| Library / Tipiṭaka / তিপিটক • Tipiṭaka / ৰজিরবুদ্ধি-টীকা • Vajirabuddhi-ṭīkā |
কতাপত্তিৰারাদিৰণ্ণনা
Katāpattivārādivaṇṇanā
১৬৬. কতাপত্তিৰারে ‘‘সঙ্ঘিকং মঞ্চং ৰা’’তিআদি অজ্ঝোকাসত্তা ৰিহারব্ভন্তরেপি আপজ্জনতো লেড্ডুপাতাতিক্কমৰসেন ৰুত্তং। দুতিযে সেয্যং সন্থরিত্ৰাতি অব্ভন্তরে সন্থরিতভাৰতো ৰিহারতো বহিগমনেপি তংদিৰসানাগমে আপজ্জনতো ‘‘পরিক্খেপং অতিক্কামেতী’’তি ৰুত্তং।
166. Katāpattivāre ‘‘saṅghikaṃ mañcaṃ vā’’tiādi ajjhokāsattā vihārabbhantarepi āpajjanato leḍḍupātātikkamavasena vuttaṃ. Dutiye seyyaṃ santharitvāti abbhantare santharitabhāvato vihārato bahigamanepi taṃdivasānāgame āpajjanato ‘‘parikkhepaṃ atikkāmetī’’ti vuttaṃ.
১৭১. সঞ্চিচ্চ পাণং জীৰিতা ৰোরোপেন্তো চতস্সো আপত্তিযোতি এত্থ কিঞ্চাপি তস্মিং সিক্খাপদে তিরচ্ছানগতপাণোৰ অধিপ্পেতো, অথ খো পাণোতি ৰোহারসামঞ্ঞতো অত্থুদ্ধারৰসেন ‘‘চতস্সো’’তি ৰুত্তং। এস নযো অঞ্ঞেসুপি এৰরূপেসু ঠানেসু।
171.Sañcicca pāṇaṃ jīvitā voropento catasso āpattiyoti ettha kiñcāpi tasmiṃ sikkhāpade tiracchānagatapāṇova adhippeto, atha kho pāṇoti vohārasāmaññato atthuddhāravasena ‘‘catasso’’ti vuttaṃ. Esa nayo aññesupi evarūpesu ṭhānesu.
১৭৩. ৰিকালে গামপ্পৰেসনে ‘‘পঠমং পাদং পরিক্খেপং অতিক্কামেতি, আপত্তি দুক্কটস্সা’তি ৰুত্তত্তা উপচারে নাপজ্জতি, পরিক্খেপং অতিক্কমিত্ৰাৰ আপজ্জতীতি সিদ্ধমেৰা’’তি ৰদন্তি।
173. Vikāle gāmappavesane ‘‘paṭhamaṃ pādaṃ parikkhepaṃ atikkāmeti, āpatti dukkaṭassā’ti vuttattā upacāre nāpajjati, parikkhepaṃ atikkamitvāva āpajjatīti siddhamevā’’ti vadanti.
১৯৩. পচ্চযৰারে পুরিমৰারতো ৰিসেসো অত্থিযেৰ, ‘‘মেথুনং ধম্মং পটিসেৰন্তো কতি আপত্তিযো আপজ্জতী’’তি ৰুত্তে জতুমট্ঠকস্সোকাসো ন জাতো, ইধ পন ‘‘মেথুনং ধম্মং পটিসেৰনপচ্চযা’’তি ৰুত্তে পুগ্গলনিদ্দেসাভাৰা জতুমট্ঠকঞ্চ পৰিট্ঠং, এৰং ৰিসেসো অত্থি। তথা এৰরূপেসু ঠানেসু।
193. Paccayavāre purimavārato viseso atthiyeva, ‘‘methunaṃ dhammaṃ paṭisevanto kati āpattiyo āpajjatī’’ti vutte jatumaṭṭhakassokāso na jāto, idha pana ‘‘methunaṃ dhammaṃ paṭisevanapaccayā’’ti vutte puggalaniddesābhāvā jatumaṭṭhakañca paviṭṭhaṃ, evaṃ viseso atthi. Tathā evarūpesu ṭhānesu.
মহাৰিভঙ্গে চ ভিক্খুনিৰিভঙ্গে সোল়সমহাৰারৰণ্ণনা নিট্ঠিতা।
Mahāvibhaṅge ca bhikkhunivibhaṅge soḷasamahāvāravaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / পরিৰারপাল়ি • Parivārapāḷi
২. ভূতগামৰগ্গো • 2. Bhūtagāmavaggo
৭. সপ্পাণকৰগ্গো • 7. Sappāṇakavaggo
৯. রাজৰগ্গো • 9. Rājavaggo
১. পারাজিককণ্ডং • 1. Pārājikakaṇḍaṃ
