| Library / Tipiṭaka / திபிடக • Tipiṭaka / பரிவார-அட்ட²கதா² • Parivāra-aṭṭhakathā |
கதாபத்திவாராதி³வண்ணனா
Katāpattivārādivaṇṇanā
157. இதோ பரங் ‘‘மேது²னங் த⁴ம்மங் படிஸேவந்தோ கதி ஆபத்தியோ ஆபஜ்ஜதீ’’தி ஆதி³ப்பபே⁴தோ³ கதாபத்திவாரோ, ‘‘மேது²னங் த⁴ம்மங் படிஸேவந்தஸ்ஸ ஆபத்தியோ சதுன்னங் விபத்தீனங் கதி விபத்தியோ ப⁴ஜந்தீ’’தி ஆதி³ப்பபே⁴தோ³ விபத்திவாரோ, ‘‘மேது²னங் த⁴ம்மங் படிஸேவந்தஸ்ஸ ஆபத்தியோ ஸத்தன்னங் ஆபத்திக்க²ந்தா⁴னங் கதிஹி ஆபத்திக்க²ந்தே⁴ஹி ஸங்க³ஹிதா’’தி ஆதி³ப்பபே⁴தோ³ ஸங்க³ஹவாரோ, ‘‘மேது²னங் த⁴ம்மங் படிஸேவந்தஸ்ஸ ஆபத்தியோ ச²ன்னங் ஆபத்திஸமுட்டா²னானங் கதிஹி ஸமுட்டா²னேஹி ஸமுட்ட²ஹந்தீ’’தி ஆதி³ப்பபே⁴தோ³ ஸமுட்டா²னவாரோ, ‘‘மேது²னங் த⁴ம்மங் படிஸேவந்தஸ்ஸ ஆபத்தியோ சதுன்னங் அதி⁴கரணானங் கதமங் அதி⁴கரண’’ந்தி ஆதி³ப்பபே⁴தோ³ அதி⁴கரணவாரோ, ‘‘மேது²னங் த⁴ம்மங் படிஸேவந்தஸ்ஸ ஆபத்தியோ ஸத்தன்னங் ஸமதா²னங் கதிஹி ஸமதே²ஹி ஸம்மந்தீ’’தி ஆதி³ப்பபே⁴தோ³ ஸமத²வாரோ, தத³னந்தரோ ஸமுச்சயவாரோ சாதி இமே ஸத்த வாரா உத்தானத்தா² ஏவ.
157. Ito paraṃ ‘‘methunaṃ dhammaṃ paṭisevanto kati āpattiyo āpajjatī’’ti ādippabhedo katāpattivāro, ‘‘methunaṃ dhammaṃ paṭisevantassa āpattiyo catunnaṃ vipattīnaṃ kati vipattiyo bhajantī’’ti ādippabhedo vipattivāro, ‘‘methunaṃ dhammaṃ paṭisevantassa āpattiyo sattannaṃ āpattikkhandhānaṃ katihi āpattikkhandhehi saṅgahitā’’ti ādippabhedo saṅgahavāro, ‘‘methunaṃ dhammaṃ paṭisevantassa āpattiyo channaṃ āpattisamuṭṭhānānaṃ katihi samuṭṭhānehi samuṭṭhahantī’’ti ādippabhedo samuṭṭhānavāro, ‘‘methunaṃ dhammaṃ paṭisevantassa āpattiyo catunnaṃ adhikaraṇānaṃ katamaṃ adhikaraṇa’’nti ādippabhedo adhikaraṇavāro, ‘‘methunaṃ dhammaṃ paṭisevantassa āpattiyo sattannaṃ samathānaṃ katihi samathehi sammantī’’ti ādippabhedo samathavāro, tadanantaro samuccayavāro cāti ime satta vārā uttānatthā eva.
188. ததோ பரங் ‘‘மேது²னங் த⁴ம்மங் படிஸேவனபச்சயா பாராஜிகங் கத்த² பஞ்ஞத்த’’ந்திஆதி³னா நயேன புன பச்சயவஸேன ஏகோ பஞ்ஞத்திவாரோ, தஸ்ஸ வஸேன புரிமஸதி³ஸா ஏவ கதாபத்திவாராத³யோ ஸத்த வாராதி ஏவங் அபரேபி அட்ட² வாரா வுத்தா, தேபி உத்தானத்தா² ஏவ. இதி இமே அட்ட², புரிமா அட்டா²தி மஹாவிப⁴ங்கே³ ஸோளஸ வாரா த³ஸ்ஸிதா. ததோ பரங் தேனேவ நயேன பி⁴க்கு²னிவிப⁴ங்கே³பி ஸோளஸ வாரா ஆக³தாதி ஏவமிமே உப⁴தோவிப⁴ங்கே³ த்³வத்திங்ஸ வாரா பாளினயேனேவ வேதி³தப்³பா³. ந ஹெத்த² கிஞ்சி புப்³பே³ அவினிச்சி²தங் நாம அத்தி².
188. Tato paraṃ ‘‘methunaṃ dhammaṃ paṭisevanapaccayā pārājikaṃ kattha paññatta’’ntiādinā nayena puna paccayavasena eko paññattivāro, tassa vasena purimasadisā eva katāpattivārādayo satta vārāti evaṃ aparepi aṭṭha vārā vuttā, tepi uttānatthā eva. Iti ime aṭṭha, purimā aṭṭhāti mahāvibhaṅge soḷasa vārā dassitā. Tato paraṃ teneva nayena bhikkhunivibhaṅgepi soḷasa vārā āgatāti evamime ubhatovibhaṅge dvattiṃsa vārā pāḷinayeneva veditabbā. Na hettha kiñci pubbe avinicchitaṃ nāma atthi.
மஹாவிப⁴ங்கே³ ச பி⁴க்கு²னிவிப⁴ங்கே³ ச
Mahāvibhaṅge ca bhikkhunivibhaṅge ca
ஸோளஸமஹாவாரவண்ணனா நிட்டி²தா.
Soḷasamahāvāravaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பரிவாரபாளி • Parivārapāḷi
1. பாராஜிககண்ட³ங் • 1. Pārājikakaṇḍaṃ
1. பாராஜிககண்ட³ங் • 1. Pārājikakaṇḍaṃ
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / பஞ்ஞத்திவாரவண்ணனா • Paññattivāravaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / கதாபத்திவாராதி³வண்ணனா • Katāpattivārādivaṇṇanā
