| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
5. гасин̣асуд̇д̇аван̣н̣анаа
5. Kasiṇasuttavaṇṇanā
25. бан̃жамз сагаладтзнаад̇и ниссзсадтзна. анавасзсапаран̣авасзна жзд̇т̇а сагаладто взд̣̇ид̇аб̣б̣о, асубханимид̇д̇аад̣̇ийсу вияа згад̣̇зсз адтад̇ваа анавасзсад̇о г̇ахзд̇аб̣б̣адтзнаад̇и ад̇т̇о. д̇ад̣̇аарамман̣аанам̣ д̇хаммаананд̇и д̇ам̣ гасин̣ам̣ аараб̣бха бавад̇д̇анагад̇хаммаанам̣. кзд̇д̇адтзнаад̇и уббад̇д̇идтаанадтзна. ад̇хидтаанадтзнаад̇и бавад̇д̇идтаанабхаавзна. яат̇аа кзд̇д̇ам̣ сассаанам̣ уббад̇д̇идтаанам̣ вад̣дханадтаанан̃жа, звамзва д̇ам̣ д̇а жхаанам̣ самбаяуд̇д̇ад̇хаммаананд̇и. яог̇ино ваа сукависзсаанам̣ гааран̣абхаавзна. барижчинд̣̇ид̇ваад̇и ид̣̇ам̣ ‘‘уд̣̇д̇хам̣ ад̇хо д̇ирияа’’нд̇и зд̇т̇ааби яож̇зд̇аб̣б̣ам̣. барижчинд̣̇ид̇ваа зва хи саб̣б̣ад̇т̇а гасин̣ам̣ вад̣дхзд̇аб̣б̣ам̣. д̇зна д̇зна ваа гааран̣знаад̇и д̇зна д̇зна убариаад̣̇ийсу гасин̣авад̣дханагааран̣зна. яат̇аа гинд̇и ааха ‘‘аалогамива руубад̣̇ассанагаамо’’д̇и. яат̇аа д̣̇иб̣б̣ажагкунаа уд̣̇д̇хам̣ жз руубам̣ д̣̇адтугаамо, уд̣̇д̇хам̣ аалогам̣ басаарзд̇и. ад̇хо жз, ад̇хо. саманд̇ад̇о жз руубам̣ д̣̇адтугаамо, саманд̇ад̇о аалогам̣ басаарзд̇и, звам̣ саб̣б̣агасин̣анд̇и ад̇т̇о. згассаад̇и бат̇авийгасин̣аад̣̇ийсу згзгасса. ан̃н̃абхааваанубаг̇аманад̇т̇анд̇и ан̃н̃агасин̣абхааваанубаг̇аманад̣̇ийбанад̇т̇ам̣, ан̃н̃асса ваа гасин̣абхааваанубаг̇аманад̣̇ийбанад̇т̇ам̣. на хи ан̃н̃зна басаарид̇агасин̣ам̣ д̇ад̇о ан̃н̃зна басаарид̇агасин̣абхаавам̣ убаг̇ажчад̇и, звамби нзсам̣ ан̃н̃агасин̣асамбхзд̣̇аабхааво взд̣̇ид̇аб̣б̣о. на ан̃н̃ам̣ бат̇авийаад̣̇и. на хи уд̣̇агзна тид̇адтаанз сасамбхаарабат̇авий ад̇т̇и. ан̃н̃агасин̣асамбхзд̣̇од̇и аабогасин̣аад̣̇инаа сан̇гаро. саб̣б̣ад̇т̇аад̇и саб̣б̣зсу сзсагасин̣зсу.
25. Pañcame sakalaṭṭhenāti nissesaṭṭhena. Anavasesapharaṇavasena cettha sakalaṭṭho veditabbo, asubhanimittādīsu viya ekadese aṭṭhatvā anavasesato gahetabbaṭṭhenāti attho. Tadārammaṇānaṃ dhammānanti taṃ kasiṇaṃ ārabbha pavattanakadhammānaṃ. Khettaṭṭhenāti uppattiṭṭhānaṭṭhena. Adhiṭṭhānaṭṭhenāti pavattiṭṭhānabhāvena. Yathā khettaṃ sassānaṃ uppattiṭṭhānaṃ vaḍḍhanaṭṭhānañca, evameva taṃ ta jhānaṃ sampayuttadhammānanti. Yogino vā sukhavisesānaṃ kāraṇabhāvena. Paricchinditvāti idaṃ ‘‘uddhaṃ adho tiriya’’nti etthāpi yojetabbaṃ. Paricchinditvā eva hi sabbattha kasiṇaṃ vaḍḍhetabbaṃ. Tena tena vā kāraṇenāti tena tena upariādīsu kasiṇavaḍḍhanakāraṇena. Yathā kinti āha ‘‘ālokamiva rūpadassanakāmo’’ti. Yathā dibbacakkhunā uddhaṃ ce rūpaṃ daṭṭhukāmo, uddhaṃ ālokaṃ pasāreti. Adho ce, adho. Samantato ce rūpaṃ daṭṭhukāmo, samantato ālokaṃ pasāreti, evaṃ sabbakasiṇanti attho. Ekassāti pathavīkasiṇādīsu ekekassa. Aññabhāvānupagamanatthanti aññakasiṇabhāvānupagamanadīpanatthaṃ, aññassa vā kasiṇabhāvānupagamanadīpanatthaṃ. Na hi aññena pasāritakasiṇaṃ tato aññena pasāritakasiṇabhāvaṃ upagacchati, evampi nesaṃ aññakasiṇasambhedābhāvo veditabbo. Na aññaṃ pathavīādi. Na hi udakena ṭhitaṭṭhāne sasambhārapathavī atthi. Aññakasiṇasambhedoti āpokasiṇādinā saṅkaro. Sabbatthāti sabbesu sesakasiṇesu.
згад̣̇зсз адтад̇ваа анавасзсапаран̣ам̣ бамаан̣асса аг̇г̇ахан̣ад̇о аббамаан̣ам̣. д̇знзва хи нзсам̣ гасин̣асаман̃н̃аа. д̇ат̇аа жааха ‘‘д̇ан̃хий’’д̇иаад̣̇и. д̇ад̇т̇а жзд̇асаа паранд̇од̇и бхааванаажид̇д̇зна аарамман̣ам̣ гаронд̇о. бхааванаажид̇д̇ан̃хи гасин̣ам̣ барид̇д̇ам̣ ваа вибулам̣ ваа сагаламзва манаси гарод̇и, на згад̣̇зсам̣. гасин̣уг̇гхаадимаагаасз бавад̇д̇авин̃н̃аан̣ам̣ паран̣ааббамаан̣авасзна вин̃н̃аан̣агасин̣анд̇и вуд̇д̇ам̣. д̇ат̇аа хи д̇ам̣ вин̃н̃аан̣анд̇и вужжад̇и. гасин̣авасзнаад̇и уг̇гхаадид̇агасин̣авасзна гасин̣уг̇гхаадимаагаасз уд̣̇д̇хам̣ад̇ход̇ирияад̇аа взд̣̇ид̇аб̣б̣аа. яад̇д̇аган̃хи таанам̣ гасин̣ам̣ басаарид̇ам̣, д̇ад̇д̇агам̣ аагаасабхааванаавасзна аагаасам̣ ход̇ийд̇и. звам̣ яад̇д̇агам̣ таанам̣ аагаасам̣ худ̇ваа убадтид̇ам̣, д̇ад̇д̇агам̣ сагаламзва парид̇ваа вин̃н̃аан̣асса бавад̇д̇анад̇о ааг̇аманавасзна вин̃н̃аан̣агасин̣зби уд̣̇д̇хам̣ад̇ход̇ирияад̇аа вуд̇д̇аад̇и ааха ‘‘гасин̣уг̇гхаадимаагаасавасзна д̇ад̇т̇а бавад̇д̇авин̃н̃аан̣з уд̣̇д̇хам̣ад̇ход̇ирияад̇аа взд̣̇ид̇аб̣б̣аа’’д̇и.
Ekadese aṭṭhatvā anavasesapharaṇaṃ pamāṇassa aggahaṇato appamāṇaṃ. Teneva hi nesaṃ kasiṇasamaññā. Tathā cāha ‘‘tañhī’’tiādi. Tattha cetasā pharantoti bhāvanācittena ārammaṇaṃ karonto. Bhāvanācittañhi kasiṇaṃ parittaṃ vā vipulaṃ vā sakalameva manasi karoti, na ekadesaṃ. Kasiṇugghāṭimākāse pavattaviññāṇaṃ pharaṇaappamāṇavasena viññāṇakasiṇanti vuttaṃ. Tathā hi taṃ viññāṇanti vuccati. Kasiṇavasenāti ugghāṭitakasiṇavasena kasiṇugghāṭimākāse uddhaṃadhotiriyatā veditabbā. Yattakañhi ṭhānaṃ kasiṇaṃ pasāritaṃ, tattakaṃ ākāsabhāvanāvasena ākāsaṃ hotīti. Evaṃ yattakaṃ ṭhānaṃ ākāsaṃ hutvā upaṭṭhitaṃ, tattakaṃ sakalameva pharitvā viññāṇassa pavattanato āgamanavasena viññāṇakasiṇepi uddhaṃadhotiriyatā vuttāti āha ‘‘kasiṇugghāṭimākāsavasena tattha pavattaviññāṇe uddhaṃadhotiriyatā veditabbā’’ti.
гасин̣асуд̇д̇аван̣н̣анаа нидтид̇аа.
Kasiṇasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 5. гасин̣асуд̇д̇ам̣ • 5. Kasiṇasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 5. гасин̣асуд̇д̇аван̣н̣анаа • 5. Kasiṇasuttavaṇṇanā
