| Library / Tipiṭaka / திபிடக • Tipiṭaka / வஜிரபு³த்³தி⁴-டீகா • Vajirabuddhi-ṭīkā |
கதாபத்திவாராதி³வண்ணனா
Katāpattivārādivaṇṇanā
166. கதாபத்திவாரே ‘‘ஸங்கி⁴கங் மஞ்சங் வா’’திஆதி³ அஜ்ஜோ²காஸத்தா விஹாரப்³ப⁴ந்தரேபி ஆபஜ்ஜனதோ லெட்³டு³பாதாதிக்கமவஸேன வுத்தங். து³தியே ஸெய்யங் ஸந்த²ரித்வாதி அப்³ப⁴ந்தரே ஸந்த²ரிதபா⁴வதோ விஹாரதோ ப³ஹிக³மனேபி தங்தி³வஸானாக³மே ஆபஜ்ஜனதோ ‘‘பரிக்கே²பங் அதிக்காமேதீ’’தி வுத்தங்.
166. Katāpattivāre ‘‘saṅghikaṃ mañcaṃ vā’’tiādi ajjhokāsattā vihārabbhantarepi āpajjanato leḍḍupātātikkamavasena vuttaṃ. Dutiye seyyaṃ santharitvāti abbhantare santharitabhāvato vihārato bahigamanepi taṃdivasānāgame āpajjanato ‘‘parikkhepaṃ atikkāmetī’’ti vuttaṃ.
171. ஸஞ்சிச்ச பாணங் ஜீவிதா வோரோபெந்தோ சதஸ்ஸோ ஆபத்தியோதி எத்த² கிஞ்சாபி தஸ்மிங் ஸிக்கா²பதே³ திரச்சா²னக³தபாணோவ அதி⁴ப்பேதோ, அத² கோ² பாணோதி வோஹாரஸாமஞ்ஞதோ அத்து²த்³தா⁴ரவஸேன ‘‘சதஸ்ஸோ’’தி வுத்தங். ஏஸ நயோ அஞ்ஞேஸுபி ஏவரூபேஸு டா²னேஸு.
171.Sañcicca pāṇaṃ jīvitā voropento catasso āpattiyoti ettha kiñcāpi tasmiṃ sikkhāpade tiracchānagatapāṇova adhippeto, atha kho pāṇoti vohārasāmaññato atthuddhāravasena ‘‘catasso’’ti vuttaṃ. Esa nayo aññesupi evarūpesu ṭhānesu.
173. விகாலே கா³மப்பவேஸனே ‘‘பட²மங் பாத³ங் பரிக்கே²பங் அதிக்காமேதி, ஆபத்தி து³க்கடஸ்ஸா’தி வுத்தத்தா உபசாரே நாபஜ்ஜதி, பரிக்கே²பங் அதிக்கமித்வாவ ஆபஜ்ஜதீதி ஸித்³த⁴மேவா’’தி வத³ந்தி.
173. Vikāle gāmappavesane ‘‘paṭhamaṃ pādaṃ parikkhepaṃ atikkāmeti, āpatti dukkaṭassā’ti vuttattā upacāre nāpajjati, parikkhepaṃ atikkamitvāva āpajjatīti siddhamevā’’ti vadanti.
193. பச்சயவாரே புரிமவாரதோ விஸேஸோ அத்தி²யேவ, ‘‘மேது²னங் த⁴ம்மங் படிஸேவந்தோ கதி ஆபத்தியோ ஆபஜ்ஜதீ’’தி வுத்தே ஜதுமட்ட²கஸ்ஸோகாஸோ ந ஜாதோ, இத⁴ பன ‘‘மேது²னங் த⁴ம்மங் படிஸேவனபச்சயா’’தி வுத்தே புக்³க³லனித்³தே³ஸாபா⁴வா ஜதுமட்ட²கஞ்ச பவிட்ட²ங், ஏவங் விஸேஸோ அத்தி². ததா² ஏவரூபேஸு டா²னேஸு.
193. Paccayavāre purimavārato viseso atthiyeva, ‘‘methunaṃ dhammaṃ paṭisevanto kati āpattiyo āpajjatī’’ti vutte jatumaṭṭhakassokāso na jāto, idha pana ‘‘methunaṃ dhammaṃ paṭisevanapaccayā’’ti vutte puggalaniddesābhāvā jatumaṭṭhakañca paviṭṭhaṃ, evaṃ viseso atthi. Tathā evarūpesu ṭhānesu.
மஹாவிப⁴ங்கே³ ச பி⁴க்கு²னிவிப⁴ங்கே³ ஸோளஸமஹாவாரவண்ணனா நிட்டி²தா.
Mahāvibhaṅge ca bhikkhunivibhaṅge soḷasamahāvāravaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பரிவாரபாளி • Parivārapāḷi
2. பூ⁴தகா³மவக்³கோ³ • 2. Bhūtagāmavaggo
7. ஸப்பாணகவக்³கோ³ • 7. Sappāṇakavaggo
9. ராஜவக்³கோ³ • 9. Rājavaggo
1. பாராஜிககண்ட³ங் • 1. Pārājikakaṇḍaṃ
