| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੧੦. ਕਾਰਣ੍ਡવਸੁਤ੍ਤਂ
10. Kāraṇḍavasuttaṃ
੧੦. ਏਕਂ ਸਮਯਂ ਭਗવਾ ਚਮ੍ਪਾਯਂ વਿਹਰਤਿ ਗਗ੍ਗਰਾਯ ਪੋਕ੍ਖਰਣਿਯਾ ਤੀਰੇ। ਤੇਨ ਖੋ ਪਨ ਸਮਯੇਨ ਭਿਕ੍ਖੂ ਭਿਕ੍ਖੁਂ ਆਪਤ੍ਤਿਯਾ ਚੋਦੇਨ੍ਤਿ। ਸੋ ਭਿਕ੍ਖੁ ਭਿਕ੍ਖੂਹਿ ਆਪਤ੍ਤਿਯਾ ਚੋਦਿਯਮਾਨੋ ਅਞ੍ਞੇਨਾਞ੍ਞਂ ਪਟਿਚਰਤਿ, ਬਹਿਦ੍ਧਾ ਕਥਂ ਅਪਨਾਮੇਤਿ, ਕੋਪਞ੍ਚ ਦੋਸਞ੍ਚ ਅਪ੍ਪਚ੍ਚਯਞ੍ਚ ਪਾਤੁਕਰੋਤਿ।
10. Ekaṃ samayaṃ bhagavā campāyaṃ viharati gaggarāya pokkharaṇiyā tīre. Tena kho pana samayena bhikkhū bhikkhuṃ āpattiyā codenti. So bhikkhu bhikkhūhi āpattiyā codiyamāno aññenāññaṃ paṭicarati, bahiddhā kathaṃ apanāmeti, kopañca dosañca appaccayañca pātukaroti.
ਅਥ ਖੋ ਭਗવਾ ਭਿਕ੍ਖੂ ਆਮਨ੍ਤੇਸਿ – ‘‘ਨਿਦ੍ਧਮਥੇਤਂ , ਭਿਕ੍ਖવੇ, ਪੁਗ੍ਗਲਂ; ਨਿਦ੍ਧਮਥੇਤਂ, ਭਿਕ੍ਖવੇ, ਪੁਗ੍ਗਲਂ। ਅਪਨੇਯ੍ਯੇਸੋ 1, ਭਿਕ੍ਖવੇ, ਪੁਗ੍ਗਲੋ। ਕਿਂ વੋ ਤੇਨ ਪਰਪੁਤ੍ਤੇਨ વਿਸੋਧਿਤੇਨ 2! ਇਧ , ਭਿਕ੍ਖવੇ, ਏਕਚ੍ਚਸ੍ਸ ਪੁਗ੍ਗਲਸ੍ਸ ਤਾਦਿਸਂਯੇવ ਹੋਤਿ ਅਭਿਕ੍ਕਨ੍ਤਂ ਪਟਿਕ੍ਕਨ੍ਤਂ ਆਲੋਕਿਤਂ વਿਲੋਕਿਤਂ ਸਮਿਞ੍ਜਿਤਂ ਪਸਾਰਿਤਂ ਸਙ੍ਘਾਟਿਪਤ੍ਤਚੀવਰਧਾਰਣਂ, ਸੇਯ੍ਯਥਾਪਿ ਅਞ੍ਞੇਸਂ ਭਦ੍ਦਕਾਨਂ ਭਿਕ੍ਖੂਨਂ – ਯਾવਸ੍ਸ ਭਿਕ੍ਖੂ ਆਪਤ੍ਤਿਂ ਨ ਪਸ੍ਸਨ੍ਤਿ। ਯਤੋ ਚ ਖ੍વਸ੍ਸ ਭਿਕ੍ਖੂ ਆਪਤ੍ਤਿਂ ਪਸ੍ਸਨ੍ਤਿ, ਤਮੇਨਂ ਏવਂ ਜਾਨਨ੍ਤਿ – ‘ਸਮਣਦੂਸੀવਾਯਂ 3 ਸਮਣਪਲਾਪੋ ਸਮਣਕਾਰਣ੍ਡવੋ’ਤਿ 4। ਤਮੇਨਂ ਇਤਿ વਿਦਿਤ੍વਾ ਬਹਿਦ੍ਧਾ ਨਾਸੇਨ੍ਤਿ। ਤਂ ਕਿਸ੍ਸ ਹੇਤੁ? ਮਾ ਅਞ੍ਞੇ ਭਦ੍ਦਕੇ ਭਿਕ੍ਖੂ ਦੂਸੇਸੀ’’ਤਿ!
Atha kho bhagavā bhikkhū āmantesi – ‘‘niddhamathetaṃ , bhikkhave, puggalaṃ; niddhamathetaṃ, bhikkhave, puggalaṃ. Apaneyyeso 5, bhikkhave, puggalo. Kiṃ vo tena paraputtena visodhitena 6! Idha , bhikkhave, ekaccassa puggalassa tādisaṃyeva hoti abhikkantaṃ paṭikkantaṃ ālokitaṃ vilokitaṃ samiñjitaṃ pasāritaṃ saṅghāṭipattacīvaradhāraṇaṃ, seyyathāpi aññesaṃ bhaddakānaṃ bhikkhūnaṃ – yāvassa bhikkhū āpattiṃ na passanti. Yato ca khvassa bhikkhū āpattiṃ passanti, tamenaṃ evaṃ jānanti – ‘samaṇadūsīvāyaṃ 7 samaṇapalāpo samaṇakāraṇḍavo’ti 8. Tamenaṃ iti viditvā bahiddhā nāsenti. Taṃ kissa hetu? Mā aññe bhaddake bhikkhū dūsesī’’ti!
‘‘ਸੇਯ੍ਯਥਾਪਿ, ਭਿਕ੍ਖવੇ, ਸਮ੍ਪਨ੍ਨੇ ਯવਕਰਣੇ ਯવਦੂਸੀ 9 ਜਾਯੇਥ ਯવਪਲਾਪੋ ਯવਕਾਰਣ੍ਡવੋਤਿ। ਤਸ੍ਸ ਤਾਦਿਸਂਯੇવ ਮੂਲਂ ਹੋਤਿ, ਸੇਯ੍ਯਥਾਪਿ ਅਞ੍ਞੇਸਂ ਭਦ੍ਦਕਾਨਂ ਯવਾਨਂ; ਤਾਦਿਸਂਯੇવ ਨਾਲ਼ਂ ਹੋਤਿ, ਸੇਯ੍ਯਥਾਪਿ ਅਞ੍ਞੇਸਂ ਭਦ੍ਦਕਾਨਂ ਯવਾਨਂ; ਤਾਦਿਸਂਯੇવ ਪਤ੍ਤਂ ਹੋਤਿ, ਸੇਯ੍ਯਥਾਪਿ ਅਞ੍ਞੇਸਂ ਭਦ੍ਦਕਾਨਂ ਯવਾਨਂ – ਯਾવਸ੍ਸ ਸੀਸਂ ਨ ਨਿਬ੍ਬਤ੍ਤਤਿ। ਯਤੋ ਚ ਖ੍વਸ੍ਸ ਸੀਸਂ ਨਿਬ੍ਬਤ੍ਤਤਿ, ਤਮੇਨਂ ਏવਂ ਜਾਨਨ੍ਤਿ – ‘ਯવਦੂਸੀવਾਯਂ ਯવਪਲਾਪੋ ਯવਕਾਰਣ੍ਡવੋ’ਤਿ । ਤਮੇਨਂ ਇਤਿ વਿਦਿਤ੍વਾ ਸਮੂਲਂ ਉਪ੍ਪਾਟੇਤ੍વਾ ਬਹਿਦ੍ਧਾ ਯવਕਰਣਸ੍ਸ ਛਡ੍ਡੇਨ੍ਤਿ। ਤਂ ਕਿਸ੍ਸ ਹੇਤੁ? ਮਾ ਅਞ੍ਞੇ ਭਦ੍ਦਕੇ ਯવੇ ਦੂਸੇਸੀਤਿ!
‘‘Seyyathāpi, bhikkhave, sampanne yavakaraṇe yavadūsī 10 jāyetha yavapalāpo yavakāraṇḍavoti. Tassa tādisaṃyeva mūlaṃ hoti, seyyathāpi aññesaṃ bhaddakānaṃ yavānaṃ; tādisaṃyeva nāḷaṃ hoti, seyyathāpi aññesaṃ bhaddakānaṃ yavānaṃ; tādisaṃyeva pattaṃ hoti, seyyathāpi aññesaṃ bhaddakānaṃ yavānaṃ – yāvassa sīsaṃ na nibbattati. Yato ca khvassa sīsaṃ nibbattati, tamenaṃ evaṃ jānanti – ‘yavadūsīvāyaṃ yavapalāpo yavakāraṇḍavo’ti . Tamenaṃ iti viditvā samūlaṃ uppāṭetvā bahiddhā yavakaraṇassa chaḍḍenti. Taṃ kissa hetu? Mā aññe bhaddake yave dūsesīti!
‘‘ਏવਮੇવਂ ਖੋ, ਭਿਕ੍ਖવੇ, ਇਧੇਕਚ੍ਚਸ੍ਸ ਪੁਗ੍ਗਲਸ੍ਸ ਤਾਦਿਸਂਯੇવ ਹੋਤਿ ਅਭਿਕ੍ਕਨ੍ਤਂ ਪਟਿਕ੍ਕਨ੍ਤਂ ਆਲੋਕਿਤਂ વਿਲੋਕਿਤਂ ਸਮਿਞ੍ਜਿਤਂ ਪਸਾਰਿਤਂ ਸਙ੍ਘਾਟਿਪਤ੍ਤਚੀવਰਧਾਰਣਂ, ਸੇਯ੍ਯਥਾਪਿ ਅਞ੍ਞੇਸਂ ਭਦ੍ਦਕਾਨਂ ਭਿਕ੍ਖੂਨਂ – ਯਾવਸ੍ਸ ਭਿਕ੍ਖੂ ਆਪਤ੍ਤਿਂ ਨ ਪਸ੍ਸਨ੍ਤਿ। ਯਤੋ ਚ ਖ੍વਸ੍ਸ ਭਿਕ੍ਖੂ ਆਪਤ੍ਤਿਂ ਪਸ੍ਸਨ੍ਤਿ, ਤਮੇਨਂ ਏવਂ ਜਾਨਨ੍ਤਿ – ‘ਸਮਣਦੂਸੀવਾਯਂ ਸਮਣਪਲਾਪੋ ਸਮਣਕਾਰਣ੍ਡવੋ’ਤਿ। ਤਮੇਨਂ ਇਤਿ વਿਦਿਤ੍વਾ ਬਹਿਦ੍ਧਾ ਨਾਸੇਨ੍ਤਿ। ਤਂ ਕਿਸ੍ਸ ਹੇਤੁ? ਮਾ ਅਞ੍ਞੇ ਭਦ੍ਦਕੇ ਭਿਕ੍ਖੂ ਦੂਸੇਸੀਤਿ।
‘‘Evamevaṃ kho, bhikkhave, idhekaccassa puggalassa tādisaṃyeva hoti abhikkantaṃ paṭikkantaṃ ālokitaṃ vilokitaṃ samiñjitaṃ pasāritaṃ saṅghāṭipattacīvaradhāraṇaṃ, seyyathāpi aññesaṃ bhaddakānaṃ bhikkhūnaṃ – yāvassa bhikkhū āpattiṃ na passanti. Yato ca khvassa bhikkhū āpattiṃ passanti, tamenaṃ evaṃ jānanti – ‘samaṇadūsīvāyaṃ samaṇapalāpo samaṇakāraṇḍavo’ti. Tamenaṃ iti viditvā bahiddhā nāsenti. Taṃ kissa hetu? Mā aññe bhaddake bhikkhū dūsesīti.
‘‘ਸੇਯ੍ਯਥਾਪਿ, ਭਿਕ੍ਖવੇ, ਮਹਤੋ ਧਞ੍ਞਰਾਸਿਸ੍ਸ ਫੁਣਮਾਨਸ੍ਸ 11 ਤਤ੍ਥ ਯਾਨਿ ਤਾਨਿ ਧਞ੍ਞਾਨਿ ਦਲ਼੍ਹਾਨਿ ਸਾਰવਨ੍ਤਾਨਿ ਤਾਨਿ ਏਕਮਨ੍ਤਂ ਪੁਞ੍ਜਂ ਹੋਤਿ, ਯਾਨਿ ਪਨ ਤਾਨਿ ਧਞ੍ਞਾਨਿ ਦੁਬ੍ਬਲਾਨਿ ਪਲਾਪਾਨਿ ਤਾਨਿ વਾਤੋ ਏਕਮਨ੍ਤਂ ਅਪવਹਤਿ 12। ਤਮੇਨਂ ਸਾਮਿਕਾ ਸਮ੍ਮਜ੍ਜਨਿਂ ਗਹੇਤ੍વਾ ਭਿਯ੍ਯੋਸੋਮਤ੍ਤਾਯ ਅਪਸਮ੍ਮਜ੍ਜਨ੍ਤਿ। ਤਂ ਕਿਸ੍ਸ ਹੇਤੁ? ਮਾ ਅਞ੍ਞੇ ਭਦ੍ਦਕੇ ਧਞ੍ਞੇ ਦੂਸੇਸੀਤਿ! ਏવਮੇવਂ ਖੋ, ਭਿਕ੍ਖવੇ, ਇਧੇਕਚ੍ਚਸ੍ਸ ਪੁਗ੍ਗਲਸ੍ਸ ਤਾਦਿਸਂਯੇવ ਹੋਤਿ ਅਭਿਕ੍ਕਨ੍ਤਂ ਪਟਿਕ੍ਕਨ੍ਤਂ ਆਲੋਕਿਤਂ વਿਲੋਕਿਤਂ ਸਮਿਞ੍ਜਿਤਂ ਪਸਾਰਿਤਂ ਸਙ੍ਘਾਟਿਪਤ੍ਤਚੀવਰਧਾਰਣਂ, ਸੇਯ੍ਯਥਾਪਿ ਅਞ੍ਞੇਸਂ ਭਦ੍ਦਕਾਨਂ ਭਿਕ੍ਖੂਨਂ – ਯਾવਸ੍ਸ ਭਿਕ੍ਖੂ ਆਪਤ੍ਤਿਂ ਨ ਪਸ੍ਸਨ੍ਤਿ। ਯਤੋ ਚ ਖ੍વਸ੍ਸ ਭਿਕ੍ਖੂ ਆਪਤ੍ਤਿਂ ਪਸ੍ਸਨ੍ਤਿ, ਤਮੇਨਂ ਏવਂ ਜਾਨਨ੍ਤਿ – ‘ਸਮਣਦੂਸੀવਾਯਂ ਸਮਣਪਲਾਪੋ ਸਮਣਕਾਰਣ੍ਡવੋ’ਤਿ। ਤਮੇਨਂ ਇਤਿ વਿਦਿਤ੍વਾ ਬਹਿਦ੍ਧਾ ਨਾਸੇਨ੍ਤਿ। ਤਂ ਕਿਸ੍ਸ ਹੇਤੁ? ਮਾ ਅਞ੍ਞੇ ਭਦ੍ਦਕੇ ਭਿਕ੍ਖੂ ਦੂਸੇਸੀਤਿ।
‘‘Seyyathāpi, bhikkhave, mahato dhaññarāsissa phuṇamānassa 13 tattha yāni tāni dhaññāni daḷhāni sāravantāni tāni ekamantaṃ puñjaṃ hoti, yāni pana tāni dhaññāni dubbalāni palāpāni tāni vāto ekamantaṃ apavahati 14. Tamenaṃ sāmikā sammajjaniṃ gahetvā bhiyyosomattāya apasammajjanti. Taṃ kissa hetu? Mā aññe bhaddake dhaññe dūsesīti! Evamevaṃ kho, bhikkhave, idhekaccassa puggalassa tādisaṃyeva hoti abhikkantaṃ paṭikkantaṃ ālokitaṃ vilokitaṃ samiñjitaṃ pasāritaṃ saṅghāṭipattacīvaradhāraṇaṃ, seyyathāpi aññesaṃ bhaddakānaṃ bhikkhūnaṃ – yāvassa bhikkhū āpattiṃ na passanti. Yato ca khvassa bhikkhū āpattiṃ passanti, tamenaṃ evaṃ jānanti – ‘samaṇadūsīvāyaṃ samaṇapalāpo samaṇakāraṇḍavo’ti. Tamenaṃ iti viditvā bahiddhā nāsenti. Taṃ kissa hetu? Mā aññe bhaddake bhikkhū dūsesīti.
‘‘ਸੇਯ੍ਯਥਾਪਿ, ਭਿਕ੍ਖવੇ, ਪੁਰਿਸੋ ਉਦਪਾਨਪਨਾਲ਼ਿਯਤ੍ਥਿਕੋ ਤਿਣ੍ਹਂ ਕੁਠਾਰਿਂ 15 ਆਦਾਯ વਨਂ ਪવਿਸੇਯ੍ਯ। ਸੋ ਯਂ ਯਦੇવ ਰੁਕ੍ਖਂ ਕੁਠਾਰਿਪਾਸੇਨ ਆਕੋਟੇਯ੍ਯ ਤਤ੍ਥ ਯਾਨਿ ਤਾਨਿ ਰੁਕ੍ਖਾਨਿ ਦਲ਼੍ਹਾਨਿ ਸਾਰવਨ੍ਤਾਨਿ ਤਾਨਿ ਕੁਠਾਰਿਪਾਸੇਨ ਆਕੋਟਿਤਾਨਿ ਕਕ੍ਖਲ਼ਂ ਪਟਿਨਦਨ੍ਤਿ; ਯਾਨਿ ਪਨ ਤਾਨਿ ਰੁਕ੍ਖਾਨਿ ਅਨ੍ਤੋਪੂਤੀਨਿ ਅવਸ੍ਸੁਤਾਨਿ ਕਸਮ੍ਬੁਜਾਤਾਨਿ ਤਾਨਿ ਕੁਠਾਰਿਪਾਸੇਨ ਆਕੋਟਿਤਾਨਿ ਦਦ੍ਦਰਂ ਪਟਿਨਦਨ੍ਤਿ। ਤਮੇਨਂ ਮੂਲੇ ਛਿਨ੍ਦਤਿ, ਮੂਲੇ ਛਿਨ੍ਦਿਤ੍વਾ ਅਗ੍ਗੇ ਛਿਨ੍ਦਤਿ, ਅਗ੍ਗੇ ਛਿਨ੍ਦਿਤ੍વਾ ਅਨ੍ਤੋ ਸੁવਿਸੋਧਿਤਂ વਿਸੋਧੇਤਿ, ਅਨ੍ਤੋ ਸੁવਿਸੋਧਿਤਂ વਿਸੋਧੇਤ੍વਾ ਉਦਪਾਨਪਨਾਲ਼ਿਂ ਯੋਜੇਤਿ। ਏવਮੇવਂ ਖੋ, ਭਿਕ੍ਖવੇ , ਇਧੇਕਚ੍ਚਸ੍ਸ ਪੁਗ੍ਗਲਸ੍ਸ ਤਾਦਿਸਂਯੇવ ਹੋਤਿ ਅਭਿਕ੍ਕਨ੍ਤਂ ਪਟਿਕ੍ਕਨ੍ਤਂ ਆਲੋਕਿਤਂ વਿਲੋਕਿਤਂ ਸਮਿਞ੍ਜਿਤਂ ਪਸਾਰਿਤਂ ਸਙ੍ਘਾਟਿਪਤ੍ਤਚੀવਰਧਾਰਣਂ, ਸੇਯ੍ਯਥਾਪਿ ਅਞ੍ਞੇਸਂ ਭਦ੍ਦਕਾਨਂ ਭਿਕ੍ਖੂਨਂ – ਯਾવਸ੍ਸ ਭਿਕ੍ਖੂ ਆਪਤ੍ਤਿਂ ਨ ਪਸ੍ਸਨ੍ਤਿ। ਯਤੋ ਚ ਖ੍વਸ੍ਸ ਭਿਕ੍ਖੂ ਆਪਤ੍ਤਿਂ ਪਸ੍ਸਨ੍ਤਿ, ਤਮੇਨਂ ਏવਂ ਜਾਨਨ੍ਤਿ – ‘ਸਮਣਦੂਸੀવਾਯਂ ਸਮਣਪਲਾਪੋ ਸਮਣਕਾਰਣ੍ਡવੋ’ਤਿ। ਤਮੇਨਂ ਇਤਿ વਿਦਿਤ੍વਾ ਬਹਿਦ੍ਧਾ ਨਾਸੇਨ੍ਤਿ। ਤਂ ਕਿਸ੍ਸ ਹੇਤੁ? ਮਾ ਅਞ੍ਞੇ ਭਦ੍ਦਕੇ ਭਿਕ੍ਖੂ ਦੂਸੇਸੀ’’ਤਿ।
‘‘Seyyathāpi, bhikkhave, puriso udapānapanāḷiyatthiko tiṇhaṃ kuṭhāriṃ 16 ādāya vanaṃ paviseyya. So yaṃ yadeva rukkhaṃ kuṭhāripāsena ākoṭeyya tattha yāni tāni rukkhāni daḷhāni sāravantāni tāni kuṭhāripāsena ākoṭitāni kakkhaḷaṃ paṭinadanti; yāni pana tāni rukkhāni antopūtīni avassutāni kasambujātāni tāni kuṭhāripāsena ākoṭitāni daddaraṃ paṭinadanti. Tamenaṃ mūle chindati, mūle chinditvā agge chindati, agge chinditvā anto suvisodhitaṃ visodheti, anto suvisodhitaṃ visodhetvā udapānapanāḷiṃ yojeti. Evamevaṃ kho, bhikkhave , idhekaccassa puggalassa tādisaṃyeva hoti abhikkantaṃ paṭikkantaṃ ālokitaṃ vilokitaṃ samiñjitaṃ pasāritaṃ saṅghāṭipattacīvaradhāraṇaṃ, seyyathāpi aññesaṃ bhaddakānaṃ bhikkhūnaṃ – yāvassa bhikkhū āpattiṃ na passanti. Yato ca khvassa bhikkhū āpattiṃ passanti, tamenaṃ evaṃ jānanti – ‘samaṇadūsīvāyaṃ samaṇapalāpo samaṇakāraṇḍavo’ti. Tamenaṃ iti viditvā bahiddhā nāsenti. Taṃ kissa hetu? Mā aññe bhaddake bhikkhū dūsesī’’ti.
‘‘ਸਂવਾਸਾਯਂ વਿਜਾਨਾਥ, ਪਾਪਿਚ੍ਛੋ ਕੋਧਨੋ ਇਤਿ।
‘‘Saṃvāsāyaṃ vijānātha, pāpiccho kodhano iti;
ਮਕ੍ਖੀ ਥਮ੍ਭੀ ਪਲ਼ਾਸੀ ਚ, ਇਸ੍ਸੁਕੀ ਮਚ੍ਛਰੀ ਸਠੋ॥
Makkhī thambhī paḷāsī ca, issukī maccharī saṭho.
‘‘ਸਨ੍ਤવਾਚੋ ਜਨવਤਿ, ਸਮਣੋ વਿਯ ਭਾਸਤਿ।
‘‘Santavāco janavati, samaṇo viya bhāsati;
ਰਹੋ ਕਰੋਤਿ ਕਰਣਂ, ਪਾਪਦਿਟ੍ਠਿ ਅਨਾਦਰੋ॥
Raho karoti karaṇaṃ, pāpadiṭṭhi anādaro.
‘‘ਸਂਸਪ੍ਪੀ ਚ ਮੁਸਾવਾਦੀ, ਤਂ વਿਦਿਤ੍વਾ ਯਥਾਤਥਂ।
‘‘Saṃsappī ca musāvādī, taṃ viditvā yathātathaṃ;
ਤਤੋ ਪਲਾਪੇ વਾਹੇਥ, ਅਸ੍ਸਮਣੇ ਸਮਣਮਾਨਿਨੇ॥
Tato palāpe vāhetha, assamaṇe samaṇamānine.
‘‘ਨਿਦ੍ਧਮਿਤ੍વਾਨ ਪਾਪਿਚ੍ਛੇ, ਪਾਪਆਚਾਰਗੋਚਰੇ।
‘‘Niddhamitvāna pāpicche, pāpaācāragocare;
ਸੁਦ੍ਧਾਸੁਦ੍ਧੇਹਿ ਸਂવਾਸਂ, ਕਪ੍ਪਯવ੍ਹੋ ਪਤਿਸ੍ਸਤਾ।
Suddhāsuddhehi saṃvāsaṃ, kappayavho patissatā;
ਤਤੋ ਸਮਗ੍ਗਾ ਨਿਪਕਾ, ਦੁਕ੍ਖਸ੍ਸਨ੍ਤਂ ਕਰਿਸ੍ਸਥਾ’’ਤਿ॥ ਦਸਮਂ।
Tato samaggā nipakā, dukkhassantaṃ karissathā’’ti. dasamaṃ;
ਮੇਤ੍ਤਾવਗ੍ਗੋ ਪਠਮੋ।
Mettāvaggo paṭhamo.
ਤਸ੍ਸੁਦ੍ਦਾਨਂ –
Tassuddānaṃ –
ਮੇਤ੍ਤਂ ਪਞ੍ਞਾ ਚ ਦ੍વੇ ਪਿਯਾ, ਦ੍વੇ ਲੋਕਾ ਦ੍વੇ વਿਪਤ੍ਤਿਯੋ।
Mettaṃ paññā ca dve piyā, dve lokā dve vipattiyo;
ਦੇવਦਤ੍ਤੋ ਚ ਉਤ੍ਤਰੋ, ਨਨ੍ਦੋ ਕਾਰਣ੍ਡવੇਨ ਚਾਤਿ॥
Devadatto ca uttaro, nando kāraṇḍavena cāti.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੧੦. ਕਾਰਣ੍ਡવਸੁਤ੍ਤવਣ੍ਣਨਾ • 10. Kāraṇḍavasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧੦. ਕਾਰਣ੍ਡવਸੁਤ੍ਤવਣ੍ਣਨਾ • 10. Kāraṇḍavasuttavaṇṇanā
