| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
9. гассагасуд̇д̇аван̣н̣анаа
9. Kassakasuttavaṇṇanā
155. ниб̣б̣аанам̣ абад̣̇исид̇ваад̇и ниб̣б̣аанам̣ ниссааяа ниб̣б̣аанаг̇ун̣з аараб̣бхаад̇и ад̇т̇о. хадахадагзсод̇и ид̇о жид̇о жа вигин̣н̣ад̇д̇аа аагулаагулагзсо. жагкусампассавин̃н̃аан̣ааяад̇ананд̇и зд̇т̇а яат̇аа жагкуг̇г̇ахан̣зна пассо висзсид̇о, д̇зна зва вин̃н̃аан̣ааяад̇анам̣. д̇ат̇аа сад̇и жагкувин̃н̃аан̣асса жа г̇ахан̣ам̣ аабаж̇ж̇зяяаад̇и. нану жзд̇т̇а жагкуг̇г̇ахан̣зна висзсид̇ад̇д̇аа жагкуд̣̇вааригаанам̣ саб̣б̣зсам̣ вин̃н̃аан̣аанам̣ г̇ахан̣анд̇и? сажжамзд̇ам̣, д̇ан̃жа ко батамзна жагкуг̇г̇ахан̣знаад̇и нааяам̣ д̣̇осо. бхаван̇г̇ажид̇д̇анд̇и ааваж̇ж̇анааяа ананд̇арабажжаяабхууд̇амзва ад̇хиббзд̇анд̇и нияамзд̇ваа д̣̇ассзд̇ум̣ ‘‘сааваж̇ж̇анага’’нд̇и вуд̇д̇ам̣, д̇асмаа д̇ад̣̇аарамман̣амбийд̇и ж̇аванажид̇д̇зна саха д̇ад̣̇аарамман̣ажид̇д̇амби. ‘‘вин̃н̃аан̣ааяад̇ана’’нд̇и жа вуд̇д̇з ниммаламзва.
155.Nibbānaṃ apadisitvāti nibbānaṃ nissāya nibbānaguṇe ārabbhāti attho. Haṭahaṭakesoti ito cito ca vikiṇṇattā ākulākulakeso. Cakkhusamphassaviññāṇāyatananti ettha yathā cakkhuggahaṇena phasso visesito, tena eva viññāṇāyatanaṃ. Tathā sati cakkhuviññāṇassa ca gahaṇaṃ āpajjeyyāti. Nanu cettha cakkhuggahaṇena visesitattā cakkhudvārikānaṃ sabbesaṃ viññāṇānaṃ gahaṇanti? Saccametaṃ, tañca kho paṭhamena cakkhuggahaṇenāti nāyaṃ doso. Bhavaṅgacittanti āvajjanāya anantarapaccayabhūtameva adhippetanti niyametvā dassetuṃ ‘‘sāvajjanaka’’nti vuttaṃ, tasmā tadārammaṇampīti javanacittena saha tadārammaṇacittampi. ‘‘Viññāṇāyatana’’nti ca vutte nimmalameva.
‘‘жагкуу’’д̇и ависзсад̇о вуд̇д̇ад̇д̇аа бана маарасса аяамби ад̇т̇о аабаннод̇и д̣̇ассзд̇ум̣ ‘‘яам̣ логз’’д̇иаад̣̇и вуд̇д̇ам̣. убаггавибагганд̇и жагкубаагарог̇зна убари хздтаа жа саб̣б̣асо баггам̣ гут̇ид̇ам̣. зсзва наяод̇и иминаа яам̣ логз гудтагилаасаг̇ан̣д̣агажчуаад̣̇ийхи убад̣̇д̣̇уд̇ам̣ ван̣абийл̣агаад̣̇ивасзна баг̇гхаранд̇ам̣ асужим̣ анд̇амасо барамаж̇зг̇ужчаруубамби, саб̣б̣ам̣ д̇ам̣ д̇авзва ход̇ууд̇и звамаад̣̇им̣ абад̣̇исад̇и.
‘‘Cakkhū’’ti avisesato vuttattā pana mārassa ayampi attho āpannoti dassetuṃ ‘‘yaṃ loke’’tiādi vuttaṃ. Upakkavipakkanti cakkhupākarogena upari heṭṭhā ca sabbaso pakkaṃ kuthitaṃ. Eseva nayoti iminā yaṃ loke kuṭṭhakilāsagaṇḍakacchuādīhi upaddutaṃ vaṇapīḷakādivasena paggharantaṃ asuciṃ antamaso paramajeguccharūpampi, sabbaṃ taṃ taveva hotūti evamādiṃ apadisati.
яам̣ бхан̣д̣аганд̇и хиран̃н̃асуван̣н̣аад̣̇икзд̇д̇авад̇т̇аад̣̇иубагаран̣ам̣ г̇ахадтаа, баб̣б̣аж̇ид̇аа жа яам̣ бад̇д̇ажийвараад̣̇им̣ ‘‘мама ид̣̇а’’нд̇и абхинивисанд̇аава вад̣̇анд̇и, зд̇зсу бариг̇г̇ахад̇т̇зсу жа д̇зсам̣ бариг̇г̇аахагабуг̇г̇алзсу жа д̇з жид̇д̇ам̣ яад̣̇и ад̇т̇и, д̇аани аараб̣бха д̇ава жид̇д̇ам̣ яад̣̇и бхавад̇и, звам̣ д̇вам̣ д̇ад̇т̇а б̣ад̣̇д̇хо зва хосийд̇и ад̇т̇о. д̇знааха ‘‘на мз саман̣а могкасий’’д̇и.
Yaṃ bhaṇḍakanti hiraññasuvaṇṇādikhettavatthādiupakaraṇaṃ gahaṭṭhā, pabbajitā ca yaṃ pattacīvarādiṃ ‘‘mama ida’’nti abhinivisantāva vadanti, etesu pariggahatthesu ca tesaṃ pariggāhakapuggalesu ca te cittaṃ yadi atthi, tāni ārabbha tava cittaṃ yadi bhavati, evaṃ tvaṃ tattha baddho eva hosīti attho. Tenāha ‘‘na me samaṇa mokkhasī’’ti.
яам̣ бхан̣д̣агам̣ вад̣̇анд̇ийд̇и яат̇аавуд̇д̇ам̣ убагаран̣ам̣ логз б̣ахуж̇анаа ‘‘мама ид̣̇а’’нд̇и вад̣̇анд̇и. на д̇ам̣ маяханд̇и д̇ам̣ маяхам̣ на ход̇и, на д̇ад̇т̇а мама д̇ан̣хаавасзна маманд̇и над̇т̇и. на д̇з аханд̇и яз буг̇г̇алаа зд̇т̇а б̣ад̣̇д̇хаа, д̇зби ахам̣ на хоми, д̇ад̇т̇а мз д̣̇идтиб̣ад̣̇д̇хо над̇т̇и. на мз маг̇г̇амби д̣̇агкасийд̇и звам̣ саб̣б̣асо б̣ад̣̇д̇хаабхаавзна муд̇д̇асса мз г̇ад̇амаг̇г̇амби маара д̇вам̣ на д̣̇агкаси на бассиссаси, яз бхаваад̣̇аяо д̇уяхам̣ висаяаа, д̇зсу бхаваяониг̇ад̇иаад̣̇ийсу маяхам̣ г̇ад̇амаг̇г̇ам̣ на бассиссаси бхаваниссадтад̇д̇аад̇и.
Yaṃ bhaṇḍakaṃ vadantīti yathāvuttaṃ upakaraṇaṃ loke bahujanā ‘‘mama ida’’nti vadanti. Na taṃ mayhanti taṃ mayhaṃ na hoti, na tattha mama taṇhāvasena mamanti natthi. Na te ahanti ye puggalā ettha baddhā, tepi ahaṃ na homi, tattha me diṭṭhibaddho natthi. Na me maggampi dakkhasīti evaṃ sabbaso baddhābhāvena muttassa me gatamaggampi māra tvaṃ na dakkhasi na passissasi, ye bhavādayo tuyhaṃ visayā, tesu bhavayonigatiādīsu mayhaṃ gatamaggaṃ na passissasi bhavanissaṭṭhattāti.
гассагасуд̇д̇аван̣н̣анаа нидтид̇аа.
Kassakasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 9. гассагасуд̇д̇ам̣ • 9. Kassakasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 9. гассагасуд̇д̇аван̣н̣анаа • 9. Kassakasuttavaṇṇanā
