| Library / Tipiṭaka / ཏིཔིཊཀ • Tipiṭaka / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā |
༣. ཀརུཎཱཀཐཱཝཎྞནཱ
3. Karuṇākathāvaṇṇanā
༨༠༧-༨༠༨. ཨིདཱནི ཀརུཎཱཀཐཱ ནཱམ ཧོཏི། ཏཏྠ པིཡཱཡིཏཱནཾ ཝཏྠཱུནཾ ཝིཔཏྟིཡཱ སརཱགཱནཾ རཱགཝསེན ཀརུཎཱཔཏིརཱུཔིཀཾ པཝཏྟིཾ དིསྭཱ ‘‘རཱགོཝ ཀརུཎཱ ནཱམ, སོ ཙ བྷགཝཏོ ནཏྠི, ཏསྨཱ ནཏྠི བུདྡྷསྶ བྷགཝཏོ ཀརུཎཱ’’ཏི ཡེསཾ ལདྡྷི, སེཡྻཐཱཔི ཨུཏྟརཱཔཐཀཱནཾ; ཏེ སནྡྷཱཡ པུཙྪཱ སཀཝཱདིསྶ, པཊིཉྙཱ ཨིཏརསྶ། ཨཐ ནཾ ‘‘ཀརུཎཱ ནཱམེསཱ ནིཀྐིལེསཏཱཡ ཙེཝ སཏྟཱརམྨཎཏཱཡ ཙ ཙེཏོཝིམུཏྟིཏཱཡ ཙ ཨེཀཱདསཱནིསཾསཏཱཡ ཙ མེཏྟཱདཱིཧི སམཱནཛཱཏིཀཱ, ཏསྨཱ ཡདི བྷགཝཏོ ཀརུཎཱ ནཏྠི, མེཏྟཱདཡོཔིསྶ ན སིཡུ’’ནྟི ཙོདནཏྠཾ ནཏྠི བུདྡྷསྶ བྷགཝཏོ མེཏྟཱཏིཨཱདིམཱཧ། ཨཱཀཱརུཎིཀོཏི པཉྷེ ཏཐཱརཱུཔཾ ཝོཧཱརཾ ཨཔསྶནྟོ པཊིཀྑིཔཏི། སེསམེཏྠ ཨུཏྟཱནཏྠམེཝཱཏི།
807-808. Idāni karuṇākathā nāma hoti. Tattha piyāyitānaṃ vatthūnaṃ vipattiyā sarāgānaṃ rāgavasena karuṇāpatirūpikaṃ pavattiṃ disvā ‘‘rāgova karuṇā nāma, so ca bhagavato natthi, tasmā natthi buddhassa bhagavato karuṇā’’ti yesaṃ laddhi, seyyathāpi uttarāpathakānaṃ; te sandhāya pucchā sakavādissa, paṭiññā itarassa. Atha naṃ ‘‘karuṇā nāmesā nikkilesatāya ceva sattārammaṇatāya ca cetovimuttitāya ca ekādasānisaṃsatāya ca mettādīhi samānajātikā, tasmā yadi bhagavato karuṇā natthi, mettādayopissa na siyu’’nti codanatthaṃ natthi buddhassa bhagavato mettātiādimāha. Ākāruṇikoti pañhe tathārūpaṃ vohāraṃ apassanto paṭikkhipati. Sesamettha uttānatthamevāti.
ཀརུཎཱཀཐཱཝཎྞནཱ།
Karuṇākathāvaṇṇanā.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / ཀཐཱཝཏྠུཔཱལི༹ • Kathāvatthupāḷi / (༡༧༩) ༣. ཀརུཎཱཀཐཱ • (179) 3. Karuṇākathā
