| Library / Tipiṭaka / තිපිටක • Tipiṭaka / පඤ්‌චපකරණ-අට්‌ඨකථා • Pañcapakaraṇa-aṭṭhakathā |
3. කරුණාකථාවණ්‌ණනා
3. Karuṇākathāvaṇṇanā
807-808. ඉදානි කරුණාකථා නාම හොති. තත්‌ථ පියායිතානං වත්‌ථූනං විපත්‌තියා සරාගානං රාගවසෙන කරුණාපතිරූපිකං පවත්‌තිං දිස්‌වා ‘‘රාගොව කරුණා නාම, සො ච භගවතො නත්‌ථි, තස්‌මා නත්‌ථි බුද්‌ධස්‌ස භගවතො කරුණා’’ති යෙසං ලද්‌ධි, සෙය්‍යථාපි උත්‌තරාපථකානං; තෙ සන්‌ධාය පුච්‌ඡා සකවාදිස්‌ස, පටිඤ්‌ඤා ඉතරස්‌ස. අථ නං ‘‘කරුණා නාමෙසා නික්‌කිලෙසතාය චෙව සත්‌තාරම්‌මණතාය ච චෙතොවිමුත්‌තිතාය ච එකාදසානිසංසතාය ච මෙත්‌තාදීහි සමානජාතිකා, තස්‌මා යදි භගවතො කරුණා නත්‌ථි, මෙත්‌තාදයොපිස්‌ස න සියු’’න්‌ති චොදනත්‌ථං නත්‌ථි බුද්‌ධස්‌ස භගවතො මෙත්‌තාතිආදිමාහ. ආකාරුණිකොති පඤ්‌හෙ තථාරූපං වොහාරං අපස්‌සන්‌තො පටික්‌ඛිපති. සෙසමෙත්‌ථ උත්‌තානත්‌ථමෙවාති.
807-808. Idāni karuṇākathā nāma hoti. Tattha piyāyitānaṃ vatthūnaṃ vipattiyā sarāgānaṃ rāgavasena karuṇāpatirūpikaṃ pavattiṃ disvā ‘‘rāgova karuṇā nāma, so ca bhagavato natthi, tasmā natthi buddhassa bhagavato karuṇā’’ti yesaṃ laddhi, seyyathāpi uttarāpathakānaṃ; te sandhāya pucchā sakavādissa, paṭiññā itarassa. Atha naṃ ‘‘karuṇā nāmesā nikkilesatāya ceva sattārammaṇatāya ca cetovimuttitāya ca ekādasānisaṃsatāya ca mettādīhi samānajātikā, tasmā yadi bhagavato karuṇā natthi, mettādayopissa na siyu’’nti codanatthaṃ natthi buddhassa bhagavato mettātiādimāha. Ākāruṇikoti pañhe tathārūpaṃ vohāraṃ apassanto paṭikkhipati. Sesamettha uttānatthamevāti.
කරුණාකථාවණ්‌ණනා.
Karuṇākathāvaṇṇanā.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / කථාවත්‌ථුපාළි • Kathāvatthupāḷi / (179) 3. කරුණාකථා • (179) 3. Karuṇākathā
