਪਸਤ੍ਥੋਤਿ ਸਬ੍ਬਗੁਣਾਨਂ ਉਪਰਿ ਚਰੇਹਿ ਸਬ੍ਬਲੋਕਪਸਤ੍ਥੇਹਿ ਅਤ੍ਤਨੋ ਗੁਣੇਹੇવ ਪਸਤ੍ਥੋ, ਨ ਤਸ੍ਸ ਅਞ੍ਞੇਹਿ ਪਸਂਸਨਕਿਚ੍ਚਂ ਅਤ੍ਥਿ। ਯਥਾ ਹਿ ਚਮ੍ਪਕਪੁਪ੍ਫਂ વਾ ਨੀਲੁਪ੍ਪਲਂ વਾ ਪਦੁਮਂ વਾ ਲੋਹਿਤਚਨ੍ਦਨਂ વਾ ਅਤ੍ਤਨੋ વਣ੍ਣਗਨ੍ਧਸਿਰਿਯਾવ ਪਾਸਾਦਿਕਞ੍ਚੇવ ਸੁਗਨ੍ਧਞ੍ਚ, ਨ ਤਸ੍ਸ ਆਗਨ੍ਤੁਕੇਹਿ વਣ੍ਣਗਨ੍ਧੇਹਿ ਥੋਮਨਕਿਚ੍ਚਂ ਅਤ੍ਥਿ। ਯਥਾ ਚ ਮਣਿਰਤਨਂ વਾ ਚਨ੍ਦਮਣ੍ਡਲਂ વਾ ਅਤ੍ਤਨੋ ਆਲੋਕੇਨੇવ ਓਭਾਸਤਿ, ਨ ਤਸ੍ਸ ਅਞ੍ਞੇਨ ਓਭਾਸਨਕਿਚ੍ਚਂ ਅਤ੍ਥਿ, ਏવਂ ਸਮਣੋ ਗੋਤਮੋ ਸਬ੍ਬਲੋਕਪਸਤ੍ਥੇਹਿ ਅਤ੍ਤਨੋ ਗੁਣੇਹੇવ ਪਸਤ੍ਥੋ ਥੋਮਿਤੋ, ਸਬ੍ਬਲੋਕਸ੍ਸ ਸੇਟ੍ਠਤਂ ਪਾਪਿਤੋ। ਨ ਤਸ੍ਸ ਅਞ੍ਞੇਨ ਪਸਂਸਨਕਿਚ੍ਚਂ ਅਤ੍ਥਿ।
Pasatthappasatthoti sabbaguṇānaṃ upari carehi sabbalokapasatthehi attano guṇeheva pasattho, na tassa aññehi pasaṃsanakiccaṃ atthi. Yathā hi campakapupphaṃ vā nīluppalaṃ vā padumaṃ vā lohitacandanaṃ vā attano vaṇṇagandhasiriyāva pāsādikañceva sugandhañca, na tassa āgantukehi vaṇṇagandhehi thomanakiccaṃ atthi. Yathā ca maṇiratanaṃ vā candamaṇḍalaṃ vā attano ālokeneva obhāsati, na tassa aññena obhāsanakiccaṃ atthi, evaṃ samaṇo gotamo sabbalokapasatthehi attano guṇeheva pasattho thomito, sabbalokassa seṭṭhataṃ pāpito. Na tassa aññena pasaṃsanakiccaṃ atthi.
ਪਸਤ੍ਥੇਹਿ વਾ ਪਸਤ੍ਥੋਤਿਪਿ ਪਸਤ੍ਥਪ੍ਪਸਤ੍ਥੋ। ਕੇ ਪਨ ਪਸਤ੍ਥਾ ਨਾਮ? ਰਾਜਾ ਪਸੇਨਦਿ ਕੋਸਲੋ ਕਾਸਿਕੋਸਲવਾਸਿਕੇਹਿ ਪਸਤ੍ਥੋ, ਬਿਮ੍ਬਿਸਾਰੋ ਅਙ੍ਗਮਗਧવਾਸੀਹਿ, વੇਸਾਲਿਕਾ ਲਿਚ੍ਛવੀ વਜ੍ਜਿਤਟ੍ਠવਾਸੀਹਿ ਪਸਤ੍ਥਾ, ਪਾવੇਯ੍ਯਕਾ ਮਲ੍ਲਾ ਕੋਸਿਨਾਰਕਾ ਮਲ੍ਲਾ ਅਞ੍ਞੇਪਿ ਤੇ ਤੇ ਖਤ੍ਤਿਯਾ ਤੇਹਿ ਤੇਹਿ ਜਾਨਪਦੇਹਿ ਪਸਤ੍ਥਾ, ਚਙ੍ਕਿਆਦਯੋ ਬ੍ਰਾਹ੍ਮਣਾ ਬ੍ਰਾਹ੍ਮਣਗਣੇਹਿ, ਅਨਾਥਪਿਣ੍ਡਿਕਾਦਯੋ ਉਪਾਸਕਾ ਉਪਾਸਕਗਣੇਹਿ, વਿਸਾਖਾਆਦਿਕਾ ਉਪਾਸਿਕਾ ਅਨੇਕਸਤਾਹਿ ਉਪਾਸਿਕਾਹਿ, ਸਕੁਲੁਦਾਯਿਆਦਯੋ ਪਰਿਬ੍ਬਾਜਕਾ ਅਨੇਕੇਹਿ ਪਰਿਬ੍ਬਾਜਕਸਤੇਹਿ, ਉਪ੍ਪਲવਣ੍ਣਤ੍ਥੇਰਿਆਦਿਕਾ ਮਹਾਸਾવਿਕਾ ਅਨੇਕੇਹਿ ਭਿਕ੍ਖੁਨਿਸਤੇਹਿ, ਸਾਰਿਪੁਤ੍ਤਤ੍ਥੇਰਾਦਯੋ ਮਹਾਥੇਰਾ ਅਨੇਕਸਤੇਹਿ ਭਿਕ੍ਖੂਹਿ, ਸਕ੍ਕਾਦਯੋ ਦੇવਾ ਅਨੇਕਸਹਸ੍ਸੇਹਿ ਦੇવੇਹਿ, ਮਹਾਬ੍ਰਹ੍ਮਾਦਯੋ ਬ੍ਰਹ੍ਮਾਨੋ ਅਨੇਕਸਹਸ੍ਸੇਹਿ ਬ੍ਰਹ੍ਮੇਹਿ ਪਸਤ੍ਥਾ। ਤੇ ਸਬ੍ਬੇਪਿ ਦਸਬਲਂ ਥੋਮੇਨ੍ਤਿ વਣ੍ਣੇਨ੍ਤਿ ਪਸਂਸਨ੍ਤੀਤਿ ਭਗવਾ ‘‘ਪਸਤ੍ਥਪ੍ਪਸਤ੍ਥੋ’’ਤਿ વੁਚ੍ਚਤਿ। ਅਤ੍ਥવਸਨ੍ਤਿ ਅਤ੍ਥਾਨਿਸਂਸਂ।
Pasatthehi vā pasatthotipi pasatthappasattho. Ke pana pasatthā nāma? Rājā pasenadi kosalo kāsikosalavāsikehi pasattho, bimbisāro aṅgamagadhavāsīhi, vesālikā licchavī vajjitaṭṭhavāsīhi pasatthā, pāveyyakā mallā kosinārakā mallā aññepi te te khattiyā tehi tehi jānapadehi pasatthā, caṅkiādayo brāhmaṇā brāhmaṇagaṇehi, anāthapiṇḍikādayo upāsakā upāsakagaṇehi, visākhāādikā upāsikā anekasatāhi upāsikāhi, sakuludāyiādayo paribbājakā anekehi paribbājakasatehi, uppalavaṇṇattheriādikā mahāsāvikā anekehi bhikkhunisatehi, sāriputtattherādayo mahātherā anekasatehi bhikkhūhi, sakkādayo devā anekasahassehi devehi, mahābrahmādayo brahmāno anekasahassehi brahmehi pasatthā. Te sabbepi dasabalaṃ thomenti vaṇṇenti pasaṃsantīti bhagavā ‘‘pasatthappasattho’’ti vuccati. Atthavasanti atthānisaṃsaṃ.
ਅਥਸ੍ਸ ਸੋ ਅਤ੍ਤਨੋ ਪਸਾਦਕਾਰਣਂ ਆਚਿਕ੍ਖਨ੍ਤੋ ਸੇਯ੍ਯਥਾਪਿ, ਭੋ, ਪੁਰਿਸੋਤਿਆਦਿਮਾਹ। ਤਤ੍ਥ ਅਗ੍ਗਰਸਪਰਿਤਿਤ੍ਤੋਤਿ ਭੋਜਨਰਸੇਸੁ ਪਾਯਾਸੋ ਸ੍ਨੇਹਰਸੇਸੁ ਗੋਸਪ੍ਪਿ, ਕਸਾવਰਸੇਸੁ ਖੁਦ੍ਦਕਮਧੁ ਅਨੇਲ਼ਕਂ, ਮਧੁਰਰਸੇਸੁ ਸਕ੍ਕਰਾਤਿ ਏવਮਾਦਯੋ ਅਗ੍ਗਰਸਾ ਨਾਮ। ਤੇਸੁ ਯੇਨ ਕੇਨਚਿ ਪਰਿਤਿਤ੍ਤੋ ਆਕਣ੍ਠਪ੍ਪਮਾਣਂ ਭੁਞ੍ਜਿਤ੍વਾ ਠਿਤੋ। ਅਞ੍ਞੇਸਂ ਹੀਨਾਨਨ੍ਤਿ ਅਗ੍ਗਰਸੇਹਿ ਅਞ੍ਞੇਸਂ ਹੀਨਰਸਾਨਂ। ਸੁਤ੍ਤਸੋਤਿ ਸੁਤ੍ਤਤੋ, ਸੁਤ੍ਤਭਾવੇਨਾਤਿ ਅਤ੍ਥੋ। ਸੇਸੁਪਿ ਏਸੇવ ਨਯੋ। ਤਤੋ ਤਤੋਤਿ ਸੁਤ੍ਤਾਦੀਸੁ ਤਤੋ ਤਤੋ। ਅਞ੍ਞੇਸਂ ਪੁਥੁਸਮਣਬ੍ਰਾਹ੍ਮਣਾਪ੍ਪવਾਦਾਨਨ੍ਤਿ ਯੇ ਅਞ੍ਞੇਸਂ ਪੁਥੂਨਂ ਸਮਣਬ੍ਰਾਹ੍ਮਣਾਨਂ ਲਦ੍ਧਿਸਙ੍ਖਾਤਪ੍ਪવਾਦਾ, ਤੇਸਂ। ਨ ਪਿਹੇਤੀਤਿ ਨ ਪਤ੍ਥੇਤਿ, ਤੇ ਕਥਿਯਮਾਨੇ ਸੋਤੁਮ੍ਪਿ ਨ ਇਚ੍ਛਤਿ। ਜਿਘਚ੍ਛਾਦੁਬ੍ਬਲ੍ਯਪਰੇਤੋਤਿ ਜਿਘਚ੍ਛਾਯ ਚੇવ ਦੁਬ੍ਬਲਭਾવੇਨ ਚ ਅਨੁਗਤੋ। ਮਧੁਪਿਣ੍ਡਿਕਨ੍ਤਿ ਸਾਲਿਪਿਟ੍ਠਂ ਭਜ੍ਜਿਤ੍વਾ ਚਤੁਮਧੁਰੇਨ ਯੋਜੇਤ੍વਾ ਕਤਂ ਬਦ੍ਧਸਤ੍ਤੁਪਿਣ੍ਡਿਕਂ, ਮਧੁਰਪੂવਮੇવ વਾ। ਅਧਿਗਚ੍ਛੇਯ੍ਯਾਤਿ ਲਭੇਯ੍ਯ। ਅਸੇਚਨਕਨ੍ਤਿ ਮਧੁਰਭਾવਕਰਣਤ੍ਥਾਯ ਅਞ੍ਞੇਨ ਰਸੇਨ ਅਨਾਸਿਤ੍ਤਕਂ ਓਜવਨ੍ਤਂ ਪਣੀਤਰਸਂ।
Athassa so attano pasādakāraṇaṃ ācikkhanto seyyathāpi, bho, purisotiādimāha. Tattha aggarasaparitittoti bhojanarasesu pāyāso sneharasesu gosappi, kasāvarasesu khuddakamadhu aneḷakaṃ, madhurarasesu sakkarāti evamādayo aggarasā nāma. Tesu yena kenaci parititto ākaṇṭhappamāṇaṃ bhuñjitvā ṭhito. Aññesaṃ hīnānanti aggarasehi aññesaṃ hīnarasānaṃ. Suttasoti suttato, suttabhāvenāti attho. Sesupi eseva nayo. Tato tatoti suttādīsu tato tato. Aññesaṃ puthusamaṇabrāhmaṇāppavādānanti ye aññesaṃ puthūnaṃ samaṇabrāhmaṇānaṃ laddhisaṅkhātappavādā, tesaṃ. Na pihetīti na pattheti, te kathiyamāne sotumpi na icchati. Jighacchādubbalyaparetoti jighacchāya ceva dubbalabhāvena ca anugato. Madhupiṇḍikanti sālipiṭṭhaṃ bhajjitvā catumadhurena yojetvā kataṃ baddhasattupiṇḍikaṃ, madhurapūvameva vā. Adhigaccheyyāti labheyya. Asecanakanti madhurabhāvakaraṇatthāya aññena rasena anāsittakaṃ ojavantaṃ paṇītarasaṃ.
ਹਰਿਚਨ੍ਦਨਸ੍ਸਾਤਿ ਸੁવਣ੍ਣવਣ੍ਣਚਨ੍ਦਨਸ੍ਸ। ਲੋਹਿਤਚਨ੍ਦਨਸ੍ਸਾਤਿ ਰਤ੍ਤવਣ੍ਣਚਨ੍ਦਨਸ੍ਸ। ਸੁਰਭਿਗਨ੍ਧਨ੍ਤਿ ਸੁਗਨ੍ਧਂ। ਦਰਥਾਦਯੋ વਟ੍ਟਦਰਥਾ, વਟ੍ਟਕਿਲਮਥਾ, વਟ੍ਟਪਰਿਲ਼ਾਹਾ ਏવ। ਉਦਾਨਂ ਉਦਾਨੇਸੀਤਿ ਉਦਾਹਾਰਂ ਉਦਾਹਰਿ। ਯਥਾ ਹਿ ਯਂ ਤੇਲਂ ਮਾਨਂ ਗਹੇਤੁਂ ਨ ਸਕ੍ਕੋਤਿ, વਿਸ੍ਸਨ੍ਦਿਤ੍વਾ ਗਚ੍ਛਤਿ, ਤਂ ਅવਸੇਕੋਤਿ વੁਚ੍ਚਤਿ। ਯਞ੍ਚ ਜਲਂ ਤਲ਼ਾਕਂ ਗਹੇਤੁਂ ਨ ਸਕ੍ਕੋਤਿ, ਅਜ੍ਝੋਤ੍ਥਰਿਤ੍વਾ ਗਚ੍ਛਤਿ, ਤਂ ਓਘੋਤਿ વੁਚ੍ਚਤਿ। ਏવਮੇવਂ ਯਂ ਪੀਤਿવਚਨਂ ਹਦਯਂ ਗਹੇਤੁਂ ਨ ਸਕ੍ਕੋਤਿ, ਅਧਿਕਂ ਹੁਤ੍વਾ ਅਨ੍ਤੋ ਅਸਣ੍ਠਹਿਤ੍વਾ ਬਹਿ ਨਿਕ੍ਖਮਤਿ, ਤਂ ਉਦਾਨਨ੍ਤਿ વੁਚ੍ਚਤਿ। ਏવਰੂਪਂ ਪੀਤਿਮਯવਚਨਂ ਨਿਚ੍ਛਾਰੇਸੀਤਿ ਅਤ੍ਥੋ।
Haricandanassāti suvaṇṇavaṇṇacandanassa. Lohitacandanassāti rattavaṇṇacandanassa. Surabhigandhanti sugandhaṃ. Darathādayo vaṭṭadarathā, vaṭṭakilamathā, vaṭṭapariḷāhā eva. Udānaṃ udānesīti udāhāraṃ udāhari. Yathā hi yaṃ telaṃ mānaṃ gahetuṃ na sakkoti, vissanditvā gacchati, taṃ avasekoti vuccati. Yañca jalaṃ taḷākaṃ gahetuṃ na sakkoti, ajjhottharitvā gacchati, taṃ oghoti vuccati. Evamevaṃ yaṃ pītivacanaṃ hadayaṃ gahetuṃ na sakkoti, adhikaṃ hutvā anto asaṇṭhahitvā bahi nikkhamati, taṃ udānanti vuccati. Evarūpaṃ pītimayavacanaṃ nicchāresīti attho.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੪. ਕਾਰਣਪਾਲੀਸੁਤ੍ਤਂ • 4. Kāraṇapālīsuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੪. ਕਾਰਣਪਾਲੀਸੁਤ੍ਤવਣ੍ਣਨਾ • 4. Kāraṇapālīsuttavaṇṇanā
