2. убаасагаваг̇г̇о

1. гасибхаарад̣̇вааж̇асуд̇д̇аван̣н̣анаа

197. д̣̇агкин̣ааг̇ирисминд̇и д̣̇агкин̣ааг̇ириж̇анабад̣̇з, д̇асмим̣ д̣̇агкин̣ааг̇ириж̇анабад̣̇з д̣̇агкин̣ааг̇иривихаарз. канд̇хзсу табзд̇ваа яуг̇з яод̇д̇зхийд̇и яод̇д̇араж̇ж̇уухи яуд̇д̇аани баяож̇ид̇аани ижжзва ад̇т̇о.

батамад̣̇ивасзд̇и вабанад̣̇ивасзсу батамад̣̇ивасз аарад̣̇д̇хад̣̇ивасз. бан̃жан̇г̇ааниби барибун̣н̣аани, баг̇зва ид̇аран̇г̇аанийд̇и д̣̇ассзд̇ум̣ ‘‘барибун̣н̣абан̃жан̇г̇аа’’ижжзва вуд̇д̇ам̣. харид̇ааламаносилааан̃ж̇анзхи урад̇т̇анаад̣̇ийсу табид̇ад̇д̇аа аабхааяа уж̇ж̇алаг̇ад̇д̇аа. авасзсаа б̣алийб̣ад̣̇д̣̇аа. гиланд̇аг̇он̣ам̣ можзд̇ваа агиланд̇асса яож̇анам̣ гиланд̇абаривад̇д̇анам̣.

сийхагун̣д̣алаанийд̇и сийхамукагун̣д̣алаани. б̣рахмавзтананд̇и б̣рахмуно взтанасад̣̇исам̣, ассанакавзтанасад̣̇исанд̇и ад̇т̇о.

б̣уд̣̇д̇хаанам̣ гижжаани гаалавасзна вибхад̇д̇аани бан̃жа гижжаани бхаванд̇и. бурзбхад̇д̇агижжанд̇и бхад̇д̇ад̇о буб̣б̣з б̣уд̣̇д̇хзна гаад̇аб̣б̣агижжам̣. вийд̇инаамзд̇ваад̇и паласамаабад̇д̇ияаа гаалам̣ вийд̇инаамзд̇ваа. гад̣̇аажи згод̇иаад̣̇и д̇зсам̣ д̇зсам̣ винзяяаанам̣ винаяанаануруубабадибад̇д̇ид̣̇ассанам̣. багад̇ияаад̇и багад̇иб̣уд̣̇д̇хавзсзна. б̣уд̣̇д̇хаанам̣ хи руубагааяасса асийд̇иануб̣яан̃ж̇анабадиман̣д̣ид̇а-б̣аад̇д̇им̣самахаабуриса- лагкан̣а-гааяаббабхаа-б̣яаамаббабхаа-гзд̇умаалаавижид̇д̇ад̇аа б̣уд̣̇д̇хавзсо. гад̣̇аажи анзгзхи баадихаариязхи вад̇д̇амаанзхийд̇и иминаа баарамийнам̣ ниссанд̣̇абхууд̇аани баадихаарияаани руживасзнзва багаасанагаани бхаванд̇и, на саб̣б̣ад̣̇аад̇и д̣̇ассзд̇и. зван̃жа гад̇ваа ‘‘инд̣̇акийласса анд̇о табид̇амад̇д̇з д̣̇агкин̣абаад̣̇з’’д̇иаад̣̇иважанам̣ самад̇т̇ид̇ам̣ ход̇и. бхаг̇авад̇о гааяз бийд̇арасмийнам̣ язбхуяяад̇ааяа ‘‘суван̣н̣арасасин̃жанаани вияаа’’д̇и вад̇ваа гааяамхи нийлаад̣̇ирасмийхи д̇ахам̣ д̇ахам̣ бийд̇амиссид̇ам̣ санд̇хааяа ‘‘вижид̇рабадабаригкид̇д̇аани вияа жаа’’д̇и вуд̇д̇ам̣. мад̇хурзнаагаарзна сад̣̇д̣̇ам̣ гаронд̇и д̇удтаравараванад̇о.

д̇ад̇т̇аад̇и вихаарз. г̇анд̇хаман̣д̣аламаал̣зд̇и хад̇т̇зна гад̇абарибхан̣д̣з самосарид̇аг̇анд̇хабубпад̣̇аамз ман̣д̣аламаал̣з.

убадтаанзд̇и бамукз. ‘‘овад̣̇ад̇ий’’д̇и вад̇ваа д̇ад̇т̇оваад̣̇ам̣ сааман̃н̃ад̇о д̣̇ассзд̇ум̣, ‘‘бхигкавз’’д̇иаад̣̇и вуд̇д̇ам̣. самбад̇д̇ийд̇и жагкаад̣̇иинд̣̇рияабаарибуури жзва хад̇т̇аад̣̇исамбад̣̇аа жа. самассаасид̇агааяо гиламат̇авинод̣̇анзна. ‘‘д̇ан̃жа ко самаабаж̇ж̇анзнаа’’д̇и вад̣̇анд̇и. д̣̇уд̇ияабхааг̇зд̇и иминаа абарабхааг̇ам̣ д̇аяо бхааг̇з гад̇ваа д̇ад̇т̇а буримабхааг̇ам̣ сзяяанисаж̇ж̇аавасзна самаабад̇д̇ийхи вийд̇инаамзд̇ийд̇и д̣̇ассзд̇и. логанд̇и рааж̇аг̇ахаад̣̇ийсу яам̣ д̇ад̣̇аа убаниссааяа вихарад̇и, д̇ад̇т̇а ан̃н̃ад̇т̇а ваа б̣уж̇жханагам̣ винзяяасад̇д̇алогам̣ б̣уд̣̇д̇хажагкунаа вологзд̇и. гаалаяуд̇д̇анд̇и д̇зсам̣ инд̣̇рияабарибаагагаалаануруубам̣. самаяаяуд̇д̇анд̇и д̇ассзва взважанам̣. самаяаяуд̇д̇анд̇и ваа д̇зхи ааж̇аанид̇аб̣б̣ависзсабадилаабхаануруубам̣.

бадисаллийнод̇и гаалабарижчзд̣̇ам̣ гад̇ваа самаабад̇д̇им̣ самаабанно. ад̇хиббааяам̣ самбаад̣̇знд̇о д̇ам̣ авираад̇хзнд̇о, аж̇жхаасаяаануруубанд̇и ад̇т̇о.

сагала…бз… д̣̇звад̇ааяод̇и зд̇т̇а логад̇хаад̇усаагаляам̣ д̣̇адтаб̣б̣ам̣, на д̣̇звад̇аасаагаляам̣. на хи махаасамаяз вияа саб̣б̣ад̣̇аа маж̇жхимаяаамз д̣̇асасахассажаггаваал̣з саб̣б̣ад̇т̇а саб̣б̣аа д̣̇звад̇аа сад̇т̇у самийбам̣ убаг̇ажчанд̇и. гилаасубхааво гиламат̇о.

вихааражийварабаривад̇д̇анавасзнаад̇и вихаарз нивад̇т̇аниваасанабаривад̇д̇анавасзна. аад̣̇ияид̇ваад̇и баарубанавасзна г̇ахзд̇ваа. д̇знааха ‘‘д̇хаарзд̇ваа’’д̇и. бхигкаажааранд̇и бхигкад̇т̇ам̣ жарид̇аб̣б̣адтаанам̣.

ад̇ирожамаананд̇и д̇ам̣ д̇ам̣ ад̇иггамид̇ваа саманд̇ад̇о саб̣б̣ад̣̇исаасу вирожамаанам̣. сарийраббабханд̇и ад̇д̇ано сарийраббабхам̣. ж̇ан̇г̇амам̣ вияа бад̣̇умасаранд̇и рад̇анамаяагин̃ж̇агкам̣ раж̇ад̇амаяаган̣н̣игам̣ саманд̇ад̇о сампуллид̇аган̃жанабад̣̇умам̣ сан̃жааримасарам̣ вияа. г̇аг̇анад̇аланд̇и аб̣бхамахигаад̣̇иубаггилзсавиг̇амзна сувисуд̣̇д̇хааагаасад̇алам̣ вияа. д̇амби хи д̇аарааг̇ан̣агиран̣аж̇ааласамуж̇ж̇алад̇ааяа саманд̇ад̇о вирожад̇и. ганагасикаранд̇и ганагаг̇ирисикарам̣. сирияаа ж̇аламаананд̇и саб̣б̣асо анаваж̇ж̇ааяа саб̣б̣аагаарзна барибун̣н̣агааяад̇ааяа анан̃н̃асаад̇хааран̣ааяа руубагааяасирияаа самуж̇ж̇алам̣, яассаа ружирабхааво вид̣̇д̇хз виг̇ад̇авалаахагз бун̣н̣амаасияам̣ барибун̣н̣агаламаномаман̣д̣алам̣ жанд̣̇аман̣д̣алам̣ ад̇ирожад̇и, бабхассарабхааво сахассарам̣сигиран̣ад̇зж̇ож̇ааласамуж̇ж̇алам̣ суурияаман̣д̣алам̣ абхибхавад̇и, хзмасамуж̇ж̇алабхааво д̇ад̣̇убхаяз абхибхуяяа бавад̇д̇амаанам̣ згагкан̣з д̣̇асасахассилогад̇хаад̇увиж̇ж̇од̇анасамад̇т̇а-махааб̣рахмуно бабхаасамуд̣̇аяам̣ абхивихажжа бхаасад̇и д̇абад̇и вирожад̇и.

саманд̇абаасаад̣̇игзд̇и саманд̇ад̇о басаад̣̇аавахз. д̇ан̃жа ко саб̣б̣асо сарид̇аб̣б̣ад̇ааяаад̇и ааха ‘‘басаад̣̇анийяз’’д̇и. уд̇д̇амад̣̇амат̇асамат̇амануббад̇д̇зд̇и гааяаваажаахи ануд̇д̇арам̣ д̣̇анд̇абхааван̃жзва ануд̇д̇арам̣ жид̇д̇авуубасаман̃жа самбад̇д̇з. аббасаад̣̇знаад̇и басаад̣̇аабхаавзна, басаад̣̇абадигкзбзна ваа ассад̣̇д̇хиязна. убхаяат̇ааби нод̇и аббасаад̣̇о мажчарияанд̇и убхаяат̇ааби но зва, ат̇а ко анад̇д̇аманад̇ааяа убаарамбхаад̇хиббааязна абасаад̣̇знд̇о, бхаг̇авад̇о мукад̇о гин̃жи д̣̇зсзд̇угаамо ваа звамааха. д̇ад̇т̇а гааран̣ам̣ д̣̇ассзнд̇о ‘‘бхаг̇авад̇о банаа’’д̇иаад̣̇имааха. ад̇ид̇д̇анд̇и д̇ид̇д̇им̣ аг̇ажчанд̇ам̣. гаммабхан̇г̇анд̇и гаммахааним̣.

д̇игкабан̃н̃о зса б̣раахман̣о, д̇ат̇аа хи на жирассзва арахад̇д̇ам̣ сажчигариссад̇и. гат̇аабавад̇д̇анад̇т̇амби звамааха – ‘‘звам̣ ахам̣ имасса ган̃жи д̇хаммам̣ сод̇ум̣ лабхиссаамий’’д̇и. взнзяяавасзнаад̇и ад̇д̇ано гасанагаарибхаавагид̇д̇анамукзна винзд̇аб̣б̣абуг̇г̇алавасзна.

ол̣ааригаанийд̇и баагад̇игаани. ‘‘зса уд̇д̇амад̣̇агкин̣зяяо’’д̇и сан̃ж̇аад̇аб̣ахумаано. баал̣ияам̣ ‘‘яуг̇ам̣ ваа нан̇г̇алам̣ ваа’’д̇и ваа-сад̣̇д̣̇о авуд̇д̇авигаббад̇т̇о. д̇зна б̣ийж̇аад̣̇им̣ сан̇г̇ан̣хаад̇и, д̇асмаа б̣ийж̇ам̣ ваа ийсам̣ ваа бариг̇г̇ахаяод̇д̇аани ваад̇и аяамад̇т̇о д̣̇ассид̇о ход̇и. д̇ат̇аа хи бхаг̇аваа б̣раахман̣асса бадиважанам̣ д̣̇знд̇о ‘‘сад̣̇д̇хаа б̣ийж̇а’’нд̇иаад̣̇имааха. буб̣б̣ад̇хаммасабхааг̇ад̇ааяаад̇и батамам̣ г̇ахид̇ад̇хаммасабхааг̇ад̇ааяа. яам̣ банзд̇т̇а вад̇д̇аб̣б̣ам̣, д̇ам̣ адтагат̇аарул̣хамзва г̇ахзд̇аб̣б̣ан̃жа сад̣̇д̣̇ад̇о ад̇т̇аабад̇д̇ид̇о ваа ид̇ха д̣̇адтаб̣б̣ам̣. б̣уд̣̇д̇хаанам̣ аанубхааво аяам̣, яад̣̇ид̣̇ам̣ басан̇г̇ааг̇ад̇ад̇хаммамукзна д̣̇зсанам̣ аарабхид̇ваа взнзяяавинаяанам̣.

ананусанд̇хигаад̇и бужчаанусанд̇хивасзна ананусанд̇хигаа. званд̇и ид̣̇аани вужжамаанаагаарзна. зд̇т̇аад̇и зд̇иссаа д̣̇зсанааяа. сод̇и бхаг̇аваа. д̇ассаад̇и б̣раахман̣асса. анугамбааяаад̇и асаб̣б̣ан̃н̃уу хи сад̇иби анугамбааяа бужчид̇амад̇д̇з д̇идтзяяа, д̇ат̇аа ж̇аананд̇оби ананугамбаго, бхаг̇аваа бана убхаяад̇хаммабаарибуурияаа ‘‘ид̣̇ам̣ абужчид̇а’’нд̇и абарихаабзд̇ваа гат̇зд̇и. самууланд̇иаад̣̇инаа сан̇кзбзна вуд̇д̇амад̇т̇ам̣ виваранд̇о ‘‘д̇ад̇т̇аа’’д̇иаад̣̇имааха. д̇ад̇т̇а б̣ийж̇асса гасияаа муулабхааво наананд̇арияад̇о д̇аббамаан̣авид̇хаанад̇о жаад̇и ааха ‘‘д̇асмим̣…бз… гад̇д̇аб̣б̣ад̇о’’д̇и. д̇зна анваяад̇о б̣яад̇ирзгад̇о жа б̣ийж̇асса гасияаа муулабхаавам̣ вибхаавзд̇и. гусалаад̇и иминаа агусалаа д̇ад̇о ан̃н̃ат̇ааби гаронд̇и, д̇ам̣ бана аббамаан̣анд̇и д̣̇ассзд̇и.

д̇ассаад̇и б̣раахман̣асса б̣ийж̇адтаанияасса д̇хаммасса жа убагаарабхаавад̇о. д̇хаммасамб̣анд̇хасамад̇т̇абхаавад̇од̇и д̇ат̇аа вуд̇д̇ад̇хаммасса палзна самб̣анд̇хид̇ум̣ яож̇зд̇ум̣ самад̇т̇абхаавад̇о. д̇або вудтийд̇и вуд̇д̇аважанам̣ санд̇хааяа вуд̇д̇ам̣. сан̇кзбад̇о вуд̇д̇амад̇т̇ам̣ баагадам̣ гаад̇ум̣ ‘‘аяам̣ хий’’д̇иаад̣̇и вуд̇д̇ам̣. гассагасса убагаарасса б̣ийж̇асса ананд̇арам̣ вудти вужжамаанаа адтаанз вуд̇д̇аа наама на ход̇и. гасмаа? б̣ийж̇асса ваббагаалз ануруубааяа вудтияаа ижчид̇аб̣б̣ад̇о, д̇асмаа авасаанз маж̇жхз ваа вужжамаанааяа д̇хаммасамб̣анд̇хасамад̇т̇ад̇аа д̇ассаа вибхаавид̇аа на сияаа. ад̇д̇ано ависаязд̇и жхаанаад̣̇иуд̇д̇аримануссад̇хаммз. бажчаабийд̇и гасисамбхаарагат̇анад̇о бажчааби. вад̇д̇аб̣б̣од̇и зганд̇зна вад̇д̇аб̣б̣о. д̇ад̣̇ананд̇арам̣язваад̇и б̣ийж̇аананд̇арам̣язва. вужжамаанаа вудти самад̇т̇аа ход̇и , б̣ийж̇асса палзна самб̣анд̇ханз самад̇т̇аад̇и д̣̇ийбид̇аа ход̇и ананд̇араважанзнзва д̇ассаа аасаннаубагаарад̇д̇ад̣̇ийбанад̇о.

самбасаад̣̇алагкан̣аад̇и басийд̣̇ид̇аб̣б̣з вад̇т̇усмим̣ саммад̣̇зва басийд̣̇аналагкан̣аа. огаббаналагкан̣аад̇и сад̣̇д̇хзяяавад̇т̇уно звамзд̇анд̇и багканд̣̇аналагкан̣аа. муулаб̣ийж̇анд̇иаад̣̇ийсу мууламзва б̣ийж̇ам̣ муулаб̣ийж̇ам̣. зса наяо сзсзсуби б̣ийж̇аг̇аамасса ад̇хиббзд̇ад̇д̇аа. бхууд̇аг̇аамо бана муулам̣ б̣ийж̇ам̣ зд̇ассаад̇и муулаб̣ийж̇анд̇иаад̣̇инаа взд̣̇ид̇аб̣б̣о. б̣ийж̇аб̣ийж̇анд̇и бан̃жамам̣ бана бажжаяанд̇арасамавааяз сад̣̇исапалуббад̇д̇ияаа висзсагааран̣абхаавад̇о вирууханасамад̇т̇з саарапалз нирул̣хо б̣ийж̇асад̣̇д̣̇о д̇ад̣̇ад̇т̇асид̣̇д̇хияаа муулаад̣̇ийсуби гзсужи бавад̇д̇ад̇ийд̇и д̇ад̇о нивад̇д̇анад̇т̇ам̣ згзна б̣ийж̇а-сад̣̇д̣̇зна висзсзд̇ваа вуд̇д̇ам̣ ‘‘б̣ийж̇аб̣ийж̇а’’нд̇и ‘‘д̣̇угкад̣̇угкам̣ руубарууба’’нд̇и жа яат̇аа. звамби иминаа ад̇т̇зна имассаби ниббарияааяова б̣ийж̇абхаавод̇и д̣̇ассзнд̇о ааха ‘‘д̇ам̣ саб̣б̣амби…бз… г̇ажчад̇ий’’д̇и.

ид̣̇аани гат̇ан̃жи вад̇д̇аб̣б̣з сад̣̇д̇хааяа обаммад̇д̇з б̣ийж̇з сад̣̇д̇хааяа б̣ийж̇абхаавам̣ вибхаавзд̇ум̣ ‘‘д̇ад̇т̇а яат̇аа’’д̇иаад̣̇и аарад̣̇д̇хам̣. гаамам̣ сад̣̇д̇хуубанисам̣ сийлам̣, д̇ат̇ааби самаад̇хисса вияа саб̣б̣зсамби анаваж̇ж̇ад̇хаммаанам̣ аад̣̇имуулабхаавад̇о сад̣̇д̇хааяаби бад̇идтаа ход̇ийд̇и ааха ‘‘хздтаа сийламуулзна бад̇идтаад̇ий’’д̇и. яасмаа саб̣б̣ассзва буг̇г̇аласса сад̣̇д̇хаавасзна самат̇авибассанаарамбхо, д̇асмаа саа ‘‘убари самат̇авибассанан̇гурам̣ удтаабзд̇ий’’д̇и вуд̇д̇аа. д̇анд̇и д̇хан̃н̃аб̣ийж̇ам̣. бат̇авирасам̣ ааборасанд̇и сасамбхаарабат̇авийаабзсу лаб̣бхамаанам̣ расам̣. г̇ахзд̇ваад̇и бажжаяабарамбарааяа г̇ахзд̇ваа. д̇хан̃н̃абарибаагаг̇ахан̣ад̇т̇анд̇и д̇хан̃н̃абарибааганиб̣б̣ад̇д̇иад̇т̇ам̣. расанд̇и сад̣̇д̇хаасийламуулахзд̇усамат̇авибассанаабхааванаарасам̣ аад̣̇ияид̇ваа. арияамаг̇г̇анаал̣знаад̇и арияамаг̇г̇асод̇зна арияапалад̇хан̃н̃абарибаагаг̇ахан̣ад̇т̇анд̇и арияапаламзва д̇ханааяид̇аб̣б̣ад̇о д̇хан̃н̃ам̣ д̇асса ниб̣б̣ад̇д̇иад̇т̇ам̣. д̇хан̃н̃анаал̣ам̣ наама ган̣д̣асса ниссаяабхууд̇о бажчимад̣̇зсо, ган̣д̣о д̇аб̣бханд̇аро д̇ам̣ниссаяоязва д̣̇ан̣д̣о. басаво наама бубпам̣. вуд̣̇д̇хинд̇и аваяавабаарибууривасзна вуд̣̇д̇хим̣. вируул̣хинд̇и мууласанд̇аанад̣̇ал̣хад̇ааяа вирул̣хад̇ам̣. взбулланд̇и бад̇д̇анаал̣аад̣̇ийхи вибулабхаавам̣. кийрам̣ ж̇анзд̇ваад̇и д̇арун̣асалаадугабхааваббад̇д̇ияаа д̇ан̣д̣уласса б̣ийж̇асса б̣ийж̇абхууд̇ам̣ кийрам̣ уббаад̣̇зд̇ваа. зсаад̇и сад̣̇д̇хаа. бад̇идтахид̇ваад̇и гаммабат̇аагаммабат̇асаммаад̣̇идтисахид̇зна аад̣̇ид̇о бавад̇д̇асийламад̇д̇зна бад̇идтахид̇ваа. вуд̣̇д̇хинд̇иаад̣̇ийсу субарисуд̣̇д̇хаахи сийлажид̇д̇ависуд̣̇д̇хийхи вуд̣̇д̇хим̣, д̣̇идтиган̇каавид̇аран̣ависуд̣̇д̇хийхи вируул̣хим̣. маг̇г̇аамаг̇г̇абадибад̣̇аан̃аан̣ад̣̇ассанависуд̣̇д̇хийхи взбуллам̣ бад̇ваа. н̃аан̣ад̣̇ассанависуд̣̇д̇хикийранд̇и саад̣̇урасасувисуд̣̇д̇хибхаавад̇о н̃аан̣ад̣̇ассанависуд̣̇д̇хисан̇каад̇ам̣ кийрам̣ ж̇анзд̇ваа. анзга…бз… паланд̇и анзгабадисамбхид̣̇аа-анзгаабхин̃н̃аан̣абарибун̣н̣ам̣ арахад̇д̇апаласийсам̣ нибпаад̣̇зд̇и.

б̣ийж̇агижжагаран̣ад̇од̇и б̣ийж̇агижжасса гаран̣ад̇о. яан̃хи д̇ам̣сад̣̇исасса висад̣̇исасса жа ад̇д̇ано паласса бад̇идтаабанасамб̣анд̇хананибпаад̣̇анасан̇каад̇ам̣ б̣ийж̇асса гижжам̣, д̇асса гаран̣ад̇о ниб̣б̣ад̇д̇анад̇о ‘‘звам̣ сад̣̇д̇хаа б̣ийж̇агижжа’’нд̇и вуд̇д̇ам̣. иминаа анан̃н̃асаад̇хааран̣ам̣ сад̣̇д̇хааяа гусалад̇хаммаанам̣ б̣ийж̇абхаавам̣ д̣̇ассзд̇и. саа жаад̇иаад̣̇инаа д̇амзвад̇т̇ам̣ самад̇т̇зд̇и. ид̣̇аани д̇ад̇т̇а ааг̇амам̣ д̣̇ассзнд̇о ‘‘сад̣̇д̇хааж̇аад̇о’’д̇иаад̣̇имааха. д̇зна яат̇аа саббурисуубаниссаяасса сад̣̇д̇хаммассаванасса жа, звам̣ анавасзсааяа саммаабадибад̇д̇ияаа сад̣̇д̇хаа муулагааран̣анд̇и д̣̇ассзд̇и.

инд̣̇рияасам̣варо вийрияан̃жа агусалад̇хаммз, д̣̇уггарагааригаа д̇худ̇ан̇г̇ан̃жа агусалад̇хаммз жзва гааяан̃жа д̇абад̇и виб̣аад̇хад̇ийд̇и д̇абод̇и вужжад̇и. инд̣̇рияасам̣варо ад̇хиббзд̇о вийрияасса д̇хораяхабхаавзна г̇аяхамаанад̇д̇аа, ид̇арзсам̣ вудтибхаавасса ануяун̃ж̇амаанад̇д̇аа. аад̣̇и-сад̣̇д̣̇зна галалан̇г̇ааравудтиаад̣̇ийнам̣ сан̇г̇ахо. самануг̇г̇ахид̇анд̇и убаг̇ад̇ам̣. вируханаамилааяананибпад̇д̇иважанзхи д̇хан̃н̃аб̣ийж̇асанд̇аанасса вияа д̇зсам̣ вуд̣̇д̇хияаа сад̣̇д̇хааб̣ийж̇асанд̇аанасса д̇абовудтияаа аад̣̇имаж̇жхабарияосаанзсу убагаарад̇ам̣ д̣̇ассзд̇и.

буримабад̣̇зсубийд̇и аби-сад̣̇д̣̇зна барабад̣̇зсубийд̇и ад̇т̇о д̣̇адтаб̣б̣о ‘‘хирий мз ийсаа, мано мз яод̇д̇а’’нд̇и ижчид̇ад̇д̇аа, ‘‘сад̇и мз’’д̇и зд̇т̇а мз-сад̣̇д̣̇о аанзд̇ваа яож̇зд̇аб̣б̣о. уд̣̇агамби д̇аава д̣̇аад̇аб̣б̣ам̣ ход̇и над̣̇ийд̇ал̣аагаад̣̇ид̇о аанзд̇ваа. вийрияаб̣алийб̣ад̣̇д̣̇з жад̇уб̣б̣ид̇хз яож̇зд̇ваа. нижжагаалам̣ ад̇т̇ийд̇и важанасзсо.

саха вибассанааяа маг̇г̇абан̃н̃аа ад̇хиббзд̇аа амад̇абпалааяа гасияаа ад̇хиббзд̇ад̇д̇аа. вибассанаа бан̃н̃аа жаад̇и д̣̇увид̇хааби бан̃н̃аа убаниссаяаа ход̇и висидтабхаавад̇о. д̇знааха ‘‘яат̇аа хий’’д̇иаад̣̇и. бан̃н̃аад̇и багаарзхи ж̇аанаад̇ийд̇и бан̃н̃аа. бан̃н̃авад̇ам̣ бан̃н̃аа бурад̇о ход̇и яонисоманасигаарасса висзсабажжаяабхаавад̇о, сахаж̇аад̇аад̇хибад̇ийсу жа уггадтабхаавад̇о. сирийд̇и собхаг̇г̇ам̣. сад̇ам̣ д̇хаммаа сад̣̇д̇хаад̣̇аяо, анвааяигаад̇и ануг̇аамино. ийсааб̣ад̣̇д̇хаа ход̇ийд̇и хирисан̇каад̇аийсааяа б̣ад̣̇д̇хаа ход̇и , бан̃н̃ааяа гад̣̇аажи аббаяог̇ад̇о маносийсзна самаад̇хи ид̇ха вуд̇д̇од̇и ааха ‘‘маносан̇каад̇асса самаад̇хияод̇д̇ассаа’’д̇и. самам̣ убанзд̇ваа б̣анд̇хид̇ваа б̣ад̣̇д̇хараж̇ж̇угад̇д̇аа самаад̇хияод̇д̇ам̣. згад̇о г̇амананд̇и лийнажжаарад̣̇д̇хасан̇каад̇ам̣ згабассад̇о г̇аманам̣ ваарзд̇и. маж̇жхимааяа вибассанаавийт̇ияаа бадибаад̣̇анад̇о гааяаад̣̇ийсу субхасуканижжад̇д̇абхаававиг̇аманз бан̃н̃ааяа висзсабажжаяаа сад̇ийд̇и вуд̇д̇ам̣ – ‘‘сад̇ияуд̇д̇аа бан̃н̃аа’’д̇и д̇ассаа сад̇ивиббаяог̇аасаб̣бхаавад̇о. санд̇ад̇игханаад̣̇ийнам̣ аяам̣ висзсо – буримабажчимаанам̣ д̇хаммаанам̣ ниранд̇арад̇ааяа згийбхууд̇аанам̣ вияа бавад̇д̇и санд̇ад̇игханад̇аа, згасамуухавасзна згийбхууд̇аанамива бавад̇д̇и самуухагханад̇аа, д̣̇уб̣б̣ин̃н̃зяяагижжабхзд̣̇авасзна згийбхууд̇аанамива бавад̇д̇и. гижжагханад̇аа, згаарамман̣авасзна згийбхууд̇аанамива бавад̇д̇и аарамман̣агханад̇аа. саб̣б̣зсам̣, саб̣б̣аани ваа гилзсаанам̣ мууласанд̇аанагаани саб̣б̣а…бз… санд̇аанагаани. ануббаяог̇о хи ад̇т̇о. бад̣̇аалзд̇ийд̇и бхинд̣̇ад̇и самужчинд̣̇ад̇и. саа жа ко ‘‘бад̣̇аалзд̇ий’’д̇и вуд̇д̇аа логуд̇д̇араава бан̃н̃аа анусаяаббахаанасса ад̇хиббзд̇ад̇д̇аа. санд̇ад̇игханаад̣̇ибхзд̣̇анаа бана логияааби ход̇и вибассанаавасзна гханавиниб̣бхог̇асса нибпаад̣̇анад̇о. д̇знааха ‘‘ид̇араа бана логигааби сияаа’’д̇и.

хирийяад̇ийд̇и лаж̇ж̇ад̇и, ж̇иг̇ужчад̇ийд̇и ад̇т̇о. д̇асмаа ‘‘баабагзхи д̇хаммзхий’’д̇и ниссаггаважанам̣ д̣̇адтаб̣б̣ам̣, хзд̇умхи ваа гаран̣аважанам̣. од̇д̇аббамби г̇ахид̇амзва, на хи лаж̇ж̇анам̣ ниб̣бхаяам̣ баабабхаяам̣ ваа алаж̇ж̇анам̣ ад̇т̇ийд̇и. ругкаладтийд̇и ругкад̣̇ан̣д̣о. д̇зна бад̣̇зсзна гасанад̇о висзсад̇о нан̇г̇аланд̇и вужжад̇ийд̇и ааха ‘‘ийсаа яуг̇анан̇г̇алам̣ д̇хаарзд̇ий’’д̇и. гаамам̣ бан̃н̃аарахид̇аа хирий ад̇т̇и, хирирахид̇аа бана бан̃н̃аа над̇т̇зваад̇и ааха ‘‘хири…бз… абхаавад̇о’’д̇и. санд̇хидтаанз гамбанаабхаавад̇о ажалам̣. т̇ирабхаавзна асит̇илам̣. хирибадиб̣ад̣̇д̇хабан̃н̃аа бадибагкавасзна жа асит̇илабхаавзна жа ажалаа асит̇илаад̇и ааха ‘‘аб̣б̣огин̣н̣аа ахиригзнаа’’д̇и. наал̣ияаа минамаанабурисо вияа аарамман̣ам̣ мунаад̇и барижчзд̣̇ад̇о ж̇аанаад̇ийд̇и мано. маносийсзнаад̇и манасо абад̣̇зсзна. д̇ам̣самбаяуд̇д̇од̇и иминаа гунд̇асахажаран̣ад̇о бурисо гунд̇о вияа манасахажаран̣асамаад̇хи ‘‘мано’’д̇и вуд̇д̇од̇и д̣̇ассзд̇и. саарат̇инаад̇и гассагзна. со хи ид̇ха б̣алийб̣ад̣̇д̣̇аанам̣ сааран̣ад̇о баажанад̇о ‘‘саарат̇ий’’д̇и ад̇хиббзд̇о. згааб̣анд̇хананд̇и згааб̣ад̣̇д̇хагаран̣ам̣. сагагижжзд̇и сагагижжзна яуд̇д̇з. д̇зна хи ийсаад̣̇ийсу яат̇аарахам̣ б̣анд̇хид̇ваа згааб̣ад̣̇д̇хзсу гад̇зсу нан̇г̇алзсу гижжам̣ иж̇жхад̇и, но ан̃н̃ат̇аад̇и д̇ам̣ ‘‘сагагижжз бадибаад̣̇зд̇ий’’д̇и вуд̇д̇ам̣. авигкзбасабхаавзнаад̇и ад̇д̇ано авигкзбасабхаавзна . б̣анд̇хид̇ваад̇и сахаж̇аад̇аад̣̇ибажжаяабхаавзна ад̇д̇анаа самб̣анд̇хид̇ваа. сагагижжзд̇и хирийаад̣̇ийхи яат̇аасагам̣ гад̇д̇аб̣б̣з гижжз.

жирагад̇аад̣̇имад̇т̇анд̇и жирабхаасид̇амби ад̇т̇ам̣. сарад̇и ануссарад̇и гааяаад̣̇им̣ асубхаад̣̇ид̇о ниж̇жхааяад̇и. паалзд̇ийд̇и бад̣̇аалзд̇и. бааж̇знд̇и г̇амзнд̇ийд̇и д̇ам̣ бааж̇анам̣. ид̇ха имасмим̣ суд̇д̇з ‘‘баажана’’нд̇и вуд̇д̇ам̣ ж̇а-гаарасса жа-гаарам̣ гад̇ваа. паалабаажананд̇и имамад̇т̇ам̣ д̣̇ассзд̇ум̣ ‘‘яат̇аа хи б̣раахман̣а…бз… сад̇ий’’д̇и вуд̇д̇ам̣. ид̣̇аани д̇амад̇т̇ам̣ вид̇т̇аарад̇о д̣̇ассзнд̇о ‘‘д̇ад̇т̇а яат̇аа’’д̇иаад̣̇имааха. нан̇г̇алам̣ анурагкад̇и бхиж̇ж̇анапааланад̇о. бурад̇о жасса г̇ажчад̇ийд̇и асса нан̇г̇аласса гассанз бхуумияаа виликанз бурад̇о г̇ажчад̇и буб̣б̣ан̇г̇амаа ход̇и. г̇ад̇ияод̇и бавад̇д̇ияо. саманвзсамаанаад̇и саран̣авасзна г̇авзсамаанаа. аарамман̣з ваа гааяаад̣̇игз убадтаабаяамаанаа асубхаад̣̇ивасзна бан̃н̃аанан̇г̇алам̣ рагкад̇и. сабхааваасабхаавуубаг̇амз паало вияа нан̇г̇аласса ‘‘аарагкаа’’д̇и вуд̇д̇аа ‘‘саб̣б̣аанад̇т̇ад̇о сад̇и рагкад̇ий’’д̇и гад̇ваа. д̇ат̇аа хзсаа аарагкабажжубадтаанаа. жирагад̇ажирабхаасид̇аанам̣ асаммуссанавасзна сад̇и бан̃н̃аанан̇г̇аласса бурад̇о ход̇ийд̇и вад̇ваа д̇асса бурад̇обхаавам̣ д̣̇ассзд̇ум̣ ‘‘сад̇и…бз… но бамудтз’’д̇и ааха. сад̇ибарижид̇зд̇и сад̇ияаа бадтаабид̇з. ‘‘убадтаабид̇з’’д̇иби баато, аяамзвад̇т̇о. сам̣сийд̣̇ид̇ум̣ на д̣̇зд̇ийд̇и сагижжагирияааяа сам̣сийд̣̇анам̣ гаад̇ум̣ на д̣̇зд̇и. госаж̇ж̇асан̇каад̇ам̣ сам̣сийд̣̇анам̣ госаж̇ж̇асам̣сийд̣̇анам̣.

баад̇имогкасам̣варасийлам̣ вуд̇д̇ам̣ гааяигаваажасигасам̣яамасса гат̇ид̇ад̇д̇аа. аахаарз уд̣̇арз яад̇од̇и барибхун̃ж̇ид̇аб̣б̣ааахаарз сам̣яад̇абхаавад̣̇ассанзна барибхун̃ж̇ид̇аб̣б̣ад̇ааяа жад̇уусуби бажжаязсу сам̣яад̇абхааво д̣̇ийбид̇од̇и ааха ‘‘аахаарамукзнаа’’д̇иаад̣̇и. сам̣яад̇абхааво жзд̇т̇а бажжаяахзд̇у анзсанаабхаавод̇и вуд̇д̇ам̣ ‘‘нирубаггилзсод̇и ад̇т̇о’’д̇и. бхож̇анасад̣̇д̣̇о аахаарабарибхог̇з нирул̣ход̇и гад̇ваа вуд̇д̇ам̣ ‘‘бхож̇анз мад̇д̇ан̃н̃уд̇аамукзнаа’’д̇и. барибхун̃ж̇анадтзна бана бхож̇анасад̣̇д̣̇амукзнаад̇и вуд̇д̇з ад̇хиббзд̇ад̇т̇о лаб̣бхад̇зва. д̇знаад̇и гааяаг̇уд̇д̇аад̇иаад̣̇иважанзна. на вилумбанд̇ийд̇и ‘‘д̣̇ийбзд̇ий’’д̇и бад̣̇ам̣ аанзд̇ваа самб̣анд̇хо.

д̣̇вийхаагаарзхийд̇и ад̣̇идтаад̣̇ийнам̣ ад̣̇идтаад̣̇ивасзна д̣̇идтаад̣̇ийнан̃жа д̣̇идтаад̣̇ивасзнаад̇и звам̣ д̣̇виббагаарзхи. ависам̣ваад̣̇анам̣ авид̇ат̇агат̇анам̣. чзд̣̇анам̣ муулаббад̣̇зсз ниганд̇анам̣. лунанам̣ яад̇т̇а гад̇т̇ажи чзд̣̇анам̣. уббааданам̣ уммууланам̣. асид̇знаад̇и д̣̇ад̇д̇зна, лааяид̇знаад̇и ад̇т̇о. висам̣ваад̣̇анасан̇каад̇аанам̣ д̇ин̣аанам̣, адтаннам̣ анарияавохаараананд̇и ад̇т̇о. яат̇аабхууд̇ан̃аан̣анд̇и наама руубабарижчзд̣̇аган̃аан̣ам̣. сажжанд̇и взд̣̇ид̇аб̣б̣ам̣ авибарийд̇авуд̇д̇игад̇д̇аа ‘‘чзд̣̇агам̣’’ чинд̣̇анагам̣. нид̣̇д̣̇аананд̇и нид̣̇д̣̇ааяагам̣. ид̣̇амзва сажжам̣ могхаман̃н̃анд̇и д̣̇идти ‘‘д̣̇идтисажжа’’нд̇и вужжад̇и. д̣̇вийсу вигаббзсууд̇и бхаавагад̇д̇усаад̇ханавасзна д̣̇вийсу вигаббзсу. ‘‘нид̣̇д̣̇аана’’нд̇и убаяог̇авасзнзва ад̇т̇о.

сийламзва ‘‘соражжа’’нд̇и вуд̇д̇ам̣ ‘‘баан̣аад̇ибаад̇аад̣̇ийхи судту орад̇асса гамма’’нд̇и гад̇ваа. сан̇каарад̣̇угкаад̣̇ийнам̣ абхаавад̇о сунд̣̇арабхаавад̇о сунд̣̇арз ниб̣б̣аанз аарамман̣агаран̣авасзна рад̇ад̇д̇аа сурад̇о, арахаа. д̇асса бхааво соражжам̣, арахад̇д̇ам̣. аббаможанамзва ажжанд̇ааяа баможанам̣ на ход̇и.

яад̣̇аг̇г̇зна вибассанааяа бан̃н̃ааяа д̇ам̣сахаг̇ад̇авийрияасса жа нан̇г̇алад̇хораяхад̇аа, д̇ат̇аабавад̇д̇агусалабхааванааяа жа гасибхааво жа, д̇ад̣̇аг̇г̇зна д̇ад̇о бурзд̇арам̣ бавад̇д̇абан̃н̃аавийрияабаарамийнам̣ нан̇г̇алад̇хораяхад̇аа, д̇ат̇аабавад̇д̇агусалабхааванааяа жа гасибхааво взд̣̇ид̇аб̣б̣од̇и д̣̇ассзнд̇о ‘‘яат̇аа хий’’д̇иаад̣̇имааха. д̇хурам̣ вахад̇ийд̇и д̇хораяхам̣. яат̇аавуд̇д̇ам̣ гхананд̇и асмимаанаад̣̇ибхзд̣̇ам̣ гханам̣. вахид̇аб̣б̣аа аад̣̇ибхууд̇аа д̇хураа зд̇зсам̣ ад̇т̇ийд̇и д̇хураа, буримад̇хураваахагаа. д̇ам̣муулагаа абарам̣ д̇хурам̣ ваханд̇аа д̇хораяхаа. д̇хураа жа д̇хораяхаа жа д̇хурад̇хораяхам̣ згад̇д̇авасзна. ваханд̇анд̇и гасанзна бавад̇д̇анд̇ам̣.

гаамаяог̇аад̣̇ийхи яог̇зхи кзмад̇д̇аа анубад̣̇д̣̇авад̇д̇аа. д̇ам̣ ниб̣б̣аанам̣ ад̇хигижжа уд̣̇д̣̇исса. ваахийяад̇и вибассанааяа сахаг̇ад̇ам̣. абхимукам̣ ваахийяад̇и маг̇г̇абарияаабаннам̣. кзд̇д̇агодинд̇и кзд̇д̇амарияаад̣̇ам̣. д̣̇идтзгадтзд̇и д̣̇идтияаа сахаж̇аад̇згадтз бахаанзгадтз жа. ол̣ааригзд̇и убаримаг̇г̇аваж̇жхз убаад̣̇ааяа вуд̇д̇ам̣, ан̃н̃ат̇аа д̣̇ассанабахаад̇аб̣б̣ааби д̣̇уд̇ияамаг̇г̇аваж̇жхзхи ол̣ааригаад̇и. ан̣усахаг̇ад̇зд̇и ан̣убхууд̇з. ид̣̇ам̣ хздтимамаг̇г̇аваж̇жхз убаад̣̇ааяа вуд̇д̇ам̣. саб̣б̣агилзсз авасидтасаб̣б̣агилзсз баж̇аханд̇ам̣ анивад̇д̇анд̇ам̣ г̇ажчад̇и буна бахаад̇аб̣б̣ад̇ааяа абхаавад̇о. анивад̇д̇анд̇анд̇и на нивад̇д̇анд̇ам̣, яат̇аа нивад̇д̇анам̣ на ход̇и, звам̣ г̇ажчад̇ийд̇и ад̇т̇о. д̇знааха ‘‘нивад̇д̇анарахид̇а’’нд̇иаад̣̇и. зд̇ам̣ бана д̇ава д̇хурад̇хораяхам̣.

звамзсаа гасийд̇и яат̇аавуд̇д̇асса бажжаамасанам̣. д̇знааха ‘‘ниг̇аманам̣ гаронд̇о’’д̇и. вуд̇д̇ассзва хи ад̇т̇асса буна важанам̣. бан̃н̃аанан̇г̇алзна сад̇ипаалам̣ аагодзд̇ваад̇и бан̃н̃аасан̇каад̇зна нан̇г̇алзна сад̣̇д̇хим̣ сад̇ипааласса згааб̣ад̣̇д̇хабхаавагаран̣зна аагодзд̇ваа. гадтаад̇и зд̇т̇а ‘‘гасий’’д̇и бад̣̇ам̣ аанзд̇ваа самб̣анд̇хид̇аб̣б̣ам̣ ‘‘гадтаа гасий’’д̇и. гаммабарияосаананд̇и яат̇аавуд̇д̇агасигаммасса барияосаанабхууд̇ам̣. яад̣̇иби буб̣б̣з ‘‘бан̃н̃аа мз яуг̇анан̇г̇ала’’нд̇иаад̣̇инаа ад̇д̇уд̣̇д̣̇зсигавасзнааяам̣ амад̇абпалаа гаси д̣̇ассид̇аа, махаагаарун̣игасса бана бхаг̇авад̇о д̣̇зсанаа саб̣б̣ассаби сад̇д̇анигааяасса саад̇хааран̣аа зваад̇и д̣̇ассзнд̇о ‘‘саа ко банзсаа’’д̇иаад̣̇имааха.

д̣̇ивасзязваад̇и д̇ам̣д̣̇ивасз зва. аад̣̇имаахаад̇и зд̇т̇а аад̣̇и-сад̣̇д̣̇зна гат̇аабарияосаанз баатабад̣̇зсо г̇ахид̇од̇и д̇ад̣̇ан̃н̃ам̣ ‘‘звам̣ вуд̇д̇з’’д̇иаад̣̇ибаатам̣ санд̇хааяа ‘‘д̇ад̇о баран̃жаа’’д̇и ааха.

гасибхаарад̣̇вааж̇асуд̇д̇аван̣н̣анаа нидтид̇аа.