| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੯. ਕਸ੍ਸਕਸੁਤ੍ਤવਣ੍ਣਨਾ
9. Kassakasuttavaṇṇanā
੧੫੫. ਨવਮੇ ਨਿਬ੍ਬਾਨਪਟਿਸਂਯੁਤ੍ਤਾਯਾਤਿ ਨਿਬ੍ਬਾਨਂ ਅਪਦਿਸਿਤ੍વਾ ਪવਤ੍ਤਾਯ। ਹਟਹਟਕੇਸੋਤਿ ਪੁਰਿਮਕੇਸੇ ਪਚ੍ਛਤੋ, ਪਚ੍ਛਿਮਕੇਸੇ ਪੁਰਤੋ વਾਮਪਸ੍ਸਕੇਸੇ ਦਕ੍ਖਿਣਤੋ, ਦਕ੍ਖਿਣਪਸ੍ਸਕੇਸੇ વਾਮਤੋ ਫਰਿਤ੍વਾ ਫਰਿਤ੍વਾ વਿਪ੍ਪਕਿਣ੍ਣਕੇਸੋ। ਮਮ ਚਕ੍ਖੁਸਮ੍ਫਸ੍ਸવਿਞ੍ਞਾਣਾਯਤਨਨ੍ਤਿ ਚਕ੍ਖੁવਿਞ੍ਞਾਣੇਨ ਸਮ੍ਪਯੁਤ੍ਤੋ ਚਕ੍ਖੁਸਮ੍ਫਸ੍ਸੋਪਿ વਿਞ੍ਞਾਣਾਯਤਨਮ੍ਪਿ ਮਮੇવਾਤਿ। ਏਤ੍ਥ ਚ ਚਕ੍ਖੁਸਮ੍ਫਸ੍ਸੇਨ વਿਞ੍ਞਾਣਸਮ੍ਪਯੁਤ੍ਤਕਾ ਧਮ੍ਮਾ ਗਹਿਤਾ, વਿਞ੍ਞਾਣਾਯਤਨੇਨ ਸਬ੍ਬਾਨਿਪਿ ਚਕ੍ਖੁਦ੍વਾਰੇ ਉਪ੍ਪਨ੍ਨਾਨਿ ਆવਜ੍ਜਨਾਦਿવਿਞ੍ਞਾਣਾਨਿ। ਸੋਤਦ੍વਾਰਾਦੀਸੁਪਿ ਏਸੇવ ਨਯੋ। ਮਨੋਦ੍વਾਰੇ ਪਨ ਮਨੋਤਿ ਸਾવਜ੍ਜਨਕਂ ਭવਙ੍ਗਚਿਤ੍ਤਂ। ਧਮ੍ਮਾਤਿ ਆਰਮ੍ਮਣਧਮ੍ਮਾ। ਮਨੋਸਮ੍ਫਸ੍ਸੋਤਿ ਸਾવਜ੍ਜਨੇਨ ਭવਙ੍ਗੇਨ ਸਮ੍ਪਯੁਤ੍ਤਫਸ੍ਸੋ। વਿਞ੍ਞਾਣਾਯਤਨਨ੍ਤਿ ਜવਨਚਿਤ੍ਤਂ ਤਦਾਰਮ੍ਮਣਮ੍ਪਿ વਟ੍ਟਤਿ।
155. Navame nibbānapaṭisaṃyuttāyāti nibbānaṃ apadisitvā pavattāya. Haṭahaṭakesoti purimakese pacchato, pacchimakese purato vāmapassakese dakkhiṇato, dakkhiṇapassakese vāmato pharitvā pharitvā vippakiṇṇakeso. Mama cakkhusamphassaviññāṇāyatananti cakkhuviññāṇena sampayutto cakkhusamphassopi viññāṇāyatanampi mamevāti. Ettha ca cakkhusamphassena viññāṇasampayuttakā dhammā gahitā, viññāṇāyatanena sabbānipi cakkhudvāre uppannāni āvajjanādiviññāṇāni. Sotadvārādīsupi eseva nayo. Manodvāre pana manoti sāvajjanakaṃ bhavaṅgacittaṃ. Dhammāti ārammaṇadhammā. Manosamphassoti sāvajjanena bhavaṅgena sampayuttaphasso. Viññāṇāyatananti javanacittaṃ tadārammaṇampi vaṭṭati.
ਤવੇવ ਪਾਪਿਮ, ਚਕ੍ਖੂਤਿ ਯਂ ਲੋਕੇ ਤਿਮਿਰਕਾਚਾਦੀਹਿ ਉਪਦ੍ਦੁਤਂ ਅਨੇਕਰੋਗਾਯਤਨਂ ਉਪਕ੍ਕવਿਪਕ੍ਕਂ ਅਨ੍ਤਮਸੋ ਕਾਣਚਕ੍ਖੁਪਿ, ਸਬ੍ਬਂ ਤਂ ਤવੇવ ਭવਤੁ। ਰੂਪਾਦੀਸੁਪਿ ਏਸੇવ ਨਯੋ।
Taveva pāpima, cakkhūti yaṃ loke timirakācādīhi upaddutaṃ anekarogāyatanaṃ upakkavipakkaṃ antamaso kāṇacakkhupi, sabbaṃ taṃ taveva bhavatu. Rūpādīsupi eseva nayo.
ਯਂ વਦਨ੍ਤੀਤਿ ਯਂ ਭਣ੍ਡਕਂ ‘‘ਮਮ ਇਦ’’ਨ੍ਤਿ વਦਨ੍ਤਿ। ਯੇ વਦਨ੍ਤਿ ਮਮਨ੍ਤਿ ਚਾਤਿ ਯੇ ਚ ਪੁਗ੍ਗਲਾ ‘‘ਮਮ’’ਨ੍ਤਿ વਦਨ੍ਤਿ। ਏਤ੍ਥ ਚੇ ਤੇ ਮਨੋ ਅਤ੍ਥੀਤਿ ਏਤੇਸੁ ਚ ਠਾਨੇਸੁ ਯਦਿ ਚਿਤ੍ਤਂ ਅਤ੍ਥਿ। ਨ ਮੇ ਸਮਣ ਮੋਕ੍ਖਸੀਤਿ ਸਮਣ ਮਯ੍ਹਂ વਿਸਯਤੋ ਨ ਮੁਚ੍ਚਿਸ੍ਸਸਿ। ਯਂ વਦਨ੍ਤੀਤਿ ਯਂ ਭਣ੍ਡਕਂ વਦਨ੍ਤਿ, ਨ ਤਂ ਮਯ੍ਹਂ। ਯੇ વਦਨ੍ਤੀਤਿ ਯੇਪਿ ਪੁਗ੍ਗਲਾ ਏવਂ વਦਨ੍ਤਿ, ਨ ਤੇ ਅਹਂ। ਨ ਮੇ ਮਗ੍ਗਮ੍ਪਿ ਦਕ੍ਖਸੀਤਿ ਭવਯੋਨਿਗਤਿਆਦੀਸੁ ਮਯ੍ਹਂ ਗਤਮਗ੍ਗਮ੍ਪਿ ਨ ਪਸ੍ਸਸਿ। ਨવਮਂ।
Yaṃ vadantīti yaṃ bhaṇḍakaṃ ‘‘mama ida’’nti vadanti. Ye vadanti mamanti cāti ye ca puggalā ‘‘mama’’nti vadanti. Ettha ce te mano atthīti etesu ca ṭhānesu yadi cittaṃ atthi. Na me samaṇa mokkhasīti samaṇa mayhaṃ visayato na muccissasi. Yaṃ vadantīti yaṃ bhaṇḍakaṃ vadanti, na taṃ mayhaṃ. Ye vadantīti yepi puggalā evaṃ vadanti, na te ahaṃ. Na me maggampi dakkhasīti bhavayonigatiādīsu mayhaṃ gatamaggampi na passasi. Navamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੯. ਕਸ੍ਸਕਸੁਤ੍ਤਂ • 9. Kassakasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੯. ਕਸ੍ਸਕਸੁਤ੍ਤવਣ੍ਣਨਾ • 9. Kassakasuttavaṇṇanā
