| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
8. කතමොදකතිස්‌සසුත්‌තං
8. Katamodakatissasuttaṃ
179. සාවත්‌ථිනිදානං. තෙන ඛො පන සමයෙන භගවා දිවාවිහාරගතො හොති පටිසල්‌ලීනො. අථ ඛො සුබ්‍රහ්‌මා ච පච්‌චෙකබ්‍රහ්‌මා සුද්‌ධාවාසො ච පච්‌චෙකබ්‍රහ්‌මා යෙන භගවා තෙනුපසඞ්‌කමිංසු; උපසඞ්‌කමිත්‌වා පච්‌චෙකං ද්‌වාරබාහං නිස්‌සාය අට්‌ඨංසු. අථ ඛො සුද්‌ධාවාසො පච්‌චෙකබ්‍රහ්‌මා කතමොදකතිස්‌සකං 1 භික්‌ඛුං ආරබ්‌භ භගවතො සන්‌තිකෙ ඉමං ගාථං අභාසි –
179. Sāvatthinidānaṃ. Tena kho pana samayena bhagavā divāvihāragato hoti paṭisallīno. Atha kho subrahmā ca paccekabrahmā suddhāvāso ca paccekabrahmā yena bhagavā tenupasaṅkamiṃsu; upasaṅkamitvā paccekaṃ dvārabāhaṃ nissāya aṭṭhaṃsu. Atha kho suddhāvāso paccekabrahmā katamodakatissakaṃ 2 bhikkhuṃ ārabbha bhagavato santike imaṃ gāthaṃ abhāsi –
‘‘අප්‌පමෙය්‍යං පමිනන්‌තො, කොධ විද්‌වා විකප්‌පයෙ;
‘‘Appameyyaṃ paminanto, kodha vidvā vikappaye;
අප්‌පමෙය්‍යං පමායිනං, නිවුතං තං මඤ්‌ඤෙ අකිස්‌සව’’න්‌ති.
Appameyyaṃ pamāyinaṃ, nivutaṃ taṃ maññe akissava’’nti.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 8. කතමොදකතිස්‌සසුත්‌තවණ්‌ණනා • 8. Katamodakatissasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 8. කතමොදකතිස්‌සසුත්‌තවණ්‌ණනා • 8. Katamodakatissasuttavaṇṇanā
