| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
10. гааран̣д̣авасуд̇д̇аван̣н̣анаа
10. Kāraṇḍavasuttavaṇṇanā
10. д̣̇асамз бадижарад̇ийд̇и бадижчаад̣̇анавасзна жарад̇и бавад̇д̇ад̇и. бадижчаад̣̇анадто зва ваа жарад̇и-сад̣̇д̣̇о анзгад̇т̇ад̇д̇аа д̇хаад̇уунанд̇и ааха ‘‘бадижчаад̣̇зд̇ий’’д̇и. ан̃н̃знаан̃н̃анд̇и бана бадижчаад̣̇анаагаарад̣̇ассананд̇и ааха ‘‘ан̃н̃зна гааран̣знаа’’д̇иаад̣̇и. д̇ад̇т̇а ан̃н̃ам̣ гааран̣ам̣ важанам̣ ваад̇и яам̣ жод̣̇агзна жуд̣̇ид̇агасса д̣̇осавибхааванам̣ гааран̣ам̣, важанам̣ ваа вуд̇д̇ам̣, д̇ам̣ д̇ад̇о ан̃н̃знзва гааран̣зна, важанзна ваа бадижчаад̣̇зд̇и. гааран̣знаад̇и жод̣̇анааяа амуулааяа амуулигабхаавад̣̇ийбанияаа яуд̇д̇ияаа ваа. важанзнаад̇и д̇ад̣̇ад̇т̇аб̣од̇хагзна важанзна. ‘‘го аабанно’’д̇иаад̣̇инаа жод̣̇анам̣ виссаж̇ж̇зд̇ваава вигкзбаабаж̇ж̇анам̣ ан̃н̃знаан̃н̃ам̣ бадижаран̣ам̣. б̣ахид̣̇д̇хаа гат̇аабанааманаа наама ‘‘ид̇т̇аннаамам̣ аабад̇д̇им̣ аабанносий’’д̇и вуд̇д̇з – ‘‘баадалибуд̇д̇ам̣ г̇ад̇омхий’’д̇иаад̣̇инаа жод̣̇анам̣ виссаж̇ж̇зд̇ваад̇и аяамзва висзсо. яо хи ‘‘аабад̇д̇им̣ аабанносий’’д̇и вуд̇д̇о ‘‘го аабанно, гим̣ аабанно, гисмим̣ аабаннаа, гам̣ бхан̣ат̇а, гим̣ бхан̣ат̇аа’’д̇и ваа вад̣̇ад̇и, ‘‘зваруубам̣ гин̃жи д̇аяаа д̣̇идта’’нд̇и вуд̇д̇з ‘‘на сун̣аамий’’д̇и сод̇ам̣ ваа убанзд̇и, аяам̣ ан̃н̃знаан̃н̃ам̣ бадижарад̇и наама. яо бана ‘‘ид̇т̇аннаамам̣ наама аабад̇д̇им̣ аабанносий’’д̇и будто ‘‘баадалибуд̇д̇ам̣ г̇ад̇омхий’’д̇и вад̇ваа буна ‘‘на д̇ава баадалибуд̇д̇аг̇аманам̣ бужчаама, аабад̇д̇им̣ бужчаамаа’’д̇и вуд̇д̇з д̇ад̇о ‘‘рааж̇аг̇ахам̣ г̇ад̇омхи. рааж̇аг̇ахам̣ ваа яаахи б̣раахман̣аг̇ахам̣ ваа, аабад̇д̇им̣ аабанносийд̇и. д̇ам̣ д̇ад̇т̇а мз суугарамам̣сам̣ лад̣̇д̇ха’’нд̇иаад̣̇ийни вад̣̇ад̇и, аяам̣ б̣ахид̣̇д̇хаа гат̇ам̣ абанаамзд̇и наама . саман̣агажаварод̇и саман̣авзсад̇хааран̣зна саман̣аббад̇ируубагад̇ааяа саман̣аанам̣ гажаварабхууд̇ам̣.
10. Dasame paṭicaratīti paṭicchādanavasena carati pavattati. Paṭicchādanaṭṭho eva vā carati-saddo anekatthattā dhātūnanti āha ‘‘paṭicchādetī’’ti. Aññenāññanti pana paṭicchādanākāradassananti āha ‘‘aññena kāraṇenā’’tiādi. Tattha aññaṃ kāraṇaṃ vacanaṃ vāti yaṃ codakena cuditakassa dosavibhāvanaṃ kāraṇaṃ, vacanaṃ vā vuttaṃ, taṃ tato aññeneva kāraṇena, vacanena vā paṭicchādeti. Kāraṇenāti codanāya amūlāya amūlikabhāvadīpaniyā yuttiyā vā. Vacanenāti tadatthabodhakena vacanena. ‘‘Ko āpanno’’tiādinā codanaṃ vissajjetvāva vikkhepāpajjanaṃ aññenāññaṃ paṭicaraṇaṃ. Bahiddhā kathāpanāmanā nāma ‘‘itthannāmaṃ āpattiṃ āpannosī’’ti vutte – ‘‘pāṭaliputtaṃ gatomhī’’tiādinā codanaṃ vissajjetvāti ayameva viseso. Yo hi ‘‘āpattiṃ āpannosī’’ti vutto ‘‘ko āpanno, kiṃ āpanno, kismiṃ āpannā, kaṃ bhaṇatha, kiṃ bhaṇathā’’ti vā vadati, ‘‘evarūpaṃ kiñci tayā diṭṭha’’nti vutte ‘‘na suṇāmī’’ti sotaṃ vā upaneti, ayaṃ aññenāññaṃ paṭicarati nāma. Yo pana ‘‘itthannāmaṃ nāma āpattiṃ āpannosī’’ti puṭṭho ‘‘pāṭaliputtaṃ gatomhī’’ti vatvā puna ‘‘na tava pāṭaliputtagamanaṃ pucchāma, āpattiṃ pucchāmā’’ti vutte tato ‘‘rājagahaṃ gatomhi. Rājagahaṃ vā yāhi brāhmaṇagahaṃ vā, āpattiṃ āpannosīti. Taṃ tattha me sūkaramaṃsaṃ laddha’’ntiādīni vadati, ayaṃ bahiddhā kathaṃ apanāmeti nāma . Samaṇakacavaroti samaṇavesadhāraṇena samaṇappatirūpakatāya samaṇānaṃ kacavarabhūtaṃ.
гааран̣д̣авам̣ (су. ни. адта. 2.283-284) нид̣̇д̇хамат̇аад̇и вибаннасийлад̇ааяа гажаварабхууд̇ам̣ буг̇г̇алам̣ гажаварамива анабзгкаа абанзт̇а. гасамб̣ум̣ абагассат̇аад̇и гасамб̣убхууд̇ан̃жа нам̣ кад̇д̇ияаад̣̇ийнам̣ маж̇жхаг̇ад̇ам̣ бабхиннабаг̇гхарид̇агудтам̣ жан̣д̣аалам̣ вияа абагад̣дхат̇а. гим̣ гааран̣ам̣? сан̇гхаараамо наама сийлаванд̇аанам̣ гад̇о, на д̣̇уссийлаанам̣. яад̇о зд̇ад̣̇зва санд̇хааяааха ‘‘д̇ад̇о балаабз ваахзт̇а, ассаман̣з саман̣амаанинз’’д̇и. яат̇аа балаабаа анд̇осаарарахид̇аа ад̇ан̣д̣улаа б̣ахи т̇усзна вийхий вияа д̣̇иссанд̇и, звам̣ баабабхигкуу анд̇о сийларахид̇ааби б̣ахи гаасааваад̣̇ибаригкаарзна бхигкуу вияа д̣̇иссанд̇и, д̇асмаа ‘‘балаабаа’’д̇и вужжанд̇и. д̇з балаабз ваахзт̇а обунат̇а вид̇хамат̇а, барамад̇т̇ад̇о ассаман̣з саман̣авзсамад̇д̇зна саман̣амаанинз. габбаяавход̇и габбзт̇а, гарот̇аад̇и вуд̇д̇ам̣ ход̇и. бад̇иссад̇аад̇и саббад̇иссаа. ваддад̣̇угкасса анд̇ам̣ гариссат̇а, бариниб̣б̣аанам̣ баабун̣иссат̇аад̇и ад̇т̇о.
Kāraṇḍavaṃ (su. ni. aṭṭha. 2.283-284) niddhamathāti vipannasīlatāya kacavarabhūtaṃ puggalaṃ kacavaramiva anapekkhā apanetha. Kasambuṃ apakassathāti kasambubhūtañca naṃ khattiyādīnaṃ majjhagataṃ pabhinnapaggharitakuṭṭhaṃ caṇḍālaṃ viya apakaḍḍhatha. Kiṃ kāraṇaṃ? Saṅghārāmo nāma sīlavantānaṃ kato, na dussīlānaṃ. Yato etadeva sandhāyāha ‘‘tato palāpe vāhetha, assamaṇe samaṇamānine’’ti. Yathā palāpā antosārarahitā ataṇḍulā bahi thusena vīhī viya dissanti, evaṃ pāpabhikkhū anto sīlarahitāpi bahi kāsāvādiparikkhārena bhikkhū viya dissanti, tasmā ‘‘palāpā’’ti vuccanti. Te palāpe vāhetha opunatha vidhamatha, paramatthato assamaṇe samaṇavesamattena samaṇamānine. Kappayavhoti kappetha, karothāti vuttaṃ hoti. Patissatāti sappatissā. Vaṭṭadukkhassa antaṃ karissatha, parinibbānaṃ pāpuṇissathāti attho.
гааран̣д̣авасуд̇д̇аван̣н̣анаа нидтид̇аа.
Kāraṇḍavasuttavaṇṇanā niṭṭhitā.
мзд̇д̇ааваг̇г̇аван̣н̣анаа нидтид̇аа.
Mettāvaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. гааран̣д̣авасуд̇д̇ам̣ • 10. Kāraṇḍavasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 10. гааран̣д̣авасуд̇д̇аван̣н̣анаа • 10. Kāraṇḍavasuttavaṇṇanā
