| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
3. гассабаг̇од̇д̇асуд̇д̇аван̣н̣анаа
3. Kassapagottasuttavaṇṇanā
223. чзд̇анд̇и миг̇аанам̣ ж̇ийвид̇ам̣ чзд̇ам̣. д̇знааха ‘‘миг̇алуд̣̇д̣̇ага’’нд̇и. рохид̇амиг̇анд̇и лохид̇аван̣н̣ам̣ куд̣̇д̣̇агамиг̇ам̣, ‘‘махаарохид̇амиг̇а’’нд̇и гзжи. сад̇т̇у санд̇игз гаммадтаанам̣ г̇ахзд̇ваа д̇асса ж̇анабад̣̇асса сулабхабхигкад̇ааяа д̇ад̇т̇а г̇анд̇ваа вихарад̇ийд̇и имамад̇т̇ам̣ санд̇хааяа ‘‘батамасуд̇д̇з вуд̇д̇анаязнзваа’’д̇и вуд̇д̇ам̣. аяам̣ бана т̇зро бан̃жаабхин̃н̃о вибассанаагаммиго. тад̇ваад̇и бад̣̇аануб̣анд̇ханавасзна г̇аманам̣ убажчинд̣̇ид̇ваа т̇зрасса аасаннадтаанз тад̇ваа. д̇асса важанам̣ сод̇ум̣ аарад̣̇д̇хо. ан̇г̇удтагам̣ ж̇аалаабзсийд̇и ад̇хидтаанаб̣алзна д̣̇ан̣д̣ад̣̇ийбигам̣ вияа ад̇д̇ано ан̇г̇удтагам̣ ж̇аалаабзси. агкийхиби бассад̇и ан̇г̇удтагам̣ ж̇ааламаанам̣. ган̣н̣зхиби сун̣аад̇и д̇зна вужжамаанам̣ д̇хаммам̣ згад̣̇зсзна. жид̇д̇ам̣ банасса д̇хаавад̇ийд̇и самб̣анд̇хо. зд̇ассабийд̇и луд̣̇д̣̇агассаби.
223.Chetanti migānaṃ jīvitaṃ chetaṃ. Tenāha ‘‘migaluddaka’’nti. Rohitamiganti lohitavaṇṇaṃ khuddakamigaṃ, ‘‘mahārohitamiga’’nti keci. Satthu santike kammaṭṭhānaṃ gahetvā tassa janapadassa sulabhabhikkhatāya tattha gantvā viharatīti imamatthaṃ sandhāya ‘‘paṭhamasutte vuttanayenevā’’ti vuttaṃ. Ayaṃ pana thero pañcābhiñño vipassanākammiko. Ṭhatvāti padānubandhanavasena gamanaṃ upacchinditvā therassa āsannaṭṭhāne ṭhatvā. Tassa vacanaṃ sotuṃ āraddho. Aṅguṭṭhakaṃ jālāpesīti adhiṭṭhānabalena daṇḍadīpikaṃ viya attano aṅguṭṭhakaṃ jālāpesi. Akkhīhipi passati aṅguṭṭhakaṃ jālamānaṃ. Kaṇṇehipi suṇāti tena vuccamānaṃ dhammaṃ ekadesena. Cittaṃ panassa dhāvatīti sambandho. Etassapīti luddakassapi.
аббабан̃н̃анд̇и зд̇т̇а абба-сад̣̇д̣̇о ‘‘аббахарид̇з’’д̇иаад̣̇ийсу вияа абхаавад̇т̇од̇и ааха ‘‘ниббан̃н̃а’’нд̇и. гааран̣аж̇аананасамад̇т̇знаад̇и иминаа гааран̣зна сад̇д̇аанам̣ сукам̣, иминаа д̣̇угканд̇и звам̣ самаажарамаанзна гааран̣ам̣ ж̇аанид̇ум̣ самад̇т̇зна гаммассагад̇ан̃аан̣асамбаяуд̇д̇ажид̇д̇знаад̇и ад̇т̇о. сун̣аад̇ийд̇и гзвалам̣ саванамад̇д̇авасзна сун̣аад̇и, на д̇ад̣̇ад̇т̇авасзна. д̇знааха ‘‘ад̇т̇амасса на ж̇аанаад̇ий’’д̇и. гааран̣аруубаанийд̇и сабхаавагааран̣аани. гим̣ мз иминаад̇и? ‘‘ид̣̇ам̣ бабан̃жа’’нд̇и бахааяа. вийрияам̣ баг̇г̇аяхаад̇и жад̇уб̣б̣ид̇хам̣ саммаббад̇хаанам̣ вийрияам̣ баг̇г̇ан̣хид̇ваа.
Appapaññanti ettha appa-saddo ‘‘appaharite’’tiādīsu viya abhāvatthoti āha ‘‘nippañña’’nti. Kāraṇajānanasamatthenāti iminā kāraṇena sattānaṃ sukhaṃ, iminā dukkhanti evaṃ samācaramānena kāraṇaṃ jānituṃ samatthena kammassakatañāṇasampayuttacittenāti attho. Suṇātīti kevalaṃ savanamattavasena suṇāti, na tadatthavasena. Tenāha ‘‘atthamassa na jānātī’’ti. Kāraṇarūpānīti sabhāvakāraṇāni. Kiṃ me imināti? ‘‘Idaṃ papañca’’nti pahāya. Vīriyaṃ paggayhāti catubbidhaṃ sammappadhānaṃ vīriyaṃ paggaṇhitvā.
гассабаг̇од̇д̇асуд̇д̇аван̣н̣анаа нидтид̇аа.
Kassapagottasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. гассабаг̇од̇д̇асуд̇д̇ам̣ • 3. Kassapagottasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. гассабаг̇од̇д̇асуд̇д̇аван̣н̣анаа • 3. Kassapagottasuttavaṇṇanā
