| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗਪਾਲ਼ਿ • Mahāvaggapāḷi |
੯. ਚਮ੍ਪੇਯ੍ਯਕ੍ਖਨ੍ਧਕੋ
9. Campeyyakkhandhako
੨੩੪. ਕਸ੍ਸਪਗੋਤ੍ਤਭਿਕ੍ਖੁવਤ੍ਥੁ
234. Kassapagottabhikkhuvatthu
੩੮੦. ਤੇਨ ਸਮਯੇਨ ਬੁਦ੍ਧੋ ਭਗવਾ ਚਮ੍ਪਾਯਂ વਿਹਰਤਿ ਗਗ੍ਗਰਾਯ ਪੋਕ੍ਖਰਣਿਯਾ ਤੀਰੇ। ਤੇਨ ਖੋ ਪਨ ਸਮਯੇਨ ਕਾਸੀਸੁ ਜਨਪਦੇ વਾਸਭਗਾਮੋ ਨਾਮ ਹੋਤਿ। ਤਤ੍ਥ ਕਸ੍ਸਪਗੋਤ੍ਤੋ ਨਾਮ ਭਿਕ੍ਖੁ ਆવਾਸਿਕੋ ਹੋਤਿ ਤਨ੍ਤਿਬਦ੍ਧੋ ਉਸ੍ਸੁਕ੍ਕਂ ਆਪਨ੍ਨੋ – ਕਿਨ੍ਤਿ ਅਨਾਗਤਾ ਚ ਪੇਸਲਾ ਭਿਕ੍ਖੂ ਆਗਚ੍ਛੇਯ੍ਯੁਂ, ਆਗਤਾ ਚ ਪੇਸਲਾ ਭਿਕ੍ਖੂ ਫਾਸੁ વਿਹਰੇਯ੍ਯੁਂ, ਅਯਞ੍ਚ ਆવਾਸੋ વੁਦ੍ਧਿਂ વਿਰੁਲ਼੍ਹਿਂ વੇਪੁਲ੍ਲਂ ਆਪਜ੍ਜੇਯ੍ਯਾਤਿ। ਤੇਨ ਖੋ ਪਨ ਸਮਯੇਨ ਸਮ੍ਬਹੁਲਾ ਭਿਕ੍ਖੂ ਕਾਸੀਸੁ ਚਾਰਿਕਂ ਚਰਮਾਨਾ ਯੇਨ વਾਸਭਗਾਮੋ ਤਦવਸਰੁਂ। ਅਦ੍ਦਸਾ ਖੋ ਕਸ੍ਸਪਗੋਤ੍ਤੋ ਭਿਕ੍ਖੁ ਤੇ ਭਿਕ੍ਖੂ ਦੂਰਤੋવ ਆਗਚ੍ਛਨ੍ਤੇ, ਦਿਸ੍વਾਨ ਆਸਨਂ ਪਞ੍ਞਪੇਸਿ, ਪਾਦੋਦਕਂ ਪਾਦਪੀਠਂ ਪਾਦਕਥਲਿਕਂ ਉਪਨਿਕ੍ਖਿਪਿ, ਪਚ੍ਚੁਗ੍ਗਨ੍ਤ੍વਾ ਪਤ੍ਤਚੀવਰਂ ਪਟਿਗ੍ਗਹੇਸਿ, ਪਾਨੀਯੇਨ ਆਪੁਚ੍ਛਿ, ਨਹਾਨੇ ਉਸ੍ਸੁਕ੍ਕਂ ਅਕਾਸਿ, ਉਸ੍ਸੁਕ੍ਕਮ੍ਪਿ ਅਕਾਸਿ ਯਾਗੁਯਾ ਖਾਦਨੀਯੇ ਭਤ੍ਤਸ੍ਮਿਂ। ਅਥ ਖੋ ਤੇਸਂ ਆਗਨ੍ਤੁਕਾਨਂ ਭਿਕ੍ਖੂਨਂ ਏਤਦਹੋਸਿ – ‘‘ਭਦ੍ਦਕੋ ਖੋ ਅਯਂ, ਆવੁਸੋ, ਆવਾਸਿਕੋ ਭਿਕ੍ਖੁ ਨਹਾਨੇ ਉਸ੍ਸੁਕ੍ਕਂ ਕਰੋਤਿ, ਉਸ੍ਸੁਕ੍ਕਮ੍ਪਿ ਕਰੋਤਿ ਯਾਗੁਯਾ ਖਾਦਨੀਯੇ ਭਤ੍ਤਸ੍ਮਿਂ। ਹਨ੍ਦ, ਮਯਂ, ਆવੁਸੋ, ਇਧੇવ વਾਸਭਗਾਮੇ ਨਿવਾਸਂ ਕਪ੍ਪੇਮਾ’’ਤਿ। ਅਥ ਖੋ ਤੇ ਆਗਨ੍ਤੁਕਾ ਭਿਕ੍ਖੂ ਤਤ੍ਥੇવ વਾਸਭਗਾਮੇ ਨਿવਾਸਂ ਕਪ੍ਪੇਸੁਂ।
380. Tena samayena buddho bhagavā campāyaṃ viharati gaggarāya pokkharaṇiyā tīre. Tena kho pana samayena kāsīsu janapade vāsabhagāmo nāma hoti. Tattha kassapagotto nāma bhikkhu āvāsiko hoti tantibaddho ussukkaṃ āpanno – kinti anāgatā ca pesalā bhikkhū āgaccheyyuṃ, āgatā ca pesalā bhikkhū phāsu vihareyyuṃ, ayañca āvāso vuddhiṃ viruḷhiṃ vepullaṃ āpajjeyyāti. Tena kho pana samayena sambahulā bhikkhū kāsīsu cārikaṃ caramānā yena vāsabhagāmo tadavasaruṃ. Addasā kho kassapagotto bhikkhu te bhikkhū dūratova āgacchante, disvāna āsanaṃ paññapesi, pādodakaṃ pādapīṭhaṃ pādakathalikaṃ upanikkhipi, paccuggantvā pattacīvaraṃ paṭiggahesi, pānīyena āpucchi, nahāne ussukkaṃ akāsi, ussukkampi akāsi yāguyā khādanīye bhattasmiṃ. Atha kho tesaṃ āgantukānaṃ bhikkhūnaṃ etadahosi – ‘‘bhaddako kho ayaṃ, āvuso, āvāsiko bhikkhu nahāne ussukkaṃ karoti, ussukkampi karoti yāguyā khādanīye bhattasmiṃ. Handa, mayaṃ, āvuso, idheva vāsabhagāme nivāsaṃ kappemā’’ti. Atha kho te āgantukā bhikkhū tattheva vāsabhagāme nivāsaṃ kappesuṃ.
ਅਥ ਖੋ ਕਸ੍ਸਪਗੋਤ੍ਤਸ੍ਸ ਭਿਕ੍ਖੁਨੋ ਏਤਦਹੋਸਿ – ‘‘ਯੋ ਖੋ ਇਮੇਸਂ ਆਗਨ੍ਤੁਕਾਨਂ ਭਿਕ੍ਖੂਨਂ ਆਗਨ੍ਤੁਕਕਿਲਮਥੋ ਸੋ ਪਟਿਪ੍ਪਸ੍ਸਦ੍ਧੋ। ਯੇਪਿਮੇ ਗੋਚਰੇ ਅਪ੍ਪਕਤਞ੍ਞੁਨੋ ਤੇਦਾਨਿਮੇ ਗੋਚਰੇ ਪਕਤਞ੍ਞੁਨੋ। ਦੁਕ੍ਕਰਂ ਖੋ ਪਨ ਪਰਕੁਲੇਸੁ ਯਾવਜੀવਂ ਉਸ੍ਸੁਕ੍ਕਂ ਕਾਤੁਂ, વਿਞ੍ਞਤ੍ਤਿ ਚ ਮਨੁਸ੍ਸਾਨਂ ਅਮਨਾਪਾ। ਯਂਨੂਨਾਹਂ ਨ ਉਸ੍ਸੁਕ੍ਕਂ ਕਰੇਯ੍ਯਂ ਯਾਗੁਯਾ ਖਾਦਨੀਯੇ ਭਤ੍ਤਸ੍ਮਿ’’ਨ੍ਤਿ। ਸੋ ਨ ਉਸ੍ਸੁਕ੍ਕਂ ਅਕਾਸਿ ਯਾਗੁਯਾ ਖਾਦਨੀਯੇ ਭਤ੍ਤਸ੍ਮਿਂ। ਅਥ ਖੋ ਤੇਸਂ ਆਗਨ੍ਤੁਕਾਨਂ ਭਿਕ੍ਖੂਨਂ ਏਤਦਹੋਸਿ – ‘‘ਪੁਬ੍ਬੇ ਖ੍વਾਯਂ, ਆવੁਸੋ, ਆવਾਸਿਕੋ ਭਿਕ੍ਖੁ ਨਹਾਨੇ ਉਸ੍ਸੁਕ੍ਕਂ ਅਕਾਸਿ, ਉਸ੍ਸੁਕ੍ਕਮ੍ਪਿ ਅਕਾਸਿ ਯਾਗੁਯਾ ਖਾਦਨੀਯੇ ਭਤ੍ਤਸ੍ਮਿਂ। ਸੋਦਾਨਾਯਂ ਨ ਉਸ੍ਸੁਕ੍ਕਂ ਕਰੋਤਿ ਯਾਗੁਯਾ ਖਾਦਨੀਯੇ ਭਤ੍ਤਸ੍ਮਿਂ। ਦੁਟ੍ਠੋਦਾਨਾਯਂ, ਆવੁਸੋ, ਆવਾਸਿਕੋ ਭਿਕ੍ਖੁ। ਹਨ੍ਦ, ਮਯਂ, ਆવੁਸੋ, ਆવਾਸਿਕਂ 1 ਭਿਕ੍ਖੁਂ ਉਕ੍ਖਿਪਾਮਾ’’ਤਿ। ਅਥ ਖੋ ਤੇ ਆਗਨ੍ਤੁਕਾ ਭਿਕ੍ਖੂ ਸਨ੍ਨਿਪਤਿਤ੍વਾ ਕਸ੍ਸਪਗੋਤ੍ਤਂ ਭਿਕ੍ਖੁਂ ਏਤਦવੋਚੁਂ – ‘‘ਪੁਬ੍ਬੇ ਖੋ ਤ੍વਂ, ਆવੁਸੋ, ਨਹਾਨੇ ਉਸ੍ਸੁਕ੍ਕਂ ਕਰੋਸਿ, ਉਸ੍ਸੁਕ੍ਕਮ੍ਪਿ ਕਰੋਸਿ ਯਾਗੁਯਾ ਖਾਦਨੀਯੇ ਭਤ੍ਤਸ੍ਮਿਂ। ਸੋਦਾਨਿ ਤ੍વਂ ਨ ਉਸ੍ਸੁਕ੍ਕਂ ਕਰੋਸਿ ਯਾਗੁਯਾ ਖਾਦਨੀਯੇ ਭਤ੍ਤਸ੍ਮਿਂ। ਆਪਤ੍ਤਿਂ ਤ੍વਂ, ਆવੁਸੋ, ਆਪਨ੍ਨੋ। ਪਸ੍ਸਸੇਤਂ ਆਪਤ੍ਤਿ’’ਨ੍ਤਿ? ‘‘ਨਤ੍ਥਿ ਮੇ, ਆવੁਸੋ, ਆਪਤ੍ਤਿ, ਯਮਹਂ ਪਸ੍ਸੇਯ੍ਯ’’ਨ੍ਤਿ। ਅਥ ਖੋ ਤੇ ਆਗਨ੍ਤੁਕਾ ਭਿਕ੍ਖੂ ਕਸ੍ਸਪਗੋਤ੍ਤਂ ਭਿਕ੍ਖੁਂ ਆਪਤ੍ਤਿਯਾ ਅਦਸ੍ਸਨੇ ਉਕ੍ਖਿਪਿਂਸੁ।
Atha kho kassapagottassa bhikkhuno etadahosi – ‘‘yo kho imesaṃ āgantukānaṃ bhikkhūnaṃ āgantukakilamatho so paṭippassaddho. Yepime gocare appakataññuno tedānime gocare pakataññuno. Dukkaraṃ kho pana parakulesu yāvajīvaṃ ussukkaṃ kātuṃ, viññatti ca manussānaṃ amanāpā. Yaṃnūnāhaṃ na ussukkaṃ kareyyaṃ yāguyā khādanīye bhattasmi’’nti. So na ussukkaṃ akāsi yāguyā khādanīye bhattasmiṃ. Atha kho tesaṃ āgantukānaṃ bhikkhūnaṃ etadahosi – ‘‘pubbe khvāyaṃ, āvuso, āvāsiko bhikkhu nahāne ussukkaṃ akāsi, ussukkampi akāsi yāguyā khādanīye bhattasmiṃ. Sodānāyaṃ na ussukkaṃ karoti yāguyā khādanīye bhattasmiṃ. Duṭṭhodānāyaṃ, āvuso, āvāsiko bhikkhu. Handa, mayaṃ, āvuso, āvāsikaṃ 2 bhikkhuṃ ukkhipāmā’’ti. Atha kho te āgantukā bhikkhū sannipatitvā kassapagottaṃ bhikkhuṃ etadavocuṃ – ‘‘pubbe kho tvaṃ, āvuso, nahāne ussukkaṃ karosi, ussukkampi karosi yāguyā khādanīye bhattasmiṃ. Sodāni tvaṃ na ussukkaṃ karosi yāguyā khādanīye bhattasmiṃ. Āpattiṃ tvaṃ, āvuso, āpanno. Passasetaṃ āpatti’’nti? ‘‘Natthi me, āvuso, āpatti, yamahaṃ passeyya’’nti. Atha kho te āgantukā bhikkhū kassapagottaṃ bhikkhuṃ āpattiyā adassane ukkhipiṃsu.
ਅਥ ਖੋ ਕਸ੍ਸਪਗੋਤ੍ਤਸ੍ਸ ਭਿਕ੍ਖੁਨੋ ਏਤਦਹੋਸਿ – ‘‘ਅਹਂ ਖੋ ਏਤਂ ਨ ਜਾਨਾਮਿ ‘ਆਪਤ੍ਤਿ વਾ ਏਸਾ ਅਨਾਪਤ੍ਤਿ વਾ, ਆਪਨ੍ਨੋ ਚਮ੍ਹਿ 3 ਅਨਾਪਨ੍ਨੋ વਾ, ਉਕ੍ਖਿਤ੍ਤੋ ਚਮ੍ਹਿ ਅਨੁਕ੍ਖਿਤ੍ਤੋ વਾ, ਧਮ੍ਮਿਕੇਨ વਾ ਅਧਮ੍ਮਿਕੇਨ વਾ, ਕੁਪ੍ਪੇਨ વਾ ਅਕੁਪ੍ਪੇਨ વਾ, ਠਾਨਾਰਹੇਨ વਾ ਅਟ੍ਠਾਨਾਰਹੇਨ વਾ’। ਯਂਨੂਨਾਹਂ ਚਮ੍ਪਂ ਗਨ੍ਤ੍વਾ ਭਗવਨ੍ਤਂ ਏਤਮਤ੍ਥਂ ਪੁਚ੍ਛੇਯ੍ਯ’’ਨ੍ਤਿ। ਅਥ ਖੋ ਕਸ੍ਸਪਗੋਤ੍ਤੋ ਭਿਕ੍ਖੁ ਸੇਨਾਸਨਂ ਸਂਸਾਮੇਤ੍વਾ ਪਤ੍ਤਚੀવਰਮਾਦਾਯ ਯੇਨ ਚਮ੍ਪਾ ਤੇਨ ਪਕ੍ਕਾਮਿ। ਅਨੁਪੁਬ੍ਬੇਨ ਯੇਨ ਚਮ੍ਪਾ ਯੇਨ ਭਗવਾ ਤੇਨੁਪਸਙ੍ਕਮਿ, ਉਪਸਙ੍ਕਮਿਤ੍વਾ ਭਗવਨ੍ਤਂ ਅਭਿવਾਦੇਤ੍વਾ ਏਕਮਨ੍ਤਂ ਨਿਸੀਦਿ। ਆਚਿਣ੍ਣਂ ਖੋ ਪਨੇਤਂ ਬੁਦ੍ਧਾਨਂ ਭਗવਨ੍ਤਾਨਂ ਆਗਨ੍ਤੁਕੇਹਿ ਭਿਕ੍ਖੂਹਿ ਸਦ੍ਧਿਂ ਪਟਿਸਮ੍ਮੋਦਿਤੁਂ। ਅਥ ਖੋ ਭਗવਾ ਕਸ੍ਸਪਗੋਤ੍ਤਂ ਭਿਕ੍ਖੁਂ ਏਤਦવੋਚ – ‘‘ਕਚ੍ਚਿ, ਭਿਕ੍ਖੁ, ਖਮਨੀਯਂ, ਕਚ੍ਚਿ ਯਾਪਨੀਯਂ, ਕਚ੍ਚਿ ਅਪ੍ਪਕਿਲਮਥੇਨ ਅਦ੍ਧਾਨਂ ਆਗਤੋ, ਕੁਤੋ ਚ ਤ੍વਂ, ਭਿਕ੍ਖੁ, ਆਗਚ੍ਛਸੀ’’ਤਿ? ‘‘ਖਮਨੀਯਂ, ਭਗવਾ; ਯਾਪਨੀਯਂ, ਭਗવਾ; ਅਪ੍ਪਕਿਲਮਥੇਨ ਚਾਹਂ, ਭਨ੍ਤੇ, ਅਦ੍ਧਾਨਂ ਆਗਤੋ। ਅਤ੍ਥਿ, ਭਨ੍ਤੇ, ਕਾਸੀਸੁ ਜਨਪਦੇ વਾਸਭਗਾਮੋ ਨਾਮ। ਤਤ੍ਥਾਹਂ, ਭਗવਾ, ਆવਾਸਿਕੋ ਤਨ੍ਤਿਬਦ੍ਧੋ ਉਸ੍ਸੁਕ੍ਕਂ ਆਪਨ੍ਨੋ – ‘ਕਿਨ੍ਤਿ ਅਨਾਗਤਾ ਚ ਪੇਸਲਾ ਭਿਕ੍ਖੂ ਆਗਚ੍ਛੇਯ੍ਯੁਂ, ਆਗਤਾ ਚ ਪੇਸਲਾ ਭਿਕ੍ਖੂ ਫਾਸੁ વਿਹਰੇਯ੍ਯੁਂ, ਅਯਞ੍ਚ ਆવਾਸੋ વੁਦ੍ਧਿਂ વਿਰੁਲ਼੍ਹਿਂ વੇਪੁਲ੍ਲਂ ਆਪਜ੍ਜੇਯ੍ਯਾ’ਤਿ। ਅਥ ਖੋ, ਭਨ੍ਤੇ, ਸਮ੍ਬਹੁਲਾ ਭਿਕ੍ਖੂ ਕਾਸੀਸੁ ਚਾਰਿਕਂ ਚਰਮਾਨਾ ਯੇਨ વਾਸਭਗਾਮੋ ਤਦવਸਰੁਂ। ਅਦ੍ਦਸਂ ਖੋ ਅਹਂ, ਭਨ੍ਤੇ, ਤੇ ਭਿਕ੍ਖੂ ਦੂਰਤੋવ ਆਗਚ੍ਛਨ੍ਤੇ, ਦਿਸ੍વਾਨ ਆਸਨਂ ਪਞ੍ਞਪੇਸਿਂ, ਪਾਦੋਦਕਂ ਪਾਦਪੀਠਂ ਪਾਦਕਥਲਿਕਂ ਉਪਨਿਕ੍ਖਿਪਿਂ, ਪਚ੍ਚੁਗ੍ਗਨ੍ਤ੍વਾ ਪਤ੍ਤਚੀવਰਂ ਪਟਿਗ੍ਗਹੇਸਿਂ, ਪਾਨੀਯੇਨ ਅਪੁਚ੍ਛਿਂ, ਨਹਾਨੇ ਉਸ੍ਸੁਕ੍ਕਂ ਅਕਾਸਿਂ, ਉਸ੍ਸੁਕ੍ਕਮ੍ਪਿ ਅਕਾਸਿਂ ਯਾਗੁਯਾ ਖਾਦਨੀਯੇ ਭਤ੍ਤਸ੍ਮਿਂ । ਅਥ ਖੋ ਤੇਸਂ, ਭਨ੍ਤੇ, ਆਗਨ੍ਤੁਕਾਨਂ ਭਿਕ੍ਖੂਨਂ ਏਤਦਹੋਸਿ – ‘ਭਦ੍ਦਕੋ ਖੋ ਅਯਂ ਆવੁਸੋ ਆવਾਸਿਕੋ ਭਿਕ੍ਖੁ ਨਹਾਨੇ ਉਸ੍ਸੁਕ੍ਕਂ ਕਰੋਤਿ, ਉਸ੍ਸੁਕ੍ਕਮ੍ਪਿ ਕਰੋਤਿ ਯਾਗੁਯਾ ਖਾਦਨੀਯੇ ਭਤ੍ਤਸ੍ਮਿਂ। ਹਨ੍ਦ, ਮਯਂ, ਆવੁਸੋ, ਇਧੇવ વਾਸਭਗਾਮੇ ਨਿવਾਸਂ ਕਪ੍ਪੇਮਾ’ਤਿ। ਅਥ ਖੋ ਤੇ, ਭਨ੍ਤੇ, ਆਗਨ੍ਤੁਕਾ ਭਿਕ੍ਖੂ ਤਤ੍ਥੇવ વਾਸਭਗਾਮੇ ਨਿવਾਸਂ ਕਪ੍ਪੇਸੁਂ। ਤਸ੍ਸ ਮਯ੍ਹਂ, ਭਨ੍ਤੇ, ਏਤਦਹੋਸਿ – ‘ਯੋ ਖੋ ਇਮੇਸਂ ਆਗਨ੍ਤੁਕਾਨਂ ਭਿਕ੍ਖੂਨਂ ਆਗਨ੍ਤੁਕਕਿਲਮਥੋ ਸੋ ਪਟਿਪ੍ਪਸ੍ਸਦ੍ਧੋ। ਯੇਪਿਮੇ ਗੋਚਰੇ ਅਪ੍ਪਕਤਞ੍ਞੁਨੋ ਤੇਦਾਨਿਮੇ ਗੋਚਰੇ ਪਕਤਞ੍ਞੁਨੋ। ਦੁਕ੍ਕਰਂ ਖੋ ਪਨ ਪਰਕੁਲੇਸੁ ਯਾવਜੀવਂ ਉਸ੍ਸੁਕ੍ਕਂ ਕਾਤੁਂ, વਿਞ੍ਞਤ੍ਤਿ ਚ ਮਨੁਸ੍ਸਾਨਂ ਅਮਨਾਪਾ। ਯਂਨੂਨਾਹਂ ਨ ਉਸ੍ਸੁਕ੍ਕਂ ਕਰੇਯ੍ਯਂ ਯਾਗੁਯਾ ਖਾਦਨੀਯੇ ਭਤ੍ਤਸ੍ਮਿ’ਨ੍ਤਿ। ਸੋ ਖੋ ਅਹਂ, ਭਨ੍ਤੇ, ਨ ਉਸ੍ਸੁਕ੍ਕਂ ਅਕਾਸਿਂ ਯਾਗੁਯਾ ਖਾਦਨੀਯੇ ਭਤ੍ਤਸ੍ਮਿਂ। ਅਥ ਖੋ ਤੇਸਂ, ਭਨ੍ਤੇ, ਆਗਨ੍ਤੁਕਾਨਂ ਭਿਕ੍ਖੂਨਂ ਏਤਦਹੋਸਿ – ‘ਪੁਬ੍ਬੇ ਖ੍વਾਯਂ, ਆવੁਸੋ, ਆવਾਸਿਕੋ ਭਿਕ੍ਖੁ ਨਹਾਨੇ ਉਸ੍ਸੁਕ੍ਕਂ ਕਰੋਤਿ, ਉਸ੍ਸੁਕ੍ਕਮ੍ਪਿ ਕਰੋਤਿ ਯਾਗੁਯਾ ਖਾਦਨੀਯੇ ਭਤ੍ਤਸ੍ਮਿਂ। ਸੋਦਾਨਾਯਂ ਨ ਉਸ੍ਸੁਕ੍ਕਂ ਕਰੋਤਿ ਯਾਗੁਯਾ ਖਾਦਨੀਯੇ ਭਤ੍ਤਸ੍ਮਿਂ। ਦੁਟ੍ਠੋਦਾਨਾਯਂ, ਆવੁਸੋ, ਆવਾਸਿਕੋ ਭਿਕ੍ਖੁ। ਹਨ੍ਦ, ਮਯਂ, ਆવੁਸੋ, ਆવਾਸਿਕਂ ਭਿਕ੍ਖੁਂ ਉਕ੍ਖਿਪਾਮਾ’ਤਿ। ਅਥ ਖੋ ਤੇ, ਭਨ੍ਤੇ, ਆਗਨ੍ਤੁਕਾ ਭਿਕ੍ਖੂ ਸਨ੍ਨਿਪਤਿਤ੍વਾ ਮਂ ਏਤਦવੋਚੁਂ – ‘ਪੁਬ੍ਬੇ ਖੋ ਤ੍વਂ, ਆવੁਸੋ, ਨਹਾਨੇ ਉਸ੍ਸੁਕ੍ਕਂ ਕਰੋਸਿ, ਉਸ੍ਸੁਕ੍ਕਮ੍ਪਿ ਕਰੋਸਿ ਯਾਗੁਯਾ ਖਾਦਨੀਯੇ ਭਤ੍ਤਸ੍ਮਿਂ। ਸੋਦਾਨਿ ਤ੍વਂ ਨ ਉਸ੍ਸੁਕ੍ਕਂ ਕਰੋਸਿ ਯਾਗੁਯਾ ਖਾਦਨੀਯੇ ਭਤ੍ਤਸ੍ਮਿਂ। ਆਪਤ੍ਤਿਂ ਤ੍વਂ, ਆવੁਸੋ, ਆਪਨ੍ਨੋ। ਪਸ੍ਸਸੇਤਂ ਆਪਤ੍ਤਿ’ਨ੍ਤਿ ? ‘ਨਤ੍ਥਿ ਮੇ, ਆવੁਸੋ, ਆਪਤ੍ਤਿ ਯਮਹਂ ਪਸ੍ਸੇਯ੍ਯ’ਨ੍ਤਿ। ਅਥ ਖੋ ਤੇ, ਭਨ੍ਤੇ, ਆਗਨ੍ਤੁਕਾ ਭਿਕ੍ਖੂ ਮਂ ਆਪਤ੍ਤਿਯਾ ਅਦਸ੍ਸਨੇ ਉਕ੍ਖਿਪਿਂਸੁ। ਤਸ੍ਸ ਮਯ੍ਹਂ, ਭਨ੍ਤੇ, ਏਤਦਹੋਸਿ – ‘ਅਹਂ ਖੋ ਏਤਂ ਨ ਜਾਨਾਮਿ ‘ਆਪਤ੍ਤਿ વਾ ਏਸਾ ਅਨਾਪਤ੍ਤਿ વਾ, ਆਪਨ੍ਨੋ ਚਮ੍ਹਿ ਅਨਾਪਨ੍ਨੋ વਾ, ਉਕ੍ਖਿਤ੍ਤੋ ਚਮ੍ਹਿ ਅਨੁਕ੍ਖਿਤ੍ਤੋ વਾ, ਧਮ੍ਮਿਕੇਨ વਾ ਅਧਮ੍ਮਿਕੇਨ વਾ, ਕੁਪ੍ਪੇਨ વਾ ਅਕੁਪ੍ਪੇਨ વਾ, ਠਾਨਾਰਹੇਨ વਾ ਅਟ੍ਠਾਨਾਰਹੇਨ વਾ’। ਯਂਨੂਨਾਹਂ ਚਮ੍ਪਂ ਗਨ੍ਤ੍વਾ ਭਗવਨ੍ਤਂ ਏਤਮਤ੍ਥਂ ਪੁਚ੍ਛੇਯ੍ਯ’ਨ੍ਤਿ। ਤਤੋ ਅਹਂ, ਭਗવਾ, ਆਗਚ੍ਛਾਮੀ’’ਤਿ। ‘‘ਅਨਾਪਤ੍ਤਿ ਏਸਾ, ਭਿਕ੍ਖੁ, ਨੇਸਾ ਆਪਤ੍ਤਿ। ਅਨਾਪਨ੍ਨੋਸਿ, ਨਸਿ ਆਪਨ੍ਨੋ। ਅਨੁਕ੍ਖਿਤ੍ਤੋਸਿ, ਨਸਿ ਉਕ੍ਖਿਤ੍ਤੋ। ਅਧਮ੍ਮਿਕੇਨਾਸਿ ਕਮ੍ਮੇਨ ਉਕ੍ਖਿਤ੍ਤੋ ਕੁਪ੍ਪੇਨ ਅਟ੍ਠਾਨਾਰਹੇਨ। ਗਚ੍ਛ ਤ੍વਂ, ਭਿਕ੍ਖੁ, ਤਤ੍ਥੇવ વਾਸਭਗਾਮੇ ਨਿવਾਸਂ ਕਪ੍ਪੇਹੀ’’ਤਿ। ‘‘ਏવਂ, ਭਨ੍ਤੇ’’ਤਿ ਖੋ ਕਸ੍ਸਪਗੋਤ੍ਤੋ ਭਿਕ੍ਖੁ ਭਗવਤੋ ਪਟਿਸ੍ਸੁਣਿਤ੍વਾ ਉਟ੍ਠਾਯਾਸਨਾ ਭਗવਨ੍ਤਂ ਅਭਿવਾਦੇਤ੍વਾ ਪਦਕ੍ਖਿਣਂ ਕਤ੍વਾ ਯੇਨ વਾਸਭਗਾਮੋ ਤੇਨ ਪਕ੍ਕਾਮਿ।
Atha kho kassapagottassa bhikkhuno etadahosi – ‘‘ahaṃ kho etaṃ na jānāmi ‘āpatti vā esā anāpatti vā, āpanno camhi 4 anāpanno vā, ukkhitto camhi anukkhitto vā, dhammikena vā adhammikena vā, kuppena vā akuppena vā, ṭhānārahena vā aṭṭhānārahena vā’. Yaṃnūnāhaṃ campaṃ gantvā bhagavantaṃ etamatthaṃ puccheyya’’nti. Atha kho kassapagotto bhikkhu senāsanaṃ saṃsāmetvā pattacīvaramādāya yena campā tena pakkāmi. Anupubbena yena campā yena bhagavā tenupasaṅkami, upasaṅkamitvā bhagavantaṃ abhivādetvā ekamantaṃ nisīdi. Āciṇṇaṃ kho panetaṃ buddhānaṃ bhagavantānaṃ āgantukehi bhikkhūhi saddhiṃ paṭisammodituṃ. Atha kho bhagavā kassapagottaṃ bhikkhuṃ etadavoca – ‘‘kacci, bhikkhu, khamanīyaṃ, kacci yāpanīyaṃ, kacci appakilamathena addhānaṃ āgato, kuto ca tvaṃ, bhikkhu, āgacchasī’’ti? ‘‘Khamanīyaṃ, bhagavā; yāpanīyaṃ, bhagavā; appakilamathena cāhaṃ, bhante, addhānaṃ āgato. Atthi, bhante, kāsīsu janapade vāsabhagāmo nāma. Tatthāhaṃ, bhagavā, āvāsiko tantibaddho ussukkaṃ āpanno – ‘kinti anāgatā ca pesalā bhikkhū āgaccheyyuṃ, āgatā ca pesalā bhikkhū phāsu vihareyyuṃ, ayañca āvāso vuddhiṃ viruḷhiṃ vepullaṃ āpajjeyyā’ti. Atha kho, bhante, sambahulā bhikkhū kāsīsu cārikaṃ caramānā yena vāsabhagāmo tadavasaruṃ. Addasaṃ kho ahaṃ, bhante, te bhikkhū dūratova āgacchante, disvāna āsanaṃ paññapesiṃ, pādodakaṃ pādapīṭhaṃ pādakathalikaṃ upanikkhipiṃ, paccuggantvā pattacīvaraṃ paṭiggahesiṃ, pānīyena apucchiṃ, nahāne ussukkaṃ akāsiṃ, ussukkampi akāsiṃ yāguyā khādanīye bhattasmiṃ . Atha kho tesaṃ, bhante, āgantukānaṃ bhikkhūnaṃ etadahosi – ‘bhaddako kho ayaṃ āvuso āvāsiko bhikkhu nahāne ussukkaṃ karoti, ussukkampi karoti yāguyā khādanīye bhattasmiṃ. Handa, mayaṃ, āvuso, idheva vāsabhagāme nivāsaṃ kappemā’ti. Atha kho te, bhante, āgantukā bhikkhū tattheva vāsabhagāme nivāsaṃ kappesuṃ. Tassa mayhaṃ, bhante, etadahosi – ‘yo kho imesaṃ āgantukānaṃ bhikkhūnaṃ āgantukakilamatho so paṭippassaddho. Yepime gocare appakataññuno tedānime gocare pakataññuno. Dukkaraṃ kho pana parakulesu yāvajīvaṃ ussukkaṃ kātuṃ, viññatti ca manussānaṃ amanāpā. Yaṃnūnāhaṃ na ussukkaṃ kareyyaṃ yāguyā khādanīye bhattasmi’nti. So kho ahaṃ, bhante, na ussukkaṃ akāsiṃ yāguyā khādanīye bhattasmiṃ. Atha kho tesaṃ, bhante, āgantukānaṃ bhikkhūnaṃ etadahosi – ‘pubbe khvāyaṃ, āvuso, āvāsiko bhikkhu nahāne ussukkaṃ karoti, ussukkampi karoti yāguyā khādanīye bhattasmiṃ. Sodānāyaṃ na ussukkaṃ karoti yāguyā khādanīye bhattasmiṃ. Duṭṭhodānāyaṃ, āvuso, āvāsiko bhikkhu. Handa, mayaṃ, āvuso, āvāsikaṃ bhikkhuṃ ukkhipāmā’ti. Atha kho te, bhante, āgantukā bhikkhū sannipatitvā maṃ etadavocuṃ – ‘pubbe kho tvaṃ, āvuso, nahāne ussukkaṃ karosi, ussukkampi karosi yāguyā khādanīye bhattasmiṃ. Sodāni tvaṃ na ussukkaṃ karosi yāguyā khādanīye bhattasmiṃ. Āpattiṃ tvaṃ, āvuso, āpanno. Passasetaṃ āpatti’nti ? ‘Natthi me, āvuso, āpatti yamahaṃ passeyya’nti. Atha kho te, bhante, āgantukā bhikkhū maṃ āpattiyā adassane ukkhipiṃsu. Tassa mayhaṃ, bhante, etadahosi – ‘ahaṃ kho etaṃ na jānāmi ‘āpatti vā esā anāpatti vā, āpanno camhi anāpanno vā, ukkhitto camhi anukkhitto vā, dhammikena vā adhammikena vā, kuppena vā akuppena vā, ṭhānārahena vā aṭṭhānārahena vā’. Yaṃnūnāhaṃ campaṃ gantvā bhagavantaṃ etamatthaṃ puccheyya’nti. Tato ahaṃ, bhagavā, āgacchāmī’’ti. ‘‘Anāpatti esā, bhikkhu, nesā āpatti. Anāpannosi, nasi āpanno. Anukkhittosi, nasi ukkhitto. Adhammikenāsi kammena ukkhitto kuppena aṭṭhānārahena. Gaccha tvaṃ, bhikkhu, tattheva vāsabhagāme nivāsaṃ kappehī’’ti. ‘‘Evaṃ, bhante’’ti kho kassapagotto bhikkhu bhagavato paṭissuṇitvā uṭṭhāyāsanā bhagavantaṃ abhivādetvā padakkhiṇaṃ katvā yena vāsabhagāmo tena pakkāmi.
੩੮੧. ਅਥ ਖੋ ਤੇਸਂ ਆਗਨ੍ਤੁਕਾਨਂ ਭਿਕ੍ਖੂਨਂ ਅਹੁਦੇવ ਕੁਕ੍ਕੁਚ੍ਚਂ, ਅਹੁ વਿਪ੍ਪਟਿਸਾਰੋ – ‘‘ਅਲਾਭਾ વਤ ਨੋ, ਨ વਤ ਨੋ ਲਾਭਾ, ਦੁਲ੍ਲਦ੍ਧਂ વਤ ਨੋ, ਨ વਤ ਨੋ ਸੁਲਦ੍ਧਂ, ਯੇ ਮਯਂ ਸੁਦ੍ਧਂ ਭਿਕ੍ਖੁਂ ਅਨਾਪਤ੍ਤਿਕਂ ਅવਤ੍ਥੁਸ੍ਮਿਂ ਅਕਾਰਣੇ ਉਕ੍ਖਿਪਿਮ੍ਹਾ। ਹਨ੍ਦ, ਮਯਂ, ਆવੁਸੋ, ਚਮ੍ਪਂ ਗਨ੍ਤ੍વਾ ਭਗવਤੋ ਸਨ੍ਤਿਕੇ ਅਚ੍ਚਯਂ ਅਚ੍ਚਯਤੋ ਦੇਸੇਮਾ’’ਤਿ। ਅਥ ਖੋ ਤੇ ਆਗਨ੍ਤੁਕਾ ਭਿਕ੍ਖੂ ਸੇਨਾਸਨਂ ਸਂਸਾਮੇਤ੍વਾ ਪਤ੍ਤਚੀવਰਮਾਦਾਯ ਯੇਨ ਚਮ੍ਪਾ ਤੇਨ ਪਕ੍ਕਮਿਂਸੁ। ਅਨੁਪੁਬ੍ਬੇਨ ਯੇਨ ਚਮ੍ਪਾ ਯੇਨ ਭਗવਾ ਤੇਨੁਪਸਙ੍ਕਮਿਂਸੁ, ਉਪਸਙ੍ਕਮਿਤ੍વਾ ਭਗવਨ੍ਤਂ ਅਭਿવਾਦੇਤ੍વਾ ਏਕਮਨ੍ਤਂ ਨਿਸੀਦਿਂਸੁ। ਆਚਿਣ੍ਣਂ ਖੋ ਪਨੇਤਂ ਬੁਦ੍ਧਾਨਂ ਭਗવਨ੍ਤਾਨਂ ਆਗਨ੍ਤੁਕੇਹਿ ਭਿਕ੍ਖੂਹਿ ਸਦ੍ਧਿਂ ਪਟਿਸਮ੍ਮੋਦਿਤੁਂ। ਅਥ ਖੋ ਭਗવਾ ਤੇ ਭਿਕ੍ਖੂ ਏਤਦવੋਚ – ‘‘ਕਚ੍ਚਿ, ਭਿਕ੍ਖવੇ, ਖਮਨੀਯਂ, ਕਚ੍ਚਿ ਯਾਪਨੀਯਂ, ਕਚ੍ਚਿਤ੍ਥ ਅਪ੍ਪਕਿਲਮਥੇਨ ਅਦ੍ਧਾਨਂ ਆਗਤਾ, ਕੁਤੋ ਚ ਤੁਮ੍ਹੇ, ਭਿਕ੍ਖવੇ, ਆਗਚ੍ਛਥਾ’’ਤਿ ? ‘‘ਖਮਨੀਯਂ, ਭਗવਾ; ਯਾਪਨੀਯਂ, ਭਗવਾ; ਅਪ੍ਪਕਿਲਮਥੇਨ ਚ ਮਯਂ, ਭਨ੍ਤੇ, ਅਦ੍ਧਾਨਂ ਆਗਤਾ। ਅਤ੍ਥਿ, ਭਨ੍ਤੇ, ਕਾਸੀਸੁ ਜਨਪਦੇ વਾਸਭਗਾਮੋ ਨਾਮ। ਤਤੋ ਮਯਂ, ਭਗવਾ, ਆਗਚ੍ਛਾਮਾ’’ਤਿ। ‘‘ਤੁਮ੍ਹੇ, ਭਿਕ੍ਖવੇ, ਆવਾਸਿਕਂ ਭਿਕ੍ਖੁਂ ਉਕ੍ਖਿਪਿਤ੍ਥਾ’’ਤਿ? ‘‘ਏવਂ, ਭਨ੍ਤੇ’’ਤਿ। ‘‘ਕਿਸ੍ਮਿਂ, ਭਿਕ੍ਖવੇ, વਤ੍ਥੁਸ੍ਮਿਂ ਕਾਰਣੇ’’ਤਿ? ‘‘ਅવਤ੍ਥੁਸ੍ਮਿਂ, ਭਗવਾ, ਅਕਾਰਣੇ’’ਤਿ। વਿਗਰਹਿ ਬੁਦ੍ਧੋ ਭਗવਾ – ‘‘ਅਨਨੁਚ੍ਛવਿਕਂ, ਮੋਘਪੁਰਿਸਾ, ਅਨਨੁਲੋਮਿਕਂ ਅਪ੍ਪਤਿਰੂਪਂ ਅਸ੍ਸਾਮਣਕਂ ਅਕਪ੍ਪਿਯਂ ਅਕਰਣੀਯਂ। ਕਥਞ੍ਹਿ ਨਾਮ ਤੁਮ੍ਹੇ, ਮੋਘਪੁਰਿਸਾ, ਸੁਦ੍ਧਂ ਭਿਕ੍ਖੁਂ ਅਨਾਪਤ੍ਤਿਕਂ ਅવਤ੍ਥੁਸ੍ਮਿਂ ਅਕਾਰਣੇ ਉਕ੍ਖਿਪਿਸ੍ਸਥ। ਨੇਤਂ, ਮੋਘਪੁਰਿਸਾ, ਅਪ੍ਪਸਨ੍ਨਾਨਂ વਾ ਪਸਾਦਾਯ…ਪੇ॰…’’ વਿਗਰਹਿਤ੍વਾ ਧਮ੍ਮਿਂ ਕਥਂ ਕਤ੍વਾ ਭਿਕ੍ਖੂ ਆਮਨ੍ਤੇਸਿ – ‘‘ਨ, ਭਿਕ੍ਖવੇ, ਸੁਦ੍ਧੋ ਭਿਕ੍ਖੁ ਅਨਾਪਤ੍ਤਿਕੋ ਅવਤ੍ਥੁਸ੍ਮਿਂ ਅਕਾਰਣੇ ਉਕ੍ਖਿਪਿਤਬ੍ਬੋ। ਯੋ ਉਕ੍ਖਿਪੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ।
381. Atha kho tesaṃ āgantukānaṃ bhikkhūnaṃ ahudeva kukkuccaṃ, ahu vippaṭisāro – ‘‘alābhā vata no, na vata no lābhā, dulladdhaṃ vata no, na vata no suladdhaṃ, ye mayaṃ suddhaṃ bhikkhuṃ anāpattikaṃ avatthusmiṃ akāraṇe ukkhipimhā. Handa, mayaṃ, āvuso, campaṃ gantvā bhagavato santike accayaṃ accayato desemā’’ti. Atha kho te āgantukā bhikkhū senāsanaṃ saṃsāmetvā pattacīvaramādāya yena campā tena pakkamiṃsu. Anupubbena yena campā yena bhagavā tenupasaṅkamiṃsu, upasaṅkamitvā bhagavantaṃ abhivādetvā ekamantaṃ nisīdiṃsu. Āciṇṇaṃ kho panetaṃ buddhānaṃ bhagavantānaṃ āgantukehi bhikkhūhi saddhiṃ paṭisammodituṃ. Atha kho bhagavā te bhikkhū etadavoca – ‘‘kacci, bhikkhave, khamanīyaṃ, kacci yāpanīyaṃ, kaccittha appakilamathena addhānaṃ āgatā, kuto ca tumhe, bhikkhave, āgacchathā’’ti ? ‘‘Khamanīyaṃ, bhagavā; yāpanīyaṃ, bhagavā; appakilamathena ca mayaṃ, bhante, addhānaṃ āgatā. Atthi, bhante, kāsīsu janapade vāsabhagāmo nāma. Tato mayaṃ, bhagavā, āgacchāmā’’ti. ‘‘Tumhe, bhikkhave, āvāsikaṃ bhikkhuṃ ukkhipitthā’’ti? ‘‘Evaṃ, bhante’’ti. ‘‘Kismiṃ, bhikkhave, vatthusmiṃ kāraṇe’’ti? ‘‘Avatthusmiṃ, bhagavā, akāraṇe’’ti. Vigarahi buddho bhagavā – ‘‘ananucchavikaṃ, moghapurisā, ananulomikaṃ appatirūpaṃ assāmaṇakaṃ akappiyaṃ akaraṇīyaṃ. Kathañhi nāma tumhe, moghapurisā, suddhaṃ bhikkhuṃ anāpattikaṃ avatthusmiṃ akāraṇe ukkhipissatha. Netaṃ, moghapurisā, appasannānaṃ vā pasādāya…pe…’’ vigarahitvā dhammiṃ kathaṃ katvā bhikkhū āmantesi – ‘‘na, bhikkhave, suddho bhikkhu anāpattiko avatthusmiṃ akāraṇe ukkhipitabbo. Yo ukkhipeyya, āpatti dukkaṭassā’’ti.
ਅਥ ਖੋ ਤੇ ਭਿਕ੍ਖੂ ਉਟ੍ਠਾਯਾਸਨਾ ਏਕਂਸਂ ਉਤ੍ਤਰਾਸਙ੍ਗਂ ਕਰਿਤ੍વਾ ਭਗવਤੋ ਪਾਦੇਸੁ ਸਿਰਸਾ ਨਿਪਤਿਤ੍વਾ ਭਗવਨ੍ਤਂ ਏਤਦવੋਚੁਂ – ‘‘ਅਚ੍ਚਯੋ ਨੋ, ਭਨ੍ਤੇ, ਅਚ੍ਚਗਮਾ ਯਥਾਬਾਲੇ ਯਥਾਮੂਲ਼੍ਹੇ ਯਥਾਅਕੁਸਲੇ, ਯੇ ਮਯਂ ਸੁਦ੍ਧਂ ਭਿਕ੍ਖੁਂ ਅਨਾਪਤ੍ਤਿਕਂ ਅવਤ੍ਥੁਸ੍ਮਿਂ ਅਕਾਰਣੇ ਉਕ੍ਖਿਪਿਮ੍ਹਾ। ਤੇਸਂ ਨੋ, ਭਨ੍ਤੇ, ਭਗવਾ ਅਚ੍ਚਯਂ ਅਚ੍ਚਯਤੋ ਪਟਿਗ੍ਗਣ੍ਹਾਤੁ ਆਯਤਿਂ ਸਂવਰਾਯਾ’’ਤਿ। ‘‘ਤਗ੍ਘ, ਤੁਮ੍ਹੇ, ਭਿਕ੍ਖવੇ, ਅਚ੍ਚਯੋ ਅਚ੍ਚਗਮਾ ਯਥਾਬਾਲੇ ਯਥਾਮੂਲ਼੍ਹੇ ਯਥਾਅਕੁਸਲੇ, ਯੇ ਤੁਮ੍ਹੇ ਸੁਦ੍ਧਂ ਭਿਕ੍ਖੁਂ ਅਨਾਪਤ੍ਤਿਕਂ ਅવਤ੍ਥੁਸ੍ਮਿਂ ਅਕਾਰਣੇ ਉਕ੍ਖਿਪਿਤ੍ਥ। ਯਤੋ ਚ ਖੋ ਤੁਮ੍ਹੇ, ਭਿਕ੍ਖવੇ, ਅਚ੍ਚਯਂ ਅਚ੍ਚਯਤੋ ਦਿਸ੍વਾ ਯਥਾਧਮ੍ਮਂ ਪਟਿਕਰੋਥ, ਤਂ વੋ ਮਯਂ ਪਟਿਗ੍ਗਣ੍ਹਾਮ। વੁਦ੍ਧਿਹੇਸਾ , ਭਿਕ੍ਖવੇ, ਅਰਿਯਸ੍ਸ વਿਨਯੇ ਯੋ ਅਚ੍ਚਯਂ ਅਚ੍ਚਯਤੋ ਦਿਸ੍વਾ ਯਥਾਧਮ੍ਮਂ ਪਟਿਕਰੋਤਿ, ਆਯਤਿਂ 5 ਸਂવਰਂ ਆਪਜ੍ਜਤੀ’’ਤਿ।
Atha kho te bhikkhū uṭṭhāyāsanā ekaṃsaṃ uttarāsaṅgaṃ karitvā bhagavato pādesu sirasā nipatitvā bhagavantaṃ etadavocuṃ – ‘‘accayo no, bhante, accagamā yathābāle yathāmūḷhe yathāakusale, ye mayaṃ suddhaṃ bhikkhuṃ anāpattikaṃ avatthusmiṃ akāraṇe ukkhipimhā. Tesaṃ no, bhante, bhagavā accayaṃ accayato paṭiggaṇhātu āyatiṃ saṃvarāyā’’ti. ‘‘Taggha, tumhe, bhikkhave, accayo accagamā yathābāle yathāmūḷhe yathāakusale, ye tumhe suddhaṃ bhikkhuṃ anāpattikaṃ avatthusmiṃ akāraṇe ukkhipittha. Yato ca kho tumhe, bhikkhave, accayaṃ accayato disvā yathādhammaṃ paṭikarotha, taṃ vo mayaṃ paṭiggaṇhāma. Vuddhihesā , bhikkhave, ariyassa vinaye yo accayaṃ accayato disvā yathādhammaṃ paṭikaroti, āyatiṃ 6 saṃvaraṃ āpajjatī’’ti.
ਕਸ੍ਸਪਗੋਤ੍ਤਭਿਕ੍ਖੁવਤ੍ਥੁ ਨਿਟ੍ਠਿਤਂ।
Kassapagottabhikkhuvatthu niṭṭhitaṃ.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਕਸ੍ਸਪਗੋਤ੍ਤਭਿਕ੍ਖੁવਤ੍ਥੁਕਥਾ • Kassapagottabhikkhuvatthukathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਕਸ੍ਸਪਗੋਤ੍ਤਭਿਕ੍ਖੁવਤ੍ਥੁਕਥਾવਣ੍ਣਨਾ • Kassapagottabhikkhuvatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਕਸ੍ਸਪਗੋਤ੍ਤਭਿਕ੍ਖੁવਤ੍ਥੁਕਥਾਦਿવਣ੍ਣਨਾ • Kassapagottabhikkhuvatthukathādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੨੩੪. ਕਸ੍ਸਪਗੋਤ੍ਤਭਿਕ੍ਖੁવਤ੍ਥੁਕਥਾ • 234. Kassapagottabhikkhuvatthukathā
