| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
6. гарод̇осуд̇д̇аван̣н̣анаа
6. Karotosuttavaṇṇanā
211. гарод̇од̇и сахад̇т̇аа гаронд̇асса. гаараяад̇од̇и аан̣ад̇д̇ияаа гаарзнд̇асса. чинд̣̇ад̇од̇и барзсам̣ хад̇т̇аад̣̇ийни чинд̣̇анд̇асса. чзд̣̇аабаяад̇од̇и барзхи чзд̣̇аабзнд̇асса. бажад̇од̇и д̣̇ан̣д̣зна бийл̣знд̇асса. бажаабаяад̇од̇и барзхи д̣̇ан̣д̣аад̣̇инаа бийл̣аабзнд̇асса. сожад̇о сожаабаяад̇од̇и барасса бхан̣д̣ахаран̣аад̣̇ийхи согам̣ саяам̣ гаронд̇ассааби барзхи гаарзнд̇ассааби. гиламад̇о гиламаабаяад̇од̇и аахаарубажчзд̣̇аб̣анд̇ханааг̇аарабавзсанаад̣̇ийхи саяам̣ гиламзнд̇ассаби барзхи гиламаабзнд̇ассаби. панд̣̇ад̇о панд̣̇аабаяад̇од̇и барам̣ панд̣̇анд̇ам̣ панд̣̇анагаалз саяамби панд̣̇ад̇о барзмби панд̣̇аабаяад̇о. баан̣амад̇ибаад̇аяад̇од̇и баан̣ам̣ хананд̇ассаби ханаабзнд̇ассаби. звам̣ саб̣б̣ад̇т̇а гаран̣агаараабанавасзнзва ад̇т̇о взд̣̇ид̇аб̣б̣о.
211.Karototi sahatthā karontassa. Kārayatoti āṇattiyā kārentassa. Chindatoti paresaṃ hatthādīni chindantassa. Chedāpayatoti parehi chedāpentassa. Pacatoti daṇḍena pīḷentassa. Pacāpayatoti parehi daṇḍādinā pīḷāpentassa. Socato socāpayatoti parassa bhaṇḍaharaṇādīhi sokaṃ sayaṃ karontassāpi parehi kārentassāpi. Kilamato kilamāpayatoti āhārupacchedabandhanāgārapavesanādīhi sayaṃ kilamentassapi parehi kilamāpentassapi. Phandato phandāpayatoti paraṃ phandantaṃ phandanakāle sayampi phandato parempi phandāpayato. Pāṇamatipātayatoti pāṇaṃ hanantassapi hanāpentassapi. Evaṃ sabbattha karaṇakārāpanavaseneva attho veditabbo.
санд̇хинд̇и гхарасанд̇хим̣. ниллобанд̇и махаавилобам̣. згааг̇аариганд̇и згамзва гхарам̣ бариваарзд̇ваа вилумбанам̣. барибант̇з д̇идтад̇од̇и ааг̇ад̇ааг̇ад̇аанам̣ ажчинд̣̇анад̇т̇ам̣ маг̇г̇з д̇идтад̇о. гарод̇о на гарийяад̇и баабанд̇и яам̣гин̃жи баабам̣ гаромийд̇и сан̃н̃ааяа гарод̇оби баабам̣ на гарийяад̇и, над̇т̇и баабам̣. сад̇д̇аа бана гаромаад̇и звам̣сан̃н̃ино хонд̇ийд̇и д̣̇ийбзнд̇и. курабарияанд̇знаад̇и куранзминаа, курад̇хаарасад̣̇исабарияанд̇зна ваа. згамам̣сакаланд̇и згамам̣сараасим̣. бун̃ж̇анд̇и д̇ассзва взважанам̣. д̇ад̇онид̣̇аананд̇и згамам̣сакалагаран̣анид̣̇аанам̣.
Sandhinti gharasandhiṃ. Nillopanti mahāvilopaṃ. Ekāgārikanti ekameva gharaṃ parivāretvā vilumpanaṃ. Paripanthe tiṭṭhatoti āgatāgatānaṃ acchindanatthaṃ magge tiṭṭhato. Karoto na karīyati pāpanti yaṃkiñci pāpaṃ karomīti saññāya karotopi pāpaṃ na karīyati, natthi pāpaṃ. Sattā pana karomāti evaṃsaññino hontīti dīpenti. Khurapariyantenāti khuraneminā, khuradhārasadisapariyantena vā. Ekamaṃsakhalanti ekamaṃsarāsiṃ. Puñjanti tasseva vevacanaṃ. Tatonidānanti ekamaṃsakhalakaraṇanidānaṃ.
д̣̇агкин̣анд̇и д̣̇агкин̣ад̇ийрз мануссаа гагкал̣аа д̣̇аарун̣аа, д̇з санд̇хааяа хананд̇од̇иаад̣̇и вуд̇д̇ам̣. уд̇д̇аранд̇и уд̇д̇арад̇ийрз сад̣̇д̇хаа хонд̇и басаннаа б̣уд̣̇д̇хамаамагаа д̇хаммамаамагаа сан̇гхамаамагаа, д̇з санд̇хааяа д̣̇ад̣̇анд̇од̇иаад̣̇и вуд̇д̇ам̣. д̇ад̇т̇а яаж̇анд̇од̇и махааяааг̇ам̣ гаронд̇о. д̣̇амзнаад̇и инд̣̇рияад̣̇амзна убосат̇агаммзна. сам̣яамзнаад̇и сийласам̣яамзна. сажжаваж̇ж̇знаад̇и сажжаважанзна. ааг̇амод̇и ааг̇аманам̣, бавад̇д̇ийд̇и ад̇т̇о. саб̣б̣ат̇ааби баабабун̃н̃аанам̣ гирияамзва бадигкибанд̇и.
Dakkhiṇanti dakkhiṇatīre manussā kakkhaḷā dāruṇā, te sandhāya hanantotiādi vuttaṃ. Uttaranti uttaratīre saddhā honti pasannā buddhamāmakā dhammamāmakā saṅghamāmakā, te sandhāya dadantotiādi vuttaṃ. Tattha yajantoti mahāyāgaṃ karonto. Damenāti indriyadamena uposathakammena. Saṃyamenāti sīlasaṃyamena. Saccavajjenāti saccavacanena. Āgamoti āgamanaṃ, pavattīti attho. Sabbathāpi pāpapuññānaṃ kiriyameva paṭikkhipanti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 6. гарод̇осуд̇д̇ам̣ • 6. Karotosuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 6. гарод̇осуд̇д̇аван̣н̣анаа • 6. Karotosuttavaṇṇanā
