| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੩. ਕਸ੍ਸਪਗੋਤ੍ਤਸੁਤ੍ਤਂ
3. Kassapagottasuttaṃ
੨੨੩. ਏਕਂ ਸਮਯਂ ਆਯਸ੍ਮਾ ਕਸ੍ਸਪਗੋਤ੍ਤੋ ਕੋਸਲੇਸੁ વਿਹਰਤਿ ਅਞ੍ਞਤਰਸ੍ਮਿਂ વਨਸਣ੍ਡੇ। ਤੇਨ ਖੋ ਪਨ ਸਮਯੇਨ ਆਯਸ੍ਮਾ ਕਸ੍ਸਪਗੋਤ੍ਤੋ ਦਿવਾવਿਹਾਰਗਤੋ ਅਞ੍ਞਤਰਂ ਛੇਤਂ ਓવਦਤਿ। ਅਥ ਖੋ ਯਾ ਤਸ੍ਮਿਂ વਨਸਣ੍ਡੇ ਅਧਿવਤ੍ਥਾ ਦੇવਤਾ ਆਯਸ੍ਮਨ੍ਤਂ ਕਸ੍ਸਪਗੋਤ੍ਤਂ ਸਂવੇਜੇਤੁਕਾਮਾ ਯੇਨਾਯਸ੍ਮਾ ਕਸ੍ਸਪਗੋਤ੍ਤੋ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਆਯਸ੍ਮਨ੍ਤਂ ਕਸ੍ਸਪਗੋਤ੍ਤਂ ਗਾਥਾਹਿ ਅਜ੍ਝਭਾਸਿ –
223. Ekaṃ samayaṃ āyasmā kassapagotto kosalesu viharati aññatarasmiṃ vanasaṇḍe. Tena kho pana samayena āyasmā kassapagotto divāvihāragato aññataraṃ chetaṃ ovadati. Atha kho yā tasmiṃ vanasaṇḍe adhivatthā devatā āyasmantaṃ kassapagottaṃ saṃvejetukāmā yenāyasmā kassapagotto tenupasaṅkami; upasaṅkamitvā āyasmantaṃ kassapagottaṃ gāthāhi ajjhabhāsi –
‘‘ਗਿਰਿਦੁਗ੍ਗਚਰਂ ਛੇਤਂ, ਅਪ੍ਪਪਞ੍ਞਂ ਅਚੇਤਸਂ।
‘‘Giriduggacaraṃ chetaṃ, appapaññaṃ acetasaṃ;
ਅਕਾਲੇ ਓવਦਂ ਭਿਕ੍ਖੁ, ਮਨ੍ਦੋવ ਪਟਿਭਾਤਿ ਮਂ॥
Akāle ovadaṃ bhikkhu, mandova paṭibhāti maṃ.
‘‘ਸੁਣਾਤਿ ਨ વਿਜਾਨਾਤਿ, ਆਲੋਕੇਤਿ ਨ ਪਸ੍ਸਤਿ।
‘‘Suṇāti na vijānāti, āloketi na passati;
ਧਮ੍ਮਸ੍ਮਿਂ ਭਞ੍ਞਮਾਨਸ੍ਮਿਂ, ਅਤ੍ਥਂ ਬਾਲੋ ਨ ਬੁਜ੍ਝਤਿ॥
Dhammasmiṃ bhaññamānasmiṃ, atthaṃ bālo na bujjhati.
‘‘ਸਚੇਪਿ ਦਸ ਪਜ੍ਜੋਤੇ, ਧਾਰਯਿਸ੍ਸਸਿ ਕਸ੍ਸਪ।
‘‘Sacepi dasa pajjote, dhārayissasi kassapa;
ਨੇવ ਦਕ੍ਖਤਿ ਰੂਪਾਨਿ, ਚਕ੍ਖੁ ਹਿਸ੍ਸ ਨ વਿਜ੍ਜਤੀ’’ਤਿ॥
Neva dakkhati rūpāni, cakkhu hissa na vijjatī’’ti.
ਅਥ ਖੋ ਆਯਸ੍ਮਾ ਕਸ੍ਸਪਗੋਤ੍ਤੋ ਤਾਯ ਦੇવਤਾਯ ਸਂવੇਜਿਤੋ ਸਂવੇਗਮਾਪਾਦੀਤਿ।
Atha kho āyasmā kassapagotto tāya devatāya saṃvejito saṃvegamāpādīti.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੩. ਕਸ੍ਸਪਗੋਤ੍ਤਸੁਤ੍ਤવਣ੍ਣਨਾ • 3. Kassapagottasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੩. ਕਸ੍ਸਪਗੋਤ੍ਤਸੁਤ੍ਤવਣ੍ਣਨਾ • 3. Kassapagottasuttavaṇṇanā
