| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
4. мзн̣д̣агабан̃хо
4. Meṇḍakapañho
1. ид̣̇д̇хиб̣алаваг̇г̇о
1. Iddhibalavaggo
1. гад̇аад̇хигаарасапалабан̃хо
1. Katādhikārasaphalapañho
1. ат̇а ко милинд̣̇о рааж̇аа гад̇аавагаасо нибажжа г̇аруно баад̣̇з сираси ан̃ж̇алим̣ гад̇ваа зд̇ад̣̇авожа ‘‘бханд̇з нааг̇асзна, имз д̇ид̇т̇ияаа звам̣ бхан̣анд̇и 1 ‘яад̣̇и б̣уд̣̇д̇хо бууж̇ам̣ саад̣̇ияад̇и, на бариниб̣б̣уд̇о б̣уд̣̇д̇хо сам̣яуд̇д̇о логзна анд̇обхавиго логасмим̣ логасаад̇хааран̣о, д̇асмаа д̇асса гад̇о ад̇хигааро аван̃жхо бхавад̇и сапало. яад̣̇и бариниб̣б̣уд̇о висам̣яуд̇д̇о логзна ниссадо саб̣б̣абхавзхи, д̇асса бууж̇аа нуббаж̇ж̇ад̇и, бариниб̣б̣уд̇о на гин̃жи саад̣̇ияад̇и, асаад̣̇ияанд̇асса гад̇о ад̇хигааро ван̃жхо бхавад̇и апало’д̇и убхад̇о годиго зсо бан̃хо, нзсо висаяо аббад̇д̇амаанасаанам̣, маханд̇аанам̣ язвзсо висаяо, бхинд̣̇зд̇ам̣ д̣̇идтиж̇аалам̣ згам̣сз табаяа, д̇авзсо бан̃хо ануббад̇д̇о, анааг̇ад̇аанам̣ ж̇инабуд̇д̇аанам̣ жагкум̣ д̣̇зхи бараваад̣̇аниг̇г̇ахааяаа’’д̇и.
1. Atha kho milindo rājā katāvakāso nipacca garuno pāde sirasi añjaliṃ katvā etadavoca ‘‘bhante nāgasena, ime titthiyā evaṃ bhaṇanti 2 ‘yadi buddho pūjaṃ sādiyati, na parinibbuto buddho saṃyutto lokena antobhaviko lokasmiṃ lokasādhāraṇo, tasmā tassa kato adhikāro avañjho bhavati saphalo. Yadi parinibbuto visaṃyutto lokena nissaṭo sabbabhavehi, tassa pūjā nuppajjati, parinibbuto na kiñci sādiyati, asādiyantassa kato adhikāro vañjho bhavati aphalo’ti ubhato koṭiko eso pañho, neso visayo appattamānasānaṃ, mahantānaṃ yeveso visayo, bhindetaṃ diṭṭhijālaṃ ekaṃse ṭhapaya, taveso pañho anuppatto, anāgatānaṃ jinaputtānaṃ cakkhuṃ dehi paravādaniggahāyā’’ti.
т̇зро ааха ‘‘бариниб̣б̣уд̇о, махаарааж̇а, бхаг̇аваа, на жа бхаг̇аваа бууж̇ам̣ саад̣̇ияад̇и, б̣од̇химуулз язва д̇ат̇ааг̇ад̇асса саад̣̇ияанаа бахийнаа, гим̣ бана анубаад̣̇исзсааяа ниб̣б̣аанад̇хаад̇уяаа бариниб̣б̣уд̇асса. бхаасид̇амбзд̇ам̣, махаарааж̇а, т̇зрзна саарибуд̇д̇зна д̇хаммасзнаабад̇инаа –
Thero āha ‘‘parinibbuto, mahārāja, bhagavā, na ca bhagavā pūjaṃ sādiyati, bodhimūle yeva tathāgatassa sādiyanā pahīnā, kiṃ pana anupādisesāya nibbānadhātuyā parinibbutassa. Bhāsitampetaṃ, mahārāja, therena sāriputtena dhammasenāpatinā –
на саад̣̇ияанд̇и саггаарам̣, б̣уд̣̇д̇хаанам̣ зса д̇хаммад̇аа’’’д̇и.
Na sādiyanti sakkāraṃ, buddhānaṃ esa dhammatā’’’ti.
рааж̇аа ааха ‘‘бханд̇з нааг̇асзна, буд̇д̇о ваа бид̇уно ван̣н̣ам̣ бхаасад̇и, бид̇аа ваа буд̇д̇асса ван̣н̣ам̣ бхаасад̇и, на жзд̇ам̣ гааран̣ам̣ бараваад̣̇аанам̣ ниг̇г̇ахааяа, басаад̣̇аббагаасанам̣ наамзд̇ам̣, ин̇гха мз д̇вам̣ д̇ад̇т̇а гааран̣ам̣ саммаа б̣руухи сагаваад̣̇асса бад̇идтаабанааяа д̣̇идтиж̇аалавинивзтанааяаа’’д̇и.
Rājā āha ‘‘bhante nāgasena, putto vā pituno vaṇṇaṃ bhāsati, pitā vā puttassa vaṇṇaṃ bhāsati, na cetaṃ kāraṇaṃ paravādānaṃ niggahāya, pasādappakāsanaṃ nāmetaṃ, iṅgha me tvaṃ tattha kāraṇaṃ sammā brūhi sakavādassa patiṭṭhāpanāya diṭṭhijālaviniveṭhanāyā’’ti.
т̇зро ааха ‘‘бариниб̣б̣уд̇о, махаарааж̇а, бхаг̇аваа, на жа бхаг̇аваа бууж̇ам̣ саад̣̇ияад̇и, асаад̣̇ияанд̇ассзва д̇ат̇ааг̇ад̇асса д̣̇звамануссаа д̇хаад̇урад̇анам̣ вад̇т̇ум̣ гарид̇ваа д̇ат̇ааг̇ад̇асса н̃аан̣арад̇анаарамман̣зна саммаабадибад̇д̇им̣ сзванд̇аа д̇иссо самбад̇д̇ияо бадилабханд̇и.
Thero āha ‘‘parinibbuto, mahārāja, bhagavā, na ca bhagavā pūjaṃ sādiyati, asādiyantasseva tathāgatassa devamanussā dhāturatanaṃ vatthuṃ karitvā tathāgatassa ñāṇaratanārammaṇena sammāpaṭipattiṃ sevantā tisso sampattiyo paṭilabhanti.
‘‘яат̇аа , махаарааж̇а, махад̇имахаааг̇г̇игканд̇хо баж̇ж̇алид̇ваа ниб̣б̣ааязяяа, аби ну ко со, махаарааж̇а, махаааг̇г̇игканд̇хо саад̣̇ияад̇и д̇ин̣агадтубаад̣̇аана’’нд̇и? ‘‘ж̇аламааноби со, бханд̇з, махаааг̇г̇игканд̇хо д̇ин̣агадтубаад̣̇аанам̣ на саад̣̇ияад̇и, гим̣ бана ниб̣б̣уд̇о убасанд̇о ажзд̇ано саад̣̇ияад̇и? ‘‘д̇асмим̣ бана, махаарааж̇а, аг̇г̇игканд̇хз убарад̇з убасанд̇з логз аг̇г̇и сун̃н̃о ход̇ий’’д̇и. ‘‘на хи, бханд̇з, гадтам̣ аг̇г̇исса вад̇т̇у ход̇и убаад̣̇аанам̣, яз гзжи мануссаа аг̇г̇игаамаа, д̇з ад̇д̇ано т̇аамаб̣алавийриязна бажжад̇д̇абурисагаарзна гадтам̣ мант̇аяид̇ваа 5 аг̇г̇им̣ ниб̣б̣ад̇д̇зд̇ваа д̇зна аг̇г̇инаа аг̇г̇игаран̣ийяаани гаммаани гаронд̇ий’’д̇и. ‘‘д̇зна хи, махаарааж̇а, д̇ид̇т̇ияаанам̣ важанам̣ мижчаа бхавад̇и ‘асаад̣̇ияанд̇асса гад̇о ад̇хигааро ван̃жхо бхавад̇и апало’д̇и.
‘‘Yathā , mahārāja, mahatimahāaggikkhandho pajjalitvā nibbāyeyya, api nu kho so, mahārāja, mahāaggikkhandho sādiyati tiṇakaṭṭhupādāna’’nti? ‘‘Jalamānopi so, bhante, mahāaggikkhandho tiṇakaṭṭhupādānaṃ na sādiyati, kiṃ pana nibbuto upasanto acetano sādiyati? ‘‘Tasmiṃ pana, mahārāja, aggikkhandhe uparate upasante loke aggi suñño hotī’’ti. ‘‘Na hi, bhante, kaṭṭhaṃ aggissa vatthu hoti upādānaṃ, ye keci manussā aggikāmā, te attano thāmabalavīriyena paccattapurisakārena kaṭṭhaṃ manthayitvā 6 aggiṃ nibbattetvā tena agginā aggikaraṇīyāni kammāni karontī’’ti. ‘‘Tena hi, mahārāja, titthiyānaṃ vacanaṃ micchā bhavati ‘asādiyantassa kato adhikāro vañjho bhavati aphalo’ti.
‘‘яат̇аа, махаарааж̇а, махад̇имахаааг̇г̇игканд̇хо баж̇ж̇али, звамзва бхаг̇аваа д̣̇асасахассияаа 7 логад̇хаад̇уяаа б̣уд̣̇д̇хасирияаа баж̇ж̇али. яат̇аа, махаарааж̇а, махад̇имахаааг̇г̇игканд̇хо баж̇ж̇алид̇ваа ниб̣б̣уд̇о, звамзва бхаг̇аваа д̣̇асасахассияаа логад̇хаад̇уяаа б̣уд̣̇д̇хасирияаа баж̇ж̇алид̇ваа анубаад̣̇исзсааяа ниб̣б̣аанад̇хаад̇уяаа бариниб̣б̣уд̇о. яат̇аа, махаарааж̇а, ниб̣б̣уд̇о аг̇г̇игканд̇хо д̇ин̣агадтубаад̣̇аанам̣ на саад̣̇ияад̇и, звамзва ко логахид̇асса саад̣̇ияанаа бахийнаа убасанд̇аа. яат̇аа, махаарааж̇а, мануссаа ниб̣б̣уд̇з аг̇г̇игканд̇хз анубаад̣̇аанз ад̇д̇ано т̇аамаб̣алавийриязна бажжад̇д̇абурисагаарзна гадтам̣ мант̇аяид̇ваа аг̇г̇им̣ ниб̣б̣ад̇д̇зд̇ваа д̇зна аг̇г̇инаа аг̇г̇игаран̣ийяаани гаммаани гаронд̇и, звамзва ко д̣̇звамануссаа д̇ат̇ааг̇ад̇асса бариниб̣б̣уд̇асса асаад̣̇ияанд̇ассзва д̇хаад̇урад̇анам̣ вад̇т̇ум̣ гарид̇ваа д̇ат̇ааг̇ад̇асса н̃аан̣арад̇анаарамман̣зна саммаабадибад̇д̇им̣ сзванд̇аа д̇иссо самбад̇д̇ияо бадилабханд̇и, иминааби, махаарааж̇а, гааран̣зна д̇ат̇ааг̇ад̇асса бариниб̣б̣уд̇асса асаад̣̇ияанд̇ассзва гад̇о ад̇хигааро аван̃жхо бхавад̇и сапало.
‘‘Yathā, mahārāja, mahatimahāaggikkhandho pajjali, evameva bhagavā dasasahassiyā 8 lokadhātuyā buddhasiriyā pajjali. Yathā, mahārāja, mahatimahāaggikkhandho pajjalitvā nibbuto, evameva bhagavā dasasahassiyā lokadhātuyā buddhasiriyā pajjalitvā anupādisesāya nibbānadhātuyā parinibbuto. Yathā, mahārāja, nibbuto aggikkhandho tiṇakaṭṭhupādānaṃ na sādiyati, evameva kho lokahitassa sādiyanā pahīnā upasantā. Yathā, mahārāja, manussā nibbute aggikkhandhe anupādāne attano thāmabalavīriyena paccattapurisakārena kaṭṭhaṃ manthayitvā aggiṃ nibbattetvā tena agginā aggikaraṇīyāni kammāni karonti, evameva kho devamanussā tathāgatassa parinibbutassa asādiyantasseva dhāturatanaṃ vatthuṃ karitvā tathāgatassa ñāṇaratanārammaṇena sammāpaṭipattiṃ sevantā tisso sampattiyo paṭilabhanti, imināpi, mahārāja, kāraṇena tathāgatassa parinibbutassa asādiyantasseva kato adhikāro avañjho bhavati saphalo.
‘‘абарамби, махаарааж̇а, уд̇д̇арим̣ гааран̣ам̣ сун̣охи язна гааран̣зна д̇ат̇ааг̇ад̇асса бариниб̣б̣уд̇асса асаад̣̇ияанд̇ассзва гад̇о ад̇хигааро аван̃жхо бхавад̇и сапало. яат̇аа, махаарааж̇а, махад̇имахааваад̇о вааяид̇ваа убарамзяяа, аби ну ко со, махаарааж̇а, убарад̇о ваад̇о саад̣̇ияад̇и буна ниб̣б̣ад̇д̇аабана’’нд̇и? ‘‘на хи, бханд̇з, убарад̇асса ваад̇асса аабхог̇о ваа манасигааро ваа буна ниб̣б̣ад̇д̇аабанааяа’’. ‘‘гим̣ гааран̣ам̣’’? ‘‘ажзд̇анаа саа вааяод̇хаад̇уу’’д̇и. ‘‘аби ну д̇асса, махаарааж̇а, убарад̇асса ваад̇асса ваад̇од̇и саман̃н̃аа абаг̇ажчад̇ий’’д̇и? ‘‘на хи, бханд̇з, д̇аалаван̣давид̇хуубанаани ваад̇асса уббад̇д̇ияаа бажжаяаа, яз гзжи мануссаа ун̣хаабхид̇ад̇д̇аа барил̣аахабарибийл̣ид̇аа, д̇з д̇аалаван̣дзна ваа вид̇хуубанзна ваа ад̇д̇ано т̇аамаб̣алавийриязна бажжад̇д̇абурисагаарзна д̇ам̣ ниб̣б̣ад̇д̇зд̇ваа д̇зна ваад̇зна ун̣хам̣ ниб̣б̣аабзнд̇и барил̣аахам̣ вуубасамзнд̇ий’’д̇и. ‘‘д̇зна хи, махаарааж̇а, д̇ид̇т̇ияаанам̣ важанам̣ мижчаа бхавад̇и ‘асаад̣̇ияанд̇асса гад̇о ад̇хигааро ван̃жхо бхавад̇и апало’д̇и.
‘‘Aparampi, mahārāja, uttariṃ kāraṇaṃ suṇohi yena kāraṇena tathāgatassa parinibbutassa asādiyantasseva kato adhikāro avañjho bhavati saphalo. Yathā, mahārāja, mahatimahāvāto vāyitvā uparameyya, api nu kho so, mahārāja, uparato vāto sādiyati puna nibbattāpana’’nti? ‘‘Na hi, bhante, uparatassa vātassa ābhogo vā manasikāro vā puna nibbattāpanāya’’. ‘‘Kiṃ kāraṇaṃ’’? ‘‘Acetanā sā vāyodhātū’’ti. ‘‘Api nu tassa, mahārāja, uparatassa vātassa vātoti samaññā apagacchatī’’ti? ‘‘Na hi, bhante, tālavaṇṭavidhūpanāni vātassa uppattiyā paccayā, ye keci manussā uṇhābhitattā pariḷāhaparipīḷitā, te tālavaṇṭena vā vidhūpanena vā attano thāmabalavīriyena paccattapurisakārena taṃ nibbattetvā tena vātena uṇhaṃ nibbāpenti pariḷāhaṃ vūpasamentī’’ti. ‘‘Tena hi, mahārāja, titthiyānaṃ vacanaṃ micchā bhavati ‘asādiyantassa kato adhikāro vañjho bhavati aphalo’ti.
‘‘яат̇аа, махаарааж̇а, махад̇имахааваад̇о вааяи, звамзва бхаг̇аваа д̣̇асасахассияаа логад̇хаад̇уяаа сийд̇аламад̇хурасанд̇асукумамзд̇д̇ааваад̇зна убавааяи. яат̇аа, махаарааж̇а, махад̇имахааваад̇о вааяид̇ваа убарад̇о, звамзва бхаг̇аваа сийд̇аламад̇хурасанд̇асукумамзд̇д̇ааваад̇зна убавааяид̇ваа анубаад̣̇исзсааяа ниб̣б̣аанад̇хаад̇уяаа бариниб̣б̣уд̇о. яат̇аа, махаарааж̇а, убарад̇о ваад̇о буна ниб̣б̣ад̇д̇аабанам̣ на саад̣̇ияад̇и, звамзва логахид̇асса саад̣̇ияанаа бахийнаа убасанд̇аа. яат̇аа, махаарааж̇а, д̇з мануссаа ун̣хаабхид̇ад̇д̇аа барил̣аахабарибийл̣ид̇аа, звамзва д̣̇звамануссаа д̇ивид̇хаг̇г̇исанд̇аабабарил̣аахабарибийл̣ид̇аа. яат̇аа д̇аалаван̣давид̇хуубанаани ваад̇асса ниб̣б̣ад̇д̇ияаа бажжаяаа хонд̇и, звамзва д̇ат̇ааг̇ад̇асса д̇хаад̇у жа н̃аан̣арад̇анан̃жа бажжаяо ход̇и д̇иссаннам̣ самбад̇д̇ийнам̣ бадилаабхааяа. яат̇аа мануссаа ун̣хаабхид̇ад̇д̇аа барил̣аахабарибийл̣ид̇аа д̇аалаван̣дзна ваа вид̇хуубанзна ваа ваад̇ам̣ ниб̣б̣ад̇д̇зд̇ваа ун̣хам̣ ниб̣б̣аабзнд̇и барил̣аахам̣ вуубасамзнд̇и, звамзва д̣̇звамануссаа д̇ат̇ааг̇ад̇асса бариниб̣б̣уд̇асса асаад̣̇ияанд̇ассзва д̇хаад̇ун̃жа н̃аан̣арад̇анан̃жа бууж̇зд̇ваа гусалам̣ ниб̣б̣ад̇д̇зд̇ваа д̇зна гусалзна д̇ивид̇хаг̇г̇исанд̇аабабарил̣аахам̣ ниб̣б̣аабзнд̇и вуубасамзнд̇и. иминааби, махаарааж̇а, гааран̣зна д̇ат̇ааг̇ад̇асса бариниб̣б̣уд̇асса асаад̣̇ияанд̇ассзва гад̇о ад̇хигааро аван̃жхо бхавад̇и сапалод̇и.
‘‘Yathā, mahārāja, mahatimahāvāto vāyi, evameva bhagavā dasasahassiyā lokadhātuyā sītalamadhurasantasukhumamettāvātena upavāyi. Yathā, mahārāja, mahatimahāvāto vāyitvā uparato, evameva bhagavā sītalamadhurasantasukhumamettāvātena upavāyitvā anupādisesāya nibbānadhātuyā parinibbuto. Yathā, mahārāja, uparato vāto puna nibbattāpanaṃ na sādiyati, evameva lokahitassa sādiyanā pahīnā upasantā. Yathā, mahārāja, te manussā uṇhābhitattā pariḷāhaparipīḷitā, evameva devamanussā tividhaggisantāpapariḷāhaparipīḷitā. Yathā tālavaṇṭavidhūpanāni vātassa nibbattiyā paccayā honti, evameva tathāgatassa dhātu ca ñāṇaratanañca paccayo hoti tissannaṃ sampattīnaṃ paṭilābhāya. Yathā manussā uṇhābhitattā pariḷāhaparipīḷitā tālavaṇṭena vā vidhūpanena vā vātaṃ nibbattetvā uṇhaṃ nibbāpenti pariḷāhaṃ vūpasamenti, evameva devamanussā tathāgatassa parinibbutassa asādiyantasseva dhātuñca ñāṇaratanañca pūjetvā kusalaṃ nibbattetvā tena kusalena tividhaggisantāpapariḷāhaṃ nibbāpenti vūpasamenti. Imināpi, mahārāja, kāraṇena tathāgatassa parinibbutassa asādiyantasseva kato adhikāro avañjho bhavati saphaloti.
‘‘абарамби, махаарааж̇а, уд̇д̇арим̣ гааран̣ам̣ сун̣охи бараваад̣̇аанам̣ ниг̇г̇ахааяа. яат̇аа, махаарааж̇а, бурисо бхзрим̣ аагодзд̇ваа сад̣̇д̣̇ам̣ ниб̣б̣ад̇д̇зяяа, яо со бхзрисад̣̇д̣̇о бурисзна ниб̣б̣ад̇д̇ид̇о, со сад̣̇д̣̇о анд̇арад̇хааязяяа, аби ну ко со, махаарааж̇а, сад̣̇д̣̇о саад̣̇ияад̇и буна ниб̣б̣ад̇д̇аабана’’нд̇и? ‘‘на хи, бханд̇з, анд̇арахид̇о со сад̣̇д̣̇о, над̇т̇и д̇асса буна уббаад̣̇ааяа аабхог̇о ваа манасигааро ваа, сагим̣ ниб̣б̣ад̇д̇з бхзрисад̣̇д̣̇з анд̇арахид̇з со бхзрисад̣̇д̣̇о самужчинно ход̇и. бхзрий бана, бханд̇з, бажжаяо ход̇и сад̣̇д̣̇асса ниб̣б̣ад̇д̇ияаа, ат̇а бурисо бажжаяз сад̇и ад̇д̇аж̇зна вааяаамзна бхзрим̣ агодзд̇ваа сад̣̇д̣̇ам̣ ниб̣б̣ад̇д̇зд̇ий’’д̇и. ‘‘звамзва ко, махаарааж̇а, бхаг̇аваа сийласамаад̇хибан̃н̃аавимуд̇д̇ивимуд̇д̇ин̃аан̣ад̣̇ассанабарибхаавид̇ам̣ д̇хаад̇урад̇анан̃жа д̇хамман̃жа винаяан̃жа анусидтан̃жа 9 сад̇т̇аарам̣ табаяид̇ваа саяам̣ анубаад̣̇исзсааяа ниб̣б̣аанад̇хаад̇уяаа бариниб̣б̣уд̇о, на жа бариниб̣б̣уд̇з бхаг̇авад̇и самбад̇д̇илаабхо убажчинно ход̇и, бхавад̣̇угкабадибийл̣ид̇аа сад̇д̇аа д̇хаад̇урад̇анан̃жа д̇хамман̃жа винаяан̃жа анусидтан̃жа бажжаяам̣ гарид̇ваа самбад̇д̇игаамаа самбад̇д̇ияо бадилабханд̇и, иминааби, махаарааж̇а, гааран̣зна д̇ат̇ааг̇ад̇асса бариниб̣б̣уд̇асса асаад̣̇ияанд̇ассзва гад̇о ад̇хигааро аван̃жхо бхавад̇и сапалод̇и.
‘‘Aparampi, mahārāja, uttariṃ kāraṇaṃ suṇohi paravādānaṃ niggahāya. Yathā, mahārāja, puriso bheriṃ ākoṭetvā saddaṃ nibbatteyya, yo so bherisaddo purisena nibbattito, so saddo antaradhāyeyya, api nu kho so, mahārāja, saddo sādiyati puna nibbattāpana’’nti? ‘‘Na hi, bhante, antarahito so saddo, natthi tassa puna uppādāya ābhogo vā manasikāro vā, sakiṃ nibbatte bherisadde antarahite so bherisaddo samucchinno hoti. Bherī pana, bhante, paccayo hoti saddassa nibbattiyā, atha puriso paccaye sati attajena vāyāmena bheriṃ akoṭetvā saddaṃ nibbattetī’’ti. ‘‘Evameva kho, mahārāja, bhagavā sīlasamādhipaññāvimuttivimuttiñāṇadassanaparibhāvitaṃ dhāturatanañca dhammañca vinayañca anusiṭṭhañca 10 satthāraṃ ṭhapayitvā sayaṃ anupādisesāya nibbānadhātuyā parinibbuto, na ca parinibbute bhagavati sampattilābho upacchinno hoti, bhavadukkhapaṭipīḷitā sattā dhāturatanañca dhammañca vinayañca anusiṭṭhañca paccayaṃ karitvā sampattikāmā sampattiyo paṭilabhanti, imināpi, mahārāja, kāraṇena tathāgatassa parinibbutassa asādiyantasseva kato adhikāro avañjho bhavati saphaloti.
‘‘д̣̇идтан̃жзд̇ам̣, махаарааж̇а, бхаг̇авад̇аа анааг̇ад̇амад̣̇д̇хаанам̣. гат̇ид̇ан̃жа бхан̣ид̇ан̃жа аажигкид̇ан̃жа ‘сияаа ко банаананд̣̇а, д̇умхаагам̣ звамасса ад̇ийд̇асад̇т̇угам̣ бааважанам̣ над̇т̇и но сад̇т̇аад̇и, на ко банзд̇ам̣, аананд̣̇а, звам̣ д̣̇адтаб̣б̣ам̣, яо во, аананд̣̇а, маяаа д̇хаммо жа винаяо жа д̣̇зсид̇о бан̃н̃ад̇д̇о, со во мамажжаязна сад̇т̇аа’д̇и. бариниб̣б̣уд̇асса д̇ат̇ааг̇ад̇асса асаад̣̇ияанд̇асса гад̇о ад̇хигааро ван̃жхо бхавад̇и апалод̇и, д̇ам̣ д̇зсам̣ д̇ид̇т̇ияаанам̣ важанам̣ мижчаа абхууд̇ам̣ вид̇ат̇ам̣ алигам̣ вируд̣̇д̇хам̣ вибарийд̇ам̣ д̣̇угкад̣̇ааяагам̣ д̣̇угкавибаагам̣ абааяаг̇аманийяанд̇и.
‘‘Diṭṭhañcetaṃ, mahārāja, bhagavatā anāgatamaddhānaṃ. Kathitañca bhaṇitañca ācikkhitañca ‘siyā kho panānanda, tumhākaṃ evamassa atītasatthukaṃ pāvacanaṃ natthi no satthāti, na kho panetaṃ, ānanda, evaṃ daṭṭhabbaṃ, yo vo, ānanda, mayā dhammo ca vinayo ca desito paññatto, so vo mamaccayena satthā’ti. Parinibbutassa tathāgatassa asādiyantassa kato adhikāro vañjho bhavati aphaloti, taṃ tesaṃ titthiyānaṃ vacanaṃ micchā abhūtaṃ vitathaṃ alikaṃ viruddhaṃ viparītaṃ dukkhadāyakaṃ dukkhavipākaṃ apāyagamanīyanti.
‘‘абарамби, махаарааж̇а, уд̇д̇арим̣ гааран̣ам̣ сун̣охи язна гааран̣зна д̇ат̇ааг̇ад̇асса бариниб̣б̣уд̇асса асаад̣̇ияанд̇ассзва гад̇о ад̇хигааро аван̃жхо бхавад̇и сапало. саад̣̇ияад̇и ну ко, махаарааж̇а, аяам̣ махаабат̇авий ‘саб̣б̣аб̣ийж̇аани маяи сам̣вируханд̇уу’’’д̇и? ‘‘на хи, бханд̇з’’д̇и. ‘‘гисса бана д̇аани, махаарааж̇а, б̣ийж̇аани асаад̣̇ияанд̇ияаа махаабат̇авияаа сам̣вирухид̇ваа д̣̇ал̣хамуулаж̇адаабад̇идтид̇аа канд̇хасаарасаакаабаривид̇т̇ин̣н̣аа бубпапалад̇хараа хонд̇ий’’д̇и? ‘‘асаад̣̇ияанд̇ийби, бханд̇з, махаабат̇авий д̇зсам̣ б̣ийж̇аанам̣ вад̇т̇ум̣ ход̇и бажжаяам̣ д̣̇зд̇и вируханааяа, д̇аани б̣ийж̇аани д̇ам̣ вад̇т̇ум̣ ниссааяа д̇зна бажжаязна сам̣вирухид̇ваа д̣̇ал̣хамуулаж̇адаабад̇идтид̇аа канд̇хасаарасаакаабаривид̇т̇ин̣н̣аа бубпапалад̇хараа хонд̇ий’’д̇и. ‘‘д̇зна хи, махаарааж̇а, д̇ид̇т̇ияаа сагз ваад̣̇з надтаа хонд̇и хад̇аа вируд̣̇д̇хаа, сажз д̇з бхан̣анд̇и ‘асаад̣̇ияанд̇асса гад̇о ад̇хигааро ван̃жхо бхавад̇и апало’ д̇и.
‘‘Aparampi, mahārāja, uttariṃ kāraṇaṃ suṇohi yena kāraṇena tathāgatassa parinibbutassa asādiyantasseva kato adhikāro avañjho bhavati saphalo. Sādiyati nu kho, mahārāja, ayaṃ mahāpathavī ‘sabbabījāni mayi saṃviruhantū’’’ti? ‘‘Na hi, bhante’’ti. ‘‘Kissa pana tāni, mahārāja, bījāni asādiyantiyā mahāpathaviyā saṃviruhitvā daḷhamūlajaṭāpatiṭṭhitā khandhasārasākhāparivitthiṇṇā pupphaphaladharā hontī’’ti? ‘‘Asādiyantīpi, bhante, mahāpathavī tesaṃ bījānaṃ vatthuṃ hoti paccayaṃ deti viruhanāya, tāni bījāni taṃ vatthuṃ nissāya tena paccayena saṃviruhitvā daḷhamūlajaṭāpatiṭṭhitā khandhasārasākhāparivitthiṇṇā pupphaphaladharā hontī’’ti. ‘‘Tena hi, mahārāja, titthiyā sake vāde naṭṭhā honti hatā viruddhā, sace te bhaṇanti ‘asādiyantassa kato adhikāro vañjho bhavati aphalo’ ti.
‘‘яат̇аа, махаарааж̇а, махаабат̇авий, звам̣ д̇ат̇ааг̇ад̇о арахам̣ саммаасамб̣уд̣̇д̇хо. яат̇аа, махаарааж̇а, махаабат̇авий на гин̃жи саад̣̇ияад̇и, звам̣ д̇ат̇ааг̇ад̇о на гин̃жи саад̣̇ияад̇и. яат̇аа, махаарааж̇а, д̇аани б̣ийж̇аани бат̇авим̣ ниссааяа сам̣вирухид̇ваа д̣̇ал̣хамуулаж̇адаабад̇идтид̇аа канд̇хасаарасаакаабаривид̇т̇ин̣н̣аа бубпапалад̇хараа хонд̇и, звам̣ д̣̇звамануссаа д̇ат̇ааг̇ад̇асса бариниб̣б̣уд̇асса асаад̣̇ияанд̇ассзва д̇хаад̇ун̃жа н̃аан̣арад̇анан̃жа ниссааяа д̣̇ал̣хагусаламуулабад̇идтид̇аа самаад̇хигканд̇хад̇хаммасаарасийласаакаабаривид̇т̇ин̣н̣аа вимуд̇д̇ибубпасааман̃н̃апалад̇хараа хонд̇и, иминааби, махаарааж̇а , гааран̣зна д̇ат̇ааг̇ад̇асса бариниб̣б̣уд̇асса асаад̣̇ияанд̇ассзва гад̇о ад̇хигааро аван̃жхо бхавад̇и сапалод̇и.
‘‘Yathā, mahārāja, mahāpathavī, evaṃ tathāgato arahaṃ sammāsambuddho. Yathā, mahārāja, mahāpathavī na kiñci sādiyati, evaṃ tathāgato na kiñci sādiyati. Yathā, mahārāja, tāni bījāni pathaviṃ nissāya saṃviruhitvā daḷhamūlajaṭāpatiṭṭhitā khandhasārasākhāparivitthiṇṇā pupphaphaladharā honti, evaṃ devamanussā tathāgatassa parinibbutassa asādiyantasseva dhātuñca ñāṇaratanañca nissāya daḷhakusalamūlapatiṭṭhitā samādhikkhandhadhammasārasīlasākhāparivitthiṇṇā vimuttipupphasāmaññaphaladharā honti, imināpi, mahārāja , kāraṇena tathāgatassa parinibbutassa asādiyantasseva kato adhikāro avañjho bhavati saphaloti.
‘‘абарамби, махаарааж̇а, уд̇д̇арим̣ гааран̣ам̣ сун̣охи язна гааран̣зна д̇ат̇ааг̇ад̇асса бариниб̣б̣уд̇асса асаад̣̇ияанд̇ассзва гад̇о ад̇хигааро аван̃жхо бхавад̇и сапало. саад̣̇ияанд̇и ну ко, махаарааж̇а, имз одтаа г̇он̣аа г̇ад̣̇рабхаа аж̇аа басуу мануссаа анд̇огужчисмим̣ гимигулаанам̣ самбхава’’нд̇и? ‘‘на хи, бханд̇з’’д̇и. ‘‘гисса бана д̇з, махаарааж̇а, гимаяо д̇зсам̣ асаад̣̇ияанд̇аанам̣ анд̇огужчисмим̣ самбхавид̇ваа б̣ахубуд̇д̇анад̇д̇аа взбуллад̇ам̣ баабун̣анд̇ий’’д̇и? ‘‘баабасса, бханд̇з, гаммасса б̣алавад̇ааяа асаад̣̇ияанд̇аанам̣ язва д̇зсам̣ сад̇д̇аанам̣ анд̇огужчисмим̣ гимаяо самбхавид̇ваа б̣ахубуд̇д̇анад̇д̇аа взбуллад̇ам̣ баабун̣анд̇ий’’д̇и. ‘‘звамзва ко, махаарааж̇а, д̇ат̇ааг̇ад̇асса бариниб̣б̣уд̇асса асаад̣̇ияанд̇ассзва д̇хаад̇усса жа н̃аан̣аарамман̣асса жа б̣алавад̇ааяа д̇ат̇ааг̇ад̇з гад̇о ад̇хигааро аван̃жхо бхавад̇и сапалод̇и.
‘‘Aparampi, mahārāja, uttariṃ kāraṇaṃ suṇohi yena kāraṇena tathāgatassa parinibbutassa asādiyantasseva kato adhikāro avañjho bhavati saphalo. Sādiyanti nu kho, mahārāja, ime oṭṭhā goṇā gadrabhā ajā pasū manussā antokucchismiṃ kimikulānaṃ sambhava’’nti? ‘‘Na hi, bhante’’ti. ‘‘Kissa pana te, mahārāja, kimayo tesaṃ asādiyantānaṃ antokucchismiṃ sambhavitvā bahuputtanattā vepullataṃ pāpuṇantī’’ti? ‘‘Pāpassa, bhante, kammassa balavatāya asādiyantānaṃ yeva tesaṃ sattānaṃ antokucchismiṃ kimayo sambhavitvā bahuputtanattā vepullataṃ pāpuṇantī’’ti. ‘‘Evameva kho, mahārāja, tathāgatassa parinibbutassa asādiyantasseva dhātussa ca ñāṇārammaṇassa ca balavatāya tathāgate kato adhikāro avañjho bhavati saphaloti.
‘‘абарамби, махаарааж̇а, уд̇д̇арим̣ гааран̣ам̣ сун̣охи язна гааран̣зна д̇ат̇ааг̇ад̇асса бариниб̣б̣уд̇асса асаад̣̇ияанд̇ассзва гад̇о ад̇хигааро аван̃жхо бхавад̇и сапало. саад̣̇ияанд̇и ну ко, махаарааж̇а, имз мануссаа имз адтанавуд̇и рог̇аа гааяз ниб̣б̣ад̇д̇анд̇уу’’д̇и? ‘‘на хи, бханд̇з’’д̇и. ‘‘гисса бана д̇з, махаарааж̇а, рог̇аа асаад̣̇ияанд̇аанам̣ гааяз нибад̇анд̇ий’’д̇и? ‘‘буб̣б̣з гад̇зна, бханд̇з, д̣̇ужжарид̇знаа’’д̇и. ‘‘яад̣̇и, махаарааж̇а, буб̣б̣з гад̇ам̣ агусалам̣ ид̇ха взд̣̇анийяам̣ ход̇и, д̇зна хи, махаарааж̇а, буб̣б̣з гад̇амби ид̇ха гад̇амби гусалаагусалам̣ гаммам̣ аван̃жхам̣ бхавад̇и сапаланд̇и. иминааби, махаарааж̇а, гааран̣зна д̇ат̇ааг̇ад̇асса бариниб̣б̣уд̇асса асаад̣̇ияанд̇ассзва гад̇о ад̇хигааро аван̃жхо бхавад̇и сапалод̇и.
‘‘Aparampi, mahārāja, uttariṃ kāraṇaṃ suṇohi yena kāraṇena tathāgatassa parinibbutassa asādiyantasseva kato adhikāro avañjho bhavati saphalo. Sādiyanti nu kho, mahārāja, ime manussā ime aṭṭhanavuti rogā kāye nibbattantū’’ti? ‘‘Na hi, bhante’’ti. ‘‘Kissa pana te, mahārāja, rogā asādiyantānaṃ kāye nipatantī’’ti? ‘‘Pubbe katena, bhante, duccaritenā’’ti. ‘‘Yadi, mahārāja, pubbe kataṃ akusalaṃ idha vedanīyaṃ hoti, tena hi, mahārāja, pubbe katampi idha katampi kusalākusalaṃ kammaṃ avañjhaṃ bhavati saphalanti. Imināpi, mahārāja, kāraṇena tathāgatassa parinibbutassa asādiyantasseva kato adhikāro avañjho bhavati saphaloti.
‘‘суд̇абуб̣б̣ам̣ бана д̇аяаа, махаарааж̇а, нанд̣̇аго наама яагко т̇зрам̣ саарибуд̇д̇ам̣ аасаад̣̇аяид̇ваа бат̇авим̣ бавидто’’д̇и? ‘‘аама, бханд̇з, суяяад̇и, логз баагадо зсо’’д̇и. ‘‘аби ну ко, махаарааж̇а, т̇зро саарибуд̇д̇о саад̣̇ияи нанд̣̇агасса яагкасса махаабат̇авиг̇илана’’нд̇и 11. ‘‘уб̣б̣ад̇д̇ияанд̇зби, бханд̇з, сад̣̇звагз логз бад̇амаанзби чамааяам̣ жанд̣̇имасуурияз вигиранд̇зби синзрубаб̣б̣ад̇арааж̇з т̇зро саарибуд̇д̇о на барасса д̣̇угкам̣ саад̣̇иязяяа. д̇ам̣ гисса хзд̇у? язна хзд̇унаа т̇зро саарибуд̇д̇о гуж̇жхзяяа ваа д̣̇уссзяяа ваа, со хзд̇у т̇зрасса саарибуд̇д̇асса самуухад̇о самужчинно, хзд̇уно самуг̇гхаад̇ид̇ад̇д̇аа, бханд̇з, т̇зро саарибуд̇д̇о ж̇ийвид̇ахаарагзби гобам̣ на гарзяяаа’’д̇и. ‘‘яад̣̇и, махаарааж̇а , т̇зро саарибуд̇д̇о нанд̣̇агасса яагкасса бат̇авиг̇иланам̣ на саад̣̇ияи, гисса бана нанд̣̇аго яагко бат̇авим̣ бавидто’’д̇и? ‘‘агусаласса, бханд̇з, гаммасса б̣алавад̇ааяаа’’д̇и. ‘‘яад̣̇и, махаарааж̇а, агусаласса гаммасса б̣алавад̇ааяа нанд̣̇аго яагко бат̇авим̣ бавидто, асаад̣̇ияанд̇ассааби гад̇о абараад̇хо аван̃жхо бхавад̇и сапало. д̇зна хи, махаарааж̇а, агусалассаби гаммасса б̣алавад̇ааяа асаад̣̇ияанд̇асса гад̇о ад̇хигааро аван̃жхо бхавад̇и сапалод̇и. иминааби, махаарааж̇а, гааран̣зна д̇ат̇ааг̇ад̇асса бариниб̣б̣уд̇асса асаад̣̇ияанд̇ассзва гад̇о ад̇хигааро аван̃жхо бхавад̇и сапалод̇и.
‘‘Sutapubbaṃ pana tayā, mahārāja, nandako nāma yakkho theraṃ sāriputtaṃ āsādayitvā pathaviṃ paviṭṭho’’ti? ‘‘Āma, bhante, suyyati, loke pākaṭo eso’’ti. ‘‘Api nu kho, mahārāja, thero sāriputto sādiyi nandakassa yakkhassa mahāpathavigilana’’nti 12. ‘‘Ubbattiyantepi, bhante, sadevake loke patamānepi chamāyaṃ candimasūriye vikirantepi sinerupabbatarāje thero sāriputto na parassa dukkhaṃ sādiyeyya. Taṃ kissa hetu? Yena hetunā thero sāriputto kujjheyya vā dusseyya vā, so hetu therassa sāriputtassa samūhato samucchinno, hetuno samugghātitattā, bhante, thero sāriputto jīvitahārakepi kopaṃ na kareyyā’’ti. ‘‘Yadi, mahārāja , thero sāriputto nandakassa yakkhassa pathavigilanaṃ na sādiyi, kissa pana nandako yakkho pathaviṃ paviṭṭho’’ti? ‘‘Akusalassa, bhante, kammassa balavatāyā’’ti. ‘‘Yadi, mahārāja, akusalassa kammassa balavatāya nandako yakkho pathaviṃ paviṭṭho, asādiyantassāpi kato aparādho avañjho bhavati saphalo. Tena hi, mahārāja, akusalassapi kammassa balavatāya asādiyantassa kato adhikāro avañjho bhavati saphaloti. Imināpi, mahārāja, kāraṇena tathāgatassa parinibbutassa asādiyantasseva kato adhikāro avañjho bhavati saphaloti.
‘‘гад̇и ну ко д̇з, махаарааж̇а, мануссаа, яз зд̇арахи махаабат̇авим̣ бавидтаа, ад̇т̇и д̇з д̇ад̇т̇а саван̣а’’нд̇и? ‘‘аама, бханд̇з, суяяад̇ий’’д̇и. ‘‘ин̇гха д̇вам̣, махаарааж̇а, саавзхий’’д̇и? ‘‘жин̃жамаан̣авигаа, бханд̇з, суббаб̣уд̣̇д̇хо жа сагго, д̣̇звад̣̇ад̇д̇о жа т̇зро, нанд̣̇аго жа яагко, нанд̣̇о жа маан̣авагод̇и. суд̇амзд̇ам̣, бханд̇з, имз бан̃жа ж̇анаа махаабат̇авим̣ бавидтаа’’д̇и. ‘‘гисмим̣ д̇з, махаарааж̇а, абарад̣̇д̇хаа’’д̇и? ‘‘бхаг̇авад̇и жа, бханд̇з, саавагзсу жаа’’д̇и. ‘‘аби ну ко, махаарааж̇а , бхаг̇аваа ваа саавагаа ваа саад̣̇ияим̣су имзсам̣ махаабат̇авибависана’’нд̇и? ‘‘на хи бханд̇з’’д̇и. ‘‘д̇зна хи, махаарааж̇а, д̇ат̇ааг̇ад̇асса бариниб̣б̣уд̇асса асаад̣̇ияанд̇ассзва гад̇о ад̇хигааро аван̃жхо бхавад̇и сапало’’д̇и. ‘‘сувин̃н̃аабид̇о, бханд̇з нааг̇асзна, бан̃хо г̇амбхийро уд̇д̇аанийгад̇о, г̇уяхам̣ вид̣̇ам̣сид̇ам̣ , г̇ан̣ти бхинно, г̇аханам̣ аг̇аханам̣ гад̇ам̣, надтаа бараваад̣̇аа, бхаг̇г̇аа гуд̣̇идтий, ниббабхаа ж̇аад̇аа гуд̇ид̇т̇ияаа, д̇вам̣ г̇ан̣ийварабаварамаасаж̇ж̇аа’’д̇и.
‘‘Kati nu kho te, mahārāja, manussā, ye etarahi mahāpathaviṃ paviṭṭhā, atthi te tattha savaṇa’’nti? ‘‘Āma, bhante, suyyatī’’ti. ‘‘Iṅgha tvaṃ, mahārāja, sāvehī’’ti? ‘‘Ciñcamāṇavikā, bhante, suppabuddho ca sakko, devadatto ca thero, nandako ca yakkho, nando ca māṇavakoti. Sutametaṃ, bhante, ime pañca janā mahāpathaviṃ paviṭṭhā’’ti. ‘‘Kismiṃ te, mahārāja, aparaddhā’’ti? ‘‘Bhagavati ca, bhante, sāvakesu cā’’ti. ‘‘Api nu kho, mahārāja , bhagavā vā sāvakā vā sādiyiṃsu imesaṃ mahāpathavipavisana’’nti? ‘‘Na hi bhante’’ti. ‘‘Tena hi, mahārāja, tathāgatassa parinibbutassa asādiyantasseva kato adhikāro avañjho bhavati saphalo’’ti. ‘‘Suviññāpito, bhante nāgasena, pañho gambhīro uttānīkato, guyhaṃ vidaṃsitaṃ , gaṇṭhi bhinno, gahanaṃ agahanaṃ kataṃ, naṭṭhā paravādā, bhaggā kudiṭṭhī, nippabhā jātā kutitthiyā, tvaṃ gaṇīvarapavaramāsajjā’’ti.
гад̇аад̇хигаарасапалабан̃хо батамо.
Katādhikārasaphalapañho paṭhamo.
Footnotes:
