| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๑๐. การณฺฑวสุตฺตวณฺณนา
10. Kāraṇḍavasuttavaṇṇanā
๑๐. ทสเม อเญฺญนาญฺญํ ปฎิจรตีติ อเญฺญน การเณน วจเนน วา อญฺญํ การณํ วจนํ วา ปฎิจฺฉาเทติฯ พหิทฺธา กถํ อปนาเมตีติ พาหิรโต อญฺญํ อาคนฺตุกกถํ โอตาเรติฯ อปเนเยฺยโสติ อปเนโยฺย นีหริตโพฺพ เอสฯ สมณทูสีติ สมณทูสโกฯ สมณปลาโปติ วีหีสุ วีหิปลาโป วิย นิสฺสารตาย สมเณสุ สมณปลาโปฯ สมณการณฺฑโวติ สมณกจวโรฯ พหิทฺธา นาเสนฺตีติ พหิ นีหรนฺติฯ ยวกรเณติ ยวเขเตฺตฯ ผุณมานสฺสาติ อุเจฺจ ฐาเน ฐตฺวา มหาวาเต โอปุนิยมานสฺสฯ อปสมฺมชฺชนฺตีติ สารธญฺญานํ เอกโต ทุพฺพลธญฺญานํ เอกโต กรณตฺถํ ปุนปฺปุนํ อปสมฺมชฺชนฺติ, อปสมฺมชฺชนิสงฺขาเตน วาตคฺคาหินา สุเปฺปน วา วเตฺถน วา นีหรนฺติฯ ททฺทรนฺติ ททฺทรสทฺทํฯ
10. Dasame aññenāññaṃ paṭicaratīti aññena kāraṇena vacanena vā aññaṃ kāraṇaṃ vacanaṃ vā paṭicchādeti. Bahiddhā kathaṃ apanāmetīti bāhirato aññaṃ āgantukakathaṃ otāreti. Apaneyyesoti apaneyyo nīharitabbo esa. Samaṇadūsīti samaṇadūsako. Samaṇapalāpoti vīhīsu vīhipalāpo viya nissāratāya samaṇesu samaṇapalāpo. Samaṇakāraṇḍavoti samaṇakacavaro. Bahiddhā nāsentīti bahi nīharanti. Yavakaraṇeti yavakhette. Phuṇamānassāti ucce ṭhāne ṭhatvā mahāvāte opuniyamānassa. Apasammajjantīti sāradhaññānaṃ ekato dubbaladhaññānaṃ ekato karaṇatthaṃ punappunaṃ apasammajjanti, apasammajjanisaṅkhātena vātaggāhinā suppena vā vatthena vā nīharanti. Daddaranti daddarasaddaṃ.
สํวาสายนฺติ สํวาเสน อยํฯ วิชานาถาติ ชาเนยฺยาถฯ สนฺตวาโจติ สณฺหวาโจฯ ชนวตีติ ชนมเชฺฌฯ รโห กโรติ กรณนฺติ กรณํ วุจฺจติ ปาปกมฺมํ, ตํ รโห ปฎิจฺฉโนฺน หุตฺวา กโรติฯ สํสปฺปี จ มุสาวาทีติ สํสปฺปิตฺวา มุสาวาที, มุสา ภณโนฺต สํสปฺปติ ผนฺทตีติ อโตฺถฯ อิมสฺมิํ สุเตฺต วฎฺฎเมว กเถตฺวา คาถาสุ วฎฺฎวิวฎฺฎํ กถิตนฺติฯ
Saṃvāsāyanti saṃvāsena ayaṃ. Vijānāthāti jāneyyātha. Santavācoti saṇhavāco. Janavatīti janamajjhe. Raho karoti karaṇanti karaṇaṃ vuccati pāpakammaṃ, taṃ raho paṭicchanno hutvā karoti. Saṃsappī ca musāvādīti saṃsappitvā musāvādī, musā bhaṇanto saṃsappati phandatīti attho. Imasmiṃ sutte vaṭṭameva kathetvā gāthāsu vaṭṭavivaṭṭaṃ kathitanti.
เมตฺตาวโคฺค ปฐโมฯ
Mettāvaggo paṭhamo.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๑๐. การณฺฑวสุตฺตํ • 10. Kāraṇḍavasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๑๐. การณฺฑวสุตฺตวณฺณนา • 10. Kāraṇḍavasuttavaṇṇanā
