| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
৩. করুণাকথাৰণ্ণনা
3. Karuṇākathāvaṇṇanā
৮০৭-৮০৮. ইদানি করুণাকথা নাম হোতি। তত্থ পিযাযিতানং ৰত্থূনং ৰিপত্তিযা সরাগানং রাগৰসেন করুণাপতিরূপিকং পৰত্তিং দিস্ৰা ‘‘রাগোৰ করুণা নাম, সো চ ভগৰতো নত্থি, তস্মা নত্থি বুদ্ধস্স ভগৰতো করুণা’’তি যেসং লদ্ধি, সেয্যথাপি উত্তরাপথকানং; তে সন্ধায পুচ্ছা সকৰাদিস্স, পটিঞ্ঞা ইতরস্স। অথ নং ‘‘করুণা নামেসা নিক্কিলেসতায চেৰ সত্তারম্মণতায চ চেতোৰিমুত্তিতায চ একাদসানিসংসতায চ মেত্তাদীহি সমানজাতিকা, তস্মা যদি ভগৰতো করুণা নত্থি, মেত্তাদযোপিস্স ন সিযু’’ন্তি চোদনত্থং নত্থি বুদ্ধস্স ভগৰতো মেত্তাতিআদিমাহ। আকারুণিকোতি পঞ্হে তথারূপং ৰোহারং অপস্সন্তো পটিক্খিপতি। সেসমেত্থ উত্তানত্থমেৰাতি।
807-808. Idāni karuṇākathā nāma hoti. Tattha piyāyitānaṃ vatthūnaṃ vipattiyā sarāgānaṃ rāgavasena karuṇāpatirūpikaṃ pavattiṃ disvā ‘‘rāgova karuṇā nāma, so ca bhagavato natthi, tasmā natthi buddhassa bhagavato karuṇā’’ti yesaṃ laddhi, seyyathāpi uttarāpathakānaṃ; te sandhāya pucchā sakavādissa, paṭiññā itarassa. Atha naṃ ‘‘karuṇā nāmesā nikkilesatāya ceva sattārammaṇatāya ca cetovimuttitāya ca ekādasānisaṃsatāya ca mettādīhi samānajātikā, tasmā yadi bhagavato karuṇā natthi, mettādayopissa na siyu’’nti codanatthaṃ natthi buddhassa bhagavato mettātiādimāha. Ākāruṇikoti pañhe tathārūpaṃ vohāraṃ apassanto paṭikkhipati. Sesamettha uttānatthamevāti.
করুণাকথাৰণ্ণনা।
Karuṇākathāvaṇṇanā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (১৭৯) ৩. করুণাকথা • (179) 3. Karuṇākathā
