| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
6. гарод̇осуд̇д̇аван̣н̣анаа
6. Karotosuttavaṇṇanā
211. сахад̇т̇аа гаронд̇ассаад̇и сахад̇т̇зна гаронд̇асса. ниссаг̇г̇ияат̇аавараад̣̇аяоби ид̇ха сахад̇т̇агаран̣знзва сан̇г̇ахид̇аа. хад̇т̇аад̣̇ийнийд̇и хад̇т̇абаад̣̇аган̣н̣анаасаад̣̇ийни. бажанам̣ д̣̇аханам̣ виб̣аад̇хананд̇и ааха ‘‘д̣̇ан̣д̣зна бийл̣знд̇ассаа’’д̇и. бабан̃жасууд̣̇анияам̣ ‘‘д̇аж̇ж̇знд̇асса жаа’’д̇и ад̇т̇о вуд̇д̇о, ид̇ха бана суман̇г̇алавилаасинияам̣ вияа д̇аж̇ж̇анам̣ барибхаасанам̣ д̣̇ан̣д̣знзва сан̇г̇ахзд̇ваа ‘‘д̣̇ан̣д̣зна бийл̣знд̇асса’’ижжзва вуд̇д̇ам̣. согам̣ саяам̣ гаронд̇ассаад̇и барасса согагааран̣ам̣ саяам̣ гаронд̇асса, согам̣ ваа уббаад̣̇знд̇асса. барзхи ад̇д̇ано важанагарзхи. саяамби панд̣̇ад̇од̇и барасса виб̣аад̇ханаббаяог̇зна саяамби панд̣̇ад̇о. ад̇ибаад̇аяад̇од̇и бад̣̇ам̣ суд̣̇д̇хагад̇д̇уад̇т̇з хзд̇угад̇д̇уад̇т̇з жа вад̇д̇ад̇ийд̇и ааха – ‘‘хананд̇ассаби ханаабзнд̇ассабий’’д̇и. гааран̣авасзнаад̇и гаараабанавасзна.
211.Sahatthā karontassāti sahatthena karontassa. Nissaggiyathāvarādayopi idha sahatthakaraṇeneva saṅgahitā. Hatthādīnīti hatthapādakaṇṇanāsādīni. Pacanaṃ dahanaṃ vibādhananti āha ‘‘daṇḍena pīḷentassā’’ti. Papañcasūdaniyaṃ ‘‘tajjentassa cā’’ti attho vutto, idha pana sumaṅgalavilāsiniyaṃ viya tajjanaṃ paribhāsanaṃ daṇḍeneva saṅgahetvā ‘‘daṇḍena pīḷentassa’’icceva vuttaṃ. Sokaṃ sayaṃ karontassāti parassa sokakāraṇaṃ sayaṃ karontassa, sokaṃ vā uppādentassa. Parehi attano vacanakarehi. Sayampi phandatoti parassa vibādhanappayogena sayampi phandato. Atipātayatoti padaṃ suddhakattuatthe hetukattuatthe ca vattatīti āha – ‘‘hanantassapi hanāpentassapī’’ti. Kāraṇavasenāti kārāpanavasena.
гхарасса бхид̇д̇и анд̇о жа б̣ахи жа санд̇хид̇аа худ̇ваа тид̇аава гхарасанд̇хи. гин̃жиби асзсзд̇ваа ниравасзсо лобо ниллобо. згааг̇аарз нияуд̇д̇о вилобо згааг̇аариго. барид̇о саб̣б̣асо бант̇з хананам̣ барибант̇о. баабам̣ на гарийяад̇и буб̣б̣з асад̇о уббаад̣̇зд̇ум̣ асаггун̣зяяад̇д̇аа, д̇асмаа над̇т̇и баабам̣. яад̣̇и звам̣ гат̇ам̣ сад̇д̇аа баабз бавад̇д̇анд̇ийд̇и ааха ‘‘сад̇д̇аа бана гаромаад̇и звам̣сан̃н̃ино хонд̇ий’’д̇и звам̣ гирасса ход̇и имзсан̃хи сад̇д̇аанам̣ хим̣саад̣̇игирияаа на ад̇д̇аанам̣ пусад̇и д̇асса нижжад̇ааяа ниб̣б̣игаарад̇д̇аа, сарийрам̣ бана ажзд̇анам̣ гадтагалин̇г̇аруубамам̣, д̇асмим̣ вигобид̇зби на гин̃жи баабанд̇и. куранзминаад̇и нисид̇акурамаяанзминаа, курасад̣̇исанзминаад̇и ад̇т̇о.
Gharassa bhitti anto ca bahi ca sandhitā hutvā ṭhitāva gharasandhi. Kiñcipi asesetvā niravaseso lopo nillopo. Ekāgāre niyutto vilopo ekāgāriko. Parito sabbaso panthe hananaṃ paripantho. Pāpaṃ na karīyati pubbe asato uppādetuṃ asakkuṇeyyattā, tasmā natthi pāpaṃ. Yadi evaṃ kathaṃ sattā pāpe pavattantīti āha ‘‘sattā pana karomāti evaṃsaññino hontī’’ti evaṃ kirassa hoti imesañhi sattānaṃ hiṃsādikiriyā na attānaṃ phusati tassa niccatāya nibbikārattā, sarīraṃ pana acetanaṃ kaṭṭhakaliṅgarūpamaṃ, tasmiṃ vikopitepi na kiñci pāpanti. Khuranemināti nisitakhuramayaneminā, khurasadisanemināti attho.
г̇ан̇г̇ааяа д̣̇агкин̣аа д̣̇исаа аббад̇ируубад̣̇зсо, уд̇д̇арад̣̇исаа бад̇ируубад̣̇зсод̇и ад̇хиббааязна ‘‘д̣̇агкин̣ан̃жзбий’’д̇иаад̣̇и вуд̇д̇анд̇и ааха ‘‘д̣̇агкин̣ад̇ийрз мануссаа гагкал̣аа’’д̇иаад̣̇и. махааяааг̇анд̇и махаавиж̇ид̇аяан̃н̃асад̣̇исам̣ махааяааг̇ам̣. убосат̇агаммзнаад̇и убосат̇агаммзна жа. жа-сад̣̇д̣̇о хзд̇т̇а луд̇д̇анид̣̇д̣̇идто. д̣̇амасад̣̇д̣̇о хи инд̣̇рияасам̣варасса убосат̇асийласса жа ваажаго ид̇хаад̇хиббзд̇о. гзжи бана ‘‘убосат̇агаммзнаа’’д̇и ид̣̇ам̣ инд̣̇рияад̣̇аманасса висзсанам̣, д̇асмаа ‘‘убосат̇агаммабхууд̇зна инд̣̇рияад̣̇амзнаа’’д̇и ад̇т̇ам̣ вад̣̇анд̇и. сийласам̣яамзнаад̇и сийласам̣варзна. сажжаважанзнаад̇и сажжаваажааяа. д̇ассаа висум̣ важанам̣ логз г̇аруд̇арабун̃н̃асаммад̇абхаавад̇о. яат̇аа хи баабад̇хаммзсу мусааваад̣̇о г̇ару, звам̣ бун̃н̃ад̇хаммзсу сажжаваажаа. д̇знааха бхаг̇аваа – ‘‘згам̣ д̇хаммам̣ ад̇ийд̇ассаа’’д̇иаад̣̇и (ид̇иву. 25). бавад̇д̇ийд̇и яо гарод̇ийд̇и вужжад̇и, д̇асса санд̇аанз паласса ниб̣б̣ад̇д̇ияаа бажжаяабхаавзна бавад̇д̇и. саб̣б̣ат̇аад̇и ‘‘гарод̇о’’д̇иаад̣̇инаа вуд̇д̇зна саб̣б̣аббагаарзна гирияамзва бадигкибанд̇и.
Gaṅgāya dakkhiṇā disā appatirūpadeso, uttaradisā patirūpadesoti adhippāyena ‘‘dakkhiṇañcepī’’tiādi vuttanti āha ‘‘dakkhiṇatīre manussā kakkhaḷā’’tiādi. Mahāyāganti mahāvijitayaññasadisaṃ mahāyāgaṃ. Uposathakammenāti uposathakammena ca. Ca-saddo hettha luttaniddiṭṭho. Damasaddo hi indriyasaṃvarassa uposathasīlassa ca vācako idhādhippeto. Keci pana ‘‘uposathakammenā’’ti idaṃ indriyadamanassa visesanaṃ, tasmā ‘‘uposathakammabhūtena indriyadamenā’’ti atthaṃ vadanti. Sīlasaṃyamenāti sīlasaṃvarena. Saccavacanenāti saccavācāya. Tassā visuṃ vacanaṃ loke garutarapuññasammatabhāvato. Yathā hi pāpadhammesu musāvādo garu, evaṃ puññadhammesu saccavācā. Tenāha bhagavā – ‘‘ekaṃ dhammaṃ atītassā’’tiādi (itivu. 25). Pavattīti yo karotīti vuccati, tassa santāne phalassa nibbattiyā paccayabhāvena pavatti. Sabbathāti ‘‘karoto’’tiādinā vuttena sabbappakārena kiriyameva paṭikkhipanti.
гарод̇осуд̇д̇аван̣н̣анаа нидтид̇аа.
Karotosuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 6. гарод̇осуд̇д̇ам̣ • 6. Karotosuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 6. гарод̇осуд̇д̇аван̣н̣анаа • 6. Karotosuttavaṇṇanā
