| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๑๐. กาสุมาริผลทายกเตฺถรอปทานํ
10. Kāsumāriphaladāyakattheraapadānaṃ
๕๓.
53.
‘‘กณิการํว โชตนฺตํ, นิสินฺนํ ปพฺพตนฺตเร;
‘‘Kaṇikāraṃva jotantaṃ, nisinnaṃ pabbatantare;
อทฺทสํ วิรชํ พุทฺธํ, โลกเชฎฺฐํ นราสภํฯ
Addasaṃ virajaṃ buddhaṃ, lokajeṭṭhaṃ narāsabhaṃ.
๕๔.
54.
‘‘ปสนฺนจิโตฺต สุมโน, สิเร กตฺวาน อญฺชลิํ;
‘‘Pasannacitto sumano, sire katvāna añjaliṃ;
กาสุมาริผลํ คยฺห, พุทฺธเสฎฺฐสฺสทาสหํฯ
Kāsumāriphalaṃ gayha, buddhaseṭṭhassadāsahaṃ.
๕๕.
55.
‘‘เอกตฺติํเส อิโต กเปฺป, ยํ ผลมททิํ อหํ;
‘‘Ekattiṃse ito kappe, yaṃ phalamadadiṃ ahaṃ;
ทุคฺคติํ นาภิชานามิ, ผลทานสฺสิทํ ผลํฯ
Duggatiṃ nābhijānāmi, phaladānassidaṃ phalaṃ.
๕๖.
56.
‘‘กิเลสา ฌาปิตา มยฺหํ…เป.… วิหรามิ อนาสโวฯ
‘‘Kilesā jhāpitā mayhaṃ…pe… viharāmi anāsavo.
๕๗.
57.
‘‘สฺวาคตํ วต เม อาสิ…เป.… กตํ พุทฺธสฺส สาสนํฯ
‘‘Svāgataṃ vata me āsi…pe… kataṃ buddhassa sāsanaṃ.
๕๘.
58.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา กาสุมาริผลทายโก เถโร อิมา คาถาโย อภาสิตฺถาติฯ
Itthaṃ sudaṃ āyasmā kāsumāriphaladāyako thero imā gāthāyo abhāsitthāti.
กาสุมาริผลทายกเตฺถรสฺสาปทานํ ทสมํฯ
Kāsumāriphaladāyakattherassāpadānaṃ dasamaṃ.
โพธิวนฺทนวโคฺค อฎฺฐติํสติโมฯ
Bodhivandanavaggo aṭṭhatiṃsatimo.
ตสฺสุทฺทานํ –
Tassuddānaṃ –
โพธิ ปาฎลิ อุปฺปลี, ปฎฺฎิ จ สตฺตปณฺณิโย;
Bodhi pāṭali uppalī, paṭṭi ca sattapaṇṇiyo;
คนฺธมุฎฺฐิ จ จิตโก, ตาลํ สุมนทามโก;
Gandhamuṭṭhi ca citako, tālaṃ sumanadāmako;
กาสุมาริผลี เจว, คาถา เอกูนสฎฺฐิกาฯ
Kāsumāriphalī ceva, gāthā ekūnasaṭṭhikā.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๓. สีวลิเตฺถรอปทานวณฺณนา • 3. Sīvalittheraapadānavaṇṇanā
