Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya

    10. гааран̣д̣авасуд̇д̇ам̣

    10. Kāraṇḍavasuttaṃ

    10. згам̣ самаяам̣ бхаг̇аваа жамбааяам̣ вихарад̇и г̇аг̇г̇арааяа богкаран̣ияаа д̇ийрз. д̇зна ко бана самаязна бхигкуу бхигкум̣ аабад̇д̇ияаа жод̣̇знд̇и. со бхигку бхигкуухи аабад̇д̇ияаа жод̣̇ияамаано ан̃н̃знаан̃н̃ам̣ бадижарад̇и, б̣ахид̣̇д̇хаа гат̇ам̣ абанаамзд̇и, гобан̃жа д̣̇осан̃жа аббажжаяан̃жа баад̇угарод̇и.

    10. Ekaṃ samayaṃ bhagavā campāyaṃ viharati gaggarāya pokkharaṇiyā tīre. Tena kho pana samayena bhikkhū bhikkhuṃ āpattiyā codenti. So bhikkhu bhikkhūhi āpattiyā codiyamāno aññenāññaṃ paṭicarati, bahiddhā kathaṃ apanāmeti, kopañca dosañca appaccayañca pātukaroti.

    ат̇а ко бхаг̇аваа бхигкуу ааманд̇зси – ‘‘нид̣̇д̇хамат̇зд̇ам̣ , бхигкавз, буг̇г̇алам̣; нид̣̇д̇хамат̇зд̇ам̣, бхигкавз, буг̇г̇алам̣. абанзяязсо 1, бхигкавз, буг̇г̇ало. гим̣ во д̇зна барабуд̇д̇зна висод̇хид̇зна 2! ид̇ха , бхигкавз, згажжасса буг̇г̇аласса д̇аад̣̇исам̣язва ход̇и абхигганд̇ам̣ бадигганд̇ам̣ аалогид̇ам̣ вилогид̇ам̣ самин̃ж̇ид̇ам̣ басаарид̇ам̣ сан̇гхаадибад̇д̇ажийварад̇хааран̣ам̣, сзяяат̇ааби ан̃н̃зсам̣ бхад̣̇д̣̇агаанам̣ бхигкуунам̣ – яаавасса бхигкуу аабад̇д̇им̣ на бассанд̇и. яад̇о жа квасса бхигкуу аабад̇д̇им̣ бассанд̇и, д̇амзнам̣ звам̣ ж̇аананд̇и – ‘саман̣ад̣̇уусийвааяам̣ 3 саман̣абалаабо саман̣агааран̣д̣аво’д̇и 4. д̇амзнам̣ ид̇и вид̣̇ид̇ваа б̣ахид̣̇д̇хаа наасзнд̇и. д̇ам̣ гисса хзд̇у? маа ан̃н̃з бхад̣̇д̣̇агз бхигкуу д̣̇уусзсий’’д̇и!

    Atha kho bhagavā bhikkhū āmantesi – ‘‘niddhamathetaṃ , bhikkhave, puggalaṃ; niddhamathetaṃ, bhikkhave, puggalaṃ. Apaneyyeso 5, bhikkhave, puggalo. Kiṃ vo tena paraputtena visodhitena 6! Idha , bhikkhave, ekaccassa puggalassa tādisaṃyeva hoti abhikkantaṃ paṭikkantaṃ ālokitaṃ vilokitaṃ samiñjitaṃ pasāritaṃ saṅghāṭipattacīvaradhāraṇaṃ, seyyathāpi aññesaṃ bhaddakānaṃ bhikkhūnaṃ – yāvassa bhikkhū āpattiṃ na passanti. Yato ca khvassa bhikkhū āpattiṃ passanti, tamenaṃ evaṃ jānanti – ‘samaṇadūsīvāyaṃ 7 samaṇapalāpo samaṇakāraṇḍavo’ti 8. Tamenaṃ iti viditvā bahiddhā nāsenti. Taṃ kissa hetu? Mā aññe bhaddake bhikkhū dūsesī’’ti!

    ‘‘сзяяат̇ааби, бхигкавз, самбаннз яавагаран̣з яавад̣̇уусий 9 ж̇ааязт̇а яавабалаабо яавагааран̣д̣авод̇и. д̇асса д̇аад̣̇исам̣язва муулам̣ ход̇и, сзяяат̇ааби ан̃н̃зсам̣ бхад̣̇д̣̇агаанам̣ яаваанам̣; д̇аад̣̇исам̣язва наал̣ам̣ ход̇и, сзяяат̇ааби ан̃н̃зсам̣ бхад̣̇д̣̇агаанам̣ яаваанам̣; д̇аад̣̇исам̣язва бад̇д̇ам̣ ход̇и, сзяяат̇ааби ан̃н̃зсам̣ бхад̣̇д̣̇агаанам̣ яаваанам̣ – яаавасса сийсам̣ на ниб̣б̣ад̇д̇ад̇и. яад̇о жа квасса сийсам̣ ниб̣б̣ад̇д̇ад̇и, д̇амзнам̣ звам̣ ж̇аананд̇и – ‘яавад̣̇уусийвааяам̣ яавабалаабо яавагааран̣д̣аво’д̇и . д̇амзнам̣ ид̇и вид̣̇ид̇ваа самуулам̣ уббаадзд̇ваа б̣ахид̣̇д̇хаа яавагаран̣асса чад̣д̣знд̇и. д̇ам̣ гисса хзд̇у? маа ан̃н̃з бхад̣̇д̣̇агз яавз д̣̇уусзсийд̇и!

    ‘‘Seyyathāpi, bhikkhave, sampanne yavakaraṇe yavadūsī 10 jāyetha yavapalāpo yavakāraṇḍavoti. Tassa tādisaṃyeva mūlaṃ hoti, seyyathāpi aññesaṃ bhaddakānaṃ yavānaṃ; tādisaṃyeva nāḷaṃ hoti, seyyathāpi aññesaṃ bhaddakānaṃ yavānaṃ; tādisaṃyeva pattaṃ hoti, seyyathāpi aññesaṃ bhaddakānaṃ yavānaṃ – yāvassa sīsaṃ na nibbattati. Yato ca khvassa sīsaṃ nibbattati, tamenaṃ evaṃ jānanti – ‘yavadūsīvāyaṃ yavapalāpo yavakāraṇḍavo’ti . Tamenaṃ iti viditvā samūlaṃ uppāṭetvā bahiddhā yavakaraṇassa chaḍḍenti. Taṃ kissa hetu? Mā aññe bhaddake yave dūsesīti!

    ‘‘звамзвам̣ ко, бхигкавз, ид̇хзгажжасса буг̇г̇аласса д̇аад̣̇исам̣язва ход̇и абхигганд̇ам̣ бадигганд̇ам̣ аалогид̇ам̣ вилогид̇ам̣ самин̃ж̇ид̇ам̣ басаарид̇ам̣ сан̇гхаадибад̇д̇ажийварад̇хааран̣ам̣, сзяяат̇ааби ан̃н̃зсам̣ бхад̣̇д̣̇агаанам̣ бхигкуунам̣ – яаавасса бхигкуу аабад̇д̇им̣ на бассанд̇и. яад̇о жа квасса бхигкуу аабад̇д̇им̣ бассанд̇и, д̇амзнам̣ звам̣ ж̇аананд̇и – ‘саман̣ад̣̇уусийвааяам̣ саман̣абалаабо саман̣агааран̣д̣аво’д̇и. д̇амзнам̣ ид̇и вид̣̇ид̇ваа б̣ахид̣̇д̇хаа наасзнд̇и. д̇ам̣ гисса хзд̇у? маа ан̃н̃з бхад̣̇д̣̇агз бхигкуу д̣̇уусзсийд̇и.

    ‘‘Evamevaṃ kho, bhikkhave, idhekaccassa puggalassa tādisaṃyeva hoti abhikkantaṃ paṭikkantaṃ ālokitaṃ vilokitaṃ samiñjitaṃ pasāritaṃ saṅghāṭipattacīvaradhāraṇaṃ, seyyathāpi aññesaṃ bhaddakānaṃ bhikkhūnaṃ – yāvassa bhikkhū āpattiṃ na passanti. Yato ca khvassa bhikkhū āpattiṃ passanti, tamenaṃ evaṃ jānanti – ‘samaṇadūsīvāyaṃ samaṇapalāpo samaṇakāraṇḍavo’ti. Tamenaṃ iti viditvā bahiddhā nāsenti. Taṃ kissa hetu? Mā aññe bhaddake bhikkhū dūsesīti.

    ‘‘сзяяат̇ааби, бхигкавз, махад̇о д̇хан̃н̃араасисса пун̣амаанасса 11 д̇ад̇т̇а яаани д̇аани д̇хан̃н̃аани д̣̇ал̣хаани саараванд̇аани д̇аани згаманд̇ам̣ бун̃ж̇ам̣ ход̇и, яаани бана д̇аани д̇хан̃н̃аани д̣̇уб̣б̣алаани балаабаани д̇аани ваад̇о згаманд̇ам̣ абавахад̇и 12. д̇амзнам̣ саамигаа саммаж̇ж̇аним̣ г̇ахзд̇ваа бхияяосомад̇д̇ааяа абасаммаж̇ж̇анд̇и. д̇ам̣ гисса хзд̇у? маа ан̃н̃з бхад̣̇д̣̇агз д̇хан̃н̃з д̣̇уусзсийд̇и! звамзвам̣ ко, бхигкавз, ид̇хзгажжасса буг̇г̇аласса д̇аад̣̇исам̣язва ход̇и абхигганд̇ам̣ бадигганд̇ам̣ аалогид̇ам̣ вилогид̇ам̣ самин̃ж̇ид̇ам̣ басаарид̇ам̣ сан̇гхаадибад̇д̇ажийварад̇хааран̣ам̣, сзяяат̇ааби ан̃н̃зсам̣ бхад̣̇д̣̇агаанам̣ бхигкуунам̣ – яаавасса бхигкуу аабад̇д̇им̣ на бассанд̇и. яад̇о жа квасса бхигкуу аабад̇д̇им̣ бассанд̇и, д̇амзнам̣ звам̣ ж̇аананд̇и – ‘саман̣ад̣̇уусийвааяам̣ саман̣абалаабо саман̣агааран̣д̣аво’д̇и. д̇амзнам̣ ид̇и вид̣̇ид̇ваа б̣ахид̣̇д̇хаа наасзнд̇и. д̇ам̣ гисса хзд̇у? маа ан̃н̃з бхад̣̇д̣̇агз бхигкуу д̣̇уусзсийд̇и.

    ‘‘Seyyathāpi, bhikkhave, mahato dhaññarāsissa phuṇamānassa 13 tattha yāni tāni dhaññāni daḷhāni sāravantāni tāni ekamantaṃ puñjaṃ hoti, yāni pana tāni dhaññāni dubbalāni palāpāni tāni vāto ekamantaṃ apavahati 14. Tamenaṃ sāmikā sammajjaniṃ gahetvā bhiyyosomattāya apasammajjanti. Taṃ kissa hetu? Mā aññe bhaddake dhaññe dūsesīti! Evamevaṃ kho, bhikkhave, idhekaccassa puggalassa tādisaṃyeva hoti abhikkantaṃ paṭikkantaṃ ālokitaṃ vilokitaṃ samiñjitaṃ pasāritaṃ saṅghāṭipattacīvaradhāraṇaṃ, seyyathāpi aññesaṃ bhaddakānaṃ bhikkhūnaṃ – yāvassa bhikkhū āpattiṃ na passanti. Yato ca khvassa bhikkhū āpattiṃ passanti, tamenaṃ evaṃ jānanti – ‘samaṇadūsīvāyaṃ samaṇapalāpo samaṇakāraṇḍavo’ti. Tamenaṃ iti viditvā bahiddhā nāsenti. Taṃ kissa hetu? Mā aññe bhaddake bhikkhū dūsesīti.

    ‘‘сзяяат̇ааби, бхигкавз, бурисо уд̣̇абаанабанаал̣ияад̇т̇иго д̇ин̣хам̣ гутаарим̣ 15 аад̣̇ааяа ванам̣ бависзяяа. со яам̣ яад̣̇зва ругкам̣ гутаарибаасзна аагодзяяа д̇ад̇т̇а яаани д̇аани ругкаани д̣̇ал̣хаани саараванд̇аани д̇аани гутаарибаасзна аагодид̇аани гагкал̣ам̣ бадинад̣̇анд̇и; яаани бана д̇аани ругкаани анд̇обууд̇ийни авассуд̇аани гасамб̣уж̇аад̇аани д̇аани гутаарибаасзна аагодид̇аани д̣̇ад̣̇д̣̇арам̣ бадинад̣̇анд̇и. д̇амзнам̣ муулз чинд̣̇ад̇и, муулз чинд̣̇ид̇ваа аг̇г̇з чинд̣̇ад̇и, аг̇г̇з чинд̣̇ид̇ваа анд̇о сувисод̇хид̇ам̣ висод̇хзд̇и, анд̇о сувисод̇хид̇ам̣ висод̇хзд̇ваа уд̣̇абаанабанаал̣им̣ яож̇зд̇и. звамзвам̣ ко, бхигкавз , ид̇хзгажжасса буг̇г̇аласса д̇аад̣̇исам̣язва ход̇и абхигганд̇ам̣ бадигганд̇ам̣ аалогид̇ам̣ вилогид̇ам̣ самин̃ж̇ид̇ам̣ басаарид̇ам̣ сан̇гхаадибад̇д̇ажийварад̇хааран̣ам̣, сзяяат̇ааби ан̃н̃зсам̣ бхад̣̇д̣̇агаанам̣ бхигкуунам̣ – яаавасса бхигкуу аабад̇д̇им̣ на бассанд̇и. яад̇о жа квасса бхигкуу аабад̇д̇им̣ бассанд̇и, д̇амзнам̣ звам̣ ж̇аананд̇и – ‘саман̣ад̣̇уусийвааяам̣ саман̣абалаабо саман̣агааран̣д̣аво’д̇и. д̇амзнам̣ ид̇и вид̣̇ид̇ваа б̣ахид̣̇д̇хаа наасзнд̇и. д̇ам̣ гисса хзд̇у? маа ан̃н̃з бхад̣̇д̣̇агз бхигкуу д̣̇уусзсий’’д̇и.

    ‘‘Seyyathāpi, bhikkhave, puriso udapānapanāḷiyatthiko tiṇhaṃ kuṭhāriṃ 16 ādāya vanaṃ paviseyya. So yaṃ yadeva rukkhaṃ kuṭhāripāsena ākoṭeyya tattha yāni tāni rukkhāni daḷhāni sāravantāni tāni kuṭhāripāsena ākoṭitāni kakkhaḷaṃ paṭinadanti; yāni pana tāni rukkhāni antopūtīni avassutāni kasambujātāni tāni kuṭhāripāsena ākoṭitāni daddaraṃ paṭinadanti. Tamenaṃ mūle chindati, mūle chinditvā agge chindati, agge chinditvā anto suvisodhitaṃ visodheti, anto suvisodhitaṃ visodhetvā udapānapanāḷiṃ yojeti. Evamevaṃ kho, bhikkhave , idhekaccassa puggalassa tādisaṃyeva hoti abhikkantaṃ paṭikkantaṃ ālokitaṃ vilokitaṃ samiñjitaṃ pasāritaṃ saṅghāṭipattacīvaradhāraṇaṃ, seyyathāpi aññesaṃ bhaddakānaṃ bhikkhūnaṃ – yāvassa bhikkhū āpattiṃ na passanti. Yato ca khvassa bhikkhū āpattiṃ passanti, tamenaṃ evaṃ jānanti – ‘samaṇadūsīvāyaṃ samaṇapalāpo samaṇakāraṇḍavo’ti. Tamenaṃ iti viditvā bahiddhā nāsenti. Taṃ kissa hetu? Mā aññe bhaddake bhikkhū dūsesī’’ti.

    ‘‘сам̣ваасааяам̣ виж̇аанаат̇а, баабижчо год̇хано ид̇и;

    ‘‘Saṃvāsāyaṃ vijānātha, pāpiccho kodhano iti;

    магкий т̇амбхий бал̣аасий жа, иссугий мажчарий сато.

    Makkhī thambhī paḷāsī ca, issukī maccharī saṭho.

    ‘‘санд̇аваажо ж̇анавад̇и, саман̣о вияа бхаасад̇и;

    ‘‘Santavāco janavati, samaṇo viya bhāsati;

    рахо гарод̇и гаран̣ам̣, баабад̣̇идти анаад̣̇аро.

    Raho karoti karaṇaṃ, pāpadiṭṭhi anādaro.

    ‘‘сам̣саббий жа мусааваад̣̇ий, д̇ам̣ вид̣̇ид̇ваа яат̇аад̇ат̇ам̣;

    ‘‘Saṃsappī ca musāvādī, taṃ viditvā yathātathaṃ;

    саб̣б̣з самаг̇г̇аа худ̇ваана, абхиниб̣б̣аж̇ж̇аяаат̇а 17 нам̣.

    Sabbe samaggā hutvāna, abhinibbajjayātha 18 naṃ.

    ‘‘гааран̣д̣авам̣ 19 нид̣̇д̇хамат̇а, гасамб̣ум̣ абагассат̇а 20;

    ‘‘Kāraṇḍavaṃ 21 niddhamatha, kasambuṃ apakassatha 22;

    д̇ад̇о балаабз ваахзт̇а, ассаман̣з саман̣амаанинз.

    Tato palāpe vāhetha, assamaṇe samaṇamānine.

    ‘‘нид̣̇д̇хамид̇ваана баабижчз, баабааажаараг̇ожарз;

    ‘‘Niddhamitvāna pāpicche, pāpaācāragocare;

    суд̣̇д̇хаасуд̣̇д̇хзхи сам̣ваасам̣, габбаяавхо бад̇иссад̇аа;

    Suddhāsuddhehi saṃvāsaṃ, kappayavho patissatā;

    д̇ад̇о самаг̇г̇аа нибагаа, д̣̇угкассанд̇ам̣ гариссат̇аа’’д̇и. д̣̇асамам̣;

    Tato samaggā nipakā, dukkhassantaṃ karissathā’’ti. dasamaṃ;

    мзд̇д̇ааваг̇г̇о батамо.

    Mettāvaggo paṭhamo.

    д̇ассуд̣̇д̣̇аанам̣ –

    Tassuddānaṃ –

    мзд̇д̇ам̣ бан̃н̃аа жа д̣̇вз бияаа, д̣̇вз логаа д̣̇вз вибад̇д̇ияо;

    Mettaṃ paññā ca dve piyā, dve lokā dve vipattiyo;

    д̣̇звад̣̇ад̇д̇о жа уд̇д̇аро, нанд̣̇о гааран̣д̣авзна жаад̇и.

    Devadatto ca uttaro, nando kāraṇḍavena cāti.




    Next: 2. махааваг̇г̇о • 2. Mahāvaggo




    Footnotes:
    1. абанзяяо со (сий.), абанзяяо (сяаа.)
    2. гим̣ вобарабуд̇д̇о вихзтияад̇и (сий.), гим̣ барабуд̇д̇о вихзтзд̇и (сяаа.), гим̣ во барабуд̇д̇аа вихзтзд̇и (бий.), гим̣ со барабуд̇д̇о висод̇хзд̇и (га.)
    3. саман̣аруубий (га.)
    4. саман̣агаран̣д̣авод̇и (га.)
    5. apaneyyo so (sī.), apaneyyo (syā.)
    6. kiṃ voparaputto viheṭhiyati (sī.), kiṃ paraputto viheṭheti (syā.), kiṃ vo paraputtā viheṭheti (pī.), kiṃ so paraputto visodheti (ka.)
    7. samaṇarūpī (ka.)
    8. samaṇakaraṇḍavoti (ka.)
    9. яаваруубий (га.)
    10. yavarūpī (ka.)
    11. вуяхамаанасса (сий. бий.), пусаяамаанасса (сяаа.), бунамаанасса (?)
    12. абагассад̇и (сий.)
    13. vuyhamānassa (sī. pī.), phusayamānassa (syā.), punamānassa (?)
    14. apakassati (sī.)
    15. гуд̇хаарим̣ (сяаа. гам̣. га.)
    16. kudhāriṃ (syā. kaṃ. ka.)
    17. абхиниб̣б̣иж̇ж̇аязт̇а (га.)
    18. abhinibbijjayetha (ka.)
    19. гаран̣д̣авам̣ (га.) су. ни. 283 бассид̇аб̣б̣ам̣
    20. авагассат̇а (га.)
    21. karaṇḍavaṃ (ka.) su. ni. 283 passitabbaṃ
    22. avakassatha (ka.)



    Related texts:



    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 10. гааран̣д̣авасуд̇д̇аван̣н̣анаа • 10. Kāraṇḍavasuttavaṇṇanā

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 10. гааран̣д̣авасуд̇д̇аван̣н̣анаа • 10. Kāraṇḍavasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact