| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
8. гаасаававаг̇г̇о
8. Kāsāvavaggo
[221] 1. гаасааваж̇аад̇агаван̣н̣анаа
[221] 1. Kāsāvajātakavaṇṇanā
аниггасааво гаасааванд̇и ид̣̇ам̣ сад̇т̇аа ж̇зд̇аванз вихаранд̇о д̣̇звад̣̇ад̇д̇ам̣ аараб̣бха гат̇зси. вад̇т̇у бана рааж̇аг̇ахз самудтид̇ам̣. згасмим̣ самаяз д̇хаммасзнаабад̇и бан̃жахи бхигкусад̇зхи сад̣̇д̇хим̣ взл̣уванз вихарад̇и. д̣̇звад̣̇ад̇д̇оби ад̇д̇ано ануруубааяа д̣̇уссийлабарисааяа баривуд̇о г̇аяаасийсз вихарад̇и. д̇асмим̣ самаяз рааж̇аг̇ахаваасино чанд̣̇агам̣ сан̇гхарид̇ваа д̣̇аанам̣ саж̇ж̇аяим̣су. ат̇зго вохаарад̇т̇ааяа ааг̇ад̇аваан̣иж̇о имам̣ саадагам̣ виссаж̇ж̇зд̇ваа ‘‘мамби бад̇д̇игам̣ гарот̇аа’’д̇и махаг̇гхам̣ г̇анд̇хагаасаавам̣ ад̣̇ааси. нааг̇араа махаад̣̇аанам̣ бавад̇д̇аяим̣су, саб̣б̣ам̣ чанд̣̇агзна сан̇гад̣дхид̇ам̣ гахаабан̣зхзва нидтааси. со саадаго ад̇ирзго ахоси. махааж̇ано саннибад̇ид̇ваа ‘‘аяам̣ г̇анд̇хагаасаавасаадаго ад̇ирзго. гасса нам̣ д̣̇зма, гим̣ саарибуд̇д̇ад̇т̇зрасса, уд̣̇ааху д̣̇звад̣̇ад̇д̇ассаа’’д̇и манд̇аяим̣су.
Anikkasāvokāsāvanti idaṃ satthā jetavane viharanto devadattaṃ ārabbha kathesi. Vatthu pana rājagahe samuṭṭhitaṃ. Ekasmiṃ samaye dhammasenāpati pañcahi bhikkhusatehi saddhiṃ veḷuvane viharati. Devadattopi attano anurūpāya dussīlaparisāya parivuto gayāsīse viharati. Tasmiṃ samaye rājagahavāsino chandakaṃ saṅgharitvā dānaṃ sajjayiṃsu. Atheko vohāratthāya āgatavāṇijo imaṃ sāṭakaṃ vissajjetvā ‘‘mampi pattikaṃ karothā’’ti mahagghaṃ gandhakāsāvaṃ adāsi. Nāgarā mahādānaṃ pavattayiṃsu, sabbaṃ chandakena saṅkaḍḍhitaṃ kahāpaṇeheva niṭṭhāsi. So sāṭako atireko ahosi. Mahājano sannipatitvā ‘‘ayaṃ gandhakāsāvasāṭako atireko. Kassa naṃ dema, kiṃ sāriputtattherassa, udāhu devadattassā’’ti mantayiṃsu.
д̇ад̇т̇згз ‘‘саарибуд̇д̇ад̇т̇зрассаа’’д̇и аахам̣су. абарз ‘‘саарибуд̇д̇ад̇т̇зро гад̇ибаахам̣ васид̇ваа яат̇ааружи баггамиссад̇и , д̣̇звад̣̇ад̇д̇ад̇т̇зро бана ниб̣ад̣̇д̇хам̣ амхаагам̣ наг̇арамзва убаниссааяа вихарад̇и, ман̇г̇алааман̇г̇алзсу аяамзва амхаагам̣ авассаяо, д̣̇звад̣̇ад̇д̇асса д̣̇ассаамаа’’д̇и аахам̣су. самб̣ахулигам̣ гаронд̇зсуби ‘‘д̣̇звад̣̇ад̇д̇асса д̣̇ассаамаа’’д̇и вад̇д̇ааро б̣ахуд̇араа ахзсум̣, ат̇а нам̣ д̣̇звад̣̇ад̇д̇асса ад̣̇ам̣су. д̣̇звад̣̇ад̇д̇о д̇асса д̣̇асаа чинд̣̇аабзд̇ваа оваддигам̣ сиб̣б̣аабзд̇ваа раж̇аабзд̇ваа суван̣н̣абаддаван̣н̣ам̣ гад̇ваа бааруби. д̇асмим̣ гаалз д̇им̣самад̇д̇аа бхигкуу рааж̇аг̇ахаа нигкамид̇ваа саавад̇т̇им̣ г̇анд̇ваа сад̇т̇аарам̣ ванд̣̇ид̇ваа гад̇абадисант̇аараа д̇ам̣ бавад̇д̇им̣ аарожзд̇ваа ‘‘звам̣, бханд̇з, ад̇д̇ано ананужчавигам̣ арахад̣̇д̇хаж̇ам̣ баарубий’’д̇и аарожзсум̣. сад̇т̇аа ‘‘на, бхигкавз, д̣̇звад̣̇ад̇д̇о ид̣̇аанзва ад̇д̇ано анануруубам̣ арахад̣̇д̇хаж̇ам̣ барид̣̇ахад̇и, буб̣б̣зби барид̣̇ахиязваа’’д̇и вад̇ваа ад̇ийд̇ам̣ аахари.
Tattheke ‘‘sāriputtattherassā’’ti āhaṃsu. Apare ‘‘sāriputtatthero katipāhaṃ vasitvā yathāruci pakkamissati , devadattatthero pana nibaddhaṃ amhākaṃ nagarameva upanissāya viharati, maṅgalāmaṅgalesu ayameva amhākaṃ avassayo, devadattassa dassāmā’’ti āhaṃsu. Sambahulikaṃ karontesupi ‘‘devadattassa dassāmā’’ti vattāro bahutarā ahesuṃ, atha naṃ devadattassa adaṃsu. Devadatto tassa dasā chindāpetvā ovaṭṭikaṃ sibbāpetvā rajāpetvā suvaṇṇapaṭṭavaṇṇaṃ katvā pārupi. Tasmiṃ kāle tiṃsamattā bhikkhū rājagahā nikkhamitvā sāvatthiṃ gantvā satthāraṃ vanditvā katapaṭisanthārā taṃ pavattiṃ ārocetvā ‘‘evaṃ, bhante, attano ananucchavikaṃ arahaddhajaṃ pārupī’’ti ārocesuṃ. Satthā ‘‘na, bhikkhave, devadatto idāneva attano ananurūpaṃ arahaddhajaṃ paridahati, pubbepi paridahiyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о химаванд̇абад̣̇зсз хад̇т̇игулз ниб̣б̣ад̇д̇ид̇ваа ваяаббад̇д̇о асийд̇исахассамад̇д̇авааран̣абаривааро яуут̇абад̇и худ̇ваа аран̃н̃ааяад̇анз васад̇и. ат̇зго д̣̇уг̇г̇ад̇амануссо б̣аараан̣асияам̣ вихаранд̇о д̣̇анд̇агааравийт̇ияам̣ д̣̇анд̇агаарз д̣̇анд̇авалаяаад̣̇ийни гаронд̇з д̣̇исваа ‘‘хад̇т̇ид̣̇анд̇з лабхид̇ваа г̇ан̣хиссат̇аа’’д̇и бужчи. д̇з ‘‘аама г̇ан̣хиссаамаа’’д̇и аахам̣су. со аавуд̇хам̣ аад̣̇ааяа гаасаававад̇т̇авасано бажжзгаб̣уд̣̇д̇хавзсам̣ г̇ан̣хид̇ваа бадисийсагам̣ бадимун̃жид̇ваа хад̇т̇ивийт̇ияам̣ тад̇ваа аавуд̇хзна хад̇т̇им̣ маарзд̇ваа д̣̇анд̇з аад̣̇ааяа б̣аараан̣асияам̣ виггин̣анд̇о ж̇ийвигам̣ габбзси. со абарабхааг̇з б̣од̇хисад̇д̇асса бариваарахад̇т̇ийнам̣ саб̣б̣абажчимам̣ хад̇т̇им̣ маарзд̇ум̣ аарабхи. хад̇т̇ино д̣̇звасигам̣ хад̇т̇ийсу барихааяанд̇зсу ‘‘гзна ну ко гааран̣зна хад̇т̇ино барихааяанд̇ий’’д̇и б̣од̇хисад̇д̇асса аарожзсум̣.
Atīte bārāṇasiyaṃ brahmadatte rajjaṃ kārente bodhisatto himavantapadese hatthikule nibbattitvā vayappatto asītisahassamattavāraṇaparivāro yūthapati hutvā araññāyatane vasati. Atheko duggatamanusso bārāṇasiyaṃ viharanto dantakāravīthiyaṃ dantakāre dantavalayādīni karonte disvā ‘‘hatthidante labhitvā gaṇhissathā’’ti pucchi. Te ‘‘āma gaṇhissāmā’’ti āhaṃsu. So āvudhaṃ ādāya kāsāvavatthavasano paccekabuddhavesaṃ gaṇhitvā paṭisīsakaṃ paṭimuñcitvā hatthivīthiyaṃ ṭhatvā āvudhena hatthiṃ māretvā dante ādāya bārāṇasiyaṃ vikkiṇanto jīvikaṃ kappesi. So aparabhāge bodhisattassa parivārahatthīnaṃ sabbapacchimaṃ hatthiṃ māretuṃ ārabhi. Hatthino devasikaṃ hatthīsu parihāyantesu ‘‘kena nu kho kāraṇena hatthino parihāyantī’’ti bodhisattassa ārocesuṃ.
б̣од̇хисад̇д̇о бариг̇г̇ан̣ханд̇о ‘‘бажжзгаб̣уд̣̇д̇хавзсам̣ г̇ахзд̇ваа хад̇т̇ивийт̇ибарияанд̇з зго бурисо д̇идтад̇и, гажжи ну ко со маарзд̇и, бариг̇г̇ан̣хиссаами на’’нд̇и згад̣̇ивасам̣ хад̇т̇ий бурад̇о гад̇ваа саяам̣ бажчад̇о ахоси. со б̣од̇хисад̇д̇ам̣ д̣̇исваа аавуд̇хам̣ аад̣̇ааяа багканд̣̇и. б̣од̇хисад̇д̇о нивад̇д̇ид̇ваа тид̇о ‘‘бхуумияам̣ бот̇зд̇ваа маарзссаами на’’нд̇и сон̣д̣ам̣ басаарзд̇ваа д̇зна барид̣̇ахид̇аани гаасааваани д̣̇исваа ‘‘имам̣ арахад̣̇д̇хаж̇ам̣ маяаа г̇арум̣ гаад̇ум̣ ваддад̇ий’’д̇и сон̣д̣ам̣ бадисам̣харид̇ваа ‘‘амбхо буриса, нану зса арахад̣̇д̇хаж̇о ананужчавиго д̇уяхам̣, гасмаа зд̇ам̣ барид̣̇ахасий’’д̇и имаа г̇аат̇аа авожа –
Bodhisatto pariggaṇhanto ‘‘paccekabuddhavesaṃ gahetvā hatthivīthipariyante eko puriso tiṭṭhati, kacci nu kho so māreti, pariggaṇhissāmi na’’nti ekadivasaṃ hatthī purato katvā sayaṃ pacchato ahosi. So bodhisattaṃ disvā āvudhaṃ ādāya pakkhandi. Bodhisatto nivattitvā ṭhito ‘‘bhūmiyaṃ pothetvā māressāmi na’’nti soṇḍaṃ pasāretvā tena paridahitāni kāsāvāni disvā ‘‘imaṃ arahaddhajaṃ mayā garuṃ kātuṃ vaṭṭatī’’ti soṇḍaṃ paṭisaṃharitvā ‘‘ambho purisa, nanu esa arahaddhajo ananucchaviko tuyhaṃ, kasmā etaṃ paridahasī’’ti imā gāthā avoca –
141.
141.
‘‘аниггасааво гаасаавам̣, яо вад̇т̇ам̣ барид̣̇ахиссад̇и;
‘‘Anikkasāvo kāsāvaṃ, yo vatthaṃ paridahissati;
абзд̇о д̣̇амасажжзна, на со гаасаавамарахад̇и.
Apeto damasaccena, na so kāsāvamarahati.
142.
142.
‘‘яо жа ванд̇агасаавасса, сийлзсу сусамаахид̇о;
‘‘Yo ca vantakasāvassa, sīlesu susamāhito;
убзд̇о д̣̇амасажжзна, са вз гаасаавамарахад̇ий’’д̇и.
Upeto damasaccena, sa ve kāsāvamarahatī’’ti.
д̇ад̇т̇а аниггасаавод̇и гасааво вужжад̇и рааг̇о д̣̇осо мохо магко бал̣аасо иссаа мажчарияам̣ мааяаа саатзяяам̣ т̇амбхо саарамбхо маано ад̇имаано мад̣̇о бамаад̣̇о, саб̣б̣з агусалаа д̇хаммаа саб̣б̣з д̣̇ужжарид̇аа саб̣б̣ам̣ бхаваг̇аамигаммам̣ д̣̇ияад̣дхагилзсасахассам̣, зсо гасааво наама. со яасса буг̇г̇аласса аббахийно санд̇аанад̇о аниссадто анигканд̇о, со аниггасааво наама. гаасааванд̇и гасааяарасабийд̇ам̣ арахад̣̇д̇хаж̇абхууд̇ам̣. яо вад̇т̇ам̣ барид̣̇ахиссад̇ийд̇и яо зваруубо худ̇ваа зваруубам̣ вад̇т̇ам̣ барид̣̇ахиссад̇и ниваасзд̇и жзва баарубад̇и жа. абзд̇о д̣̇амасажжзнаад̇и инд̣̇рияад̣̇амасан̇каад̇зна д̣̇амзна жа ниб̣б̣аанасан̇каад̇зна жа барамад̇т̇асажжзна абзд̇о бариваж̇ж̇ид̇о. ниссаггад̇т̇з ваа гаран̣аважанам̣, зд̇асмаа д̣̇амасажжаа абзд̇од̇и ад̇т̇о. ‘‘сажжа’’нд̇и жзд̇т̇а важийсажжам̣ жад̇усажжамби ваддад̇иязва. на со гаасаавамарахад̇ийд̇и со буг̇г̇ало аниггасаавад̇д̇аа арахад̣̇д̇хаж̇ам̣ гаасаавам̣ на арахад̇и ананужчавиго зд̇асса.
Tattha anikkasāvoti kasāvo vuccati rāgo doso moho makkho paḷāso issā macchariyaṃ māyā sāṭheyyaṃ thambho sārambho māno atimāno mado pamādo, sabbe akusalā dhammā sabbe duccaritā sabbaṃ bhavagāmikammaṃ diyaḍḍhakilesasahassaṃ, eso kasāvo nāma. So yassa puggalassa appahīno santānato anissaṭṭho anikkhanto, so anikkasāvo nāma. Kāsāvanti kasāyarasapītaṃ arahaddhajabhūtaṃ. Yo vatthaṃ paridahissatīti yo evarūpo hutvā evarūpaṃ vatthaṃ paridahissati nivāseti ceva pārupati ca. Apeto damasaccenāti indriyadamasaṅkhātena damena ca nibbānasaṅkhātena ca paramatthasaccena apeto parivajjito. Nissakkatthe vā karaṇavacanaṃ, etasmā damasaccā apetoti attho. ‘‘Sacca’’nti cettha vacīsaccaṃ catusaccampi vaṭṭatiyeva. Na so kāsāvamarahatīti so puggalo anikkasāvattā arahaddhajaṃ kāsāvaṃ na arahati ananucchaviko etassa.
яо жа ванд̇агасаавассаад̇и яо бана буг̇г̇ало яат̇аавуд̇д̇ассзва гасаавасса ванд̇ад̇д̇аа ванд̇агасааво асса. сийлзсу сусамаахид̇од̇и маг̇г̇асийлзсу жзва паласийлзсу жа саммаа аахид̇о, аанзд̇ваа табид̇о вияа д̇зсу бад̇идтид̇о. д̇зхи сийлзхи саман̇г̇ийбхууд̇ассзд̇ам̣ ад̇хиважанам̣. убзд̇од̇и саманнааг̇ад̇о. д̣̇амасажжзнаад̇и вуд̇д̇аббагаарзна д̣̇амзна жа сажжзна жа. са вз гаасаавамарахад̇ийд̇и со зваруубо буг̇г̇ало имам̣ арахад̣̇д̇хаж̇ам̣ гаасаавам̣ арахад̇и.
Yo ca vantakasāvassāti yo pana puggalo yathāvuttasseva kasāvassa vantattā vantakasāvo assa. Sīlesu susamāhitoti maggasīlesu ceva phalasīlesu ca sammā āhito, ānetvā ṭhapito viya tesu patiṭṭhito. Tehi sīlehi samaṅgībhūtassetaṃ adhivacanaṃ. Upetoti samannāgato. Damasaccenāti vuttappakārena damena ca saccena ca. Sa ve kāsāvamarahatīti so evarūpo puggalo imaṃ arahaddhajaṃ kāsāvaṃ arahati.
звам̣ б̣од̇хисад̇д̇о д̇асса бурисасса имам̣ гааран̣ам̣ гат̇зд̇ваа ‘‘ид̇о бадтааяа маа ид̇ха ааг̇ами, ааг̇ажчаси жз, ж̇ийвид̇ам̣ д̇з над̇т̇ий’’’д̇и д̇аж̇ж̇зд̇ваа балаабзси.
Evaṃ bodhisatto tassa purisassa imaṃ kāraṇaṃ kathetvā ‘‘ito paṭṭhāya mā idha āgami, āgacchasi ce, jīvitaṃ te natthī’’’ti tajjetvā palāpesi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа хад̇т̇имаарагабурисо д̣̇звад̣̇ад̇д̇о ахоси, яуут̇абад̇и бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā hatthimārakapuriso devadatto ahosi, yūthapati pana ahameva ahosi’’nti.
гаасааваж̇аад̇агаван̣н̣анаа батамаа.
Kāsāvajātakavaṇṇanā paṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 221. гаасааваж̇аад̇агам̣ • 221. Kāsāvajātakaṃ
