| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੩. ਕਸ੍ਸਪਗੋਤ੍ਤਸੁਤ੍ਤવਣ੍ਣਨਾ
3. Kassapagottasuttavaṇṇanā
੨੨੩. ਛੇਤਨ੍ਤਿ ਮਿਗਾਨਂ ਜੀવਿਤਂ ਛੇਤਂ। ਤੇਨਾਹ ‘‘ਮਿਗਲੁਦ੍ਦਕ’’ਨ੍ਤਿ। ਰੋਹਿਤਮਿਗਨ੍ਤਿ ਲੋਹਿਤવਣ੍ਣਂ ਖੁਦ੍ਦਕਮਿਗਂ, ‘‘ਮਹਾਰੋਹਿਤਮਿਗ’’ਨ੍ਤਿ ਕੇਚਿ। ਸਤ੍ਥੁ ਸਨ੍ਤਿਕੇ ਕਮ੍ਮਟ੍ਠਾਨਂ ਗਹੇਤ੍વਾ ਤਸ੍ਸ ਜਨਪਦਸ੍ਸ ਸੁਲਭਭਿਕ੍ਖਤਾਯ ਤਤ੍ਥ ਗਨ੍ਤ੍વਾ વਿਹਰਤੀਤਿ ਇਮਮਤ੍ਥਂ ਸਨ੍ਧਾਯ ‘‘ਪਠਮਸੁਤ੍ਤੇ વੁਤ੍ਤਨਯੇਨੇવਾ’’ਤਿ વੁਤ੍ਤਂ। ਅਯਂ ਪਨ ਥੇਰੋ ਪਞ੍ਚਾਭਿਞ੍ਞੋ વਿਪਸ੍ਸਨਾਕਮ੍ਮਿਕੋ। ਠਤ੍વਾਤਿ ਪਦਾਨੁਬਨ੍ਧਨવਸੇਨ ਗਮਨਂ ਉਪਚ੍ਛਿਨ੍ਦਿਤ੍વਾ ਥੇਰਸ੍ਸ ਆਸਨ੍ਨਟ੍ਠਾਨੇ ਠਤ੍વਾ। ਤਸ੍ਸ વਚਨਂ ਸੋਤੁਂ ਆਰਦ੍ਧੋ। ਅਙ੍ਗੁਟ੍ਠਕਂ ਜਾਲਾਪੇਸੀਤਿ ਅਧਿਟ੍ਠਾਨਬਲੇਨ ਦਣ੍ਡਦੀਪਿਕਂ વਿਯ ਅਤ੍ਤਨੋ ਅਙ੍ਗੁਟ੍ਠਕਂ ਜਾਲਾਪੇਸਿ। ਅਕ੍ਖੀਹਿਪਿ ਪਸ੍ਸਤਿ ਅਙ੍ਗੁਟ੍ਠਕਂ ਜਾਲਮਾਨਂ। ਕਣ੍ਣੇਹਿਪਿ ਸੁਣਾਤਿ ਤੇਨ વੁਚ੍ਚਮਾਨਂ ਧਮ੍ਮਂ ਏਕਦੇਸੇਨ। ਚਿਤ੍ਤਂ ਪਨਸ੍ਸ ਧਾવਤੀਤਿ ਸਮ੍ਬਨ੍ਧੋ। ਏਤਸ੍ਸਪੀਤਿ ਲੁਦ੍ਦਕਸ੍ਸਪਿ।
223.Chetanti migānaṃ jīvitaṃ chetaṃ. Tenāha ‘‘migaluddaka’’nti. Rohitamiganti lohitavaṇṇaṃ khuddakamigaṃ, ‘‘mahārohitamiga’’nti keci. Satthu santike kammaṭṭhānaṃ gahetvā tassa janapadassa sulabhabhikkhatāya tattha gantvā viharatīti imamatthaṃ sandhāya ‘‘paṭhamasutte vuttanayenevā’’ti vuttaṃ. Ayaṃ pana thero pañcābhiñño vipassanākammiko. Ṭhatvāti padānubandhanavasena gamanaṃ upacchinditvā therassa āsannaṭṭhāne ṭhatvā. Tassa vacanaṃ sotuṃ āraddho. Aṅguṭṭhakaṃ jālāpesīti adhiṭṭhānabalena daṇḍadīpikaṃ viya attano aṅguṭṭhakaṃ jālāpesi. Akkhīhipi passati aṅguṭṭhakaṃ jālamānaṃ. Kaṇṇehipi suṇāti tena vuccamānaṃ dhammaṃ ekadesena. Cittaṃ panassa dhāvatīti sambandho. Etassapīti luddakassapi.
ਅਪ੍ਪਪਞ੍ਞਨ੍ਤਿ ਏਤ੍ਥ ਅਪ੍ਪ-ਸਦ੍ਦੋ ‘‘ਅਪ੍ਪਹਰਿਤੇ’’ਤਿਆਦੀਸੁ વਿਯ ਅਭਾવਤ੍ਥੋਤਿ ਆਹ ‘‘ਨਿਪ੍ਪਞ੍ਞ’’ਨ੍ਤਿ। ਕਾਰਣਜਾਨਨਸਮਤ੍ਥੇਨਾਤਿ ਇਮਿਨਾ ਕਾਰਣੇਨ ਸਤ੍ਤਾਨਂ ਸੁਖਂ, ਇਮਿਨਾ ਦੁਕ੍ਖਨ੍ਤਿ ਏવਂ ਸਮਾਚਰਮਾਨੇਨ ਕਾਰਣਂ ਜਾਨਿਤੁਂ ਸਮਤ੍ਥੇਨ ਕਮ੍ਮਸ੍ਸਕਤਞਾਣਸਮ੍ਪਯੁਤ੍ਤਚਿਤ੍ਤੇਨਾਤਿ ਅਤ੍ਥੋ। ਸੁਣਾਤੀਤਿ ਕੇવਲਂ ਸવਨਮਤ੍ਤવਸੇਨ ਸੁਣਾਤਿ, ਨ ਤਦਤ੍ਥવਸੇਨ। ਤੇਨਾਹ ‘‘ਅਤ੍ਥਮਸ੍ਸ ਨ ਜਾਨਾਤੀ’’ਤਿ। ਕਾਰਣਰੂਪਾਨੀਤਿ ਸਭਾવਕਾਰਣਾਨਿ। ਕਿਂ ਮੇ ਇਮਿਨਾਤਿ? ‘‘ਇਦਂ ਪਪਞ੍ਚ’’ਨ੍ਤਿ ਪਹਾਯ। વੀਰਿਯਂ ਪਗ੍ਗਯ੍ਹਾਤਿ ਚਤੁਬ੍ਬਿਧਂ ਸਮ੍ਮਪ੍ਪਧਾਨਂ વੀਰਿਯਂ ਪਗ੍ਗਣ੍ਹਿਤ੍વਾ।
Appapaññanti ettha appa-saddo ‘‘appaharite’’tiādīsu viya abhāvatthoti āha ‘‘nippañña’’nti. Kāraṇajānanasamatthenāti iminā kāraṇena sattānaṃ sukhaṃ, iminā dukkhanti evaṃ samācaramānena kāraṇaṃ jānituṃ samatthena kammassakatañāṇasampayuttacittenāti attho. Suṇātīti kevalaṃ savanamattavasena suṇāti, na tadatthavasena. Tenāha ‘‘atthamassa na jānātī’’ti. Kāraṇarūpānīti sabhāvakāraṇāni. Kiṃ me imināti? ‘‘Idaṃ papañca’’nti pahāya. Vīriyaṃ paggayhāti catubbidhaṃ sammappadhānaṃ vīriyaṃ paggaṇhitvā.
ਕਸ੍ਸਪਗੋਤ੍ਤਸੁਤ੍ਤવਣ੍ਣਨਾ ਨਿਟ੍ਠਿਤਾ।
Kassapagottasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੩. ਕਸ੍ਸਪਗੋਤ੍ਤਸੁਤ੍ਤਂ • 3. Kassapagottasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੩. ਕਸ੍ਸਪਗੋਤ੍ਤਸੁਤ੍ਤવਣ੍ਣਨਾ • 3. Kassapagottasuttavaṇṇanā
