| Library / Tipiṭaka / తిపిటక • Tipiṭaka / పఞ్చపకరణ-అట్ఠకథా • Pañcapakaraṇa-aṭṭhakathā |
౩. కరుణాకథావణ్ణనా
3. Karuṇākathāvaṇṇanā
౮౦౭-౮౦౮. ఇదాని కరుణాకథా నామ హోతి. తత్థ పియాయితానం వత్థూనం విపత్తియా సరాగానం రాగవసేన కరుణాపతిరూపికం పవత్తిం దిస్వా ‘‘రాగోవ కరుణా నామ, సో చ భగవతో నత్థి, తస్మా నత్థి బుద్ధస్స భగవతో కరుణా’’తి యేసం లద్ధి, సేయ్యథాపి ఉత్తరాపథకానం; తే సన్ధాయ పుచ్ఛా సకవాదిస్స, పటిఞ్ఞా ఇతరస్స. అథ నం ‘‘కరుణా నామేసా నిక్కిలేసతాయ చేవ సత్తారమ్మణతాయ చ చేతోవిముత్తితాయ చ ఏకాదసానిసంసతాయ చ మేత్తాదీహి సమానజాతికా, తస్మా యది భగవతో కరుణా నత్థి, మేత్తాదయోపిస్స న సియు’’న్తి చోదనత్థం నత్థి బుద్ధస్స భగవతో మేత్తాతిఆదిమాహ. ఆకారుణికోతి పఞ్హే తథారూపం వోహారం అపస్సన్తో పటిక్ఖిపతి. సేసమేత్థ ఉత్తానత్థమేవాతి.
807-808. Idāni karuṇākathā nāma hoti. Tattha piyāyitānaṃ vatthūnaṃ vipattiyā sarāgānaṃ rāgavasena karuṇāpatirūpikaṃ pavattiṃ disvā ‘‘rāgova karuṇā nāma, so ca bhagavato natthi, tasmā natthi buddhassa bhagavato karuṇā’’ti yesaṃ laddhi, seyyathāpi uttarāpathakānaṃ; te sandhāya pucchā sakavādissa, paṭiññā itarassa. Atha naṃ ‘‘karuṇā nāmesā nikkilesatāya ceva sattārammaṇatāya ca cetovimuttitāya ca ekādasānisaṃsatāya ca mettādīhi samānajātikā, tasmā yadi bhagavato karuṇā natthi, mettādayopissa na siyu’’nti codanatthaṃ natthi buddhassa bhagavato mettātiādimāha. Ākāruṇikoti pañhe tathārūpaṃ vohāraṃ apassanto paṭikkhipati. Sesamettha uttānatthamevāti.
కరుణాకథావణ్ణనా.
Karuṇākathāvaṇṇanā.
Related texts:
తిపిటక (మూల) • Tipiṭaka (Mūla) / అభిధమ్మపిటక • Abhidhammapiṭaka / కథావత్థుపాళి • Kathāvatthupāḷi / (౧౭౯) ౩. కరుణాకథా • (179) 3. Karuṇākathā
