| Library / Tipiṭaka / д̇ибидага • Tipiṭaka / б̣уд̣̇д̇хавам̣са-адтагат̇аа • Buddhavaṃsa-aṭṭhakathā |
26. гассабаб̣уд̣̇д̇хавам̣саван̣н̣анаа
26. Kassapabuddhavaṃsavaṇṇanā
гон̣ааг̇аманасса бана бхаг̇авад̇о абарабхааг̇з д̇асса саасанз жа анд̇арахид̇з д̇им̣савассасахассааяугаа сад̇д̇аа анубуб̣б̣зна барихааяид̇ваа д̣̇асавассааяугаа худ̇ваа буна вад̣дхид̇ваа абаримид̇ааяугаа худ̇ваа буна анубуб̣б̣зна барихааяид̇ваа вийсад̇ивассасахассааяугзсу сад̇д̇зсу ж̇аад̇зсу анзгамануссабо гассабо наама сад̇т̇аа логз уд̣̇абаад̣̇и (су. ни. адта. аамагаг̇анд̇хасуд̇д̇аван̣н̣анаа). со баарамияо буурзд̇ваа д̇усид̇абурз ниб̣б̣ад̇д̇ид̇ваа д̇ад̇о жавид̇ваа б̣аараан̣асийнаг̇арз б̣рахмад̣̇ад̇д̇асса наама б̣раахман̣асса вибулаг̇ун̣авад̇ияаа д̇ханавад̇ияаа наама б̣раахман̣ияаа гужчисмим̣ бадисанд̇хим̣ г̇ахзд̇ваа д̣̇асаннам̣ маасаанам̣ ажжаязна исибад̇анз миг̇ад̣̇ааяз маад̇угужчид̇о нигками. г̇од̇д̇авасзна банасса ‘‘гассабагумааро’’д̇и наамамагам̣су. со д̣̇вз вассасахассаани аг̇аарам̣ аж̇жхааваси. хам̣саваа яасаваа сиринанд̣̇од̇и д̇асса д̇аяо баасаад̣̇аа ахзсум̣. сунанд̣̇аа наама б̣раахман̣иббамукаани адтажад̇д̇аалийса ид̇т̇исахассаани бажжубадтид̇аани ахзсум̣.
Koṇāgamanassa pana bhagavato aparabhāge tassa sāsane ca antarahite tiṃsavassasahassāyukā sattā anupubbena parihāyitvā dasavassāyukā hutvā puna vaḍḍhitvā aparimitāyukā hutvā puna anupubbena parihāyitvā vīsativassasahassāyukesu sattesu jātesu anekamanussapo kassapo nāma satthā loke udapādi (su. ni. aṭṭha. āmakagandhasuttavaṇṇanā). So pāramiyo pūretvā tusitapure nibbattitvā tato cavitvā bārāṇasīnagare brahmadattassa nāma brāhmaṇassa vipulaguṇavatiyā dhanavatiyā nāma brāhmaṇiyā kucchismiṃ paṭisandhiṃ gahetvā dasannaṃ māsānaṃ accayena isipatane migadāye mātukucchito nikkhami. Gottavasena panassa ‘‘kassapakumāro’’ti nāmamakaṃsu. So dve vassasahassāni agāraṃ ajjhāvasi. Haṃsavā yasavā sirinandoti tassa tayo pāsādā ahesuṃ. Sunandā nāma brāhmaṇippamukhāni aṭṭhacattālīsa itthisahassāni paccupaṭṭhitāni ahesuṃ.
со жад̇д̇аари нимид̇д̇аани д̣̇исваа сунанд̣̇ааяа б̣раахман̣ияаа виж̇ид̇асзнз наама буд̇д̇з уббаннз уббаннасам̣взг̇о ‘‘махаабхинигкаманам̣ нигкамиссаамий’’д̇и жинд̇зси. ат̇асса баривид̇аггасамананд̇арамзва баасаад̣̇о гулаалажаггамива бхамид̇ваа г̇аг̇анад̇аламаб̣бхуг̇г̇анд̇ваа барамаружирагаранигаро сарад̣̇асамаяараж̇анигаро вияа д̇аарааг̇ан̣абаривуд̇о анзганарасад̇абаривуд̇о г̇аг̇анад̇аламалан̇гаронд̇о вияа бун̃н̃аанубхаавам̣ багаасзнд̇о вияа ж̇ананаяанахад̣̇аяаани аагад̣дхзнд̇о вияа ругкаг̇г̇аани барам̣ собхаяамаано вияа жа г̇анд̇ваа ниг̇род̇хаб̣од̇хим̣ маж̇жхзгад̇ваа бхуумияам̣ бад̇идтахи. ат̇а б̣од̇хисад̇д̇о махаасад̇д̇о бат̇авияам̣ бад̇идтахид̇ваа д̣̇звад̣̇ад̇д̇ам̣ арахад̇д̇ад̣̇д̇хаж̇амаад̣̇ааяа баб̣б̣аж̇и. д̇асса наадагид̇т̇ияо баасаад̣̇аа од̇арид̇ваа ад̣дхаг̇аавуд̇ам̣ маг̇г̇ам̣ г̇анд̇ваа сабариваараа сзнаасаннивзсам̣ гад̇ваа нисийд̣̇им̣су. д̇ад̇о ид̇т̇ибарижааригз табзд̇ваа сахааг̇ад̇аа саб̣б̣з баб̣б̣аж̇им̣су.
So cattāri nimittāni disvā sunandāya brāhmaṇiyā vijitasene nāma putte uppanne uppannasaṃvego ‘‘mahābhinikkhamanaṃ nikkhamissāmī’’ti cintesi. Athassa parivitakkasamanantarameva pāsādo kulālacakkamiva bhamitvā gaganatalamabbhuggantvā paramarucirakaranikaro saradasamayarajanikaro viya tārāgaṇaparivuto anekanarasataparivuto gaganatalamalaṅkaronto viya puññānubhāvaṃ pakāsento viya jananayanahadayāni ākaḍḍhento viya rukkhaggāni paraṃ sobhayamāno viya ca gantvā nigrodhabodhiṃ majjhekatvā bhūmiyaṃ patiṭṭhahi. Atha bodhisatto mahāsatto pathaviyaṃ patiṭṭhahitvā devadattaṃ arahattaddhajamādāya pabbaji. Tassa nāṭakitthiyo pāsādā otaritvā aḍḍhagāvutaṃ maggaṃ gantvā saparivārā senāsannivesaṃ katvā nisīdiṃsu. Tato itthiparicārike ṭhapetvā sahāgatā sabbe pabbajiṃsu.
махаабурисо гира сад̇д̇аахам̣ д̇зхи баривуд̇о бад̇хаанажарияам̣ жарид̇ваа висаакабун̣н̣амааяа сунанд̣̇ааяа наама б̣раахман̣ияаа д̣̇иннам̣ мад̇хубааяаасам̣ барибхун̃ж̇ид̇ваа кад̣̇ираванз д̣̇иваавихаарам̣ гад̇ваа сааяанхасамаяз сомзна наама яавабаалагзна убанийд̇аа адта д̇ин̣амудтияо г̇ахзд̇ваа ниг̇род̇хаб̣од̇хим̣ убаг̇анд̇ваа бан̃жад̣̇асахад̇т̇ааяаамавид̇т̇ад̇ам̣ д̇ин̣асант̇арам̣ сант̇арид̇ваа д̇ад̇т̇а нисийд̣̇ид̇ваа абхисамб̣од̇хим̣ баабун̣ид̇ваа – ‘‘анзгаж̇аад̇исам̣саарам̣…бз… д̇ан̣хаанам̣ каяамаж̇жхаг̇аа’’д̇и уд̣̇аанам̣ уд̣̇аанзд̇ваа сад̇д̇асад̇д̇аахам̣ вийд̇инаамзд̇ваа ад̇д̇анаа саха баб̣б̣аж̇ид̇аанам̣ бхигкуунам̣ годияаа убаниссаяасамбад̇д̇им̣ д̣̇исваа г̇аг̇анад̇алзна г̇анд̇ваа б̣аараан̣асияам̣ исибад̇анз миг̇ад̣̇ааяз од̇арид̇ваа д̇зхи баривуд̇о д̇ад̇т̇а д̇хаммажаггам̣ бавад̇д̇зси . д̇ад̣̇аа вийсад̇ияаа годисахассаанам̣ батамо д̇хаммаабхисамаяо ахоси. д̇зна вуд̇д̇ам̣ –
Mahāpuriso kira sattāhaṃ tehi parivuto padhānacariyaṃ caritvā visākhapuṇṇamāya sunandāya nāma brāhmaṇiyā dinnaṃ madhupāyāsaṃ paribhuñjitvā khadiravane divāvihāraṃ katvā sāyanhasamaye somena nāma yavapālakena upanītā aṭṭha tiṇamuṭṭhiyo gahetvā nigrodhabodhiṃ upagantvā pañcadasahatthāyāmavitthataṃ tiṇasantharaṃ santharitvā tattha nisīditvā abhisambodhiṃ pāpuṇitvā – ‘‘anekajātisaṃsāraṃ…pe… taṇhānaṃ khayamajjhagā’’ti udānaṃ udānetvā sattasattāhaṃ vītināmetvā attanā saha pabbajitānaṃ bhikkhūnaṃ koṭiyā upanissayasampattiṃ disvā gaganatalena gantvā bārāṇasiyaṃ isipatane migadāye otaritvā tehi parivuto tattha dhammacakkaṃ pavattesi . Tadā vīsatiyā koṭisahassānaṃ paṭhamo dhammābhisamayo ahosi. Tena vuttaṃ –
1.
1.
‘‘гон̣ааг̇аманасса абарзна, самб̣уд̣̇д̇хо д̣̇вибад̣̇уд̇д̇амо;
‘‘Koṇāgamanassa aparena, sambuddho dvipaduttamo;
гассабо наама г̇од̇д̇зна, д̇хаммарааж̇аа бабхан̇гаро.
Kassapo nāma gottena, dhammarājā pabhaṅkaro.
2.
2.
‘‘сан̃чад̣д̣ид̇ам̣ гуламуулам̣, б̣ахваннабаанабхож̇анам̣;
‘‘Sañchaḍḍitaṃ kulamūlaṃ, bahvannapānabhojanaṃ;
д̣̇ад̇ваана яаажагз д̣̇аанам̣, буураяид̇ваана маанасам̣;
Datvāna yācake dānaṃ, pūrayitvāna mānasaṃ;
усабхова аал̣агам̣ бхзд̇ваа, бад̇д̇о самб̣од̇химуд̇д̇амам̣.
Usabhova āḷakaṃ bhetvā, patto sambodhimuttamaṃ.
3.
3.
‘‘д̇хаммажаггам̣ бавад̇д̇знд̇з, гассабз логанааяагз;
‘‘Dhammacakkaṃ pavattente, kassape lokanāyake;
вийсагодисахассаанам̣, батамаабхисамаяо ахуу’’д̇и.
Vīsakoṭisahassānaṃ, paṭhamābhisamayo ahū’’ti.
д̇ад̇т̇а сан̃чад̣д̣ид̇анд̇и чад̣д̣ид̇ам̣ уж̇жхид̇ам̣ барижжад̇д̇ам̣. гуламууланд̇и гулагхарам̣, абаримид̇абхог̇агканд̇хам̣ анзгагодисахассад̇ханасан̃жаяам̣ д̣̇асасад̇анаяанабхаванасад̣̇исабхог̇ам̣ ад̇ид̣̇ужжаж̇ам̣ д̇ин̣амива чад̣д̣ид̇анд̇и ад̇т̇о. яаажагзд̇и яаажагаанам̣ д̣̇ад̇ваа. аал̣аганд̇и г̇одтам̣, яат̇аа усабхо г̇одтам̣ бхинд̣̇ид̇ваа яат̇аасукам̣ ижчид̇адтаанам̣ баабун̣аад̇и, звам̣ махаабурисоби г̇зхаб̣анд̇ханам̣ бхинд̣̇ид̇ваа абхисамб̣од̇хим̣ баабун̣ийд̇и ад̇т̇о.
Tattha sañchaḍḍitanti chaḍḍitaṃ ujjhitaṃ pariccattaṃ. Kulamūlanti kulagharaṃ, aparimitabhogakkhandhaṃ anekakoṭisahassadhanasañcayaṃ dasasatanayanabhavanasadisabhogaṃ atiduccajaṃ tiṇamiva chaḍḍitanti attho. Yācaketi yācakānaṃ datvā. Āḷakanti goṭṭhaṃ, yathā usabho goṭṭhaṃ bhinditvā yathāsukhaṃ icchitaṭṭhānaṃ pāpuṇāti, evaṃ mahāpurisopi gehabandhanaṃ bhinditvā abhisambodhiṃ pāpuṇīti attho.
буна жад̇умаасам̣ ж̇анабад̣̇ажааригам̣ жарамаанз сад̇т̇ари д̣̇асагодисахассаанам̣ д̣̇уд̇ияо абхисамаяо ахоси. яад̣̇аа бана сунд̣̇аранаг̇арад̣̇ваарз асанаругкамуулз яамагабаадихаарияам̣ гаронд̇о д̇хаммам̣ д̣̇зсзси, д̇ад̣̇аа бан̃жаннам̣ годисахассаанам̣ д̇ад̇ияо абхисамаяо ахоси. буна яамагабаадихаарияам̣ гад̇ваа сурарибуд̣̇урабхибхаванз д̇аавад̇им̣сабхаванз суд̇хаммаа наама д̣̇звасабхаа ад̇т̇и, д̇ад̇т̇а нисийд̣̇ид̇ваа ад̇д̇ано маад̇арам̣ д̇ханавад̇ийд̣̇звим̣ бамукам̣ гад̇ваа д̣̇асасахассилогад̇хаад̇уяаа д̣̇звад̇аанам̣ ануг̇г̇ахагаран̣ад̇т̇ам̣ сад̇д̇аббагаран̣ам̣ абхид̇хаммабидагам̣ д̣̇зсзнд̇о д̇ийн̣и д̣̇звад̇аагодисахассаани д̇хаммаамад̇ам̣ бааязси. д̇зна вуд̇д̇ам̣ –
Puna catumāsaṃ janapadacārikaṃ caramāne satthari dasakoṭisahassānaṃ dutiyo abhisamayo ahosi. Yadā pana sundaranagaradvāre asanarukkhamūle yamakapāṭihāriyaṃ karonto dhammaṃ desesi, tadā pañcannaṃ koṭisahassānaṃ tatiyo abhisamayo ahosi. Puna yamakapāṭihāriyaṃ katvā suraripudurabhibhavane tāvatiṃsabhavane sudhammā nāma devasabhā atthi, tattha nisīditvā attano mātaraṃ dhanavatīdeviṃ pamukhaṃ katvā dasasahassilokadhātuyā devatānaṃ anuggahakaraṇatthaṃ sattappakaraṇaṃ abhidhammapiṭakaṃ desento tīṇi devatākoṭisahassāni dhammāmataṃ pāyesi. Tena vuttaṃ –
4.
4.
‘‘жад̇умаасам̣ яад̣̇аа б̣уд̣̇д̇хо, логз жарад̇и жааригам̣;
‘‘Catumāsaṃ yadā buddho, loke carati cārikaṃ;
д̣̇асагодисахассаанам̣, д̣̇уд̇ияаабхисамаяо аху.
Dasakoṭisahassānaṃ, dutiyābhisamayo ahu.
5.
5.
‘‘яамагам̣ вигуб̣б̣анам̣ гад̇ваа, н̃аан̣ад̇хаад̇ум̣ багид̇д̇аяи;
‘‘Yamakaṃ vikubbanaṃ katvā, ñāṇadhātuṃ pakittayi;
бан̃жагодисахассаанам̣, д̇ад̇ияаабхисамаяо аху.
Pañcakoṭisahassānaṃ, tatiyābhisamayo ahu.
6.
6.
‘‘суд̇хаммаа д̣̇звабурз раммз, д̇ад̇т̇а д̇хаммам̣ багид̇д̇аяи;
‘‘Sudhammā devapure ramme, tattha dhammaṃ pakittayi;
д̇ийн̣игодисахассаанам̣, д̣̇зваанам̣ б̣од̇хаяий ж̇ино.
Tīṇikoṭisahassānaṃ, devānaṃ bodhayī jino.
7.
7.
‘‘нарад̣̇звасса яагкасса, абарз д̇хаммад̣̇зсанз;
‘‘Naradevassa yakkhassa, apare dhammadesane;
зд̇зсаанам̣ абхисамаяаа, г̇ан̣анаад̇о асан̇кияаа’’д̇и.
Etesānaṃ abhisamayā, gaṇanāto asaṅkhiyā’’ti.
д̇ад̇т̇а жад̇умаасанд̇и жаад̇умаасз. аяамзва ваа баато. жарад̇ийд̇и ажари. яамагам̣ вигуб̣б̣анам̣ гад̇ваад̇и яамагабаадихаарияам̣ гад̇ваа. н̃аан̣ад̇хаад̇унд̇и саб̣б̣ан̃н̃уд̇ан̃н̃аан̣асабхаавам̣. ‘‘саб̣б̣ан̃аан̣ад̇хаад̇у’’нд̇иби вад̣̇анд̇и. багид̇д̇аяийд̇и махааж̇анасса багаасзси. суд̇хаммаад̇и д̇аавад̇им̣сабхаванз суд̇хаммаа наама сабхаа ад̇т̇и, д̇ад̇т̇а нисийд̣̇ид̇ваад̇и ад̇т̇о. д̇хамманд̇и абхид̇хаммам̣.
Tattha catumāsanti cātumāse. Ayameva vā pāṭho. Caratīti acari. Yamakaṃ vikubbanaṃ katvāti yamakapāṭihāriyaṃ katvā. Ñāṇadhātunti sabbaññutaññāṇasabhāvaṃ. ‘‘Sabbañāṇadhātu’’ntipi vadanti. Pakittayīti mahājanassa pakāsesi. Sudhammāti tāvatiṃsabhavane sudhammā nāma sabhā atthi, tattha nisīditvāti attho. Dhammanti abhidhammaṃ.
д̇ад̣̇аа гира аанубхаававиж̇ид̇анарад̣̇зво нарад̣̇зво наама махзсагко хздтаа вуд̇д̇анарад̣̇зваяагко вияа махид̣̇д̇хиго яагко ахоси. со ж̇амб̣уд̣̇ийбз згасмим̣ наг̇арз ран̃н̃о яаад̣̇исам̣ руубам̣, д̇аад̣̇исам̣ руубасан̣таанам̣ сарагуд̇д̇им̣ нимминид̇ваа д̇ам̣ рааж̇аанам̣ маарзд̇ваа каад̣̇ид̇ваа сахаанд̇збурам̣ раж̇ж̇ам̣ бадибаж̇ж̇ид̇ваа абаримид̇амам̣сабхож̇ано ахоси. со гира ид̇т̇ид̇худ̇д̇о жа ахоси. яад̣̇аа бана д̇ам̣ гусалаа чзгаа ид̇т̇ияо – ‘‘нааяам̣ амхаагам̣ рааж̇аа, амануссо зсо’’д̇и ж̇аананд̇и, д̇ад̣̇аа со лаж̇ж̇ид̇о худ̇ваа д̇аа саб̣б̣аа каад̣̇ид̇ваа ан̃н̃ам̣ наг̇арам̣ бадибаж̇ж̇ад̇и. звамзва со нарад̣̇зваяагко мануссз бхагкаяанд̇о яад̣̇аа сунд̣̇аранаг̇араабхимуко аг̇амааси, д̇ад̣̇аа д̇ам̣ д̣̇исваа наг̇араваасино мануссаа маран̣абхаяад̇аж̇ж̇ид̇асанд̇аасаа саганаг̇арад̇о нигкамид̇ваа д̇ад̇о д̇ад̇о балааяим̣су. ат̇а д̇з мануссз балааяамаанз д̣̇исваа гассабад̣̇асаб̣ало д̇асса нарад̣̇звасса яагкасса бурад̇о адтааси. нарад̣̇зво звам̣ д̣̇звад̣̇звам̣ тид̇ам̣ д̣̇исваа виссарам̣ гхорам̣ наад̣̇ам̣ над̣̇ид̇ваа бхаг̇авад̇о бхаяам̣ уббаад̣̇зд̇ум̣ асаггонд̇о д̇ам̣ саран̣ам̣ г̇анд̇ваа бан̃хам̣ бужчи. бан̃хам̣ виссаж̇ж̇зд̇ваа д̇ам̣ д̣̇амзд̇ваа д̇хаммз д̣̇зсияамаанз самбад̇д̇аанам̣ нарамараанам̣ г̇ан̣анабат̇аад̇ийд̇аанам̣ абхисамаяо ахоси. д̇зна вуд̇д̇ам̣ – ‘‘нарад̣̇звасса яагкассаа’’д̇иаад̣̇и . д̇ад̇т̇а абарз д̇хаммад̣̇зсанзд̇и абарасмим̣ д̇хаммад̣̇зсанз. зд̇зсаананд̇и зд̇зсам̣. аяамзва ваа баато.
Tadā kira ānubhāvavijitanaradevo naradevo nāma mahesakkho heṭṭhā vuttanaradevayakkho viya mahiddhiko yakkho ahosi. So jambudīpe ekasmiṃ nagare rañño yādisaṃ rūpaṃ, tādisaṃ rūpasaṇṭhānaṃ sarakuttiṃ nimminitvā taṃ rājānaṃ māretvā khāditvā sahaantepuraṃ rajjaṃ paṭipajjitvā aparimitamaṃsabhojano ahosi. So kira itthidhutto ca ahosi. Yadā pana taṃ kusalā chekā itthiyo – ‘‘nāyaṃ amhākaṃ rājā, amanusso eso’’ti jānanti, tadā so lajjito hutvā tā sabbā khāditvā aññaṃ nagaraṃ paṭipajjati. Evameva so naradevayakkho manusse bhakkhayanto yadā sundaranagarābhimukho agamāsi, tadā taṃ disvā nagaravāsino manussā maraṇabhayatajjitasantāsā sakanagarato nikkhamitvā tato tato palāyiṃsu. Atha te manusse palāyamāne disvā kassapadasabalo tassa naradevassa yakkhassa purato aṭṭhāsi. Naradevo evaṃ devadevaṃ ṭhitaṃ disvā vissaraṃ ghoraṃ nādaṃ naditvā bhagavato bhayaṃ uppādetuṃ asakkonto taṃ saraṇaṃ gantvā pañhaṃ pucchi. Pañhaṃ vissajjetvā taṃ dametvā dhamme desiyamāne sampattānaṃ naramarānaṃ gaṇanapathātītānaṃ abhisamayo ahosi. Tena vuttaṃ – ‘‘naradevassa yakkhassā’’tiādi . Tattha apare dhammadesaneti aparasmiṃ dhammadesane. Etesānanti etesaṃ. Ayameva vā pāṭho.
д̇асса бана гассабабхаг̇авад̇о згова саавагасаннибаад̇о ахоси. б̣аараан̣асийнаг̇арз бурохид̇абуд̇д̇о д̇иссо наама ахоси. со гассабасса б̣од̇хисад̇д̇асса сарийрз лагкан̣асамбад̇д̇им̣ д̣̇исваа бид̇уно бхаасад̇о суд̇ваа – ‘‘ниссам̣саяам̣ зсо махаабхинигкаманам̣ нигкамид̇ваа б̣уд̣̇д̇хо бхависсад̇и, зд̇ассаахам̣ санд̇игз баб̣б̣аж̇ид̇ваа сам̣саарад̣̇угкад̇о мужжиссаамий’’д̇и жинд̇зд̇ваа суд̣̇д̇хамуниг̇ан̣аванд̇ам̣ химаванд̇ам̣ г̇анд̇ваа д̇аабасабаб̣б̣аж̇ж̇ам̣ баб̣б̣аж̇и. д̇асса бариваарабхууд̇аани вийсад̇ид̇аабасасахассаани ахзсум̣. со абарабхааг̇з ‘‘гассабагумааро нигкамид̇ваа абхисамб̣од̇хим̣ ануббад̇д̇о’’д̇и суд̇ваа сабаривааро ааг̇анд̇ваа гассабасса бхаг̇авад̇о санд̇игз сабаривааро зхибхигкубаб̣б̣аж̇ж̇ааяа баб̣б̣аж̇ид̇ваа арахад̇д̇ам̣ баабун̣и. д̇асмим̣ самааг̇амз гассабо бхаг̇аваа маагхабун̣н̣амааяам̣ баад̇имогкам̣ уд̣̇д̣̇иси. д̇зна вуд̇д̇ам̣ –
Tassa pana kassapabhagavato ekova sāvakasannipāto ahosi. Bārāṇasīnagare purohitaputto tisso nāma ahosi. So kassapassa bodhisattassa sarīre lakkhaṇasampattiṃ disvā pituno bhāsato sutvā – ‘‘nissaṃsayaṃ eso mahābhinikkhamanaṃ nikkhamitvā buddho bhavissati, etassāhaṃ santike pabbajitvā saṃsāradukkhato muccissāmī’’ti cintetvā suddhamunigaṇavantaṃ himavantaṃ gantvā tāpasapabbajjaṃ pabbaji. Tassa parivārabhūtāni vīsatitāpasasahassāni ahesuṃ. So aparabhāge ‘‘kassapakumāro nikkhamitvā abhisambodhiṃ anuppatto’’ti sutvā saparivāro āgantvā kassapassa bhagavato santike saparivāro ehibhikkhupabbajjāya pabbajitvā arahattaṃ pāpuṇi. Tasmiṃ samāgame kassapo bhagavā māghapuṇṇamāyaṃ pātimokkhaṃ uddisi. Tena vuttaṃ –
8.
8.
‘‘д̇ассааби д̣̇звад̣̇звасса, зго ааси самааг̇амо;
‘‘Tassāpi devadevassa, eko āsi samāgamo;
кийн̣аасаваанам̣ вималаанам̣, санд̇ажид̇д̇аана д̇аад̣̇инам̣.
Khīṇāsavānaṃ vimalānaṃ, santacittāna tādinaṃ.
9.
9.
‘‘вийсабхигкусахассаанам̣, д̇ад̣̇аа ааси самааг̇амо;
‘‘Vīsabhikkhusahassānaṃ, tadā āsi samāgamo;
ад̇игганд̇абхаванд̇аанам̣, хирисийлзна д̇аад̣̇ина’’нд̇и.
Atikkantabhavantānaṃ, hirisīlena tādina’’nti.
д̇ад̇т̇а ад̇игганд̇абхаванд̇аананд̇и ад̇игганд̇абут̇уж̇ж̇анасод̇аабаннаад̣̇ийнам̣, саб̣б̣зсам̣ кийн̣аасаваанамзваад̇и ад̇т̇о. хирисийлзна д̇аад̣̇инанд̇и хирияаа жа сийлзна жа сад̣̇исаанам̣.
Tattha atikkantabhavantānanti atikkantaputhujjanasotāpannādīnaṃ, sabbesaṃ khīṇāsavānamevāti attho. Hirisīlena tādinanti hiriyā ca sīlena ca sadisānaṃ.
д̇ад̣̇аа амхаагам̣ б̣од̇хисад̇д̇о ж̇од̇ибаало наама маан̣аво д̇ин̣н̣ам̣ взд̣̇аанам̣ баараг̇уу бхуумияан̃жзва анд̇алигкз жа баагадо гхадигаарасса гумбхагаарасса сахааяо ахоси. со д̇зна сад̣̇д̇хим̣ сад̇т̇аарам̣ убасан̇гамид̇ваа д̇асса д̇хаммагат̇ам̣ суд̇ваа д̇асса санд̇игз баб̣б̣аж̇и. со аарад̣̇д̇хавийрияо д̇ийн̣и бидагаани уг̇г̇ахзд̇ваа вад̇д̇абадибад̇д̇ияаа б̣уд̣̇д̇хасаасанам̣ собхзси. соби д̇ам̣ сад̇т̇аа б̣яаагааси. д̇зна вуд̇д̇ам̣ –
Tadā amhākaṃ bodhisatto jotipālo nāma māṇavo tiṇṇaṃ vedānaṃ pāragū bhūmiyañceva antalikkhe ca pākaṭo ghaṭikārassa kumbhakārassa sahāyo ahosi. So tena saddhiṃ satthāraṃ upasaṅkamitvā tassa dhammakathaṃ sutvā tassa santike pabbaji. So āraddhavīriyo tīṇi piṭakāni uggahetvā vattapaṭipattiyā buddhasāsanaṃ sobhesi. Sopi taṃ satthā byākāsi. Tena vuttaṃ –
10.
10.
‘‘ахам̣ д̇ад̣̇аа маан̣аваго, ж̇од̇ибаалод̇и виссуд̇о;
‘‘Ahaṃ tadā māṇavako, jotipāloti vissuto;
аж̇жхааяаго манд̇ад̇харо, д̇ин̣н̣ам̣ взд̣̇аана баараг̇уу.
Ajjhāyako mantadharo, tiṇṇaṃ vedāna pāragū.
11.
11.
‘‘лагкан̣з ид̇ихаасз жа, сад̇хаммз баарамим̣ г̇ад̇о;
‘‘Lakkhaṇe itihāse ca, sadhamme pāramiṃ gato;
бхууманд̇алигкагусало, гад̇авиж̇ж̇о анаваяо.
Bhūmantalikkhakusalo, katavijjo anavayo.
12.
12.
‘‘гассабасса бхаг̇авад̇о, гхадигааро наамубадтаго;
‘‘Kassapassa bhagavato, ghaṭikāro nāmupaṭṭhako;
саг̇аараво саббад̇иссо, ниб̣б̣уд̇о д̇ад̇ияз палз.
Sagāravo sappatisso, nibbuto tatiye phale.
13.
13.
‘‘аад̣̇ааяа мам̣ гхадийгааро, убаг̇ан̃чи гассабам̣ ж̇инам̣;
‘‘Ādāya maṃ ghaṭīkāro, upagañchi kassapaṃ jinaṃ;
д̇асса д̇хаммам̣ сун̣ид̇ваана, баб̣б̣аж̇им̣ д̇асса санд̇игз.
Tassa dhammaṃ suṇitvāna, pabbajiṃ tassa santike.
14.
14.
‘‘аарад̣̇д̇хавийрияо худ̇ваа, вад̇д̇аавад̇д̇зсу говид̣̇о;
‘‘Āraddhavīriyo hutvā, vattāvattesu kovido;
на гважи барихааяаами, буурзсим̣ ж̇инасаасанам̣.
Na kvaci parihāyāmi, pūresiṃ jinasāsanaṃ.
15.
15.
‘‘яаавад̇аа б̣уд̣̇д̇хабхан̣ид̇ам̣, наван̇г̇ам̣ ж̇инасаасанам̣;
‘‘Yāvatā buddhabhaṇitaṃ, navaṅgaṃ jinasāsanaṃ;
саб̣б̣ам̣ барияаабун̣ид̇ваана, собхаяим̣ ж̇инасаасанам̣.
Sabbaṃ pariyāpuṇitvāna, sobhayiṃ jinasāsanaṃ.
16.
16.
‘‘мама ажчарияам̣ д̣̇исваа, соби б̣уд̣̇д̇хо вияаагари;
‘‘Mama acchariyaṃ disvā, sopi buddho viyākari;
имамхи бхад̣̇д̣̇агз габбз, аяам̣ б̣уд̣̇д̇хо бхависсад̇и.
Imamhi bhaddake kappe, ayaṃ buddho bhavissati.
17.
17.
‘‘аху габилавхаяаа раммаа…бз… хзссаама саммукаа имам̣.
‘‘Ahu kapilavhayā rammā…pe… hessāma sammukhā imaṃ.
30.
30.
‘‘д̇ассааби важанам̣ суд̇ваа, бхияяо жид̇д̇ам̣ басаад̣̇аяим̣;
‘‘Tassāpi vacanaṃ sutvā, bhiyyo cittaṃ pasādayiṃ;
уд̇д̇арим̣ вад̇амад̇хидтаасим̣, д̣̇асабаарамибуурияаа.
Uttariṃ vatamadhiṭṭhāsiṃ, dasapāramipūriyā.
31.
31.
‘‘звамахам̣ сам̣сарид̇ваа, бариваж̇ж̇знд̇о анаажарам̣;
‘‘Evamahaṃ saṃsaritvā, parivajjento anācaraṃ;
д̣̇уггаран̃жа гад̇ам̣ маяхам̣, б̣од̇хияааязва гааран̣аа’’д̇и.
Dukkarañca kataṃ mayhaṃ, bodhiyāyeva kāraṇā’’ti.
д̇ад̇т̇а бхууманд̇алигкагусалод̇и бхуумисигкаасу жа анд̇алигкзсу жа ж̇од̇ижаггаажаарз ж̇од̇ивиж̇ж̇ааяа жа гусалод̇и ад̇т̇о. убадтагод̇и убадтааяаго. саббад̇иссод̇и саббад̇иссаяо. ниб̣б̣уд̇од̇и винийд̇о, виссуд̇о ваа. д̇ад̇ияз палзд̇и нимид̇д̇асад̇д̇амий, д̇ад̇ияапалаад̇хиг̇амахзд̇у ниб̣б̣уд̇од̇и ад̇т̇о. аад̣̇ааяаад̇и мам̣ г̇ахзд̇ваа. вад̇д̇аавад̇д̇зсууд̇и куд̣̇д̣̇агавад̇д̇амахаавад̇д̇зсу. говид̣̇од̇и д̇зсам̣ бууран̣з гусало. на гважи барихааяаамийд̇и гважиби сийлзсу ваа самаад̇хисамаабад̇д̇иаад̣̇ийсу ваа гад̇т̇ажи гуд̇оби на барихааяаами, саб̣б̣ад̇т̇а мз барихаани наама на виж̇ж̇ад̇ийд̇и д̣̇ийбзд̇и. ‘‘на гожи барихааяаамий’’д̇иби баато, соязвад̇т̇о.
Tattha bhūmantalikkhakusaloti bhūmisikkhāsu ca antalikkhesu ca joticakkācāre jotivijjāya ca kusaloti attho. Upaṭṭhakoti upaṭṭhāyako. Sappatissoti sappatissayo. Nibbutoti vinīto, vissuto vā. Tatiye phaleti nimittasattamī, tatiyaphalādhigamahetu nibbutoti attho. Ādāyāti maṃ gahetvā. Vattāvattesūti khuddakavattamahāvattesu. Kovidoti tesaṃ pūraṇe kusalo. Na kvaci parihāyāmīti kvacipi sīlesu vā samādhisamāpattiādīsu vā katthaci kutopi na parihāyāmi, sabbattha me parihāni nāma na vijjatīti dīpeti. ‘‘Na koci parihāyāmī’’tipi pāṭho, soyevattho.
яаавад̇аад̇и барижчзд̣̇аважанамзд̇ам̣, яаавад̇аганд̇и ад̇т̇о. б̣уд̣̇д̇хабхан̣ид̇анд̇и б̣уд̣̇д̇хаважанам̣. собхаяинд̇и собхзсим̣ багаасзсим̣. мама ажчарияанд̇и мама саммаабадибад̇д̇им̣ ан̃н̃зхи асаад̇хааран̣ам̣ ажчарияам̣ аб̣бхуд̇ам̣ гассабо бхаг̇аваа д̣̇исваад̇и ад̇т̇о. сам̣сарид̇ваад̇и сам̣саарз сам̣сарид̇ваа. анаажаранд̇и анаажаарам̣ агад̇д̇аб̣б̣ам̣, агаран̣ийяанд̇и ад̇т̇о.
Yāvatāti paricchedavacanametaṃ, yāvatakanti attho. Buddhabhaṇitanti buddhavacanaṃ. Sobhayinti sobhesiṃ pakāsesiṃ. Mama acchariyanti mama sammāpaṭipattiṃ aññehi asādhāraṇaṃ acchariyaṃ abbhutaṃ kassapo bhagavā disvāti attho. Saṃsaritvāti saṃsāre saṃsaritvā. Anācaranti anācāraṃ akattabbaṃ, akaraṇīyanti attho.
д̇асса бана гассабасса бхаг̇авад̇о ж̇аад̇анаг̇арам̣ б̣аараан̣асий наама ахоси, б̣рахмад̣̇ад̇д̇о наама б̣раахман̣о бид̇аа, барамаг̇ун̣авад̇ий д̇ханавад̇ий наама б̣раахман̣ий маад̇аа, д̇иссо жа бхаарад̣̇вааж̇о жа д̣̇вз аг̇г̇асаавагаа, саб̣б̣амид̇д̇о наамубадтааго, анул̣аа жа урувзл̣аа жа д̣̇вз аг̇г̇асаавигаа, ниг̇род̇харугко б̣од̇хи, сарийрам̣ вийсад̇ихад̇т̇уб̣б̣зд̇хам̣ ахоси, вийсад̇ивассасахассаани ааяу, сунанд̣̇аа наамасса аг̇г̇амахзсий, виж̇ид̇асзно наама буд̇д̇о, баасаад̣̇аяаанзна нигками. д̇зна вуд̇д̇ам̣ –
Tassa pana kassapassa bhagavato jātanagaraṃ bārāṇasī nāma ahosi, brahmadatto nāma brāhmaṇo pitā, paramaguṇavatī dhanavatī nāma brāhmaṇī mātā, tisso ca bhāradvājo ca dve aggasāvakā, sabbamitto nāmupaṭṭhāko, anuḷā ca uruveḷā ca dve aggasāvikā, nigrodharukkho bodhi, sarīraṃ vīsatihatthubbedhaṃ ahosi, vīsativassasahassāni āyu, sunandā nāmassa aggamahesī, vijitaseno nāma putto, pāsādayānena nikkhami. Tena vuttaṃ –
32.
32.
‘‘наг̇арам̣ б̣аараан̣асий наама, гигий наамааси кад̇д̇ияо;
‘‘Nagaraṃ bārāṇasī nāma, kikī nāmāsi khattiyo;
васад̇з д̇ад̇т̇а наг̇арз, самб̣уд̣̇д̇хасса махаагулам̣.
Vasate tattha nagare, sambuddhassa mahākulaṃ.
33.
33.
‘‘б̣раахман̣о б̣рахмад̣̇ад̇д̇ова, ааси б̣уд̣̇д̇хасса со бид̇аа;
‘‘Brāhmaṇo brahmadattova, āsi buddhassa so pitā;
д̇ханавад̇ий наама ж̇анигаа, гассабасса махзсино.
Dhanavatī nāma janikā, kassapassa mahesino.
38.
38.
‘‘д̇иссо жа бхаарад̣̇вааж̇о жа, ахзсум̣ аг̇г̇асаавагаа;
‘‘Tisso ca bhāradvājo ca, ahesuṃ aggasāvakā;
саб̣б̣амид̇д̇о наамубадтааго, гассабасса махзсино.
Sabbamitto nāmupaṭṭhāko, kassapassa mahesino.
39.
39.
‘‘анул̣аа урувзл̣аа жа, ахзсум̣ аг̇г̇асаавигаа;
‘‘Anuḷā uruveḷā ca, ahesuṃ aggasāvikā;
б̣од̇хи д̇асса бхаг̇авад̇о, ниг̇род̇ход̇и бавужжад̇и.
Bodhi tassa bhagavato, nigrodhoti pavuccati.
41.
41.
‘‘ужжад̇д̇анзна со б̣уд̣̇д̇хо, вийсад̇ирад̇ануг̇г̇ад̇о;
‘‘Uccattanena so buddho, vīsatiratanuggato;
виж̇ж̇уладтийва аагаасз, жанд̣̇ова г̇ахабуурид̇о.
Vijjulaṭṭhīva ākāse, candova gahapūrito.
42.
42.
‘‘вийсад̇ивассасахассаани , ааяу д̇асса махзсино;
‘‘Vīsativassasahassāni , āyu tassa mahesino;
д̇аавад̇аа д̇идтамаано со, д̇аарзси ж̇анад̇ам̣ б̣ахум̣.
Tāvatā tiṭṭhamāno so, tāresi janataṃ bahuṃ.
43.
43.
‘‘д̇хаммад̇ал̣аагам̣ маабаяид̇ваа, сийлам̣ д̣̇ад̇ваа вилзбанам̣;
‘‘Dhammataḷākaṃ māpayitvā, sīlaṃ datvā vilepanaṃ;
д̇хаммад̣̇уссам̣ ниваасзд̇ваа, д̇хаммамаалам̣ вибхаж̇ж̇ияа.
Dhammadussaṃ nivāsetvā, dhammamālaṃ vibhajjiya.
44.
44.
‘‘д̇хаммавималамаад̣̇аасам̣ , табаяид̇ваа махааж̇анз;
‘‘Dhammavimalamādāsaṃ , ṭhapayitvā mahājane;
гзжи ниб̣б̣аанам̣ бад̇т̇знд̇аа, бассанд̇у мз алан̇гарам̣.
Keci nibbānaṃ patthentā, passantu me alaṅkaraṃ.
45.
45.
‘‘сийлаган̃жугам̣ д̣̇ад̇ваана, жхаанагаважаваммид̇ам̣;
‘‘Sīlakañcukaṃ datvāna, jhānakavacavammitaṃ;
д̇хаммажаммам̣ баарубид̇ваа, д̣̇ад̇ваа саннаахамуд̇д̇амам̣.
Dhammacammaṃ pārupitvā, datvā sannāhamuttamaṃ.
46.
46.
‘‘сад̇ипалагам̣ д̣̇ад̇ваана, д̇икин̣ам̣ н̃аан̣агунд̇имам̣;
‘‘Satiphalakaṃ datvāna, tikhiṇaṃ ñāṇakuntimaṃ;
д̇хаммакаг̇г̇аварам̣ д̣̇ад̇ваа, сийласам̣саг̇г̇амад̣̇д̣̇анам̣.
Dhammakhaggavaraṃ datvā, sīlasaṃsaggamaddanaṃ.
47.
47.
‘‘д̇звиж̇ж̇аабхуусанам̣ д̣̇ад̇ваана, аавзл̣ам̣ жад̇уро палз;
‘‘Tevijjābhūsanaṃ datvāna, āveḷaṃ caturo phale;
чал̣абхин̃н̃аабхаран̣ам̣ д̣̇ад̇ваа, д̇хаммабубпабил̣анд̇ханам̣.
Chaḷabhiññābharaṇaṃ datvā, dhammapupphapiḷandhanaṃ.
48.
48.
‘‘сад̣̇д̇хаммабан̣д̣аражчад̇д̇ам̣ , д̣̇ад̇ваа баабанивааран̣ам̣;
‘‘Saddhammapaṇḍaracchattaṃ , datvā pāpanivāraṇaṃ;
маабаяид̇ваабхаяам̣ бубпам̣, ниб̣б̣уд̇о со сасааваго.
Māpayitvābhayaṃ pupphaṃ, nibbuto so sasāvako.
49.
49.
‘‘зсо хи саммаасамб̣уд̣̇д̇хо, аббамзяяо д̣̇ураасад̣̇о;
‘‘Eso hi sammāsambuddho, appameyyo durāsado;
зсо хи д̇хаммарад̇ано, сваагкаад̇о зхибассиго.
Eso hi dhammaratano, svākkhāto ehipassiko.
50.
50.
‘‘зсо хи сан̇гхарад̇ано, суббадибанно ануд̇д̇аро;
‘‘Eso hi saṅgharatano, suppaṭipanno anuttaro;
саб̣б̣ам̣ д̇аманд̇арахид̇ам̣, нану рид̇д̇аа саб̣б̣асан̇каараа’’д̇и.
Sabbaṃ tamantarahitaṃ, nanu rittā sabbasaṅkhārā’’ti.
д̇ад̇т̇а виж̇ж̇уладтийваад̇и гханабхаавзна сан̣тид̇аа виж̇ж̇улад̇аа вияа. жанд̣̇ова г̇ахабуурид̇од̇и баривзсаг̇ахабаригкид̇о бун̣н̣ажанд̣̇о вияа. д̇хаммад̇ал̣аагам̣ маабаяид̇ваад̇и барияад̇д̇ид̇хаммад̇ал̣аагам̣ маабаяид̇ваа. сийлам̣ д̣̇ад̇ваа вилзбананд̇и жад̇убаарисуд̣̇д̇хисийласан̇каад̇ам̣ жид̇д̇асанд̇ад̇ивибхуусанад̇т̇ам̣ вилзбанам̣ д̣̇ад̇ваа . д̇хаммад̣̇уссам̣ ниваасзд̇ваад̇и хирод̇д̇аббад̇хаммасан̇каад̇ам̣ саадагаяуг̇ам̣ ниваасзд̇ваа. д̇хаммамаалам̣ вибхаж̇ж̇ияаад̇и сад̇д̇ад̇д̇им̣саб̣од̇хибагкияад̇хаммагусумамаалам̣ вибхаж̇ид̇ваа. вид̣̇ахид̇ваад̇и ад̇т̇о.
Tattha vijjulaṭṭhīvāti ghanabhāvena saṇṭhitā vijjulatā viya. Candova gahapūritoti parivesagahaparikkhito puṇṇacando viya. Dhammataḷākaṃ māpayitvāti pariyattidhammataḷākaṃ māpayitvā. Sīlaṃ datvā vilepananti catupārisuddhisīlasaṅkhātaṃ cittasantativibhūsanatthaṃ vilepanaṃ datvā . Dhammadussaṃ nivāsetvāti hirottappadhammasaṅkhātaṃ sāṭakayugaṃ nivāsetvā. Dhammamālaṃ vibhajjiyāti sattattiṃsabodhipakkhiyadhammakusumamālaṃ vibhajitvā. Vidahitvāti attho.
д̇хаммавималамаад̣̇аасанд̇и вималам̣ сод̇аабад̇д̇имаг̇г̇асан̇каад̇ам̣ аад̣̇аасам̣ сааваж̇ж̇аанаваж̇ж̇агусалаагусалад̇хаммасаллагкан̣ад̇т̇ам̣ махааж̇анасса д̇хаммад̇ал̣аагад̇ийрз д̇хаммаад̣̇аасам̣ табзд̇ваад̇и ад̇т̇о. махааж̇анзд̇и махааж̇анасса. гзжийд̇и яз гзжи. ниб̣б̣аанам̣ бад̇т̇знд̇аад̇и саб̣б̣аагусаламалавилаяагарам̣ амад̇амасан̇кад̇аманийд̇игам̣ барамасанд̇ам̣ ажжуд̇ирасам̣ ниб̣б̣аанам̣ бад̇т̇знд̇аа вижаранд̇и. д̇з имам̣ алан̇гаарам̣ вуд̇д̇аббагаарам̣ маяаа д̣̇ассид̇ам̣ бассанд̇ууд̇и ад̇т̇о. ‘‘ниб̣б̣аанамабхибад̇т̇знд̇аа, бассанд̇у мам̣ алан̇гара’’нд̇иби баато, соязвад̇т̇о. алан̇гаранд̇и рассам̣ гад̇ваа вуд̇д̇ам̣.
Dhammavimalamādāsanti vimalaṃ sotāpattimaggasaṅkhātaṃ ādāsaṃ sāvajjānavajjakusalākusaladhammasallakkhaṇatthaṃ mahājanassa dhammataḷākatīre dhammādāsaṃ ṭhapetvāti attho. Mahājaneti mahājanassa. Kecīti ye keci. Nibbānaṃ patthentāti sabbākusalamalavilayakaraṃ amatamasaṅkhatamanītikaṃ paramasantaṃ accutirasaṃ nibbānaṃ patthentā vicaranti. Te imaṃ alaṅkāraṃ vuttappakāraṃ mayā dassitaṃ passantūti attho. ‘‘Nibbānamabhipatthentā, passantu maṃ alaṅkara’’ntipi pāṭho, soyevattho. Alaṅkaranti rassaṃ katvā vuttaṃ.
сийлаган̃жугам̣ д̣̇ад̇ваанаад̇и бан̃жасийлад̣̇асасийлажад̇убаарисуд̣̇д̇хисийламаяам̣ ган̃жугам̣ д̣̇ад̇ваа. жхаанагаважаваммид̇анд̇и жад̇уггабан̃жагаж̇жхаанагаважаб̣анд̇хам̣ б̣анд̇хид̇ваа. д̇хаммажаммам̣ баарубид̇ваад̇и сад̇исамбаж̇ан̃н̃асан̇каад̇ад̇хаммажаммам̣ баарубид̇ваа. д̣̇ад̇ваа саннаахамуд̇д̇аманд̇и уд̇д̇амам̣ жад̇уран̇г̇асаманнааг̇ад̇ам̣ вийрияасаннаахам̣ д̣̇ад̇ваад̇и ад̇т̇о. сад̇ипалагам̣ д̣̇ад̇ваанаад̇и рааг̇аад̣̇ид̣̇осаарибаабанивааран̣ад̇т̇ам̣ жад̇усад̇ибадтаанапалаганивааран̣ам̣ д̣̇ад̇ваа. д̇икин̣ам̣ н̃аан̣агунд̇иманд̇и бадивзд̇хасамад̇т̇ам̣ д̇икин̣авибассанаан̃аан̣агунд̇аванд̇ам̣, вибассанаан̃аан̣анисид̇агунд̇аваранд̇и ад̇т̇о, гилзсаб̣аланид̇ханагарасамад̇т̇ам̣ ваа яог̇ааважараяод̇хаварам̣ табзд̇ваад̇и ад̇т̇о. д̇хаммакаг̇г̇аварам̣ д̣̇ад̇ваад̇и д̇асса яог̇ааважарасса вийрияубалад̇аланисид̇ад̇хаарам̣ маг̇г̇абан̃н̃ааваракаг̇г̇ам̣ д̣̇ад̇ваа. сийласам̣саг̇г̇амад̣̇д̣̇ананд̇и арияам̣ логуд̇д̇арасийлам̣ гилзсасам̣саг̇г̇амад̣̇д̣̇анад̇т̇ааяа, гилзсанигхаад̇анад̇т̇ааяаад̇и ад̇т̇о.
Sīlakañcukaṃ datvānāti pañcasīladasasīlacatupārisuddhisīlamayaṃ kañcukaṃ datvā. Jhānakavacavammitanti catukkapañcakajjhānakavacabandhaṃ bandhitvā. Dhammacammaṃ pārupitvāti satisampajaññasaṅkhātadhammacammaṃ pārupitvā. Datvā sannāhamuttamanti uttamaṃ caturaṅgasamannāgataṃ vīriyasannāhaṃ datvāti attho. Satiphalakaṃ datvānāti rāgādidosāripāpanivāraṇatthaṃ catusatipaṭṭhānaphalakanivāraṇaṃ datvā. Tikhiṇaṃ ñāṇakuntimanti paṭivedhasamatthaṃ tikhiṇavipassanāñāṇakuntavantaṃ, vipassanāñāṇanisitakuntavaranti attho, kilesabalanidhanakarasamatthaṃ vā yogāvacarayodhavaraṃ ṭhapetvāti attho. Dhammakhaggavaraṃdatvāti tassa yogāvacarassa vīriyupalatalanisitadhāraṃ maggapaññāvarakhaggaṃ datvā. Sīlasaṃsaggamaddananti ariyaṃ lokuttarasīlaṃ kilesasaṃsaggamaddanatthāya, kilesanighātanatthāyāti attho.
д̇звиж̇ж̇аабхуусанам̣ д̣̇ад̇ваад̇и д̇звиж̇ж̇аамаяам̣ вибхуусанам̣ д̣̇ад̇ваа. аавзл̣ам̣ жад̇уро палзд̇и жад̇д̇аари палаани вадам̣сагам̣ гад̇ваа. чал̣абхин̃н̃аабхаран̣анд̇и аабхаран̣ад̇т̇ааяа алан̇гаарагаран̣ад̇т̇ааяа ча абхин̃н̃ааяо д̣̇ад̇ваа. д̇хаммабубпабил̣анд̇хананд̇и навалогуд̇д̇арад̇хаммасан̇каад̇ам̣ гусумамаалам̣ гад̇ваа. сад̣̇д̇хаммабан̣д̣аражчад̇д̇ам̣, д̣̇ад̇ваа баабанивааран̣анд̇и ажжанд̇ависуд̣̇д̇хам̣ вимуд̇д̇исзд̇ажчад̇д̇ам̣ саб̣б̣аагусалаад̇абанивааран̣ам̣ д̣̇ад̇ваа. маабаяид̇ваабхаяам̣ бубпанд̇и абхаяабураг̇ааминам̣ адтан̇г̇игамаг̇г̇ам̣ бубпам̣ гад̇ваад̇и ад̇т̇о.
Tevijjābhūsanaṃ datvāti tevijjāmayaṃ vibhūsanaṃ datvā. Āveḷaṃ caturo phaleti cattāri phalāni vaṭaṃsakaṃ katvā. Chaḷabhiññābharaṇanti ābharaṇatthāya alaṅkārakaraṇatthāya cha abhiññāyo datvā. Dhammapupphapiḷandhananti navalokuttaradhammasaṅkhātaṃ kusumamālaṃ katvā. Saddhammapaṇḍaracchattaṃ, datvā pāpanivāraṇanti accantavisuddhaṃ vimuttisetacchattaṃ sabbākusalātapanivāraṇaṃ datvā. Māpayitvābhayaṃ pupphanti abhayapuragāminaṃ aṭṭhaṅgikamaggaṃ pupphaṃ katvāti attho.
гассабо гира бхаг̇аваа гаасирадтз сзд̇аб̣яанаг̇арз сзд̇аб̣яуяяаанз бариниб̣б̣ааяи. д̇хаад̇уяо гирасса на вигирим̣су. сагалаж̇амб̣уд̣̇ийбаваасино мануссаа саннибад̇ид̇ваа згзгам̣ суван̣н̣идтагам̣ годиаг̇гханагам̣ рад̇анавижид̇д̇ам̣ б̣ахижинанад̇т̇ам̣ згзгам̣ ад̣дхагодиаг̇гханагам̣ аб̣бханд̇арабууран̣ад̇т̇ам̣ маносилааяа мад̇д̇игаагижжам̣ д̇злзна уд̣̇агагижжам̣ гаронд̇о яож̇ануб̣б̣зд̇хам̣ т̇уубамагам̣су.
Kassapo kira bhagavā kāsiraṭṭhe setabyanagare setabyuyyāne parinibbāyi. Dhātuyo kirassa na vikiriṃsu. Sakalajambudīpavāsino manussā sannipatitvā ekekaṃ suvaṇṇiṭṭhakaṃ koṭiagghanakaṃ ratanavicittaṃ bahicinanatthaṃ ekekaṃ aḍḍhakoṭiagghanakaṃ abbhantarapūraṇatthaṃ manosilāya mattikākiccaṃ telena udakakiccaṃ karonto yojanubbedhaṃ thūpamakaṃsu.
‘‘гассабоби бхаг̇аваа гад̇агижжо, саб̣б̣асад̇д̇ахид̇амзва гаронд̇о;
‘‘Kassapopi bhagavā katakicco, sabbasattahitameva karonto;
гаасирааж̇анаг̇арз миг̇ад̣̇ааяз, логананд̣̇анагаро нивасий’’д̇и.
Kāsirājanagare migadāye, lokanandanakaro nivasī’’ti.
сзсаг̇аат̇аасу саб̣б̣ад̇т̇а баагадамзваад̇и.
Sesagāthāsu sabbattha pākaṭamevāti.
ид̇и мад̇хурад̇т̇авилаасинияаа б̣уд̣̇д̇хавам̣са-адтагат̇ааяа
Iti madhuratthavilāsiniyā buddhavaṃsa-aṭṭhakathāya
гассабаб̣уд̣̇д̇хавам̣саван̣н̣анаа нидтид̇аа.
Kassapabuddhavaṃsavaṇṇanā niṭṭhitā.
зд̇д̇аавад̇аа жад̇увийсад̇ияаа б̣уд̣̇д̇хаанам̣ б̣уд̣̇д̇хавам̣саван̣н̣анаа
Ettāvatā catuvīsatiyā buddhānaṃ buddhavaṃsavaṇṇanā
саб̣б̣аагаарзна нидтид̇аа.
Sabbākārena niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / б̣уд̣̇д̇хавам̣сабаал̣и • Buddhavaṃsapāḷi / 26. гассабаб̣уд̣̇д̇хавам̣со • 26. Kassapabuddhavaṃso
