| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
3. கருணாகதா²வண்ணனா
3. Karuṇākathāvaṇṇanā
807-808. இதா³னி கருணாகதா² நாம ஹோதி. தத்த² பியாயிதானங் வத்தூ²னங் விபத்தியா ஸராகா³னங் ராக³வஸேன கருணாபதிரூபிகங் பவத்திங் தி³ஸ்வா ‘‘ராகோ³வ கருணா நாம, ஸோ ச ப⁴க³வதோ நத்தி², தஸ்மா நத்தி² பு³த்³த⁴ஸ்ஸ ப⁴க³வதோ கருணா’’தி யேஸங் லத்³தி⁴, ஸெய்யதா²பி உத்தராபத²கானங்; தே ஸந்தா⁴ய புச்சா² ஸகவாதி³ஸ்ஸ, படிஞ்ஞா இதரஸ்ஸ. அத² நங் ‘‘கருணா நாமேஸா நிக்கிலேஸதாய சேவ ஸத்தாரம்மணதாய ச சேதோவிமுத்திதாய ச ஏகாத³ஸானிஸங்ஸதாய ச மெத்தாதீ³ஹி ஸமானஜாதிகா, தஸ்மா யதி³ ப⁴க³வதோ கருணா நத்தி², மெத்தாத³யோபிஸ்ஸ ந ஸியு’’ந்தி சோத³னத்த²ங் நத்தி² பு³த்³த⁴ஸ்ஸ ப⁴க³வதோ மெத்தாதிஆதி³மாஹ. ஆகாருணிகோதி பஞ்ஹே ததா²ரூபங் வோஹாரங் அபஸ்ஸந்தோ படிக்கி²பதி. ஸேஸமெத்த² உத்தானத்த²மேவாதி.
807-808. Idāni karuṇākathā nāma hoti. Tattha piyāyitānaṃ vatthūnaṃ vipattiyā sarāgānaṃ rāgavasena karuṇāpatirūpikaṃ pavattiṃ disvā ‘‘rāgova karuṇā nāma, so ca bhagavato natthi, tasmā natthi buddhassa bhagavato karuṇā’’ti yesaṃ laddhi, seyyathāpi uttarāpathakānaṃ; te sandhāya pucchā sakavādissa, paṭiññā itarassa. Atha naṃ ‘‘karuṇā nāmesā nikkilesatāya ceva sattārammaṇatāya ca cetovimuttitāya ca ekādasānisaṃsatāya ca mettādīhi samānajātikā, tasmā yadi bhagavato karuṇā natthi, mettādayopissa na siyu’’nti codanatthaṃ natthi buddhassa bhagavato mettātiādimāha. Ākāruṇikoti pañhe tathārūpaṃ vohāraṃ apassanto paṭikkhipati. Sesamettha uttānatthamevāti.
கருணாகதா²வண்ணனா.
Karuṇākathāvaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (179) 3. கருணாகதா² • (179) 3. Karuṇākathā
