| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੧੦. ਕਾਰਣ੍ਡવਸੁਤ੍ਤવਣ੍ਣਨਾ
10. Kāraṇḍavasuttavaṇṇanā
੧੦. ਦਸਮੇ ਅਞ੍ਞੇਨਾਞ੍ਞਂ ਪਟਿਚਰਤੀਤਿ ਅਞ੍ਞੇਨ ਕਾਰਣੇਨ વਚਨੇਨ વਾ ਅਞ੍ਞਂ ਕਾਰਣਂ વਚਨਂ વਾ ਪਟਿਚ੍ਛਾਦੇਤਿ। ਬਹਿਦ੍ਧਾ ਕਥਂ ਅਪਨਾਮੇਤੀਤਿ ਬਾਹਿਰਤੋ ਅਞ੍ਞਂ ਆਗਨ੍ਤੁਕਕਥਂ ਓਤਾਰੇਤਿ। ਅਪਨੇਯ੍ਯੇਸੋਤਿ ਅਪਨੇਯ੍ਯੋ ਨੀਹਰਿਤਬ੍ਬੋ ਏਸ। ਸਮਣਦੂਸੀਤਿ ਸਮਣਦੂਸਕੋ। ਸਮਣਪਲਾਪੋਤਿ વੀਹੀਸੁ વੀਹਿਪਲਾਪੋ વਿਯ ਨਿਸ੍ਸਾਰਤਾਯ ਸਮਣੇਸੁ ਸਮਣਪਲਾਪੋ। ਸਮਣਕਾਰਣ੍ਡવੋਤਿ ਸਮਣਕਚવਰੋ। ਬਹਿਦ੍ਧਾ ਨਾਸੇਨ੍ਤੀਤਿ ਬਹਿ ਨੀਹਰਨ੍ਤਿ। ਯવਕਰਣੇਤਿ ਯવਖੇਤ੍ਤੇ। ਫੁਣਮਾਨਸ੍ਸਾਤਿ ਉਚ੍ਚੇ ਠਾਨੇ ਠਤ੍વਾ ਮਹਾવਾਤੇ ਓਪੁਨਿਯਮਾਨਸ੍ਸ। ਅਪਸਮ੍ਮਜ੍ਜਨ੍ਤੀਤਿ ਸਾਰਧਞ੍ਞਾਨਂ ਏਕਤੋ ਦੁਬ੍ਬਲਧਞ੍ਞਾਨਂ ਏਕਤੋ ਕਰਣਤ੍ਥਂ ਪੁਨਪ੍ਪੁਨਂ ਅਪਸਮ੍ਮਜ੍ਜਨ੍ਤਿ, ਅਪਸਮ੍ਮਜ੍ਜਨਿਸਙ੍ਖਾਤੇਨ વਾਤਗ੍ਗਾਹਿਨਾ ਸੁਪ੍ਪੇਨ વਾ વਤ੍ਥੇਨ વਾ ਨੀਹਰਨ੍ਤਿ। ਦਦ੍ਦਰਨ੍ਤਿ ਦਦ੍ਦਰਸਦ੍ਦਂ।
10. Dasame aññenāññaṃ paṭicaratīti aññena kāraṇena vacanena vā aññaṃ kāraṇaṃ vacanaṃ vā paṭicchādeti. Bahiddhā kathaṃ apanāmetīti bāhirato aññaṃ āgantukakathaṃ otāreti. Apaneyyesoti apaneyyo nīharitabbo esa. Samaṇadūsīti samaṇadūsako. Samaṇapalāpoti vīhīsu vīhipalāpo viya nissāratāya samaṇesu samaṇapalāpo. Samaṇakāraṇḍavoti samaṇakacavaro. Bahiddhā nāsentīti bahi nīharanti. Yavakaraṇeti yavakhette. Phuṇamānassāti ucce ṭhāne ṭhatvā mahāvāte opuniyamānassa. Apasammajjantīti sāradhaññānaṃ ekato dubbaladhaññānaṃ ekato karaṇatthaṃ punappunaṃ apasammajjanti, apasammajjanisaṅkhātena vātaggāhinā suppena vā vatthena vā nīharanti. Daddaranti daddarasaddaṃ.
ਸਂવਾਸਾਯਨ੍ਤਿ ਸਂવਾਸੇਨ ਅਯਂ। વਿਜਾਨਾਥਾਤਿ ਜਾਨੇਯ੍ਯਾਥ। ਸਨ੍ਤવਾਚੋਤਿ ਸਣ੍ਹવਾਚੋ। ਜਨવਤੀਤਿ ਜਨਮਜ੍ਝੇ। ਰਹੋ ਕਰੋਤਿ ਕਰਣਨ੍ਤਿ ਕਰਣਂ વੁਚ੍ਚਤਿ ਪਾਪਕਮ੍ਮਂ, ਤਂ ਰਹੋ ਪਟਿਚ੍ਛਨ੍ਨੋ ਹੁਤ੍વਾ ਕਰੋਤਿ। ਸਂਸਪ੍ਪੀ ਚ ਮੁਸਾવਾਦੀਤਿ ਸਂਸਪ੍ਪਿਤ੍વਾ ਮੁਸਾવਾਦੀ, ਮੁਸਾ ਭਣਨ੍ਤੋ ਸਂਸਪ੍ਪਤਿ ਫਨ੍ਦਤੀਤਿ ਅਤ੍ਥੋ। ਇਮਸ੍ਮਿਂ ਸੁਤ੍ਤੇ વਟ੍ਟਮੇવ ਕਥੇਤ੍વਾ ਗਾਥਾਸੁ વਟ੍ਟવਿવਟ੍ਟਂ ਕਥਿਤਨ੍ਤਿ।
Saṃvāsāyanti saṃvāsena ayaṃ. Vijānāthāti jāneyyātha. Santavācoti saṇhavāco. Janavatīti janamajjhe. Raho karoti karaṇanti karaṇaṃ vuccati pāpakammaṃ, taṃ raho paṭicchanno hutvā karoti. Saṃsappī ca musāvādīti saṃsappitvā musāvādī, musā bhaṇanto saṃsappati phandatīti attho. Imasmiṃ sutte vaṭṭameva kathetvā gāthāsu vaṭṭavivaṭṭaṃ kathitanti.
ਮੇਤ੍ਤਾવਗ੍ਗੋ ਪਠਮੋ।
Mettāvaggo paṭhamo.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧੦. ਕਾਰਣ੍ਡવਸੁਤ੍ਤਂ • 10. Kāraṇḍavasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧੦. ਕਾਰਣ੍ਡવਸੁਤ੍ਤવਣ੍ਣਨਾ • 10. Kāraṇḍavasuttavaṇṇanā
