| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
9. гассагасуд̇д̇аван̣н̣анаа
9. Kassakasuttavaṇṇanā
155. навамз ниб̣б̣аанабадисам̣яуд̇д̇ааяаад̇и ниб̣б̣аанам̣ абад̣̇исид̇ваа бавад̇д̇ааяа. хадахадагзсод̇и буримагзсз бажчад̇о, бажчимагзсз бурад̇о ваамабассагзсз д̣̇агкин̣ад̇о, д̣̇агкин̣абассагзсз ваамад̇о парид̇ваа парид̇ваа виббагин̣н̣агзсо. мама жагкусампассавин̃н̃аан̣ааяад̇ананд̇и жагкувин̃н̃аан̣зна самбаяуд̇д̇о жагкусампассоби вин̃н̃аан̣ааяад̇анамби мамзваад̇и. зд̇т̇а жа жагкусампассзна вин̃н̃аан̣асамбаяуд̇д̇агаа д̇хаммаа г̇ахид̇аа, вин̃н̃аан̣ааяад̇анзна саб̣б̣ааниби жагкуд̣̇ваарз уббаннаани ааваж̇ж̇анаад̣̇ивин̃н̃аан̣аани. сод̇ад̣̇ваараад̣̇ийсуби зсзва наяо. манод̣̇ваарз бана манод̇и сааваж̇ж̇анагам̣ бхаван̇г̇ажид̇д̇ам̣. д̇хаммаад̇и аарамман̣ад̇хаммаа. маносампассод̇и сааваж̇ж̇анзна бхаван̇г̇зна самбаяуд̇д̇апассо. вин̃н̃аан̣ааяад̇ананд̇и ж̇аванажид̇д̇ам̣ д̇ад̣̇аарамман̣амби ваддад̇и.
155. Navame nibbānapaṭisaṃyuttāyāti nibbānaṃ apadisitvā pavattāya. Haṭahaṭakesoti purimakese pacchato, pacchimakese purato vāmapassakese dakkhiṇato, dakkhiṇapassakese vāmato pharitvā pharitvā vippakiṇṇakeso. Mama cakkhusamphassaviññāṇāyatananti cakkhuviññāṇena sampayutto cakkhusamphassopi viññāṇāyatanampi mamevāti. Ettha ca cakkhusamphassena viññāṇasampayuttakā dhammā gahitā, viññāṇāyatanena sabbānipi cakkhudvāre uppannāni āvajjanādiviññāṇāni. Sotadvārādīsupi eseva nayo. Manodvāre pana manoti sāvajjanakaṃ bhavaṅgacittaṃ. Dhammāti ārammaṇadhammā. Manosamphassoti sāvajjanena bhavaṅgena sampayuttaphasso. Viññāṇāyatananti javanacittaṃ tadārammaṇampi vaṭṭati.
д̇авзва баабима, жагкууд̇и яам̣ логз д̇имирагаажаад̣̇ийхи убад̣̇д̣̇уд̇ам̣ анзгарог̇ааяад̇анам̣ убаггавибаггам̣ анд̇амасо гаан̣ажагкуби, саб̣б̣ам̣ д̇ам̣ д̇авзва бхавад̇у. руубаад̣̇ийсуби зсзва наяо.
Taveva pāpima, cakkhūti yaṃ loke timirakācādīhi upaddutaṃ anekarogāyatanaṃ upakkavipakkaṃ antamaso kāṇacakkhupi, sabbaṃ taṃ taveva bhavatu. Rūpādīsupi eseva nayo.
яам̣ вад̣̇анд̇ийд̇и яам̣ бхан̣д̣агам̣ ‘‘мама ид̣̇а’’нд̇и вад̣̇анд̇и. яз вад̣̇анд̇и маманд̇и жаад̇и яз жа буг̇г̇алаа ‘‘мама’’нд̇и вад̣̇анд̇и. зд̇т̇а жз д̇з мано ад̇т̇ийд̇и зд̇зсу жа таанзсу яад̣̇и жид̇д̇ам̣ ад̇т̇и. на мз саман̣а могкасийд̇и саман̣а маяхам̣ висаяад̇о на мужжиссаси. яам̣ вад̣̇анд̇ийд̇и яам̣ бхан̣д̣агам̣ вад̣̇анд̇и, на д̇ам̣ маяхам̣. яз вад̣̇анд̇ийд̇и язби буг̇г̇алаа звам̣ вад̣̇анд̇и, на д̇з ахам̣. на мз маг̇г̇амби д̣̇агкасийд̇и бхаваяониг̇ад̇иаад̣̇ийсу маяхам̣ г̇ад̇амаг̇г̇амби на бассаси. навамам̣.
Yaṃ vadantīti yaṃ bhaṇḍakaṃ ‘‘mama ida’’nti vadanti. Ye vadanti mamanti cāti ye ca puggalā ‘‘mama’’nti vadanti. Ettha ce te mano atthīti etesu ca ṭhānesu yadi cittaṃ atthi. Na me samaṇa mokkhasīti samaṇa mayhaṃ visayato na muccissasi. Yaṃ vadantīti yaṃ bhaṇḍakaṃ vadanti, na taṃ mayhaṃ. Ye vadantīti yepi puggalā evaṃ vadanti, na te ahaṃ. Na me maggampi dakkhasīti bhavayonigatiādīsu mayhaṃ gatamaggampi na passasi. Navamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 9. гассагасуд̇д̇ам̣ • 9. Kassakasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 9. гассагасуд̇д̇аван̣н̣анаа • 9. Kassakasuttavaṇṇanā
