| Library / Tipiṭaka / තිපිටක • Tipiṭaka / අපදානපාළි • Apadānapāḷi |
10. කාසුමාරිඵලදායකත්‌ථෙරඅපදානං
10. Kāsumāriphaladāyakattheraapadānaṃ
53.
53.
‘‘කණිකාරංව ජොතන්‌තං, නිසින්‌නං පබ්‌බතන්‌තරෙ;
‘‘Kaṇikāraṃva jotantaṃ, nisinnaṃ pabbatantare;
අද්‌දසං විරජං බුද්‌ධං, ලොකජෙට්‌ඨං නරාසභං.
Addasaṃ virajaṃ buddhaṃ, lokajeṭṭhaṃ narāsabhaṃ.
54.
54.
‘‘පසන්‌නචිත්‌තො සුමනො, සිරෙ කත්‌වාන අඤ්‌ජලිං;
‘‘Pasannacitto sumano, sire katvāna añjaliṃ;
කාසුමාරිඵලං ගය්‌හ, බුද්‌ධසෙට්‌ඨස්‌සදාසහං.
Kāsumāriphalaṃ gayha, buddhaseṭṭhassadāsahaṃ.
55.
55.
‘‘එකත්‌තිංසෙ ඉතො කප්‌පෙ, යං ඵලමදදිං අහං;
‘‘Ekattiṃse ito kappe, yaṃ phalamadadiṃ ahaṃ;
දුග්‌ගතිං නාභිජානාමි, ඵලදානස්‌සිදං ඵලං.
Duggatiṃ nābhijānāmi, phaladānassidaṃ phalaṃ.
56.
56.
‘‘කිලෙසා ඣාපිතා මය්‌හං…පෙ.… විහරාමි අනාසවො.
‘‘Kilesā jhāpitā mayhaṃ…pe… viharāmi anāsavo.
57.
57.
‘‘ස්‌වාගතං වත මෙ ආසි…පෙ.… කතං බුද්‌ධස්‌ස සාසනං.
‘‘Svāgataṃ vata me āsi…pe… kataṃ buddhassa sāsanaṃ.
58.
58.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා කාසුමාරිඵලදායකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā kāsumāriphaladāyako thero imā gāthāyo abhāsitthāti.
කාසුමාරිඵලදායකත්‌ථෙරස්‌සාපදානං දසමං.
Kāsumāriphaladāyakattherassāpadānaṃ dasamaṃ.
බොධිවන්‌දනවග්‌ගො අට්‌ඨතිංසතිමො.
Bodhivandanavaggo aṭṭhatiṃsatimo.
තස්‌සුද්‌දානං –
Tassuddānaṃ –
බොධි පාටලි උප්‌පලී, පට්‌ටි ච සත්‌තපණ්‌ණියො;
Bodhi pāṭali uppalī, paṭṭi ca sattapaṇṇiyo;
ගන්‌ධමුට්‌ඨි ච චිතකො, තාලං සුමනදාමකො;
Gandhamuṭṭhi ca citako, tālaṃ sumanadāmako;
කාසුමාරිඵලී චෙව, ගාථා එකූනසට්‌ඨිකා.
Kāsumāriphalī ceva, gāthā ekūnasaṭṭhikā.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 3. සීවලිත්‌ථෙරඅපදානවණ්‌ණනා • 3. Sīvalittheraapadānavaṇṇanā
