| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
3. гассабаг̇од̇д̇асуд̇д̇аван̣н̣анаа
3. Kassapagottasuttavaṇṇanā
223. д̇ад̇ияз чзд̇анд̇и згам̣ миг̇алуд̣̇д̣̇агам̣. овад̣̇ад̇ийд̇и со гира миг̇алуд̣̇д̣̇аго баад̇ова бхун̃ж̇ид̇ваа ‘‘миг̇з вад̇хиссаамий’’д̇и аран̃н̃ам̣ бавидто згам̣ рохид̇амиг̇ам̣ д̣̇исваа ‘‘сад̇д̇ияаа нам̣ бахариссаамий’’д̇и ануб̣анд̇хамаано т̇зрасса батамасуд̇д̇з вуд̇д̇анаязнзва д̣̇иваавихаарам̣ нисиннасса авид̣̇уурзна баггамад̇и. ат̇а нам̣ т̇зро – ‘‘убаасага, баан̣аад̇ибаад̇о наамзса абааяасам̣вад̇д̇аниго аббааяугасам̣вад̇д̇аниго, саггаа ан̃н̃знаби гасиван̣иж̇ж̇аад̣̇игаммзна д̣̇аарабхаран̣ам̣ гаад̇ум̣, маа зваруубам̣ гагкал̣агаммам̣ гарохий’’д̇и ааха. соби ‘‘махаабам̣сугуулигад̇т̇зро гат̇зд̇ий’’д̇и г̇ааравзна тад̇ваа сод̇ум̣ аарад̣̇д̇хо. ат̇асса сод̇угаамад̇ам̣ ж̇анзссаамийд̇и т̇зро ан̇г̇удтагам̣ ж̇аалаабзси. со агкийхиби бассад̇и, ган̣н̣зхиби сун̣аад̇и, жид̇д̇ам̣ банасса ‘‘асугадтаанам̣ миг̇о г̇ад̇о бхависсад̇и, асугад̇ид̇т̇ам̣ од̇ин̣н̣о, д̇ад̇т̇а нам̣ г̇анд̇ваа гхаад̇зд̇ваа яаавад̣̇ижчагам̣ мам̣сам̣ каад̣̇ид̇ваа сзсам̣ гааж̇знаад̣̇ааяа г̇анд̇ваа буд̇д̇агз д̇осзссаамий’’д̇и звам̣ миг̇ассзва анубад̣̇ам̣ д̇хаавад̇и. звам̣ вигкид̇д̇ажид̇д̇асса д̇хаммам̣ д̣̇зсзнд̇ам̣ т̇зрам̣ санд̇хааяа вуд̇д̇ам̣ ‘‘овад̣̇ад̇ий’’д̇и. аж̇жхабхаасийд̇и ‘‘аяам̣ т̇зро ад̣̇аарум̣ д̇ажчанд̇о вияа акзд̇д̇з ваббанд̇о вияа ад̇д̇аноби гаммам̣ наасзд̇и, зд̇ассааби жод̣̇зссаами на’’нд̇и абхааси.
223. Tatiye chetanti ekaṃ migaluddakaṃ. Ovadatīti so kira migaluddako pātova bhuñjitvā ‘‘mige vadhissāmī’’ti araññaṃ paviṭṭho ekaṃ rohitamigaṃ disvā ‘‘sattiyā naṃ paharissāmī’’ti anubandhamāno therassa paṭhamasutte vuttanayeneva divāvihāraṃ nisinnassa avidūrena pakkamati. Atha naṃ thero – ‘‘upāsaka, pāṇātipāto nāmesa apāyasaṃvattaniko appāyukasaṃvattaniko, sakkā aññenapi kasivaṇijjādikammena dārabharaṇaṃ kātuṃ, mā evarūpaṃ kakkhaḷakammaṃ karohī’’ti āha. Sopi ‘‘mahāpaṃsukūlikatthero kathetī’’ti gāravena ṭhatvā sotuṃ āraddho. Athassa sotukāmataṃ janessāmīti thero aṅguṭṭhakaṃ jālāpesi. So akkhīhipi passati, kaṇṇehipi suṇāti, cittaṃ panassa ‘‘asukaṭṭhānaṃ migo gato bhavissati, asukatitthaṃ otiṇṇo, tattha naṃ gantvā ghātetvā yāvadicchakaṃ maṃsaṃ khāditvā sesaṃ kājenādāya gantvā puttake tosessāmī’’ti evaṃ migasseva anupadaṃ dhāvati. Evaṃ vikkhittacittassa dhammaṃ desentaṃ theraṃ sandhāya vuttaṃ ‘‘ovadatī’’ti. Ajjhabhāsīti ‘‘ayaṃ thero adāruṃ tacchanto viya akhette vappanto viya attanopi kammaṃ nāseti, etassāpi codessāmi na’’nti abhāsi.
аббабан̃н̃анд̇и ниббан̃н̃ам̣. ажзд̇асанд̇и гааран̣аж̇аананасамад̇т̇зна жид̇д̇зна рахид̇ам̣. манд̣̇оваад̇и анд̇хаб̣аало вияа. сун̣аад̇ийд̇и д̇ава д̇хаммагат̇ам̣ сун̣аад̇и. на виж̇аанаад̇ийд̇и ад̇т̇амасса на ж̇аанаад̇и. аалогзд̇ийд̇и д̇ава бут̇уж̇ж̇анигаид̣̇д̇хияаа ж̇аланд̇ам̣ ан̇г̇удтагам̣ аалогзд̇и. на бассад̇ийд̇и зд̇т̇а ‘‘нзва д̇злам̣ на вадди на д̣̇ийбагабаллигаа, т̇зрасса бана аанубхаавзнааяам̣ ж̇алад̇ий’’д̇и имам̣ гааран̣ам̣ на бассад̇и. д̣̇аса баж̇ж̇од̇зд̇и д̣̇асасу ан̇г̇улийсу д̣̇аса бад̣̇ийбз. руубаанийд̇и гааран̣аруубаани. жагкууд̇и бан̃н̃аажагку. сам̣взг̇амаабаад̣̇ийд̇и гим̣ мз иминаад̇и? вийрияам̣ баг̇г̇аяха барамавивзгам̣ арахад̇д̇амаг̇г̇ам̣ бадибаж̇ж̇и. д̇ад̇ияам̣.
Appapaññanti nippaññaṃ. Acetasanti kāraṇajānanasamatthena cittena rahitaṃ. Mandovāti andhabālo viya. Suṇātīti tava dhammakathaṃ suṇāti. Na vijānātīti atthamassa na jānāti. Āloketīti tava puthujjanikaiddhiyā jalantaṃ aṅguṭṭhakaṃ āloketi. Na passatīti ettha ‘‘neva telaṃ na vaṭṭi na dīpakapallikā, therassa pana ānubhāvenāyaṃ jalatī’’ti imaṃ kāraṇaṃ na passati. Dasa pajjoteti dasasu aṅgulīsu dasa padīpe. Rūpānīti kāraṇarūpāni. Cakkhūti paññācakkhu. Saṃvegamāpādīti kiṃ me imināti? Vīriyaṃ paggayha paramavivekaṃ arahattamaggaṃ paṭipajji. Tatiyaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. гассабаг̇од̇д̇асуд̇д̇ам̣ • 3. Kassapagottasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. гассабаг̇од̇д̇асуд̇д̇аван̣н̣анаа • 3. Kassapagottasuttavaṇṇanā
