| Library / Tipiṭaka / തിപിടക • Tipiṭaka / പഞ്ചപകരണ-അട്ഠകഥാ • Pañcapakaraṇa-aṭṭhakathā |
൩. കരുണാകഥാവണ്ണനാ
3. Karuṇākathāvaṇṇanā
൮൦൭-൮൦൮. ഇദാനി കരുണാകഥാ നാമ ഹോതി. തത്ഥ പിയായിതാനം വത്ഥൂനം വിപത്തിയാ സരാഗാനം രാഗവസേന കരുണാപതിരൂപികം പവത്തിം ദിസ്വാ ‘‘രാഗോവ കരുണാ നാമ, സോ ച ഭഗവതോ നത്ഥി, തസ്മാ നത്ഥി ബുദ്ധസ്സ ഭഗവതോ കരുണാ’’തി യേസം ലദ്ധി, സേയ്യഥാപി ഉത്തരാപഥകാനം; തേ സന്ധായ പുച്ഛാ സകവാദിസ്സ, പടിഞ്ഞാ ഇതരസ്സ. അഥ നം ‘‘കരുണാ നാമേസാ നിക്കിലേസതായ ചേവ സത്താരമ്മണതായ ച ചേതോവിമുത്തിതായ ച ഏകാദസാനിസംസതായ ച മേത്താദീഹി സമാനജാതികാ, തസ്മാ യദി ഭഗവതോ കരുണാ നത്ഥി, മേത്താദയോപിസ്സ ന സിയു’’ന്തി ചോദനത്ഥം നത്ഥി ബുദ്ധസ്സ ഭഗവതോ മേത്താതിആദിമാഹ. ആകാരുണികോതി പഞ്ഹേ തഥാരൂപം വോഹാരം അപസ്സന്തോ പടിക്ഖിപതി. സേസമേത്ഥ ഉത്താനത്ഥമേവാതി.
807-808. Idāni karuṇākathā nāma hoti. Tattha piyāyitānaṃ vatthūnaṃ vipattiyā sarāgānaṃ rāgavasena karuṇāpatirūpikaṃ pavattiṃ disvā ‘‘rāgova karuṇā nāma, so ca bhagavato natthi, tasmā natthi buddhassa bhagavato karuṇā’’ti yesaṃ laddhi, seyyathāpi uttarāpathakānaṃ; te sandhāya pucchā sakavādissa, paṭiññā itarassa. Atha naṃ ‘‘karuṇā nāmesā nikkilesatāya ceva sattārammaṇatāya ca cetovimuttitāya ca ekādasānisaṃsatāya ca mettādīhi samānajātikā, tasmā yadi bhagavato karuṇā natthi, mettādayopissa na siyu’’nti codanatthaṃ natthi buddhassa bhagavato mettātiādimāha. Ākāruṇikoti pañhe tathārūpaṃ vohāraṃ apassanto paṭikkhipati. Sesamettha uttānatthamevāti.
കരുണാകഥാവണ്ണനാ.
Karuṇākathāvaṇṇanā.
Related texts:
തിപിടക (മൂല) • Tipiṭaka (Mūla) / അഭിധമ്മപിടക • Abhidhammapiṭaka / കഥാവത്ഥുപാളി • Kathāvatthupāḷi / (൧൭൯) ൩. കരുണാകഥാ • (179) 3. Karuṇākathā
