| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
9. жамбзяяагканд̇хагам̣
9. Campeyyakkhandhakaṃ
гассабаг̇од̇д̇абхигкувад̇т̇угат̇аа
Kassapagottabhikkhuvatthukathā
380. жамбзяяагканд̇хагз – г̇аг̇г̇арааяа богкаран̣ияаа д̇ийрзд̇и г̇аг̇г̇араанаамигааяа ид̇т̇ияаа гаарид̇абогкаран̣ияаа д̇ийрз. д̇анд̇иб̣ад̣̇д̇ход̇и д̇асмим̣ ааваасз гад̇д̇аб̣б̣ад̇аад̇анд̇ибадиб̣ад̣̇д̇хо. уссуггамби агааси яааг̇уяаад̇иаад̣̇ийсу мануссзхи ааг̇анд̇угзсу ааг̇ад̇зсу аажигкзяяаат̇аад̇и вуд̇д̇адтаанзязва уссуггам̣ гаад̇ум̣ ваддад̇и; на авуд̇д̇адтаанз. г̇ажча д̇вам̣ бхигкууд̇и сад̇т̇аа д̇асса бхигкуно д̇ад̇т̇зва сзнаасанам̣ саббааяанд̇и ад̣̇д̣̇аса, д̇знзвамааха.
380. Campeyyakkhandhake – gaggarāya pokkharaṇiyā tīreti gaggarānāmikāya itthiyā kāritapokkharaṇiyā tīre. Tantibaddhoti tasmiṃ āvāse kattabbatātantipaṭibaddho. Ussukkampi akāsi yāguyātiādīsu manussehi āgantukesu āgatesu ācikkheyyāthāti vuttaṭṭhāneyeva ussukkaṃ kātuṃ vaṭṭati; na avuttaṭṭhāne. Gaccha tvaṃ bhikkhūti satthā tassa bhikkhuno tattheva senāsanaṃ sappāyanti addasa, tenevamāha.
382. ад̇хаммзна ваг̇г̇агаммам̣ гаронд̇ийд̇иаад̣̇ийнам̣ барад̇о баал̣ияам̣язва наанаагаран̣ам̣ ааг̇амиссад̇и.
382.Adhammena vaggakammaṃ karontītiādīnaṃ parato pāḷiyaṃyeva nānākaraṇaṃ āgamissati.
385. ан̃н̃ад̇рааби д̇хаммаа гаммам̣ гаронд̇ийд̇и ан̃н̃ад̇рааби д̇хаммам̣ гаммам̣ гаронд̇и, аяамзва ваа баато. бхууд̇зна вад̇т̇унаа гад̇ам̣ д̇хаммзна гад̇ам̣ наама ход̇и, д̇ат̇аа на гаронд̇ийд̇и ад̇т̇о. ан̃н̃ад̇рааби винаяаа гаммам̣, ан̃н̃ад̇рааби сад̇т̇усаасанаа гамманд̇и зд̇зсуби зсзва наяо. зд̇т̇а бана винаяод̇и жод̣̇анаа жа сааран̣аа жа. сад̇т̇усаасананд̇и н̃ад̇д̇исамбад̣̇аа ануссааванасамбад̣̇аа жа; д̇аахи винаа гаммам̣ гаронд̇ийд̇и ад̇т̇о. бадигудтагад̇анд̇и бадигудтан̃жзва гад̇ан̃жа; яам̣ ан̃н̃зсу бадиггосанд̇зсу гад̇ам̣ д̇ам̣ бадигудтан̃жзва ход̇и гад̇ан̃жа; д̇аад̣̇исамби гаммам̣ гаронд̇ийд̇и ад̇т̇о.
385.Aññatrāpi dhammā kammaṃ karontīti aññatrāpi dhammaṃ kammaṃ karonti, ayameva vā pāṭho. Bhūtena vatthunā kataṃ dhammena kataṃ nāma hoti, tathā na karontīti attho. Aññatrāpi vinayā kammaṃ, aññatrāpi satthusāsanā kammanti etesupi eseva nayo. Ettha pana vinayoti codanā ca sāraṇā ca. Satthusāsananti ñattisampadā anussāvanasampadā ca; tāhi vinā kammaṃ karontīti attho. Paṭikuṭṭhakatanti paṭikuṭṭhañceva katañca; yaṃ aññesu paṭikkosantesu kataṃ taṃ paṭikuṭṭhañceva hoti katañca; tādisampi kammaṃ karontīti attho.
387. чаяимаани бхигкавз гаммаани ад̇хаммагамманд̇иаад̣̇ийсу бана ‘‘д̇хаммо’’д̇и баал̣ияаа ад̇хиважанам̣. д̇асмаа яам̣ яат̇аавуд̇д̇ааяа баал̣ияаа на гарияад̇и, д̇ам̣ ад̇хаммагамманд̇и взд̣̇ид̇аб̣б̣ам̣. аяамзд̇т̇а сан̇кзбо, вид̇т̇ааро бана баал̣ияам̣язва ааг̇ад̇о. со жа ко н̃ад̇д̇ид̣̇уд̇ияан̃ад̇д̇ижад̇уд̇т̇агаммаанам̣язва васзна. яасмаа бана н̃ад̇д̇игаммз н̃ад̇д̇ид̣̇уд̇ияан̃ад̇д̇ижад̇уд̇т̇зсу вияа хаабанам̣ ваа ан̃н̃ат̇аа гаран̣ам̣ ваа над̇т̇и, абалоганагамман̃жа саавзд̇ваава гарияад̇и, д̇асмаа д̇аани баал̣ияам̣ на д̣̇ассид̇аани, д̇зсам̣ саб̣б̣зсамби гаммаанам̣ винижчаяам̣ барад̇о ван̣н̣аяиссаама.
387.Chayimāni bhikkhave kammāni adhammakammantiādīsu pana ‘‘dhammo’’ti pāḷiyā adhivacanaṃ. Tasmā yaṃ yathāvuttāya pāḷiyā na kariyati, taṃ adhammakammanti veditabbaṃ. Ayamettha saṅkhepo, vitthāro pana pāḷiyaṃyeva āgato. So ca kho ñattidutiyañatticatutthakammānaṃyeva vasena. Yasmā pana ñattikamme ñattidutiyañatticatutthesu viya hāpanaṃ vā aññathā karaṇaṃ vā natthi, apalokanakammañca sāvetvāva kariyati, tasmā tāni pāḷiyaṃ na dassitāni, tesaṃ sabbesampi kammānaṃ vinicchayaṃ parato vaṇṇayissāma.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
234. гассабаг̇од̇д̇абхигкувад̇т̇у • 234. Kassapagottabhikkhuvatthu
235. ад̇хаммзна ваг̇г̇аад̣̇игаммагат̇аа • 235. Adhammena vaggādikammakathā
236. н̃ад̇д̇ивибаннагаммаад̣̇игат̇аа • 236. Ñattivipannakammādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
гассабаг̇од̇д̇абхигкувад̇т̇угат̇ааван̣н̣анаа • Kassapagottabhikkhuvatthukathāvaṇṇanā
н̃ад̇д̇ивибаннагаммаад̣̇игат̇ааван̣н̣анаа • Ñattivipannakammādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / гассабаг̇од̇д̇абхигкувад̇т̇угат̇аад̣̇иван̣н̣анаа • Kassapagottabhikkhuvatthukathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi
234. гассабаг̇од̇д̇абхигкувад̇т̇угат̇аа • 234. Kassapagottabhikkhuvatthukathā
236. н̃ад̇д̇ивибаннагаммаад̣̇игат̇аа • 236. Ñattivipannakammādikathā
