| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੯. ਕਸ੍ਸਕਸੁਤ੍ਤવਣ੍ਣਨਾ
9. Kassakasuttavaṇṇanā
੧੫੫. ਨਿਬ੍ਬਾਨਂ ਅਪਦਿਸਿਤ੍વਾਤਿ ਨਿਬ੍ਬਾਨਂ ਨਿਸ੍ਸਾਯ ਨਿਬ੍ਬਾਨਗੁਣੇ ਆਰਬ੍ਭਾਤਿ ਅਤ੍ਥੋ। ਹਟਹਟਕੇਸੋਤਿ ਇਤੋ ਚਿਤੋ ਚ વਿਕਿਣ੍ਣਤ੍ਤਾ ਆਕੁਲਾਕੁਲਕੇਸੋ। ਚਕ੍ਖੁਸਮ੍ਫਸ੍ਸવਿਞ੍ਞਾਣਾਯਤਨਨ੍ਤਿ ਏਤ੍ਥ ਯਥਾ ਚਕ੍ਖੁਗ੍ਗਹਣੇਨ ਫਸ੍ਸੋ વਿਸੇਸਿਤੋ, ਤੇਨ ਏવ વਿਞ੍ਞਾਣਾਯਤਨਂ। ਤਥਾ ਸਤਿ ਚਕ੍ਖੁવਿਞ੍ਞਾਣਸ੍ਸ ਚ ਗਹਣਂ ਆਪਜ੍ਜੇਯ੍ਯਾਤਿ। ਨਨੁ ਚੇਤ੍ਥ ਚਕ੍ਖੁਗ੍ਗਹਣੇਨ વਿਸੇਸਿਤਤ੍ਤਾ ਚਕ੍ਖੁਦ੍વਾਰਿਕਾਨਂ ਸਬ੍ਬੇਸਂ વਿਞ੍ਞਾਣਾਨਂ ਗਹਣਨ੍ਤਿ? ਸਚ੍ਚਮੇਤਂ, ਤਞ੍ਚ ਖੋ ਪਠਮੇਨ ਚਕ੍ਖੁਗ੍ਗਹਣੇਨਾਤਿ ਨਾਯਂ ਦੋਸੋ। ਭવਙ੍ਗਚਿਤ੍ਤਨ੍ਤਿ ਆવਜ੍ਜਨਾਯ ਅਨਨ੍ਤਰਪਚ੍ਚਯਭੂਤਮੇવ ਅਧਿਪ੍ਪੇਤਨ੍ਤਿ ਨਿਯਮੇਤ੍વਾ ਦਸ੍ਸੇਤੁਂ ‘‘ਸਾવਜ੍ਜਨਕ’’ਨ੍ਤਿ વੁਤ੍ਤਂ, ਤਸ੍ਮਾ ਤਦਾਰਮ੍ਮਣਮ੍ਪੀਤਿ ਜવਨਚਿਤ੍ਤੇਨ ਸਹ ਤਦਾਰਮ੍ਮਣਚਿਤ੍ਤਮ੍ਪਿ। ‘‘વਿਞ੍ਞਾਣਾਯਤਨ’’ਨ੍ਤਿ ਚ વੁਤ੍ਤੇ ਨਿਮ੍ਮਲਮੇવ।
155.Nibbānaṃ apadisitvāti nibbānaṃ nissāya nibbānaguṇe ārabbhāti attho. Haṭahaṭakesoti ito cito ca vikiṇṇattā ākulākulakeso. Cakkhusamphassaviññāṇāyatananti ettha yathā cakkhuggahaṇena phasso visesito, tena eva viññāṇāyatanaṃ. Tathā sati cakkhuviññāṇassa ca gahaṇaṃ āpajjeyyāti. Nanu cettha cakkhuggahaṇena visesitattā cakkhudvārikānaṃ sabbesaṃ viññāṇānaṃ gahaṇanti? Saccametaṃ, tañca kho paṭhamena cakkhuggahaṇenāti nāyaṃ doso. Bhavaṅgacittanti āvajjanāya anantarapaccayabhūtameva adhippetanti niyametvā dassetuṃ ‘‘sāvajjanaka’’nti vuttaṃ, tasmā tadārammaṇampīti javanacittena saha tadārammaṇacittampi. ‘‘Viññāṇāyatana’’nti ca vutte nimmalameva.
‘‘ਚਕ੍ਖੂ’’ਤਿ ਅવਿਸੇਸਤੋ વੁਤ੍ਤਤ੍ਤਾ ਪਨ ਮਾਰਸ੍ਸ ਅਯਮ੍ਪਿ ਅਤ੍ਥੋ ਆਪਨ੍ਨੋਤਿ ਦਸ੍ਸੇਤੁਂ ‘‘ਯਂ ਲੋਕੇ’’ਤਿਆਦਿ વੁਤ੍ਤਂ। ਉਪਕ੍ਕવਿਪਕ੍ਕਨ੍ਤਿ ਚਕ੍ਖੁਪਾਕਰੋਗੇਨ ਉਪਰਿ ਹੇਟ੍ਠਾ ਚ ਸਬ੍ਬਸੋ ਪਕ੍ਕਂ ਕੁਥਿਤਂ। ਏਸੇવ ਨਯੋਤਿ ਇਮਿਨਾ ਯਂ ਲੋਕੇ ਕੁਟ੍ਠਕਿਲਾਸਗਣ੍ਡਕਚ੍ਛੁਆਦੀਹਿ ਉਪਦ੍ਦੁਤਂ વਣਪੀਲ਼ਕਾਦਿવਸੇਨ ਪਗ੍ਘਰਨ੍ਤਂ ਅਸੁਚਿਂ ਅਨ੍ਤਮਸੋ ਪਰਮਜੇਗੁਚ੍ਛਰੂਪਮ੍ਪਿ, ਸਬ੍ਬਂ ਤਂ ਤવੇવ ਹੋਤੂਤਿ ਏવਮਾਦਿਂ ਅਪਦਿਸਤਿ।
‘‘Cakkhū’’ti avisesato vuttattā pana mārassa ayampi attho āpannoti dassetuṃ ‘‘yaṃ loke’’tiādi vuttaṃ. Upakkavipakkanti cakkhupākarogena upari heṭṭhā ca sabbaso pakkaṃ kuthitaṃ. Eseva nayoti iminā yaṃ loke kuṭṭhakilāsagaṇḍakacchuādīhi upaddutaṃ vaṇapīḷakādivasena paggharantaṃ asuciṃ antamaso paramajeguccharūpampi, sabbaṃ taṃ taveva hotūti evamādiṃ apadisati.
ਯਂ ਭਣ੍ਡਕਨ੍ਤਿ ਹਿਰਞ੍ਞਸੁવਣ੍ਣਾਦਿਖੇਤ੍ਤવਤ੍ਥਾਦਿਉਪਕਰਣਂ ਗਹਟ੍ਠਾ, ਪਬ੍ਬਜਿਤਾ ਚ ਯਂ ਪਤ੍ਤਚੀવਰਾਦਿਂ ‘‘ਮਮ ਇਦ’’ਨ੍ਤਿ ਅਭਿਨਿવਿਸਨ੍ਤਾવ વਦਨ੍ਤਿ, ਏਤੇਸੁ ਪਰਿਗ੍ਗਹਤ੍ਥੇਸੁ ਚ ਤੇਸਂ ਪਰਿਗ੍ਗਾਹਕਪੁਗ੍ਗਲੇਸੁ ਚ ਤੇ ਚਿਤ੍ਤਂ ਯਦਿ ਅਤ੍ਥਿ, ਤਾਨਿ ਆਰਬ੍ਭ ਤવ ਚਿਤ੍ਤਂ ਯਦਿ ਭવਤਿ, ਏવਂ ਤ੍વਂ ਤਤ੍ਥ ਬਦ੍ਧੋ ਏવ ਹੋਸੀਤਿ ਅਤ੍ਥੋ। ਤੇਨਾਹ ‘‘ਨ ਮੇ ਸਮਣ ਮੋਕ੍ਖਸੀ’’ਤਿ।
Yaṃ bhaṇḍakanti hiraññasuvaṇṇādikhettavatthādiupakaraṇaṃ gahaṭṭhā, pabbajitā ca yaṃ pattacīvarādiṃ ‘‘mama ida’’nti abhinivisantāva vadanti, etesu pariggahatthesu ca tesaṃ pariggāhakapuggalesu ca te cittaṃ yadi atthi, tāni ārabbha tava cittaṃ yadi bhavati, evaṃ tvaṃ tattha baddho eva hosīti attho. Tenāha ‘‘na me samaṇa mokkhasī’’ti.
ਯਂ ਭਣ੍ਡਕਂ વਦਨ੍ਤੀਤਿ ਯਥਾવੁਤ੍ਤਂ ਉਪਕਰਣਂ ਲੋਕੇ ਬਹੁਜਨਾ ‘‘ਮਮ ਇਦ’’ਨ੍ਤਿ વਦਨ੍ਤਿ। ਨ ਤਂ ਮਯ੍ਹਨ੍ਤਿ ਤਂ ਮਯ੍ਹਂ ਨ ਹੋਤਿ, ਨ ਤਤ੍ਥ ਮਮ ਤਣ੍ਹਾવਸੇਨ ਮਮਨ੍ਤਿ ਨਤ੍ਥਿ। ਨ ਤੇ ਅਹਨ੍ਤਿ ਯੇ ਪੁਗ੍ਗਲਾ ਏਤ੍ਥ ਬਦ੍ਧਾ, ਤੇਪਿ ਅਹਂ ਨ ਹੋਮਿ, ਤਤ੍ਥ ਮੇ ਦਿਟ੍ਠਿਬਦ੍ਧੋ ਨਤ੍ਥਿ। ਨ ਮੇ ਮਗ੍ਗਮ੍ਪਿ ਦਕ੍ਖਸੀਤਿ ਏવਂ ਸਬ੍ਬਸੋ ਬਦ੍ਧਾਭਾવੇਨ ਮੁਤ੍ਤਸ੍ਸ ਮੇ ਗਤਮਗ੍ਗਮ੍ਪਿ ਮਾਰ ਤ੍વਂ ਨ ਦਕ੍ਖਸਿ ਨ ਪਸ੍ਸਿਸ੍ਸਸਿ, ਯੇ ਭવਾਦਯੋ ਤੁਯ੍ਹਂ વਿਸਯਾ, ਤੇਸੁ ਭવਯੋਨਿਗਤਿਆਦੀਸੁ ਮਯ੍ਹਂ ਗਤਮਗ੍ਗਂ ਨ ਪਸ੍ਸਿਸ੍ਸਸਿ ਭવਨਿਸ੍ਸਟ੍ਠਤ੍ਤਾਤਿ।
Yaṃ bhaṇḍakaṃ vadantīti yathāvuttaṃ upakaraṇaṃ loke bahujanā ‘‘mama ida’’nti vadanti. Na taṃ mayhanti taṃ mayhaṃ na hoti, na tattha mama taṇhāvasena mamanti natthi. Na te ahanti ye puggalā ettha baddhā, tepi ahaṃ na homi, tattha me diṭṭhibaddho natthi. Na me maggampi dakkhasīti evaṃ sabbaso baddhābhāvena muttassa me gatamaggampi māra tvaṃ na dakkhasi na passissasi, ye bhavādayo tuyhaṃ visayā, tesu bhavayonigatiādīsu mayhaṃ gatamaggaṃ na passissasi bhavanissaṭṭhattāti.
ਕਸ੍ਸਕਸੁਤ੍ਤવਣ੍ਣਨਾ ਨਿਟ੍ਠਿਤਾ।
Kassakasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੯. ਕਸ੍ਸਕਸੁਤ੍ਤਂ • 9. Kassakasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੯. ਕਸ੍ਸਕਸੁਤ੍ਤવਣ੍ਣਨਾ • 9. Kassakasuttavaṇṇanā
