| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
3. гассабаг̇од̇д̇асуд̇д̇ам̣
3. Kassapagottasuttaṃ
223. згам̣ самаяам̣ ааяасмаа гассабаг̇од̇д̇о госалзсу вихарад̇и ан̃н̃ад̇арасмим̣ ванасан̣д̣з. д̇зна ко бана самаязна ааяасмаа гассабаг̇од̇д̇о д̣̇иваавихаараг̇ад̇о ан̃н̃ад̇арам̣ чзд̇ам̣ овад̣̇ад̇и. ат̇а ко яаа д̇асмим̣ ванасан̣д̣з ад̇хивад̇т̇аа д̣̇звад̇аа ааяасманд̇ам̣ гассабаг̇од̇д̇ам̣ сам̣взж̇зд̇угаамаа язнааяасмаа гассабаг̇од̇д̇о д̇знубасан̇гами; убасан̇гамид̇ваа ааяасманд̇ам̣ гассабаг̇од̇д̇ам̣ г̇аат̇аахи аж̇жхабхааси –
223. Ekaṃ samayaṃ āyasmā kassapagotto kosalesu viharati aññatarasmiṃ vanasaṇḍe. Tena kho pana samayena āyasmā kassapagotto divāvihāragato aññataraṃ chetaṃ ovadati. Atha kho yā tasmiṃ vanasaṇḍe adhivatthā devatā āyasmantaṃ kassapagottaṃ saṃvejetukāmā yenāyasmā kassapagotto tenupasaṅkami; upasaṅkamitvā āyasmantaṃ kassapagottaṃ gāthāhi ajjhabhāsi –
‘‘г̇ирид̣̇уг̇г̇ажарам̣ чзд̇ам̣, аббабан̃н̃ам̣ ажзд̇асам̣;
‘‘Giriduggacaraṃ chetaṃ, appapaññaṃ acetasaṃ;
агаалз овад̣̇ам̣ бхигку, манд̣̇ова бадибхаад̇и мам̣.
Akāle ovadaṃ bhikkhu, mandova paṭibhāti maṃ.
‘‘сун̣аад̇и на виж̇аанаад̇и, аалогзд̇и на бассад̇и;
‘‘Suṇāti na vijānāti, āloketi na passati;
д̇хаммасмим̣ бхан̃н̃амаанасмим̣, ад̇т̇ам̣ б̣аало на б̣уж̇жхад̇и.
Dhammasmiṃ bhaññamānasmiṃ, atthaṃ bālo na bujjhati.
‘‘сажзби д̣̇аса баж̇ж̇од̇з, д̇хаараяиссаси гассаба;
‘‘Sacepi dasa pajjote, dhārayissasi kassapa;
нзва д̣̇агкад̇и руубаани, жагку хисса на виж̇ж̇ад̇ий’’д̇и.
Neva dakkhati rūpāni, cakkhu hissa na vijjatī’’ti.
ат̇а ко ааяасмаа гассабаг̇од̇д̇о д̇ааяа д̣̇звад̇ааяа сам̣взж̇ид̇о сам̣взг̇амаабаад̣̇ийд̇и.
Atha kho āyasmā kassapagotto tāya devatāya saṃvejito saṃvegamāpādīti.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. гассабаг̇од̇д̇асуд̇д̇аван̣н̣анаа • 3. Kassapagottasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. гассабаг̇од̇д̇асуд̇д̇аван̣н̣анаа • 3. Kassapagottasuttavaṇṇanā
